Morgunblaðið - 01.04.2009, Blaðsíða 19

Kann réttu handtökin Guðmundur Benediktsson, yfirlæknir á heilsugæslu-
stöðinni á Hvolsvelli, prófar græjurnar í nýju stöðinni með aðstoð sjúkra-
þjálfaranna Hjördísar Brynjarsdóttur og Valeria Sicoli.
Morgunblaðið/Steinunn Ósk
Eftir Steinunni Ósk Kolbeinsdóttur
Rangárþing eystra | Það var ánægju-
leg stund fyrir íbúa í Rangárþingi
eystra þegar opnuð var formlega að-
staða fyrir sjúkraþjálfun við heilsu-
gæslustöðina á Hvolsvelli. Lengi
hefur verið mikil þörf fyrir þjónustu
sjúkraþjálfara í sveitarfélaginu og
margir hafa þurft að sækja slíka
þjónustu um langan veg.
Það var að frumkvæði starfsfólks
heilsugæslunnar á Hvolsvelli sem
ráðist var í að breyta hluta húsnæðis
heilsugæslunnar í sjúkraþjálf-
unarstöð og að leita til styrktaraðila
um að búa stöðina nauðsynlegum
búnaði. Rauða kross-deild Rang-
árvallasýslu lagði til eina og hálfa
milljón og dvalarheimilið Kirkju-
hvoll lagði til eina milljón af erfðafé
Jóns Ólafs Tómassonar frá Upp-
sölum. Við opnunina færði Magnús
Skúlason, forstjóri heilbrigðisstofn-
unar Suðurlands, fulltrúum þessari
aðila þakkarskjöl.
Aðstaðan hefur verið leigð út til
tveggja sjúkraþjálfara, þeirra Hjör-
dísar Brynjarsdóttur og Valeriu Si-
coli. Að sögn þeirra hefur verið full-
bókað frá því að stöðin tók til starfa
um miðjan janúar.
Sjúkraþjálfunarstöð
opnuð á Hvolsvelli
Í HNOTSKURN
»Starfrækt hefur veriðsjúkraþjálfunarstöð á
Hellu sem hefur ekki annað
eftirspurn og er löngu orði of
lítil.
»Hvatinn að því að ráðistvar í framkvæmdina var
að tveir sjúkraþjálfarar voru
komnir í sýsluna og tilbúnir að
taka verkefnið að sér.
Daglegt líf 19
MORGUNBLAÐIÐ MIÐVIKUDAGUR 1. APRÍL 2009
Magnús Skúlason sendir kveðju íVísnahornið: „Þegar ég frétti
lát öðlingsins Hákonar
Aðalsteinssonar kom þessi „óður til
stökunnar“ alveg óumbeðinn:
Þegar mér finnst lífið leitt
léttir stakan byrði.
Hún er blíð og hún er beitt,
hún er mikils virði.“
Sigurður Helgason á Keldum orti
eftir landsfund sjálfstæðismanna:
Gott er hjá sumum að vera í vist
verkin það ótvírætt sanna
léku sér að því að lífga við Krist
á landsfundi sjálfstæðismanna.
Hreinn Guðvarðarson orti um
stjórnmálaástandið vísu, sem finna
má í Skagfirskum skemmtiljóðum:
Jafnaðarstefnan er fum og fát
frjálshyggjan hreint út í bláinn.
Sósíalisminn er svo til mát
og samvinnuhugsjónin dáin.
Af stöku
og pólitík
VÍSNAHORN pebl@mbl.is
Eftir Önnu Vilhjálmsdóttur, Karitas
Kjartansdóttur, Óskar Stein Ómarsson
og Siwanart Ruangrith
Grunnskólanemendur erualmennt neikvæðir í garðheimanáms. Þetta segjaþær Hólmfríður Katrín
Kjartansdóttir og Lísbet Sigurðar-
dóttir sem eru í 8. bekk. Þær eru
hins vegar ekki sammála um hvort
heimanám sé gott eða slæmt. „Mér
finnst nóg að læra í skólanum og
óþarfi að læra heima hjá mér,“ segir
Hólmfríður. Lísbet segir hins vegar
margt jákvætt við heimanám. „Mér
finnst heimanám mikilvægt og
stuðla að sjálfstæðu námi einstak-
linga. Nemandi verður að þjálfa
sjálfan sig á sinn einstaklings-
bundna hátt.“
Katrín Jakobsdóttir menntamála-
ráðherra, Héðinn Pétursson, aðstoð-
arskólastjóri í Austurbæjarskóla, og
Hilmir Heiðar Lundevik, kennari í
Víðistaðaskóla, segja að stúlkurnar
hafi báðar eitthvað til síns máls. Þau
eru öll sammála um að það séu bæði
kostir og gallar við heimanám.
