Búnaðarrit - 01.01.1937, Page 125
BUNAÐARRIT
105
vcl til túnræktar. Sömuleiðis hefir sömu grasfræblöndu
og seld var bæði árin, verið sáð hér i stöðinni og reynst
ágætlega.
Eins og sést á yfirlitinu, þá eru tegundirnar nokkuð
misjafnar hvað gróhraða og grómagn snertir. Vallar-
sveifgras grær t. d. miklu ver 1935 en 1934, en allar
hinar gróa betur síðara árið. Engin af þessum gras-
tegundum nær þó þeim gróhraða, sem gott erlent fræ
venjulega hefir, og stafar það eflaust af óliagstæðum
ræktunarskilyrðum og of lítilli þurrkun á fræinu. Fræ-
rannsóknirnar eru venjulega gerðar í febrúar, en þá er
fræið eklti eins þurrt og það verður á vorin þegar það
er selt. Ég hefi sáð fræi, sem hefir gróið mun ver en
margt af því fræi sem hér er sýnt, og fengið góðan ár-
angur og liggur það ekki í öðru en því, að það hefir
aukið við gróþrótt sinn við góða geymslu, frá þeim
tíma að rannsóknin var gerð og þangað til fræið var
notað að vorinu.
Hið sama get ég sagt um hafra, sem gróið hafa
illa við grómagnstilraunir, þeir hafa í mörgum tilfell-
um aukið við grómagnið frá því í jan. og þangað til
i maí. Stafar þetta af of miklu vatni í fræi og korni.
Við að þurrka fræ og korn aukalega, hefir venjan orð-
ið sú, að grómagnið hefir aukizt um 10—12% fyrir
grasfræ og 20—30% fyrir hafra. Virðast ekki vera
önnur ráð til að hækka grómagnið i'yrir grasfræ, en
að stöðin fái þurrkunaráhöld, svo unnt verði að fá það
með hærra grómagni en við útiþurrkun einvörðungu.
Þær tilraunir, sem nú er verið að gera með fræ-
rækt af hávingul, strandvingul og rýgresi virðast ætla
að gefa góðan árangur, og þakka ég það úrvali, sem ég
hel'i gert í þessum tegundum. Þessar tegundir þroska
l'remur gott fræ, þó þær nái ekki enn sem komið er,
eins miklum gróhraða og gott erlent fræ, en með hetri
þurrkun ætti sennilega að vera liægt að hækka gró-
hraðann. Fræ þeirra getur náð sama þunga og erlent fræ