Morgunn - 01.12.1937, Page 5

MORGUNN
131
Hátt upp í öld hafa fyrirbrigði sálarrannsóknanna
verið rannsökuð, ekki af trúgjörnum einfeldningum,
heldur af stórmennum af öllum flokkum á andans sviði,
vísindamönnum, skáldum, heimsspekingum, o. s. frv.,
svo niðurstöðurnar eru ekki vafasamar, svo framar-
lega sem mannlegri hugsun og viti er annars treystandi
til að komast að réttri niðurstöðu. Allir þessir andans
menn og undantekningarlítið allir, sem hafa rannsakað
vandlega — sumir hafa gjört það marga áratugi —
hafa komizt að sömu niðurstöðu, að framhaldslífið er
ekki framar veik og fálmandi von, heldur vissa, sönn-
uð með sambandi við þá, sem yfir eru komnir, sem hefir
komið og kemur fram með ýmsu móti, með ýmsum
fyrirbrigðum.
Fyrirbrigðunum hefir verið skift í 3 flokka*:
1. Dulvitund, þ. e. að fá vitneskju á annan hátt en
venjulega með skilningarvitum, svo sem skygni, dul-
heyrn, trancetal o. fl.
2. Fjarhreyfing, þ. e. flytja úr stað menn eða hluti í
fjarlægð og án þess að snerta þá.
3. Útfrymi, þ. e. efni, sem kemur út úr manni (miðlin-
um) og ummyndast (byggist upp) í ýmsar myndir
(líkamningar) svo sem klæðnað, blæju eða manns-
mynd (sem stundum eru þektir menn, sem komnir
eru yfir um).
Ég hef við samning þessa erindis ekki haft hjá mér
bókakost, sem nauðsyn er á til að vera viss um að skýra
rétt frá.
Ég hef því að mestu haft þá aðferð, að þýða lauslega
* Prófessor Charles Richet, heimsfrægur lífeðlisfræðingur og
Nobelsverðlaunamaður, hefir manna mest og bezt sannað fyrir-
brigðin, en vildi ekki kannast við, að þau sönnuðu framhaldslíf.
Skömmu fyrir andlát sitt ritaði hann þó vini sínum, prófessor
Ernesto Bozzano, að hann væri orðinn sannfærður.
9*