„Þetta hjálpar fólki að aga sig sjálft
og læra sjálft og vinna sjálfstætt,“
segir menntamálaráðherra. Héðinn
bendir sömuleiðis á að heimanám sé
mikilvægur undirbúningur fyrir
framhaldsnám.
Nemendur fá ekki
sömu hjálp heima fyrir
Katrín, Héðinn og Hilmir eru
einnig sammála um að nemendur fái
ekki allir sömu hjálp við heimanám
heima fyrir og það sé vissulega galli.
„Það búa ekki allir nemendur svo
vel að geta fengið leiðsögn heima við
og ef það gerist trekk í trekk, þá
geta þau misst áhugann á náminu,“
segir Hilmir sem finnst heimanám
vera of mikið: „Ég myndi persónu-
lega vilja sjá minna heimanám.“
Héðinn segist hins vegar almennt
meðmæltur heimanámi svo lengi
sem það sé eitthvað sem krakkarnir
ráði við. „Ég veit að margir hafa
mikið að gera eftir skóla, og það er
eitt sjónarmið. Það þarf hins vegar
hver manneskja að læra að skipu-
leggja tímann sinn og nýta allar
stundir eins vel og hægt er.“
Tilhögun heimanáms er mikið
rædd innan kennarasamfélagsins,
að sögn Hilmis. Héðinn er sammála
því. „Þetta er auðvitað rætt fram og
til baka,“ segir hann.
Katrín segir að þegar hún sat í
fræðsluráði Reykjavíkurborgar hafi
verið mikið rætt um fyrirkomulag
heimanáms. Það sé hins vegar ekki
á dagskrá menntamálaráðuneytis-
ins.
Heimanámstímar gagnlegir
Öll eru þau jákvæð í garð þess að
bjóða nemendum upp á tíma í lok
hvers dags til að klára heimanám.
Hilmir segir að það þyrfti samt að
vera valfrjálst eða að foreldrar skrái
börnin sín í slíka tíma. Héðinn bend-
ir á að það kosti hins vegar peninga.
Aðspurð segir Katrín það vera í
höndum sveitarfélaga að forgangs-
raða fjármunum til grunnskólanna,
ekki menntamálaráðuneytisins.
Heimanám bölvun eða blessun?
Ljósmynd/Óskar Steinn Ómarsson
Heimanám Héðinn Pétursson, aðstoðarskólastjóri í Austurbæjarskóla,
segir heimanám meira í dag en þegar hann var í grunnskóla.
 Tilhögun heimanáms mikið rædd
meðal kennara  Nemendur margir
neikvæðir en skoðanir þó skiptar
Höfundar eru þátttakendur
í fréttaritaranámskeiði UNICEF.
Flettu upp nafni
fermingarbarnsins
mbl.is
FERMINGAR
2009
NÝTT Á mbl.is
89.660kr.FRÁ
Marmaris
TYRKLAND – Forum Residence
á mann miðað við 2 með 2 börn í eina viku.
Brottför
5. júní
Verðdæmi miðað við 2 fullorðna: 97.611 kr. Innifalið: Flug, flugvallarskattar, íslensk fararstjórn og gisting. Verðmiðast við að bókað sé á netinu. Ef bókað er á skrifstofu eða símleiðis er bókunargjald 2.500 kr. fyrir hvern farþega.
Ferðaskrifstofa
Leyfishafi
Ferðamálastofu
Úrval-Útsýn – Lágmúla 4 – Sími 585 4000 – www.urvalutsyn.is