Breiðholtsblaðið - 01.09.2008, Page 6
6 Breiðholtsblaðið SEPTEMBER 2008
Augl‡singasími: 511 1188 & 895 8298
borgarblod@simnet.is
Félag heyrnarlausra hefur
hafið samstarf við félagsstarfið
í Gerðubergi. Daði Hreinsson,
framkvæmdastjóri félagsins og
Anna Jóna Lárusdóttir, félags-
málafulltrúi segja þetta samstarf
eiga sér nokkra forsögu eða
allt aftur til ársins 1996. Þá hafi
heyrnarlausir farið að koma og
taka þátt í félagsstarfinu í Gerðu-
bergi.
“Þetta samstarf stóð í um tvö
ár en dó þá út og heyrnarlausir
fóru annað. Fólk mundi hinn veg-
ar eftir Gerðubergi og mig lang-
aði að koma þessu í gang aftur,”
segir Anna Jóna. “Því hóf ég máls
á því við Guðrúnu Jónsdóttur, for-
stöðukonu félagsstarfsins, hvort
möguleikar væru á því að koma
þessu starfi aftur á fót. Hún tók
mér ljúfmannlega og við fórum af
stað að skipuleggja að félagsstarf
með heyrnarlausum sem nú er
farið af stað.”
Ekki hópur heldur
einstaklingar
Anna Jóna bendir á að heyrnar-
lausir séu ekki einn hópur heldur
einstaklingar sem starfi að félags-
málum á víðari grundvelli. Engu
að síður sé mjög mikilvægt að
þeir eigi aðgang að skipulögðu
félagsstarfi og því sé ánægjulegt
að hafa komið þessu samstarfi á
fót að nýju í þeirri góðu aðstöðu
sem félagsstarfið í Gerðubergi búi
að. “Hér erum við ein af hópnum.
Við fáum táknmálstúlka og erum
með í öllu félagsstarfi hvort sem
það er handavinna, ferðalög eða
eitthvað annað.” Anna Jóna rifjar
upp nýlega afstaðið ferðalag með
félagsstarfinu í Gerðubergi. “Þetta
var mjög skemmtileg ferð og eftir-
tektarverk hversu hópurinn var
hress og skemmtilegur.”
Flestir í eldri kantinum
Daði Hreinsson segir að enn
sem komið er séu flestir þeirra
sem taka reglulegan þátt í félags-
starfinu í eldri kantinum. Yngra
fólkið sé á vinnumarkaði og fái
ákveðinni félagsþörf fullnægt í
gegnum vinnu sína. Anna Jóna
segir að margir hinna eldri og þá
einkum fólk sem ekki er á vinnu-
markaði búi við mikla félagslega
einangrun. Því sé mikil nauðsyn á
að rækta gott félagsstarf þar sem
þetta fólk geti komið saman og
ekki síður í samband við heyrandi
fólk hvort sem það sé í formi nám-
skeiða eða annars félagsstarfs.
Hún bendir á og beinir þeim
möguleikum til heyrnarlausra að
koma í Gerðuberg á fimmtudög-
um og föstudögum og taka þátt í
því starfi sem þá fer fram. Félags-
starfið sé þó á engan hátt bundið
við þessa tvo tilteknu vikudaga
og langi fólk að mæta þangað
þá sé það hjartanlega velkomið
hvenær sem er og fái þá tækifæri
til þess að taka þátt í starfi með
heyrandi fólki. Hún segir að alltaf
sé möguleiki á að fá túlk ef þörf sé
á. Túlkur sé einnig alltaf til staðar
ef um fyrirlestra eða ferðir er að
ræða eða atriði þar sem nauðsyn-
legt er að heyrnarlausir geti fylgst
með allri orðræðu sem fram fer.
Daði segir félagsstarfið í Gerðu-
bergi ekki síst ætlað til þess að
gefa heyrnarlausi fólki tækifæri
til þess að brjóta upp hið daglega
mynstur og eiga samneyti við ann-
að fólk, bæði heyrandi og heyrnar-
laust. Í því sambandi sé nauðsyn-
legt að heyrnarlausir haldi sinni
dagskrá og bjóði hinum heyrandi
upp á að taka þátt í því sem þeir
hafa fram að færa. Þátttakan þurfi
að vera gagnkvæm því það sé
ekki ætlunin að þeir myndi sér-
stakan hóp eða einangrist í heyrn-
arleysinu innan félagsstarfsins.
“Þetta fólk hefur sitt fram að færa
og því er nauðsynlegt að taka þátt
í almennu félagsstarfi og bland-
ist heyrandi fólki á þann hátt að
báðir gefi og þiggi. Þannig geta
þeir sem búa við þau skilyrði að
heyra ekki bæði gefið til þeirra
sem heyra og einnig tekið þátt í
þeirra starfi og þegið af þeim.”
Bjartsýn á samstarfið
Anna Jóna kveðst vera mjög
bjartsýn með samstarfið við
félagsstarfið í Gerðubergi. “Þetta
mun vissulega krefjast mikillar
vinnu en ég er viss um að þetta
starf muni ganga vel í framtíðinni.
