Fréttablaðið - 07.12.2013, Qupperneq 62

7. desember 2013 LAUGARDAGUR| HELGIN | 62
Fyndnast þegar
fólk dettur
á rassinn
Kjartan
Guðmundsson
kjartan@frettabladid.is
Yfirheyrslan Óttar M. Norðfjörð rithöfundur
Það voru margir hissa yfir ákvörðun bandaríska leikstjórans
Spike Lee að endurgera suður-kóreska meistaraverkið Oldboy.
Myndin kom út árið 2003 og var hluti af hefndarþríleik Park
Chan-wook. Hún vann til verðlauna á Cannes og sjokkeraði fólk
víða um heim fyrir gróft ofbeldi og senu þar sem aðalleikarinn
leggur sér lifandi kolkrabba til munns.
Spike Lee er hins vegar ekki þekktastur fyrir gróft ofbeldi
eða dýraníð. Hans bestu myndir, Do the Right Thing, Malcolm X
eða Mo‘ Better Blues, voru tímamótaverk – leikstýrt af svert-
ingja, með svarta leikara í helstu hlutverkum og fjölluðu um
menningu og sögu svarts fólks í Bandaríkjunum. Reyndar hefur
Spike Lee aldrei fyrirgefið Óskarsakademíunni fyrir að „snið-
ganga sig“ árið 1989 þegar Driving Miss Daisy vann Óskarinn
en Do the Right Thing var ekki tilnefnd sem besta mynd þrátt
yfir að hafa verið talin ein besta mynd þess árs.
Nýja Oldboy-myndin hefur fengið misjafna dóma. Hún skartar
Josh Brolin í aðalhlutverki sem þykir standa sig ágætlega. Suð-
ur-kóreska útgáfan var skemmtilega „skrýtin“ en endurgerðin
nær víst ekki að fanga anda fyrri myndarinnar. Enda hefur hún
gjörsamlega „floppað“ í miðasölu. Framleiðendur áttu erfitt með
að markaðssetja myndina, hún var sýnd í fáum sölum og halaði
á endanum aðeins 1,2 milljónir Bandaríkjadollara í aðgangseyri.
Myndin kostaði um 30 milljónir dollara í framleiðslu og því ljóst
að einhverjir fjárfestar sitja eftir með sárt ennið.
Gengi Oldboy setur spurningamerki við tilgang þess að end-
urgera annars frábærar myndir. Stundum virkar það, eins og
þegar Martin Scorsese endurgerði Infernal Affairs sem The
Departed, en yfirleitt er endurgerðin aðeins skuggi af uppruna-
legu myndinni og bætir litlu við.
Ég hvet lesendur til að kynna sér hefndarþríleik Park Chan-
wook. Þrátt fyrir að Oldboy hafi notið mestra vinsælda eru hinar
tvær myndirnar, Lady Vengeance og Sympathy for Mr. Veng-
eance, engu síðri. Allar fjalla þær um hefndina í margvíslegu
formi. Kannski mætti lýsa þeim sem asískum útgáfum af Íslend-
ingasögunum þar sem heiðurinn er framar öllu. Að minnsta
kosti eru þær ekki fyrir viðkvæmar sálir. Símon Birgisson
Fallandi gengi
Spike Lee
Spike Lee ákvað að endurgera suður-kóreska
meistaraverkið Oldboy. Myndin hefur fengið
slæma gagnrýni og hræðilega aðsókn.
SPIKE LEE Frægðarsól hans er á hraðri niðurleið í Hollywood og Oldboy er
enn eitt vindhöggið.
Frítt app fyrir þá sem vilja búa til teikningar og listaverk.
App vikunnar er teikniforritið Paper. Teikniforritið er ókeypis og er
frá bandaríska fyrirtækinu 53 Studios. Appið, sem er um eins og hálfs
árs, er eingöngu fáanlegt fyrir iPad og þykir einkar skemmtilegt og
þægilegt í notkun. Forritið er kjörið til að halda utan um hugmyndir,
hvort sem það eru teikningar, útlínur, litir eða bara hvað sem er.
Paper er skemmtileg viðbót og það er einfalt að teikna flottar
myndir í því. Hægt er að velja um mismunandi bursta og penna en
sumir þeirra kosta aukalega. Maður býr til skissu- eða teiknibækur og
getur skreytt þær að utan. Í hverja bók er svo hægt að teikna að vild og
halda skipulega utan um listaverkin. Það er mikill kostur að þurfa ekki
að dröslast með allar skissu- og teiknibækurnar með sér út um allt, nú
er hægt að hafa allt í iPadinum.
Mikið úrval er af litum, til dæmis er hægt að fá vatnsliti. Hægt er að
sækja appið á AppStore og er það frítt. Paper virkar eingöngu fyrir iPad.
Paper
APP VIKUNAR
Skýringar App fyrir Apple-tæki
8 Hvað gerirðu þegar allir aðrir eru sofnaðir? Ef ég er ekki sofandi sjálfur ligg ég
líklega andvaka og bölva því
að vera ekki sofandi.
1 Hvað halda margir um þig sem er alls ekki rétt? Ég hef heyrt að fólk haldi að ég
sé leiðinlegur. Það er alls ekki
rétt. Ég er mjög skemmtilegur.
2 Hvað kæmi fólki sem kynntist þér mest á óvart? Að ég horfi á róman-tískar gamanmyndir og fótbolta.
Fólki finnst það yfirleitt mjög skrítið
en ég veit ekki hvers vegna.3 Hvað kemur út á þér tárunum? Krúttleg dýr, en ég myndi náttúru-
lega aldrei viðurkenna
það opinberlega.
9 Hvaða frægu persónu ertu skotinn í? Jennifer Connelly, Penélope Cruz,
Monicu Bellucci. Og auð-
vitað Ryan Gosling.
4 Hvað gerir þig reiðan? Mér finnst leiðinlegt að vera reiður, þess vegna
reyni ég að verða ekki
reiður, en uppsagnirnar
hjá RÚV gera mig reiðan.
5 Hvað er fyndnast í heimi? Fólk að detta á rassinn.
6 Hvað fer mest í taugarnar á þér? Einfaldir hlutir sem verða einhverra hluta vegna flóknir.
7 Hvert er fallegasta hljóð sem þú hefur heyrt? Ég bý
mikið á Spáni og þá
fer maður sífellt að
meta þögnina meira.
10 Ef þú mættir taka eina bók, eina plötu og eina bíómynd með þér á eyðieyjuna, hvað yrði fyrir valinu? How to Survive on a Deserted Island eftir Tim
O’Shei, smáskífuna Always Look on the Bright Side of
Life og The Great Escape með Steve McQueen.
11 Hver er fyrsta minningin þín? Þegar ég missti disk með brennandi heitum hafragraut yfir magann á mér.
12 Hvað verðurðu að gera eftir fimm ár? Ég verð vonandi ennþá í 100% vinnu sem listamaður. Það er
að minnsta kosti draumurinn.
13 Hvað myndirðu gera við milljón borðtenniskúlur? Fylla tóma sundlaug og synda í þeim.
14 Hver var æskuhetjan þín? Þær voru nokkrar en tengdust allar íþróttum, eins og Michael Jordan,
Ian Rush og Þorgrímur Þráinsson.
15 Skapar fegurðin hamingj-una? Já, og öfugt. Þess vegna er hamingjusamt fólk fallegt og
fallegt fólk er fallegt vegna þess
að það er hamingjusamt.