blaðið - 05.09.2007, Blaðsíða 14

MIÐVIKUDAGUR 5. SEPTEMBER 2007
blaöiö
LÍFSSTÍLLNEYTENDUR
neytendur@bladid.net
7Við teljum að þetta sé engan veginn
í samræmi við sannarlegan kostnað
heldur sé þarna um að ræða tekjuöflun og
það teljum við engan veginn við hæfi.
Ræktun
berjarunna
Guðmundur Vernharðsson garð-
plöntufræðingur fjallar í máli og
myndum um ræktun á berja-
runnum, berjaplöntum ásamt
aldintrjáarækt á fræðslufundi á
vegum Garðyrkjufélags íslands á
morgun, fimmtudag.
Guðmundur á og rekur Gróðra-
stöðina Mörk í Stjörnugróf ásamt
eiginkonu sinni Sigríði H. Sigurð-
ardóttur. Guðmundur útskrifað-
ist sem garðyrkjufræðingur frá
Garðyrkjuskóla ríkisins árið 1980
og hefur starfað nánast óslitið í
Gróðrastöðinni Mörk frá útskrift.
Allir fræðslufundir Garðyrkjufé-
lagsins eru haldnir í sal Orku-
veitu Reykjavíkur að Bæjarhálsi 1
og hefjast kl. 20.
Aðgangseyrir er 500 kr. fyrir
félaga og maka þeirra en 800 kr.
fyrir gesti.
Nánari upplýsingar um fræðslu-
fundina má nálgast á vef félags-
ins, gardurinn.is.
Frístundakort
í notkun
Frístundakortið var innleitt í
Reykjavík þann 1. september. Öll
börn á aldrinum 6-18 ára (miðað
við fæðingarár) með lögheimili
í Reykjavík eiga rétt á styrk til
þátttöku í íþrótta-, lista- og
æskulýðsstarfsemi.
Markmið kortsins er að veita
öllum reykvískum ungmennum
tækifæri til að taka þátt í upp-
byggilegu frístundastarfi óháð
efnahag eða félagslegum að-
stæðum. Með kortinu má greiða
að hluta til eða að öllu leyti fyrir
slíkt starf á vegum félaga og sam-
taka sem starfa í Reykjavík og
nágrannasveitarfélögum.
Lista yfir félögin og frekari upp-
lýsingar má nálgast á vef íþrótta-
og tómstundaráðs borgarinnar,
itr.is.
Senn kemst hver sem er á frímerki
Persónuleg frímerki í bígerö
Það er gjarnan talið til marks
um að maður hafi náð Iangt í líf-
inu þegar andlit manns prýðir frí-
merki. Yfirleitt hefur aðeins merk-
ismönnum svo sem listamönnum,
skáldum og stjórnmálaskörungum
hlotnast sú upphefð en nú er þess
hugsanlega ekki langt að bíða að
Jón og Gunna fái einnig ásjónu sína
þrykkta á snepilinn víðförla.
Póst- og fjarskiptastofnun hefur
heimilað Islandspósti að gefa út
persónuleg frímerki sem þýðir að
fyrirtækið getur gefið fólki og fyrir-
tækjum kost á að setja eigin mynd
eða jafnvel mynd úr myndabanka á
frímerki.
Ekki liggur fyrir hvenær slík
frímerki líta dagsins ljós að sögn
Ágústu Hrundar Steinarsdóttur, for-
stöðumanns markaðs- og kynning-
ardeildar Islandspósts.
„Þessi tilkynning kemur frá Póst-
og fjarskiptastofnun og er í raun
eins konar viljayfirlýsing um að
þetta sé samþykkt. Nú er bara að
fara að vinna á fullu í því að fá hug-
búnað og þróa þessa ákveðnu vöru,“
segir hún og er vongóð um að frí-
merkjunum verði vel tekið.
„Ég efast ekki um að þetta verður
vinsælt þegar þetta verður í boði.
Þetta getur verið skemmtileg til-
breyting til dæmis fyrir jól, brúð-
kaup, fermingar eða önnur tilefni,“
segir hún.
Ekki er ljóst hvað persónuleg frí-
merki myndu kosta en Ágústa telur
ólíklegt að þau verði miklu dýrari
en venjuleg frímerki enda þýddi
lítið að bjóða upp á þessa þjónustu
ef svo væri.
íslandspóstur býður viðskipta-
vinum sínum nú þegar upp á per-
sónuleg kort og er ekki ólíklegt að
frímerkjaþjónustan verði byggð
upp á svipaðan hátt. „Við erum með
kortavef þar sem við bjóðum upp
á að fólk geti búið til sín eigin jóla-
kort eða boðskort fyrir hvaða tilefni
sem er. Við sjáum svo um að prenta,
pakka og senda. Það eina sem þú
arft að gera er í tölvunni,“ segir
gústa.
Frímerki með karakter Islandspóstur
hefur fengið leyfi til að gefa út persónuleg
frímerki líkt og tíðkast víða erlendis.
Draga má úr kostnaði vegna seðilgjalda
Spara verulega fjármuni
Hægt er að draga úr
útgjöldum vegna seðil-
gjalda með því að greiða
reikninga á rafrænan
hátt. Bankar rukka neyt-
endur engu að síður um
gjald þó að viðskiptin
séu rafræn. Skipuð hefur
verið nefnd til að fara
í saumana á gjaldtöku
bankanna.
