Morgunblaðið - 11.03.2013, Qupperneq 6

6 FRÉTTIRInnlent
MORGUNBLAÐIÐ MÁNUDAGUR 11. MARS 2013
Morgunblaðið gefur þann
14. mars út glæsilegt
sérblað um HönnunarMars
–– Meira fyrir lesendur
PÖNTUNARFRESTUR
AUGLÝSINGA:
fyrir kl. 16,
föstudaginn
8. mars.
NÁNARI
UPPLÝSINGAR
GEFUR:
Katrín Theódórsdóttir
Sími: 569 1105
kata@mbl.is
Hátíðin verður haldin
víðs vegar um Reykjavík
þar sem saman koma
íslenskir hönnuðir og
sýna fjölbreytt úrval
nýrrar íslenskrar hönn-
unar og arkitektúrs af
margvíslegu tagi.
HönnunarMars
DesignMarch
Reykjavík .– . .
Frumvarp efnahags- og viðskipta-
nefndar um gjaldeyrismál var lagt
fram á Alþingi á laugardag og var
orðið að lögum innan við klukkustund
síðar. Kveða lögin á um að gjaldeyr-
ishöft verða ótímabundin og um sam-
ráðsferli í tengslum við stærri und-
anþágur frá höftunum. Þverpólitísk
sátt var um málið á Alþingi.
Nefndin ákvað einróma á fundi sín-
um á laugardagsmorgun að flytja
frumvarpið samdægurs, í framhald-
inu var það kynnt þingflokkum og
samþykkt á þingi.
Athygli vekur hve óumdeilt frum-
varpið var og hve vel gekk að ganga
frá því enda er um gífurlega hags-
muni að ræða. „Ég vona að þetta end-
urspegli það að allir stjórn-
málaflokkar á Alþingi geri sér grein
fyrir því að þetta er eitt stærsta ein-
staka hagsmunamál íslensku þjóð-
arinnar. Ég held að það endurspegl-
ist í því samráði og samstöðu sem var
á þinginu í gær,“ segir Eygló Harð-
ardóttir, þingmaður Framsókn-
arflokksins og nefndarmaður í efna-
hags- og viðskiptanefnd.
„Ég vona svo sannarlega að þetta
sýni það að allir stjórnamálaflokkar
ætli að setja hagsmuni íslensku þjóð-
arinnar í fyrsta sæti, og við höfum
lært af þeim átökum sem hafa verið á
kjörtímabilinu m.a. í tengslum við
Icesave, hversu mikilvægt er að við
stöndum saman og gætum hagsmuna
okkar. Ég held að við gerum okkur öll
grein fyrir því hvað þetta skiptir
miklu máli,“ segir Eygló.
Þverpóli-
tísk sátt
um lög
Eining Sátt var um málið í nefnd.
 Gjaldeyrishöft
ótímabundin
Morgunblaðið/Eggert
BAKSVIÐ
Heimir Snær Guðmundsson
heimirs@mbl.is
Aðeins þrír starfsdagar eru eftir af
starfsáætlun þingsins. Fjöldi stjórn-
arfrumvarpa hleypur á tugum auk
fjölda stjórnartillagna. Þar á meðal
eru stór og umfangsmikil mál eins og
frumvarp um almannatryggingar,
frumvarp um stjórn fiskveiða, frum-
vörp um uppbyggingu á Bakka,
LÍN-frumvarpið og frumvarp um
stofnun opinbers hlutafélags um
byggingu ný Landspítala. Þá má
ekki gleyma að enn er óljóst um lykt-
ir stjórnarskrármálsins.
Við upphaf þingfundar í dag verð-
ur vantrauststillaga Þórs Saari á rík-
isstjórnina tekin fyrir á Alþingi.
Fulltrúar ríkisstjórnarflokkanna
vilja lítið tjá sig um hvaða mál verða
sett á oddinn í vikunni. Fulltrúar
stjórnarandstöðu segja að með hlið-
sjón af starfsáætlun þingsins sé ljóst
að mörg stór mál verða ekki afgreidd
á þessu þingi.
Gefur ekkert upp
Katrín Jakobsdóttir, formaður
VG, á von á því að framhald mála
skýrist í dag. Formenn stjórnar-
flokkanna ætli að hittast og fara yfir
málin eftir afgreiðslu vantrauststil-
lögunnar. Hún vill ekkert segja til
um hvaða mál hún leggur mesta
áherslu á að klára en ítrekar að enn
sé hægt að klára mörg þeirra stóru
mála sem liggi fyrir. Ekkert mál hafi
verið slegið út af borðinu. Katrín
segir að þingflokksformönnum
stjórnarandstöðunnar hafi verið
kynntur frumlisti af málum fyrir
helgi og áfram verði fundað nú í
byrjun vikunnar. Aðspurð hvort til
greina komi að óska eftir fjölgun
starfsdaga segir Katrín það koma til
greina. „Annað eins hefur nú gerst.
Mér fyndist ekki hundrað í hættunni
þó að nokkrir dagar bættust við
þinghaldið,“ sagði Katrín.
