Morgunblaðið - 01.04.2009, Blaðsíða 16
16 FréttirVIÐSKIPTI | ATVINNULÍF
MORGUNBLAÐIÐ MIÐVIKUDAGUR 1. APRÍL 2009
Þetta helst ...
● ÚRVALSVÍSITALAN í Kauphöllinni á
Íslandi hækkaði um 1,2% í gær, en
hlutabréfavísitölur hækkuðu víðast
hvar í kauphöllum heimsins. Lokagildi
úrvalsvísitölunnar var 639 stig.
Eins og undanfarna mánuði voru við-
skipti með hlutabréf í Kauphöllinni hér
á landi ekki mikil í gær, eða fyrir um
200 milljónir króna. Viðskipti með
skuldabréf námu hins vegar um 3,4
milljörðum. gretar@mbl.is
Hækkun í Kauphöllinni
● RAGNAR Zop-
honías Guð-
jónsson, forstjóri
Byrs sparisjóðs,
segir viðskipti sín
með stofnfjárhluti í
Byr eðlileg en í DV í
gær var sagt frá
því að Fjármálaeft-
irlitið hefði óskað
eftir gögnum varð-
andi viðskipti hans
og annarra stjórnenda með stofn-
fjárbréf í Byr í gegnum eignarhalds-
félagið Húnahorn. Að sögn Ragnars átti
Húnahorn 29,7 milljónir hluta í Byr og
fjármagnaði stofnfjáraukninguna hjá
MP banka árið 2007.
„Í október á síðasta ári fékk félagið
veðkall frá MP banka því trygging-
arþekjan fór niður fyrir þau mörk sem
koma fram í lánasamningi MP banka og
Húnahorns. Þeir vildu gjaldfella lánin
eða fá auknar tryggingar. Við vorum
ekki tilbúnir í slíkt. Þá vildu þeir taka
bréfin af okkur og láta þau ganga upp í
lánin, sem var gert,“ segir Ragnar.
Það sem FME rannsakar er hvernig
þau bréf sem MP gekk að enduðu í
eignarhaldsfélaginu Exeter Holding,
sem er eigu í Arkea ehf., en það félag er
í eigu Ágústs Sindra Karlssonar, lög-
manns og fyrrverandi starfsmanns MP
banka, sem á 62,3%, Arnþórs Ævars-
sonar sem á 2% og eignarhaldsfélags-
ins Hólshlíðar ehf. sem á 35,7%.
„Þegar bankar ganga að veðum
þurfa þeir að framselja þau og þá kem-
ur í ljós að MP framselur bréf Húna-
horns beint yfir á félagið Exeter Hold-
ing. Ég bað FME að skoða af hverju það
var gert með þeim hætti því félagið átti
ekki nein viðskipti við Exeter Holding,“
segir Ragnar. thorbjorn@mbl.is
FME rannsakar viðskipti
með stofnfjárhluti í Byr
Ragnar Zophonías
Guðjónsson
FRÉTTASKÝRING
Eftir Þórð Snæ Júlíusson
thordur@mbl.is
NOKKRIR hópar áhugasamra fjár-
festa hafa lýst yfir áhuga á að kaupa
tryggingafélagið Sjóvá af skilanefnd
Glitnis. Samkvæmt heimildum Morg-
unblaðsins er bæði um innlenda og
erlenda hópa að ræða.
Meðal þeirra erlendu aðila sem lýst
hafa yfir áhuga er færeyska trygg-
ingafélagið Føroyar, sem hefur frá
febrúarlokum verið að kanna mögu-
leikann á því að eignast íslenskt
tryggingafélag. Hinir áhugasömu
bjóðendur eru allir úr Evrópu, meðal
annars af Norðurlöndunum.
Verið er að taka saman upplýs-
ingar um félagið fyrir þá um þessar
mundir og hefur það staðið yfir í
rúma viku.
Salan mun þó líklegast ekki eiga
sér stað fyrr en eftir páska.
Um miðjan mars var gengið frá því
að allar íslenskar eignir Milestone,
sem áður átti Sjóvá, voru settar undir
Sjóvá. Um er að ræða eignir fjárfest-
ingarbankans Askar Capital og fjár-
málafyrirtækisins Avant. Yfirráð yfir
Sjóvá færðust síðan undir skilanefnd
Glitnis, en bankinn var stærsti lán-
ardrottinn Milestone.
Ef Sjóvá verður selt er ólíklegt að
allar þessar eignir fylgi með sam-
kvæmt heimildum Morgunblaðsins.
Mun líklegra er talið að trygginga-
reksturinn verði seldur ásamt Avant,
sem sérhæfir sig í bílalánum. Aðrar
eignir, svo sem fasteignasafn Askar
Capital, munu þá mögulega fara til
erlendra kröfuhafa Glitnis.
