Breiðholtsblaðið - 01.09.2008, Síða 23

15BreiðholtsblaðiðSEPTEMBER 2008
Fréttir
Íflróttafélag Reykjavíkur
Skógarseli 12 • Sími 587 7080
Myndsími: 587 7081
Tölvupóstur: iradal@isholf.is
Samstarfssamningur ÍR við
Landsbankann var undirritaður
þann 9. sept. sl. og gildir hann
til þriggja ára. Hann mun ná til
allra deilda ÍR að undanskilinni
körfuknattleiksdeildinni. Mark-
mið með þessum samning er að
aðstoða deildir félagsins í sínum
rekstri en Landsbankinn hefur
sýnt að þeir hafa mikinn áhuga
á samstarfi við ÍR. Allir vita af
þeim mikla uppgang sem nú er
í ÍR og vildi Landsbankinn taka
þátt í því með okkur að gera
félagið enn stærra.
Samið við Landsbankann
Jelena Jovanovic hefur tek-
ið við starfi þjálfara hjá meist-
ara- og unglingaflokki kvenna
í handbolta. Hún hefur nýlega
sett skóna á hilluna eftir mjög
svo farsælan feril sem endaði
með hvorki fleiri né færri en 10
titlum bæði hér og í heimalandi
sínu, Serbíu.
Það fer ekkert á milli mála að
hún hefur úr miklum viskubrunn
að deila og mun án efa miðla sinni
reynslu til ungs meistaraflokks
ÍR-ingana. Hún hefur alltaf verið
viðloðin þjálfun í gegnum árin
og seinast var þjálfaði hún ung-
lingaflokk kvenna Stjörnunnar.
Aðspurð af hverju hún hafi valið
að taka þessu starfi segist hún
hafa heillast af þessum unga hópi
og vilji taka þátt í því verkefni sem
framundan er. Hún telji að hún
hafi einhverju að miðla til þessara
stelpna og vill gera það. Hún vill
líka innleiða sigurhefð inn í þenn-
an flokk og kenna þeim að spila
til sigurs þar sem það er það sem
hún gerir og hefur alltaf gert. Það
sem er upp á teningunum í dag
er að fá þær stelpur sem hættu
til þess að byrja aftur og ná þeim
aftur inn í félagið. Hún telur að
þessi hópur gæti náð langt en vill
ekkert spá fyrir næsta tímabil þar
sem ekki er enn komið á hreint
hverjir mótherjarnir eru. Hún seg-
ir framtíðina bjarta hjá ÍR-ingum
og spáir því að ef vel er haldið
utan um ungu leikmennina muni
þetta skila sér í titli á næstu fimm
til tíu árum. Hún vill einnig bæta
við að ungir krakkar sem áhuga
hafi á að prófa handbolta ættu
endilega að gera það þar sem
þetta er bæði skemmtileg íþrótt
og félagskapurinn góður.
ÍR-ingar hafa unnið frækna sigra
í knattspyrnu í sumar. Meistara-
flokkar karla og kvenna fara báð-
ir upp um deild. Meistaraflokkur
kvenna er sigurvegari í 1. deild
kvenna eftir frækilega frammi-
stöðu. Stúlkurnar unnu sinn riðil
glæsilega, hlutu 33 stig í 12 leikj-
um og lögðu bæði Hött og GRV til
viðbótar í úrslitakeppni. Liliana
Maria Pereira Martins og Ana Rita
Andrade Gomes hafa verið iðn-
astar við að skora hjá ÍR. Í keppni
um fyrsta sætið sigraði ÍR GRV
með fjórum mörkum gegn einu.
ÍR- keppir því í úrvalsdeild kven-
na að ári, en liðið lék einnig í efstu
deild árið 2007. Halldór Halldórs-
son hefur þjálfað meistaraflokk
kvenna undanfarin ár.
Meistaraflokkur borið
höfuð og herðar
Meistaraflokkur karla hefur bor-
ið höfuð og herðar yfir keppinauta
sína í 2. deild karla. Fljótlega kom
í ljós að ÍR myndi taka forystu í
deildinni. Henni hafa þeir haldið
og var ljóst að þeir voru orðnir
sigurvegarar í deildinni þegar fjór-
ar umferðir voru eftir, en ljóst var
einni umferð áður að ÍR myndi
flytjast upp um deild. Þegar þetta
er ritað hafa ÍR-ingar ekki tapað
leik í deildinni. Þeir hafa unnið 17
leiki og gert tvö jafntefli, eru með
53 stig eftir 19 leiki, en næsta lið
með 39 stig. Elías Ingi Árnason,
leikmaður ÍR, er langmarkahæst-
ur í deildinni með 21 mark (og
hefur einnig leyft sér að afreka
það að láta markmann verja hjá
sér þrjár vítaspyrnur í sama leikn-
um – en hann náði þó að skora
fjögur mörk í þeim leik). Árangur
meistaraflokks karla er einstak-
lega glæsilegur í ár, því liðið varð
Reykjavíkurmeistari í vor og ein-
nig deildabikarmeistara í B-deild.
