Læknablaðið - 15.01.2000, Qupperneq 54

UMRÆÐA & FRÉTTIR / SIÐANEFND
álitsgerðir þær sem lagðar voru fyrir héraðsdóm
og framburð sérfræðinganna fyrir héraðsdómi hafi
verið með þeim hætti að ineiðandi sé eða orðaval
farið út fyrir þau mörk, sem eðilegt er að setja um-
ræðu þar sem gagnrýndar eru niðurstöður ann-
arra.
Loks er það úrlausnarefni hvort þau ummæli í
skýrslu læknisins að kærandi væri ekki haldin heil-
kenninu áfallastreitu feli í sér brot á siðareglum
lækna með því að þar komi fram greining sem
styðjist ekki við skoðun á kæranda né heldur hafi
samþykkis hennar verið aflað fyrir því. Þess ber
sérstaklega að gæta hér að í inngangi skýrslu
Högna Oskarssonar og í bréfi verjanda ákærða til
hans kemur fram að viðfangsefnið var að meta
hvort sú ályktun yrði dregin af skýrslu og fram-
burði sálfræðings að kærandi væri haldin tilteknu
heilkenni. Telur Siðanefnd að ljóst sé af skýrslu
læknisins að hann er þar að fjalla um skoðun ann-
arra á kæranda og að hann dregur ályktanir af því
sem aðrir hafa sagt eins og óskað var eftir við
hann. Umfjöllun að þessu leyti verður ekki jafnað
til vottorðsgjafar sem gerð sé í óþökk sjúklings og
án hans samþykkis. Hér er um að ræða mat á
skýrslu sérfræðings og framburð hans fyrir dómi
um tiltekið atriði sem snertir sérfræðisvið læknis-
ins. Gilda hér sömu sjónarmið og að framan er lýst
þegar tekin er afstaða til þess hvort lækninum var
heimilt að gera skýrsluna.
í áðurnefndri greinargerð, sem fylgir bréfi Sifj-
ar Konráðsdóttur hdl. frá 1. desember sl. eru
margháttaðar athugasemdir gerðar við skýrslu
læknisins. Um þau atriði vísast til þess sem fyrr
segir að Siðanefnd telur að álitamál af því tagi eigi
ekki undir hana og verður ekki frekað fjallað um
það á vettvangi nefndarinnar.
Úrskurðarorð
Högni Óskarsson, læknir, gerðist ekki brotlegur við
siðareglur lækna í tengslum við gerð ofangreindrar
skýrslu.
Allan V. Magnússon
ÁsGEIR B. ELLERTSSON
Rgnólfur Pálsson
Árshátíð Læknafélags Reykjavíkur Árshátíð Læknafélags Reykjavíkur verður haldin laugardaginn 22. janúar á Broadway Hótel íslandi. Hátíðin hefst kl. 19:00 með fordrykk. Borðhaldið hefst stundvíslega kl. 19:45. Árshátíðin er einkasam- kvæmi lækna. Að sjálfsögðu eru læknar frá öðrum svæðafélögum og unglæknar velkomnir. í tilefni af 90 ára afmæli félagsins og aldamót- anna er ætlunin að halda sérstaklega vandaða hátíð.
Veislustjórar eru læknarnir Þórdís Guðmundsdóttir og Samúel J. Samúelsson
Vönduð skemmtidagskrá
Hljómsveitin Stjórnin ásamt söngkonunni Siggu Beinteins leikur fyrir dansi.
Matseðill: Laxarós á skelfiskbeði.
Heilsteiktur lambahryggvöðvi með gratíneruðum jarðeplum og púrtvínsbættri skógarsveppasósu.
Grand-Marnier ístoppur með súkkulaðifrauð og karamellubráð.
|£5| Hægt er að leita tilboða um gistingu á Hótel íslandi í síma 568 8999.
Miðaverð er 7.500 (6.500 fyrir unglækna) og verða miðar seldir í miðasölu Broadway frá. 10. janúar. Miðasalan er opin virka daga frá kl. 11.00 til 18.30.
48 Læknablaðið 2000/86
j