Búnaðarrit - 01.01.1937, Page 11
BÚNAÐARRIT
VII
búin að byrja að rísa upp á Suðurlandsundirlend-
inu. Búnaðarfélag Islands fékk hann þá til að ferð-
ast um meðal þeirra, og leiðbeina þeim i sínu byrj-
unarstarfi. í því ferðalagi var Halldór er ég' sá hann
i'yrst. Hann ráðlagði búunum margt, og hjálpaði í
ýmsu til þess að störf þeirra mættu bera árangur,
«n orð hafði Halldór á því, er ég hitti hann sumarið
1905 við rjómabúið i Hrunamannahrepp, að búin
myndu því aðeins þrílast og eiga framtíð fyrir sér að
þau gætu- starfað allt árið, og unnið vörur úr allri
mjólkinni. Reynslan hefir sýnt að Halldór hafði rétt
fyrir sér, þó að hinsvegar verði ekki dregið i efa, að
rjórnabúin hafa á sínum tíma gert ómetanlegt gagn, og
líklega verið nauðsynlegur liður í framþróun mjólkur-
iðnaðarins hér á landi.
1. sept. 1905 réðist Halldór sem kennari að Eiða-
skóla, en varð þá jafnframt starfsmaður Búnaðar-
sambands Austurlands sem þá var nýstofnað. Kennsl-
an varð honum strax hugleikin, og svo vinsæll varð
hann hjá nemendum sínum, að þegar hann fluttist.
að Hvanneyri vorið 1907, fylgdu allir nemendur yngri
deildar Eiðaskóla með honum og luku námi sinu á
Hvanneyri undir handleiðslu hans.
1905 voru bændaskólalögin samþykkt. Eftir þeim
áttu bændaskólarnir nú að verða tveir og reknir af
rikinu að öllu leyti. Áður höfðu þeir verið fjórir, og
reknir al' ömtunum. Jafnframt var fyrirkomulagi
skólanna breytt. Búin voru áður rekin af ömtunum
og skólastjórarnir bústjórar og kennslan bæði bókleg
og verkleg. Nú átti að aðskilja bóklegu og verklegu
kennsluna, sú bóklega að vera við skólann, en sú verk-
lega var hugsuð hjá bændum eða á skólabúinu ef svo
vildi verkast. Hólaskóla hafði fyrir atbeina Páls Briems
amtmanns verið breytt í þetta horf 1902, og það þá
gcfist vel að því er aðsókn snertir, og mun það hafa
ráðið mestu uin það að lögin náðu samþykki. Vorið