Búnaðarrit - 01.01.1937, Page 18
XIV
BÚNAÐARRIT
þær, er þeir voru með til umbóta, og þær voru rædd-
ar, og um þær skrifuð mörg bréf áður en þær kom-
ust í þann búning, er þær endanlega fengu. Mér er
það vel kunnugt, að hér voru tillögur Halldórs oft
teknar til greina að meira eða minna leyti, og á þann
hátt lagði hann sitt til málanna, og hafði mikil áhrif
á gang þeirra.
Nokkuð ritaði Halldór í blöð og tímarit, sérstaklega
Frey og Búnaðarritið. Merkastar eru greinar lians um
votheysgerð, og þó enn vanti mikið á að votheysgerð
sé orðin almenn, þá má fullyrða að mikið hefir hún
breiðst út vegna áhrifa frá Hvanneyri og ritgerða
Halldórs um málið.
Þá má benda á greinar eftir hann um mjólkurmál,
búfjárrækt, jarðrækt o. fl. Er í siunum þeirra gengið
inn á ný viðfangsefni og lagður skerfur til íslenzkra
búvísinda.
í skólaskýrslunum voru að jafnaði einhverjar fræð-
andi og hvetjandi ritgerðir, auk venjulegs skólaskýrslu-
efnis.
Búnaðarfélag íslands gaf út Fóðurfræði eftir Hall-
dór. Er það stór bók, sem í er mikill fróðleikur. Hún
er rituð með því hispursleysi sem einkenndi Halldór,
og framsetningu hans bæði í ræðu og riti, og hefir
náð mikilli útbreiðslu, og stutt að aukinni þekkingu
á fóðrun og meðferð búfjárins. Það var sú fræðigrein-
in sem hann kenndi og lagði mesta alúð við, enda má
fullyrða að hann í þeirri grein stóð flestum hér á landi
l'rainar að þekkingu, og að hann með kenslu sinni gerði
mjög mikið að því að l’æra þá þekkingu er til er nú á
þessu sviði út í það praktiska líf í fóðruninni. Það var
fyrst á Hvanneyri hér á landi, að farið var að gefa kúm
eftir því, sem þær mjólkuðu, og það er ekki að. efa, að
nemenduin Halldórs var Ijóst hve mikilvægt það var að
tengja hér saman vísindi og hið daglega líf.
Nokkrum sinnum mætti Halldór sem fulltrúi lands-