Anna Jóna, sem sjálf er heyrnar-
laus, er það sem kalla mætti hreyf-
anlegur félagsmálastjóri hjá Félagi
heyrnarlausra. Hluti af starfi henn-
ar felst í því að heimsækja heyrn-
arlaust fólk, ræða við það á tákn-
máli og veita því aðstoð. Eitt af
því er að vinna gegn því að heyrn-
arlaust fólk sem ekki er á vinnu-
markaði lendi í þeirri aðstöðu að
verða félagslega einangrað vegna
aðstöðu sinnar að heyra ekki tal-
að orð og geta því ekki tjáð sig
á hefðbundnu tungumáli. Að því
brýna máli er nú unnið í samstarfi
Félags heyrnarlausra og félags-
starfsins í Gerðubergi. Þá má geta
þess að heyrnarlausir stóðu fyrir
myndlistarsýningu í Árskógum 4
þar sem þau Vilhjálmur Guðmund-
ur Vilhjálmsson, Kolbrún S. Hreið-
arsdóttir og Halldór Viðar Garð-
arsson sýndu verk sín.
Heyrnarlausir í félags-
starfi í Gerðubergi
Breiðholtsdagurinn er haldinn
hátíðlegur í sjötta sinn nú í sept-
ember. Að þessu sinni nær dag-
skráin til heillar viku, eða frá
mánudeginum 15. september til
laugardagsins 20. september.
Helstu markmið Breiðholtsdaga
eru að stuðla að aukinni sam-
heldni, samveru og hverfisvitund
íbúa þar sem fólk á öllum aldri
kemur saman á ýmsum stöðum
til að auðga andann og skemmta
sér á jákvæðan og uppbygglegan
hátt. Af nógu er að taka því menn-
ingarstarf í Breiðholti er öflugt og
framsækið.
Forseti Íslands, Herra Ólafur
Ragnar Grímsson og Frú Dorrit
Moussaieff, verða sérstakir gest-
ir hátíðarinnar mánudaginn 15.
september. Forsetinn setur hátíð-
ina kl. 14:00 og opnar um leið
málverkasýningu heyrnarlausra
myndlistarmanna í Félagsmiðstöð-
inni Árskógum. Í hátíðarathöfn
Breiðholtsdaga, laugardaginn 20.
september kl. 14:00, mun Hanna
Birna Kristjánsdóttir, borgarstjóri,
ávarpa gesti og afhenda heiður-
sviðurkenningar í Íþróttahúsinu
Austurbergi. Fleiri borgarfulltrúar
taka virkan þátt í Breiðholtsdög-
um í ár. Vilhjálmur Þ. Vilhjálms-
son, forseti borgarstjórnar, tekur
á móti forsetahjónunum fyrir
hönd borgarstjórnar, jafnframt
opnar hann Alþjóðahús í Breið-
holti formlega þriðjudaginn 16.
september. Kjartan Magnússon,
borgarfulltrúi, ávarpar og setur
málþing fjölskyldunnar fimmtu-
daginn 18. september og Óskar
Bergsson, formaður borgarráðs,
verður gestur í pottakaffi Breið-
holtslaugar sama dag kl. 7:30.
Breiðholtshátíð
í heila viku Anna Jóna Lárusdóttir ræðir málefni heyrnarlausra á táknmáli og
Daði Hreinsson fylgist með.
Vilhjálmur Guðmundur Vilhjálmsson, Kolbrún S. Hreiðarsdóttir og
Halldór Viðar Garðarsson ásamt Guðrúni Jónsdóttur, forstöðumanni
félagsstarfsins í Gerðubergi, Kristjáni Sigurmundssyni, fostöðumanni
félagsstarfsins í Árskógum og Önnu Jónu Lárusdóttur frá Félagi
heyrnarlausra.
Keppnissveit star fsmanna
á Þjónustumiðstöð Breiðholts
sigraði Róðrakeppni Reykjavík-
ur 2008. Sveitin var heiðruð af
því tilefni á starfsmannafundi
föstudaginn 29. ágúst sl.
Á eftir var efnt til veislu þar
sem framkvæmdastjóri og deildar-
stjóri afhentu liðsmönnum blóm
og innrammað viðurkenningar-
skjal en meðlimir sveitarinnar
höfðu áður fengið gullpeninga og
farandbikar sem Faxaflóahafnir
gáfu og keppt verður aftur um að
ári. Þessi góði árangur gladdi allt
samstarfsfólk á þjónustumiðstöð-
inni og er þeim Elsu Guðmunds-
dóttur og Guðbjörgu Magnúsdótt-
ur á Þjónustumiðstöð Miðborgar
og Hlíða þakkað alveg sérstaklega
fyrir að standa fyrir og skipuleggja
þessa skemmtilegu keppni.
Unnu róðrarkeppni
Keppnissveitin að róðri loknum.
Fimm ára leikskólabörn á leið í Árbæjarsafn. Ferðirnar voru hluti af
Breiðholtshátíð.
Langar þig að
syngja í kór?
Allar nánari upplýsingar veitir Ásdís Arnalds,
kórstýra, í síma 694-8773.
Kór Fella- og Hólakirkju leitar að
söngfólki í allar raddir.
Kórinn leiðir söng við guðsþjónustur í Fella-
og Hólakirkju og æfir auk þess spennandi
verk til að flytja við ýmis tækifæri.
Æft er á þriðjudagskvöldum kl. 19.30