Freyr - 15.04.1999, Side 5

gresið reyndist hins vegar vera
með hæst þurrefni en repjan lægst
(tafla 1) þannig að þegar litið er á
átið í kg þurrefnis jafnar sá munur
sig út og þær eru að éta svipað
magn, óháð tegund! Gripimir em
að éta vel umfram það sem þeir
eru að gefa í afurðum en léttast
þrátt fyrir það. Þegar litið er á
holdafarsbreytingarnar sést hins
vegar að kýmar bæta við hold sín
í tilrauninni frá því sem þau voru
við upphaf hennar. Vambarfyllin
hefur trúlega mikil áhrif á þung-
ann og getur sveiflast þar sem um
mjög vatnsrikt fóður er að ræða.
Þurrefnisprósenta grænfóðurs-
ins sveiflaðist eftir veðurfarinu
(frá 7 og upp í rúm 20%). Grip-
irnir virtust, innan ákveðinna
marka, éta meira af grænfóðrinu
þegar það var blautara þannig að
dagsveiflumar urðu ekki miklar
miðað við kg þe. Grænfóðrið var
rúllað á velli og flutt heim í fjós
þar sem rúllan var tekin upp í fóð- j
urvagn sem skar rúlluna niður.
Við það bútaðist stöngullinn niður
og var ekki að sjá annað en hvoru
tveggja, stöngull og blað, væri
kúnum að skapi. Ekki var áber-
andi að einungis stöngulhlutinn
væri eftir í leifunum. Efnainni-
hald leifanna mældist ekki eins
orkuríkt og fóðrið sem gefið var
þannig að kýrnar ná að velja besta
hlutann úr skammtinum.
Eftir því sem leið á tímabilið
jókst uppskeran, einkum í kálteg-
undunum. Rýgresið sýnir ekki
eins sterka þróun í þá átt og er
sveiflukenndara. Þar má að ein-
hverju leyti kenna arfa um sem var
töluverður í stykkinu, skellur hér
og þar. Myndir 1-3 sýna upp-
skeru, át og próteininnihald græn-
fóðurgerðanna í upphafí tilraunar,
um miðbikið og á síðari hluta j
hennar.
Ætla má að uppskera káltegund-
anna sé ofmetin vegna aðferða
sem voru notaðar við uppskeru-
matið. Þó var reynt að leiðrétta
fyrir því eins og unnt var. Um
miðbik tilraunarinnar sem er þá í
kringum 20. sept. er átið í hámarki
hjá kúnum og fer síðan niður á
við, mishratt eftir tegundum. Má
þar að einhverju leyti kenna
þroskastiginu um; uppskeran
eykst töluvert á þessum tíma og
próteinið fellur. Þó heldur blaða-
og stöngulhlutfallið sér svipað
eftir að blaðhlutfallið minnkaði
frá því sem var upphaflega. Kýrn-
ar geta jafnvel verið leiðar á
grænfóðrinu enda sýndu þær ekki
eins mikla áfergju í það þegar líða
tók á eins og fyrst.
Samkvæmt niðurstöðum til-
raunarinnar fékkst ekki munur á
......Uppsk. kg/ha
------Át kg/dag
------Prótein%
skrið
5% skrið
Mynd 1. Vaxtarferill rýgresis og át kúnna. Meðaltalsuppskera 3320 kg þe/ha.
Meðalát 50,1 kg/dag (6,56 kg/þe).
Mynd 2. Vaxtarferill fóðurmergskáls og át kúnna. Meðaltalsuppskera 6645 kg
þe/ha. Meðalát 52,0 kg/dag (6,97 kg/þe).
Mynd 3. Vaxtarferill vetrarrepju og át kúnna. Meðaltalsuppskera 6878 kg
þe/ha. Meðalát 57,7 kg/dag (6,81 kg/þe).
FREYR 4/99 - 5