Dagblaðið Vísir - DV - 18.06.2007, Qupperneq 14

Markið:
MÁNudagur 18. JÚNÍ 200714 Sport DV
Íslenska kvennalandsliðið í
knattaspyrnu vann einn sinn
merkasta sigur þegar liðið lagði
sterkt lið Frakka á Laugardals-
velli í undankeppni EM. Þóra B.
Helgadóttir markvörður átti
stjörnuleik og var fremst meðal
jafningja.
FRÁBÆR VINNUSIGUR
Íslenska kvennalandsliðið í knattspyrnu lagði
eitt sterkasta landslið heims nú um stundir, lið
Frakklands, með einu marki gegn engu á laug-
ardaginn. Sjálfsmark Frakka tryggði íslenska
liðinu sigur þó alveg sé hægt að dæma mark-
ið Margréti Láru Viðarsdóttur. Íslenska liðið
lagði upp með þéttan varnarleik enda var það
vitað að Frakkarnir væru með betra lið. Áætl-
unin gekk upp og þróaðist leikurinn alveg eins
og Sigurður Ragnar Eyjólfsson landsliðsþjálfari
vildi.
Franska liðið var meira með boltann en ís-
lenska liðið lá til baka og beitti skyndisóknum.
Gestirnir ætluðu sér að hafa lítið fyrir hlutun-
um og vinna litla Ísland auðveldlega. Það gekk
lítið hjá þeim að opna vörn íslenska liðsins og
brugðust Frakkarnir þannig við að reyna lang-
skot sem Þóra B. Helgadóttir markvörður þurfti
lítið að hafa áhyggjur af. Franska liðið lék með
vindinn í bakið í fyrri hálfleik og útskýrir það
kannski þessi bjartsýnisköst þeirra. Fyrri hálf-
leikur var markalaus en Frakkarnir fengu betri
færi.
Síðari hálfleikur þróaðist líkt og sá fyrri,
Frakkarnir voru meira með boltann en munur-
inn nú var að nú fengu þær góð færi. Þar hittu
þær fyrir Þóru í banastuði og varði hún allt sem
á ramman kom. Hún sýndi og sannaði í þess-
um leik að hún stendur bestu markvörðum
heims jafnfætis, varði hvað eftir annað meist-
aralega úr góðum færum franska liðsins.
Mark eða sjálfsmark
Þegar um tíu mínútur voru til leiksloka
gerðist svo hið óvænta. Dóra María Lárusdótt-
ir, sem kom inná sem varamaður, fékk boltann
á hægri kantinum, lék aðeins nær markinu,
sendi boltann fyrir þar sem markamaskín-
an Margrét Lára Viðarsdóttir kom aðvífandi,
skallaði boltanum í markmann Frakka þaðan
sem hann að lokum rúllaði hægt en örugglega
yfir marklínuna. Ekki fallegasta mark sem skor-
að hefur verið í knattspyrnu en það skiptir ekki
nokkru máli.
Þær Dóra og Margrét hafa leikið þennan
leik oft og mörgum sinnum með Valsliðinu og
skilaði samvinna þeirra markinu. Markið verð-
ur væntanlega skráð sem sjálfsmark en þjóð-
arstoltsins vegna skráir DV markið á Margréti
Láru, hennar 27. landsliðsmark.
Fögnuður stelpnanna og áhorfenda var að
vonum mikill en 1667 áhorfendur mættu á völl-
inn og studdu við bakið á stelpunum. Óskandi
hefði verið að fleiri hefðu mætt en þeir sem sáu
sér ekki fært að koma í Laugardalinn á laug-
ardag fá annað tækifæri á fimmtudag. Þá fær
íslenska liðið það serbneska í heimsókn og er
leikurinn klukkan 21:15. Íslenska liðið er með
fullt hús stiga eftir tvo leiki og hefur ekki fengið
á sig mark.
Allt liðið á hrós skilið fyrir þennan leik, frá
Þóru í markinu að Margréti í framlínunni. Lagt
var upp með varnarleik og varðist liðið allt sem
ein heild og gáfu stelpurnar allt sitt í leikinn.
Sigurinn var frábær og vonandi upphafið að
einhverju stórkostlegu hjá þessu liði.
Gerir allt þess virði
Dóra Stefánsdóttir miðjumaður Malmö og
íslenska liðsins átti erfitt með mál eftir leik-
inn, slík var gleðin. „Þetta er geðveik tilfinning,
þetta er snilld. Svei mér þá, ég kann ekki heljar-
stökk en ég hefði getað tekið eitt þannig þegar
hún flautaði leikinn af.
Þetta gerir allt þess virði get ég sagt þér. All-
ar æfingarnar og allt saman. En það sýnir sig
líka að ef maður trúir því sem maður er að gera
þá er allt hægt. Fyrri hálfleikurinn var ágætur
en svo áttum við þungan kafla í seinni hálf-
leik, kannski 20-25 mínútur þar sem þær voru
sterkari og áttu held ég fimm horn í röð. En svo
náðum við að taka okkur saman í andlitinu og
við trúðum því allan tíman að þetta væri hægt.
Þetta var aðferðin sem við ætluðum að beita,
við erum með þvílíkt góða framherja þannig að
þetta tókst í dag,“ sagði Dóra glöð í bragði.
