Morgunn - 01.12.1947, Síða 21

MORGUNN
99
var í höndum rannsóknarmannanna. Nú var búið að ganga
svo frá, að ómögulegt var, að miðillinn gæti komið nokkr-
um svikum við, þarna var hann algerlega innilokaður og
möskvarnir svo smárðinir á netinu, að óhugsandi var, að
í gegn um þá gæti hann komið nokkru fram í fundarsal-
inn til að blekkja með. Nú voru tjöldin svörtu dregin
fyrir byrgið og rauðu ljósin kveikt í fundarsalnum. Fund-
urinn hófst, og gleði andstæðinganna var ekki lítill, þeg-
ar fundinum lauk þannig, að þótt miðillinn hefði sofnað
höfðu engin fyrirbrigði gerst! Enn voru tveir fundir eftir
og allar hinar sömu varúðarráðstafanir voru gerðar. Þrátt
fyrir þær allar, komu fram á öðrum fundinum þrjár lík-
amaðar verur, hjúpaðar hinum miklu, drifhvítu slæðum,
og á þriðja og síðasta fundinum komu, undir sömu ströngu
rannsóknaskilyrðunum fram sjö slíkir óvæntir gestir!
Hvað hafði hér gerzt? Hvernig hafði þetta getað gerzt?
Þegar útfrymið streymir út af miðlinum er það hálffljót-
andi og í þeirri mynd hafði það vitanlega streymt í gegn
um hið þéttriðna net, og þar, á bak við byrgistjaldið, hafði
það tekið á sig fasta mynd og verurnar notað það til að
byggja sig upp úr því, og að því loknu gengu þær sigri
hrósandi fram fyrir hina undrandi rannsóknamenn.
Stjórn S.R.F.l. leit svo á, að þegar væri búið, bæði hér
á landi og annarsstaðar, að rannsaka hr. E. Nielsen svo
rækilega og staðfesta svo rækilega stórfelldan miðils-
hæfileika hans til líkamlegra fyrirbrigða, að vér ættum
þess ekki kost að gera það betur og þessvegna var þegar
eftir að hann kom gengið að því að halda fyrir gesti fundi
Þá, sem hann hafði gefið félaginu kost á að fá.
Tilhögun fundanna fyrir líkamningafyrirbrigði var æv-
inlega hin sama. Fundirnir voru allir í húsi félagsins að
Sólvallagötu 3, en miðillinn bjó hjá Jónasi Þorbergssyni
útvarpsstjóra, og fylgdu þau hjónin honum á alla fundina
°g sátu þá, og gerðu sér allt far um að láta honum líða
sem bezt, meðan hann dvaldist hér í bænum. Tjaldað var
fyrir eitt hornið í fundarherberginu með léttu, svörtu