Breiðholtsblaðið - 01.04.2008, Qupperneq 5

5BreiðholtsblaðiðAPRÍL 2008
um að leggja áherslun á að vinna
með fólkinu sjálfu. Þetta á að
verða grasrótarstarf en er í sjálfu
sér nokkuð óskrifað blað enn sem
komið er. Við ætlum okkur að
finna út hvað íbúarnir vilja sjálf-
ir gera og þróa þetta í samráði
við fólkið á svæðinu.” Einar segir
að ef Reykjavík er skoðuð eftir
hverfum eða póstnúmerum þá sé
fjölmennasta fjölmenningarsam-
félagið í Miðborginni, í 101-um og
einnig sé mjög fjölmennt samfélag
nýbúa á Kjalarnesi. Síðan komi
Breiðholtið og þá einkum Fella-
hverfið þar sem fólk af erlendum
uppruna hafi verið að festa sér
eignir að undanförnu. Sérstaða
Kjalarnessins að þessu sé tilkom-
in af því að fyrirtæki, sem hafi
ráðið fólk af erlendi bergi til vinnu
hafi skaffað húsnæði þar. Ástæð-
ur þess að nýbúar hafi fest kaup á
fasteignum í Fellahverfinu byggist
meira á lögmálinu um framboð
og eftirspurn á fasteignamarkaði.
“Íbúðaverð hefur verið ívið lægra
þar en í öðrum hverfum Reykja-
víkur og þetta fólk hugsar stund-
um öðruvísi en okkur er tamt og
vill ekki taka of miklar skuldir á
sínar herðar og vill sjá fram úr
reikningsdæminu um íbúðakaup-
in. Þetta getur síðan dreifst meira
þegar þetta fólk verður grónara
hér og hagur þess batnar. En okk-
ur finnst ástæða til þess að reyna
þessa nýjung í þjónustu við nýbúa
á þessum slóðum og svo verður
reynslan að skera úr um hvernig
starfið þróast.”
Flugvélarframparturinn og stjórnklefinn þaðan sem Einar stjórnaði
plötusnúningi í Fellahelli á sínum tíma. Vélin er enn í Fellaskóla þar
sem Fellahellir var á sinni tíð.
Fjölmenni á lokahátíð
Lokahátíðir stóru upplestrarkeppninnar 2008 fóru
fram í mars og apríl. Í Breiðholtinu fór upplestrar-
keppnin fram í Seljakirkju 2. apríl að viðstöddu fjöl-
menni þar sem valdir nemendur úr 7. bekk skólanna
í hverfinu lásu brot úr skáldverki og ljóð. Á meðal
þess sem nemendur lásu í Seljakirkju var kafli úr Bar-
daganum við Bjarndýrið eftir Jón Sveinsson, Nonna
og ljóð eftir Stein Steinarr.
Þessar myndir voru teknar í Seljakirkju á meðan
upplesturinn fór fram. Það eru Raddir, samtök um
vandaðan upplestur og framsögn sem standa að
stóru upplestrarkeppninni og fór lokahátíðin fram á
32 stöðum að þessu sinni.
Hluti keppenda á lokahátíðinni í Seljakirkju.
Keppendur bíða á meðan einn þeirra les úr Bardag-
anum við Bjarndýrið eftir Nonna.
Þétt setnir áheyrendabekkir í Seljakirkju.
Tónlistaratriði voru á milli upplesturs og þessi unga
stúlka lék á fiðlu.
Ólöf Ingimundardóttir aðstoðarskólastjóri og Krist-
ín Jóhannesdóttir, skólastjóri Fellaskóla létu sig
ekki vanta á lokahátíðina.