Alltaf hægt að treysta Þóru
Ásthildur Helgadóttir fyrirliði vann vel allan
leikinn. Barðist vel, lagði sig fram og hvatti stelp-
urnar áfram líkt og sönnum fyrirliða sæmir.
„Við höfðum trú á að við gætum þetta all-
an tíman, þannig að þetta kom okkur ekkert á
óvart. En leikurinn þróaðist alveg eins og við
vildum og bara frábært að geta spilað svona
agaðan varnarleik og síðan nýtt okkar séns. Við
sköpuðum okkur ekki marga sénsa en nógu
marga til að skora mark og það var frábært.“
Ásthildur sagði að upphaf síðari hálfleiks hafi
verið erfitt.
„Mjög erfiður kafli í upphafi síðari hálfleiks
en síðan náum við að komast í gegnum hann
og Þóra varði nokkrum sinnum mjög vel og
hélt okkur þar með inní leiknum. Síðan náum
við einhvern veginn að komast aftur inní leik-
inn.
Við höfum það oft spilað svona agað-
an varnarleik og það er alltaf hægt að treysta
Þóru,“ sagði fyrirliðinn að lokum.
Gefur fótboltanum gildi
Besti leikmaður Íslands, Þóra B. Helgadóttir,
var að vonum sátt við sína frammistöðu en
hrósaði vörninni.
„Þetta var meiriháttar gaman, þetta gef-
ur fóboltanum gildi. Við fórum inní leikinn
þannig að þær kæmu á okkur og en við mynd-
um sækja hratt. Það gekk alveg eins og sett var
upp. Það var nóg að gera, en þeirra færi voru
ekki mjög opin. Vörnin náði að spila þetta
þannig að allt sem þær fengu var viðráðanlegt
fyrir mig sem er meiriháttar.
Við lögðum ekki upp með að spila fallegan
fótbolta en lögðum upp með að spila þessa ís-
lensku vörn og skyndisókn og það gekk alveg
samkvæmt plani.“
Áttu að vera betri en við
Guðrún Sóley Gunnarsdóttir varnartröll
Íslands stjórnaði varnarleiknum af miklum
myndarskap. Hún þakkaði stuðninginn sem
landsliðið fékk en hefði viljað sjá fleiri á vell-
inum.
„Við héldum alveg stöðum allan leikinn og
það hjálpaði okkur. Í fyrri hálfleik fannst mér
við alveg jafn góðar og þær, þær lágu á okkur
í seinni hálfleik, þar náðu þær að spila í gegn-
um okkur. En þar sem við héldum þá náðu þær
ekki að komast alla leið. Þær eru ofar en við á
styrkleikalistanum og áttu að vera betri en við
en þetta var æðisleg. Þetta var takmarkið og
það er þvílíkt sætt að hafa náð þessu,“ sagði
Guðrún.
Lögðum upp með góða taktík
Sigurður Ragnar Eyjólfsson landsliðsþjálf-
ari var að vonum sáttur enda lagði hann upp
með góða taktík sem gekk upp.
„Við lögðum upp með þéttan varnarleik og
við leystum það vel af hendi fannst mér. Þær
fengu samt tvö til þrjú góð færi en þá var Þóra
vel á tánum í markinu og átti mjög góðan leik.
Síðan ætluðum við að sækja hratt fram og það
tókst í nokkur skipti. Við fengum tvö til þrjú
ágætis færi og svo skoraði Margrét af miklu
harðfylgi og gerði það virkilega vel. Það er frá-
bært og stórkostlegt að vinna sjöundu bestu
þjóð í heimi hér á Laugardalsvelli.
Við vissum að franska liðið væri gríðarlega
sterkt og þær eru með tæknilega góða leikmenn
sem spila vel á milli sín eins og við sáum. Við
reyndum að þrengja svæðin sem þær höfðu til
að spila inní og falla aftarlega á völlinn með lið-
ið. Það var taktíkin sem við lögðum upp með.
Frönsku leikmennirnir eru betri að spila bolt-
anum sín á milli en við lögðum upp með góða
taktík í leiknum og sýndum mikla baráttu. Við
vissum að við myndum fá alltaf færi, við erum
með tvo frábæra framherja og það kom á dag-
inn að við fengum færi og skoruðum.
Við fengum góðan stuðning í þessum leik
og ég vona að áhorfendur komi og styðji við
bakið á okkur á fimmtudaginn. Þó að leikurinn
sé seint um kvöld þá er fínt að skreppa aðeins
út og fá sér frískt loft.“
Benedikt BóAs Hinkrisson
blaðamaður skrifar: benni@dv.is
Fyrirliðinn drjúgur
Ásthildur Helgadóttir
lék vel og lagði sig
alla í verkefnið.
Mikil gleði
Markaskorarinn
Margrét Lára og
dóra Stefáns-
dóttir voru að
vonum sáttar í
leikslok.
Mark eða sjálfsmark, um það er deilt Íþróttadeild dV ætlar að skrá Margréti Láru Viðarsdóttur fyrir marki Íslands á laugardaginn.
Markið sem hún skoraði var ekki það fallegasta á hennar ferli en mikilvægt var það. Ísland er með fullt hús stiga eftir tvo leiki.