Illugi Gunnarsson, þingflokksfor-
maður Sjálfstæðisflokksins, segir að
sá málalisti sem hann hafi séð frá
meirihlutanum sé mjög langur. Á
listanum séu mál sem allir viti að
muni ekki fara í gegn. Á sama tíma
hangi stjórnarskrármálið í lausu
lofti. Illugi segir að meirihlutinn
verði að átta sig á því ekki sé mögu-
leiki að þrýsta stórum og umdeildum
málum í gegn á svo fáum dögum. Ill-
ugi nefnir sem dæmi frumvarp um
stjórn fiskveiða.
Illugi segir klárt að samstaða
muni nást um einhver mál. Hann
segist halda að nokkuð góð samstaða
sé um frumvörp er varða uppbygg-
ingu vegna kísilvers á Bakka á Húsa-
vík. Gunnar Bragi Sveinsson, for-
maður þingflokks Framsóknar-
flokksins, segist vona að hægt verði
að klára frumvörp um uppbyggingu
á Bakka.
Fjöldi umfangsmikilla mála
bíður afgreiðslu þingsins
 Óljóst um forgangsröðum  Stór mál þurfa að bíða að mati stjórnarandstöðu
Morgunblaðið/Kristinn
Þingið Óvíst er með afdrif fjölda stórra og umdeildra mála sem bíða afgreiðslu þingsins sem skv. áætlun lýkur á
föstudag. Aðeins þrír starfsdagar eru eftir en á miðvikudag eru eldhúsdagsumræður og á föstudag er þingi frestað.
28 ára gamall Íslendingur búsettur í
Svíþjóð, Davíð Örn Bjarnason, var
handtekinn á flugvelli í Antalia í
Tyrklandi á föstudaginn, sakaður
um tilraun til fornmunasmygls. Dav-
íð keypti marmarastein á markaði og
fannst hann í ferðatösku hans við
gegnumlýsingu á flugvelli. Hann
verður leiddur fyrir dómara í dag og
sagði eiginkona hans, Þóra Birgis-
dóttir, í samtali við blaðamann
Morgunblaðsins í gær, að hann gæti
átt yfir höfði sér þriggja til tíu ára
langan fangelsisdóm eða 24 milljóna
króna sekt, verði hann sakfelldur.
„Ég er eiginlega bara dofin og veit
ekki almennilega hvernig mér líður.
Þetta er eins og úr bíómynd og mað-
ur hélt að svona lagað gæti ekki hent
mann,“ sagði Þóra.
Ræðismaður Íslands
Davíð til aðstoðar
Samkvæmt upplýsingum frá ís-
lenska utanríkisráðuneytinu er verið
að aðstoða Davíð við að komast í
samband við ákæruvaldið ytra og
eiga samskipti við það. Ræðismaður
Íslands í Tyrklandi veitir Davíð að-
stoð en hann er lögmaður. Engar
frekari upplýsingar var að fá í gær
um stöðu málsins eða bakgrunn.
Þóra sagði í samtali við blaðamann
Morgunblaðsins í gær að ferðaskrif-
stofan sem seldi þeim ferðina til
Tyrklands hefði ekkert gert til að að-
stoða þau. Tyrkneskur leiðsögumað-
ur á vegum hennar hefði þvert á móti
öskrað á þau þegar þau voru stödd á
lögreglustöð og sagt að þau hefðu átt
að kynna sér reglurnar sem giltu í
landinu. „Hann var bara með kjaft
og leiðindi og svo fór hann bara.
Hann hjálpaði okkur ekki neitt. Ég
veit ekkert hvernig fangelsin eru
þarna úti og þessi óvissa skemmir
mann,“ sagði Þóra. Þau hefðu keypt
steininn á markaði þegar þau voru í
skoðunarferð um byggðir Rómverja
og ekki grunað að þau mættu ekki
flytja hann úr landi.
Þóra og Davíð Ræðismaður Íslands hefur komið Davíð til aðstoðar.
„Hélt að svona lagað
gæti ekki hent mann“
 Íslendingur handtekinn á flugvelli í Tyrklandi, sakaður
um fornmunasmygl  Keypti marmarastein á markaði
Vantrauststillaga Þórs Saari á rík-
isstjórnina verður á dagskrá Al-
þingis í dag, kl. 10.30. Ólíklegt
þykir að tillagan verði samþykkt
en þingmenn Bjartrar framtíðar
segjast ekki styðja tillöguna.
Gunnar Bragi Sveinsson, for-
maður þingflokks Framsókn-
arflokksins, á ekki von á að van-
trauststillagan verði samþykkt.
Hann segir að framsóknarmenn
hafi fengið lista með fjölmörgum
málum frá ríkisstjórninni. Mörg
málanna sé algerlega óraunhæft
að klára. „Þetta lítur þannig út að
meirihlutinn átti sig ekki á því
hvaða mál hann vilji klára,“ segir
Gunnar Bragi.
Hann segir að mörg þau mál
sem liggi fyrir séu algerlega
órædd og þarfnist mikillar yfirlegu
nefnda. „Það er algerlega óraun-
hæft að klára eitthvað af þessum
stærstu málum. Menn hljóta að
einblína á mál sem ekki er mikill
ágreiningur um. Það er ljóst að
það er þá ekki stjórn fiskveiða eða
eitthvað slíkt,“ segir Gunnar sem
hugnast ekki að fjölga starfs-
dögum þingsins.
Óraunhæfur listi mála
Á EKKI VON Á AÐ VANTRAUST VERÐI SAMÞYKKT