Í byrjun mars voru allar erlendar
eignir Milestone seldar á um 25 millj-
arða króna, en þær voru metnar á um
80 milljarða í september 2008. Um er
að ræða sænsk fjármálafyrirtæki og
tryggingafélög sem heyrðu undir
Moderna, dótturfélag Milestone.
Útlendir fjárfestingahópar
vilja kaupa Sjóvá af Glitni
Í HNOTSKURN
»Forsvarsmenn trygginga-félagsins Føroyar héldu
fréttamannafund hérlendis
hinn 10. mars og lýstu þar yfir
vilja til að kaupa íslenskt
tryggingafélag.
»Ef það væri ekki hægt ætl-aði félagið að stofna nýtt
tryggingafélag eða opna útibú
á Íslandi. Fríverslunarsamn-
ingur er í gildi milli landanna
tveggja.
»Færeyska trygginga-félagið þekkir vel til hjá
Sjóvá því félögin tvö áttu í
samstarfi fyrir tæpum áratug.
Þá fékk færeyska félagið kerfi
hjá Sjóvá til að hefja bílaútlán.
Morgunblaðið/ÞÖK
Sjóvá Líkur eru á því að félagið endi
í eigu erlendra aðila á næstu vikum.
AFKOMA Eimskips á fyrsta fjórð-
ungi yfirstandandi rekstrarárs, á
tímabilinu frá nóvember sl. til jan-
úar á þessu ári, var neikvæð um 40,2
milljónir evra. Það svarar til tæp-
lega 6,6 milljarða íslenskra króna á
núverandi gengi. Þetta er meira tap
en á sama tímabili í fyrra, en þá tap-
aði Eimskip 38,9 milljónum evra.
Gylfi Sigfússon, forstjóri Eim-
skipafélagsins, segir að rekstr-
arafkoma flutningastarfseminnar,
sem er Eimskip, sé í samræmi við
væntingar að undanskilinni afkomu
Containerships sem hafi verið lakari
en reiknað hafi verið með. Ársfjórð-
ungirnn hafi verið erfiður vegna
markaðsaðstæðna, en tekjur félags-
ins lækkuðu um 24% milli ára.
Heildarfjármagnskostnaður Eim-
skips var 23,7 milljónir evra á árs-
fjórðungnum og þar af var gengistap
6,0 milljónir evra. Eigið fé í lok
fjórðungsins var neikvætt um 174,5
milljónir evra, en skuldir námu
1.950,5 milljónum evra en eignir
1.776,0 milljónum. gretar@mbl.is
Tap Eim-
skips eykst
frá fyrra ári
BAKKAVÖR Group var rekið með
154,2 milljóna punda tapi á árinu
2008, sem svarar til um 27 milljarða
íslenskra króna á núverandi gengi.
Árið áður var hagnaður félagsins
47,4 milljónir punda.
Segir í tilkynningu frá Bakkavör
að fjármögnun rekstrarfélaga þess
sé að fullu tryggð næstu þjú árin,
en verulegur einskiptiskostnaður
hafi haft áhrif á hagnaðinn 2008.
Bakkavör tapar
27 milljörðum
Fjármögnun tryggð
næstu þrjú árin
ANNAR fjórðungur þessa árs mun einkennast af gengishagnaði á skulda-
bréfamarkaði, þar sem saman mun fara samdráttur í framboði og vaxta-
lækkanir. Þetta er mat IFS Greiningar og kemur fram í nýrri skýrslu fyr-
irtækisins, sem Snorri Jakobsson og Gunnar Bjarni Viðarsson tóku
saman.
Segir í skýrslunni að við fall bankanna í október á síðasta ári hafi mikið
fé farið inn á innstæðureikninga. Líklegt sé að háir vextir og öryggi hafi
freistað fjárfesta. Það háa vaxtastig sem nú sé á markaði sé hins vegar
ekki komið til að vera. „Ávöxtunarkrafa verðtryggðra skuldabréfa er
sögulega með allra hæsta móti þrátt fyrir fyrirsjáanlegar stýrivaxtalækk-
anir,“ segir í skýrslunni. „Lækkun vaxta mun ekki einungis hafa áhrif á
óverðtryggða vexti heldur á allt vaxtarófið. Fari stýrivextir í 5% eftir 12
mánuði verður verðtryggða krafan tæplega yfir 5% þar sem fyrirséð
verðhjöðnun mun líklega ekki vara lengi.“ Er því spáð í skýrslunni að
stýrivextir muni lækka hratt á næstunni og verða komnir í um 7,5%
seinnipart þessa árs og í 5% undir lok ársins.