Eftir Einar Jónsson
einar.jonsson@bladid.net
Kostnaður vegna seðilgjalda sem
neytendur þurfa að greiða með
heimsendum reikningum getur
numið umtalsverðum fjárhæðum á
ári hverju, jafnvel tugum þúsunda
hjá sumum fjölskyldum. Hægt er
að lækka þennan kostnað með því
að nýta sér heimabanka að mati Jó-
hannesar Gunnarssonar, formanns
Neytendasamtakanna. Engu að
síður þarf fólk að greiða gjöld af
reikningum fjármálastofnanaþó að
viðskipti séu rafræn. „Ef við tökum
seðilgjöld bankanna til að mynda
fer gjaldið eftir því hvort maður
fær seðil sendan heim og greiðir
sjálfur. Þá er hæsta gjaldið um 450
krónur. Ef maður lætur síðan skuld-
ÚTTEKT Á GJALDTÖKU
►
Starfshópur viðskiptaráð-
herra á meðal annars að
kanna gjaldtöku fjármála-
fyrirtækja fyrir þjónustu í
starfsemi sinni og rafrænna
greiðslukerfa svo sem
vegna debet-og kreditkorta-
færslna.
►
Starfshópurinn á sérstak-
lega að huga að ýmsum
gjöldum sem fjármálafyrir-
tæki krefjast fyrir þjónustu
sína og forsendur þeirra,
svo sem greiðslum er neyt-
endur fara yfir á reikningum
(fit-kostnaði), seðilgjöldum,
innheimtukostnaði og kostn-
aði við greiðslukort.
►
Hann á jafnframt að meta
hvort ástæða sé til að lög-
festa frekari reglur um notk-
un rafrænna greiðslukerfa.
►
Starfshópnum er ætiað
að skila viðskiptaráðherra
skýrslu, og eftir atvikum
drögum að lagafrum-
varpi, fyrir 1. janúar 2008.
Pappírslaus viðskipti Með þvl aö
greiða reikninga í gegnum Netið losnar
fólk ekki aðeins við biðraðir heldur getur
það einnig losnað við óþarfa útgjöld.
Blaðlö/Brynjar Gauti
færa lækkar gjaldið um helming. Ef
maður biðst undan því að fá seðil
sendan heim lækkar það niður í rétt
rúmar 100 krónur,“ segir Jóhannes.
Hann bendir jafnframt á að seð-
ilgjöld hjá öðrum fyrirtækjum en
fjármálafyrirtækjum séu mishá eða
allt frá um 200 krónum upp í 500
krónur.
Rafræn viðskipti borga sig
„Það er hægt að biðjast undan
því að fá seðla senda heim en það
krefst þess að viðkomandi sé með
heimabanka til að fylgjast með. Það
er hægt að spara verulega fjármuni
á því að vera bara í rafrænum við-
skiptum við viðkomandi fyrirtæki,"
segir Jóhannes og tekur dæmi af
símafyrirtækjunum. „Þau bjóða
upp á að maður fái engan seðil
en maður fær lykilorð og getur í
gegnum það skoðað reikningana
sína. Þeir sem vilja koma sér undan
seðilgjöldunum hafa ákveðnar
leiðir en þá er grundvallaratriði að
viðkomandi hafi heimabanka til að
geta fylgst með,“ segir Jóhannes og
bendir á að hægt sé að spara umtals-
verða peninga með þessu móti.
„Það fer eftir því hversu mörg lán
viðkomandi heimili er með. Þetta
er breytilegt frá einu heimili til ann-
ars en það er ljóst að þarna er hægt
að spara verulegar upphæðir,“ segir
hann.
Á að vera innnifalið
Mörgum þykir það skjóta skökku
við að fyrirtæki innheimti seðil-
gjald þegar viðskipti eru rafræn líkt
og í tilfelli bankanna. „Ég spurðist
einu sinni fyrir um af hverju það
þyrfti að greiða þetta gjald þó
maður væri með allt rafrænt og
fengi ekki seðil sendan. Ástæðan
sem ég fékk var að þetta væri gjald
sem viðkomandi fjármálafyrir-
tæki þyrfti að greiða Reiknistofu
bankanna," segir Jóhannes. „Ég
minni hins vegar á að bankar og
sparisjóðir settu í sameiningu á
laggirnar Reiknistofu bankanna
til að halda kostnaði i lágmarki og
ég lít svo á að gjöld sem fjármála-
fyrirtæki þurfa að greiða Reikni-
stofunni ættu í raun að vera einn
af kostnaðarliðum viðkomandi fjár-
málafyrirtækis og að neytandinn
ætti ekki að þurfa að borga neitt.
Þetta er bara hluti af því að halda
utan um þá þjónustu sem verið er
að selja,“ segir Jóhannes.
Verður tekist á
Nýlega skipaði viðskiptaráð-
herra nefnd til að fara í saumana á
seðilgjöldum og annarri gjaldtöku
fjármálafyrirtækja. Jóhannes segir
að það sé mikið fagnaðarefni að
skoða eigi þessi mál. „Við teljum að
þetta sé engan veginn í samræmi
við sannarlegan kostnað heldur sé
þarna um að ræða tekjuöflun og
það teljum við engan veginn við
hæfi,“ segir hann og er vongóður
um að starf nefndarinnar skili
árangri.
„Þarna eru að sjálfsögðu ýmsir
hagsmunaaðilar með fulltrúa, þar
á meðal Samtök fjármálafyrirtækja
og reyndar Neytendasamtökin líka,
þannig að það verður tekist á. Það
er ljóst,“ segir Jóhannes Gunnars-
son, formaður Neytendasamtak-
anna, að lokum.