Tímarit lögfræðinga - 01.12.1988, Qupperneq 44

þriðja heimsins snerust öndverð við honum og þar við sat. Uppkast
þetta, TCM-samningurinn, lagði síðar grunninn að ICC-reglunum um
„combined" flutninga.
Eitt af verkefnum UNCTAD hefur verið að semja sáttmála um
„multimodal“ flutninga. Gerð hans varð að veruleika í Genf 1980 þeg-
ar samningur Sameinuðu þj óðanna um slíka flutninga var undirritaður,
Genfarsamningurinn. Honum er ætlað að taka til allra „multimodal“
flutninga milli tveggja landa, enda sé annað þeirra að minnsta kosti
aðili að samningnum.
Afar ólíklegt er talið að Genfarsamningurinn öðlist nokkurn tíma
gildi því að fram að þessu hafa aðeins 8 ríki lögfest hann en að
minnsta kosti 30 verða að gera það og engin teikn eru á lofti um að
þau séu á leiðinni.
2.1.3 Orðfæri og form sáttmálanna
2.1.3.1 Almennt
Það er skyldleiki milli ofangreindra sáttmála, að frátöldum Haag-
Visby reglunum að því er form og orðfæri snertir. CIM-samningurinn
varð að mörgu leyti í þeim efnum fyrirmynd bæði að Varsjár-Haag
samningnum og CMR-samningnum.
Eitt af markmiðunum með samningu Hamborgarreglnanna var að
samræma reglur sjóflutninga reglum annarra flutningsaðferða. Það
var því óhjákvæmilegt að þessir þrír samningar yrðu hafðir til hlið-
sjónar þegar Hamborgarreglurnar og síðar Genfarsamningurinn voru
samin.
2.1.3.2 Samanburður
Það sem helst einkennir alþjóðlegt löggjafarstarf er endalaus mála-
miðlun ólíkra sjónarmiða. Fyrir daga 3ja heims ríkjanna voru þátt-
takendur í þessari samvinnu færri og því færri sjónarmið sem þurfti
að sætta. Málamiðlun dregur vissulega úr að ákvæði sáttmála verði
markviss og leiðir oft á tíðum af sér erfið túlkunarvandamál.
Að því er varðar ofangreinda sáttmála á sviði flutningaréttar má til
sanns vegar færa að CIM, CMR og Varsjár-Haag samningarnir hafi
vafalausara orðalag en t.d. Hamborgarreglurnar eða Genfarsamningur-
inn. Því er þó við að bæta að eldri samningarnir hafa allt eins verið
gagnrýndir fyrir vafasamt og ónákvæmt orðalag og hafa orðið tilefni
erfiðrar túlkunar, einkum Haag-reglurnar sem seint verður lýst sem
meistaraverki í samningu sáttmála.
Eitt fyrsta ágreiningsefnið sem þarf að leysa þegar alþjóðasáttmáli
242