IFS Greining telur að aukning í skuldabréfaútgáfu á næstunni muni
fyrst og fremst verða í óverðtryggðum bréfum og að skuldabréf sem ekki
hafi ríkisábyrgð muni eiga erfitt uppdráttar. Þá hefur fyrirtækið komist
að því, að fjárfestar hafi lagt meira fé inn á innstæðureikninga en að öllu
jöfnu, sem hafi komið niður á skuldabréfamarkaði. gretar@mbl.is
Tími skuldabréfanna runninn upp
Bankabókin Fjárfestar hafa lagt
meira inn á bankabækur en áður.
FRÉTTASKÝRING
Eftir Grétar Júníus Guðmundsson
gretar@mbl.is
AÐ undanförnu hefur verið að koma
fram hvaða lífeyrissjóðir ætla að
skerða réttindi sjóðfélaga sinna,
vegna þeirra áfalla sem orðið hafa á
fjármálamörkuðum að undanförnu.
Nokkrir lífeyrissjóðir þurfa ekki að
skerða réttindin, aðrir verða að gera
það og enn aðrir ætla að skerða þau,
þó svo að tryggingafræðileg staða
þeirra skyldi þá ekki til þess.
Um síðustu áramót tók gildi tíma-
bundin breyting á lögum um lífeyr-
issjóði, sem felur í sér að ekki er
nauðsynlegt að skerða réttindi úr
sjóðunum við neikvæða trygg-
ingafræðilega stöðu þeirra, ef hún er
innan við 15%. Áður var viðmiðið
10%. Samkvæmt bráðabirgðasam-
antekt Fjármálaeftirlitsins, sem birt
var nýlega, er tryggingafræðileg
staða lífeyrissjóðanna mjög misjöfn.
Fimm sjóðir eru með neikvæða
tryggingafræðilega stöðu yfir 15%,
og aðrir fimm sjóðir eru á bilinu 10-
15%. FME telur að þeir sjóðir sem
eru með neikvæða stöðu yfir 15%
þurfi væntanlega að skerða réttindi
sjóðfélaga sinna. Þetta eru Kjölur
lífeyrissjóður, Lífeyrissjóður verk-
fræðinga, Lífeyrissjóður Vestfirð-
inga, Lífeyrissjóðurinn Skjöldur og
Almenni lífeyrissjóðurinn.
Um 5% skerðing að jafnaði
Samkvæmt upplýsingum frá
Hrafni Magnússyni, fram-
kvæmdastjóra Landssamtaka lífeyr-
issjóða, ætla flestir þeirra sjóða sem
eru með neikvæða tryggingafræði-
lega stöðu á milli 10 og 15 prósenta
að skerða réttindin. Þetta eigi við
um Gildi, Sameinaða lífeyrissjóðinn
Almenna lífeyrissjóðinn og Stafi,
sem ætli að skerða réttindin um 10%
eða hátt í það.
„Þegar litið er til lífeyrissjóða-
kerfisins í heild, og þar með talið
Lífeyrissjóðs starfsmanna ríkisins,
má ætla að skerðingin verði að jafn-
aði í kringum 5%. Margir sjóðir hafa
hins vegar ákveðið 10% skerðingu,“
segir Hrafn.
Úr 200 þúsundum í 180 þúsund
Flestir þekkja eflaust þau yfirlits-
blöð sem lífeyrissjóðir senda sjóð-
félögum sínum reglulega, þar sem
fram koma væntanleg réttindi þegar
viðkomandi verður kominn á lífeyr-
isaldur. Þeir sem í dag vænta þess
að fá t.d. 200 þúsund krónur á mán-
uði í lífeyri eftir ákveðinn tíma verða
að gera ráð fyrir einungis 180 þús-
und krónum, miðað við núverandi
verðlag, ef réttindi verða skert um
10%. Það er algeng skerðing hjá
þeim sjóðum sem hafa tilkynnt slíkt.
Innan við helmingur lífeyrissjóða hefur ákveðið skerðingu
Algeng skerðing
réttinda um 10%
Morgunblaðið/Ómar
● FULLTRÚAR Samson hafa sent frá
sér athugasemd vegna frétta um mál-
efni þrotabús félagsins. Morgunblaðið
sagði frá því í gær að Samson hefði
meðal annars greitt fé til félagsins
Opal Global Invest sem skráð er á
Tortola-eyju. Í athugasemd Samson
kemur fram að frá því skýrsla skipta-
stjóra búsins var kynnt fyrir fimm vik-
um hafi fulltrúarnir átt í samskiptum
við þrotabússtjóra og honum hafi
meðal annars borist skýrsla frá endur-
skoðanda þar sem ljósi var varpað á
umrædd mál. Umræddar athugasemdir
þrotabússtjórans vörðuðu einungis við-
skiptalán Samson til tiltekinna félaga
vegna fjárfestinga þeirra og engum fjár-
munum hefði verið komið í skjól eða
felur. Nánar á mbl.is.
Samson flutti fjármuni
vegna fjárfestinga