Þjálfari meistaraflokks karla er
Guðlaugur Baldursson.
Stór hópur stráka að æfa
Þá má nefna að 2. flokkur karla
hefur unnið sína deild, C-deild
og leikur í B-deild að ári, en þeir
hlutu 31 stig í 12 leikjum, en næsta
lið er langt á eftir. Liðsmenn hafa
vaxið mjög undir stjórn Sigurðar
Þóris Þorsteinssonar þjálfara sem
hefur haldið úti tveimur liðum í
öðrum flokki, sem er fátítt meðal
félaga. Stór hópur stráka hefur
verið að æfa, þar af þó nokkrir
sem hafa jafnframt æft og leikið
með meistaraflokki karla. Einn
úr hópnum, Halldór Arnarsson,
hefur gert samning við Herfölge,
en ungir ÍR-ingar hafa undanfar-
in ár farið til æfinga hjá þessu
merka danska liði. Til gamans má
geta hér í lokin að í síðasta leik 2.
flokks karla í deildinni báru okk-
ar menn sigurorð af Gróttu með
þrettán mörkum gegn einu og
skoraði þá Andri Már Ágústsson
hvorki meira né minna en fimm
mörk, en hann ásamt nafna sínum
Andra Birni Sigurðssyni hafa ver-
ið nokkuð jafnir við að raða inn
mörkum.
Starf og árangur í öðrum yngri
flokkum karla og kvenna hefur
einnig verið með ágætum, svo að
knattspyrnan í ÍR á bjarta framtíð
fyrir sér.
Stefán Jóhann Stefánsson
ÍR á mikilli uppleið
í knattspyrnunni
GETRAUNANÚMER ÍR ER 109
Jelena Jovanovic þjálfari.
Eins og ÍR-ingar vita hefur ver-
ið í mótun afreksstefna sem á að
aðstoða þjálfara og iðkendur hjá
ÍR í að ná lengra í sinni grein.
Við munum styrkja okkar fólk
fjárhagslega.
Nú er komið að því að úthluta í
fyrsta sinn úr sjóðnum sem heitir
Magnúsarsjóður. Markmið sjóðs-
ins er m.a. að veita afreksfólki í öll-
um deildum innan ÍR styrk vegna
æfinga og/eða keppni og búa þeim
sem besta aðstöðu til að stunda
íþrótt sína. Veita þjálfurum og leið-
beinendum sem starfa á vegum ÍR
styrk til að sækja viðurkennd þjálf-
aranámskeið og/eða aðra mennt-
un sem eflir þá í starfi. Stuðningur
við þjálfara til endurmenntunar er
hvetjandi fyrir viðkomandi m.a. til
að halda áfram vinnu sinni fyrir
félagið. Þeir sem ætla að nýta sér
þetta tækifæri eru beðnir um að
skila inn umsókn í sjóðinn á skrif-
stofu ÍR til Sigrúnar Grétu íþrótta-
fulltrúa. Sækja þarf um fyrir 30.
sept. n.k.
Hægt er að nálgast nánari upp-
lýsingar um sjóðinn inni á www.
irsida.is eða með því að hafa sam-
bandi við skrifstofu ÍR.
Úthlutun úr Magnúsarsjóði
Vil að stelpurnar byrji aftur
Á myndinni má sjá Hörð Heiðar Guðbjörnsson framkvæmdastjóra
ÍR, Úlfar Steindórsson formann ÍR, Viggó Ásgeirsson forstöðu-
mann markaðs- og vefdeildar Landsbankans og Tómas Hallgríms-
son útibússtjóra Breiðholtsútibús takast í hendur eftir undirskrift.
Íþróttaskóli fyrir 3 til 6 ára er á
þriðjudögum, aldursskiptir hóp-
ar og hægt er að velja milli tíma.
Hver tími er 40 mín. í senn og er
kennt í íþróttasal í ÍR heimilinu
Skógarseli 12. Best er ef börnin
eru berfætt og í þægilegum föt-
um. Tveir íþróttafræðingar, Atli
og Eyjólfur, fá börnin til að gera
ýmsar kúnstir þar sem reynir m.a.
á jafnvægi, fín- og grófhreyfingar,
ýmsa þroskaþætti og samhæfingu.
Þátttaka fyrir áramót kostar 8.000
kr.
Leikfimi fyrir eldri
Leikfimi fyrir fólk á efri árum
er á mánudögum kl.8:15 til 9:45
og á föstudögum kl.13:00-15:00 og
kostar ekkert. Á mánudögum er
byrjað á hefðbundinni leikfimi og
síðan er farið í Ringó og Boccía. Á
föstudögum er fyrst farið í Boccía
kl. 13 til 14 og síðan leikfimi kl. 14
til 15. Velkomið er að mæta þegar
fólki hentar innan þessa tímara-
mma. Íþróttakennari er Júlíus Arn-
arsson og kennt er á neðstu hæð
ÍR heimilisins að Skógarseli 12.
Íþróttaklúbbur unglinga
Íþróttaklúbbur fyrir unglinga
er á miðvikudögum í Seljaskóla
kl.15:40 til 16:40 og á föstudögum
í Austurbergi kl.16:15 til 17:15. Ætl-
að unglingum (8., 9. og 10. bekk) í
Breiðholti sem ekki stunda skipu-
lagt íþróttastarf hjá íþróttafélög-
um. Það sem tekið verður fyrir
er það sem unglingarnir vilja
gera í samvinnu við hópstjórann
Jakob Hallgeirsson. Hann er í
síma 899-7082 og með netfangið
kobbih@hotmail.com. Markmiðið
er að unglingarnir komi saman
án allrar pressu um mætingu eða
keppni og geri eitthvað skemmti-
legt saman, líka utan íþróttasalar-
ins.
Skokkhópur
Skokkhópur eru á mánud.,
miðvikud. og fimmtud. kl. 17:30.
Mæting er við ÍR-heimilið að Skóg-
arseli 12. Eftir hlaupaæfingar á
mánud. og miðvikud. eru teygjur
og styrktaræfingar inni í sal milli
kl.18:30 til 19:00. Einnig eru æfing-
ar á laugardögum frá Breiðholts-
laug kl. 9:30. Nýliðar mæti á mánu-
dögum eða miðvikudögum. Nánari
upplýsingar veitir þjálfarinn, Gunn-
ar Páll Jóakimsson í síma sími: 864
4286 og á netinu gpj@ismennt.is.
Verð aðeins 11.000 fyrir veturinn
frá okt. til apríl.
Kvennaleikfimi
Kvennaleikfimi; er á mánudög-
um og fimmtudögum kl.17:30 til
18:30 í sal á efri hæð ÍR heimilisins
að Skógarseli 12. Alhliða líkams-
þjálfun fyrir konur á öllum aldri.
Svava Oddný Ásgeirsdóttir, íþrótta-
kennari og lýðheilsufræðingur, sér
um tímana. Stakur mánuður kost-
ar 3.200 kr. og þrír mánuðir kosta
8.900 kr. Frekari upplýsingar veitir
Svava Oddný í síma 898 9614 eða
á netinu oddsva@gmail.com.
Almenningsíþróttir hjá ÍR
Meistaramót Íslands 11 til 14
ára fór fram á Laugum helgina 17.
til 18. ágúst. Mótið tókst það mjög
vel í alla staða í sól og blíðu báða
keppnisdaga, en 197 keppendur
tóku þátt í mótinu frá 16 félögum
og héraðssamböndum. Að vanda
var einstök stemming í herbúðum
ÍR-inga og margir foreldrar sem
fóru með til að styðja við bakið
á liðinu.
Niðurstaða helgarinnar var sú
að enn og aftur sigraði lið ÍR sigr-
aði í heildarstigakeppni mótsins og
eru því Íslandsmeistarar félagsliða
11til14 ára 2008. Liðið hlaut sam-
tals 554 stig, lið HSK sem varð í
öðru sæti fékk 419,8 stig og lið UFA
varð í þriðja sæti með 288 stig. Til
gamans má geta þess að ÍR-ingar
urðu einnig Íslandsmeistarar félags-
liða innanhúss á þessu ári og hafa
því góða ástæðu til að vera stolt
af sinni frammistöðu og fara inn í
haustæfingarnar með bros á vor
og raunhæfar væntingar.
Margir voru með fínan árang-
ur og töluvert var um bætingar,
ef saman eru taldir Íslandsmeist-
aratitlar eru þau Gunnar Ingi Harð-
arson sem sigraði í 60 m., 800 m.
og langstökki í 12 ára flokki stráka
og Arna Stefanía Guðmundsdótt-
ir sem sigraði í 100 m., 800 m. og
80 m. grindahlaup í 13 ára flokki
telpna sem flesta titlana unnu.
Þau Vera Sigurðardóttir (800
m.), Dóróthea Jóhannesdóttir
(hástökk), Mikael Gunnlaugsson
(hástökk), Hekla Rún Ámunda-
dóttir (hástökk og spjótkast), Dag-
bjartur Daði Jónsson (spjótkast)
og Fanny Hermundardóttir (spjót-
kast) unnu einnig glæsilega Íslands-
meistara titla. Öll úrslit má finna á
www.fri.is mótaforrit. Hins vegar
er mjög mikilvægt að muna að þó
það sé gott að sigra þá skiptir það
að vera með í íþróttinni og leikgleð-
in sjálf sem mestu máli skiptir. Ein-
nig samveran með góðu fólki og
vinum í fallegri náttúru.
ÍR sigraði í heildarstigakeppni
Hið árlega Golfmót ÍR var hald-
ið í Þorlákshöfn 23. ágúst sl. Það
er skemmst frá því að segja að
það var hann Þórarinn M. Þor-
björnsson gjaldkeri aðalstjórn-
ar ÍR sem vann þetta mót að
þessu sinni en í öðru sæti varð
Jóhannes Karl Sveinsson. Við
þökkum öllum þeim sem tóku
þátt en það var NIVEA sem var
aðalstyrktaraðili mótsins.
Þórarinn vann golfmót ÍR