Lögmannablaðið - 01.06.2004, Blaðsíða 30

30
Verklagsreglur
við mat á umsóknum um embætti
héraðsdómara samkvæmt 3. mgr. 12.
gr. laga nr. 15/1998
Grundvöllur þessara reglna er 3.mgr. 4.gr. reglna nr.
693/1999 um störf nefndar samkvæmt 3.mgr. 12.gr.
laga nr. 15/1998.
Nefndin mun í mati sínu taka einkum tillit til eftirtal-
inna atriða:
Formleg skilyrði
Samkvæmt 2.mgr. 12.gr. laga nr. 15/1998 um dóm-
stóla þarf umsækjandi að uppfylla þar til greind skilyrði
til þess að fá skipun í embætti.
Starfsreynsla
Auk þess að uppfylla hin formlegu skilyrði mun
nefndin miða við, að æskilegt sé að umsækjandi hafi
fjölbreytta reynslu af lögfræðistörfum og/eða öðrum
störfum. Víðtæk þátttaka í félagsstarfi yrði að jafnaði
metin umsækjanda til aukins gildis.
Fræðileg þekking
Við það er miðað, að umsækjandi hafi staðgóða
þekkingu í lögfræði. Ákjósanlegt er, að hann hafi hlotið
1. eða góða 2. einkunn á embættisprófi. Framhaldsnám
eða starfsnám hérlendis sem erlendis gefur umsókn
aukið vægi. Þátttaka í endurmenntunarnámskeiðum og
starfsemi fræðafélaga verður talin vísbending um, að
umsækjandi hafi gert sér far um að halda við þekkingu
sinni.
Almenn starfshæfni
Þar sem dómari þarf að sýna sjálfstæði, óhlutdrægni,
frumkvæði og skilvirkni í störfum, verður metið hvort
umsækjandi sé þeim hæfileikum búinn. Æskilegt er að
hann hafi reynslu af stjórnun og skipulagningu starfa.
Þar sem reynsla af vinnu við tölvu (ritvinnsla, heimild-
aleit) er nánast nauðsynlegt við vinnu í nútímadómstól,
verður litið til þess. Umsækjandi verður að hafa góða
þekkingu á íslensku máli og eiga auðvelt með að tjá sig
í ræðu og riti.
Sérstök starfshæfni
Miklu skiptir að umsækjandi hafi bæði einkamála-
og opinbert réttarfar á valdi sínu og fari að fyrirmælum
laga um samningu dóma og riti þá á góðu máli. Hann
verður að geta stjórnað þinghöldum af röggsemi og
sanngirni og afgreitt þau mál sem honum eru fengin
fljótt og með öryggi. Mikilvægt er að umsækjandi geti
tileinkað sér breytingar á starfsháttum, svo sem vegna
breytinga á lögum eða reglum. Þá er æskilegt að hann
geti átt frumkvæði að því að þróa og bæta starfsemi og
skipulag réttarins innan ramma gildandi reglna á
hverjum tíma.
Persónuleiki
Umsækjandi þarf að eiga auðvelt með mannleg sam-
skipti, bæði við samstarfsmenn og þá sem erindi eiga
við hann. Ætlast er til þess, að af umsækjanda fari gott
orð bæði í fyrri störfum og utan starfa og að reglusemi
hans sé í engu ábótavant. Æskilegt er að umsækjandi
treysti sér til að hafa samskipti við fjölmiðla og hann
verður að þola umfjöllun þeirra og annarra um mál sem
hann fer með án þess að láta utanaðkomandi hafa áhrif
á störf sín.
Rannsókn nefndarinnar
Í samræmi við 4.mgr. 4.gr. reglna nr. 693/1999, getur
umsækjandi vænst þess að nefndin boði hann í viðtal til
þess að afla frekari skýringa.
Fylgigögn
Fyrir nefndinni þurfa að liggja helstu upplýsingar
um umsækjandann. Umsækjandi skal gefa upp nöfn 2-
3 manna, sem geta gefið umsögn um hæfileika hans og
eiginleika. Eftirfarandi gögn skulu liggja fyrir eftir því
sem við á:
1. Ljósrit prófskírteinis úr lagadeild
2. Ljósrit framhaldsnámsprófskírteina
3. Ljósrit vottorða um þátttöku í endurmenntunar-
námskeiðum
4. Vottorð um starfsnám
5. Sakavottorð
6. Ljósrit verkefna í lögfræði, t.d. af tímarits-
greinum, stefnum, greinargerðum, álitsgerðum,
úrskuðum eða dómum.
7. Önnur gögn sem umsækjandi telur skipt geti máli
varðandi hæfnismat um hann.
Þannig gert á fundi nefndar þann 22. mars 2001.
Haraldur Henrysson, formaður
Sigríður Ingvarsdóttir
Jakob R. Möller
2 / 2 0 0 4
Reynsla af málflutningi við val á dómurum
Þar sem ég er tilnefnd af stjórn Lögmannafélags Íslands í dómnefnd samkvæmt 12.
gr. dómstólalaga tel ég rétt, vegna greinar Daggar Pálsdóttur hrl. í síðasta tölublaði
Lögmannablaðsins, að blaðið birti verklagsreglur þær sem nefndin vinnur eftir við mat
sitt á umsækjendum. Reglur þessar hefur nefndin sjálf sett sér til viðbótar þeim leiðbein-
ingum sem dómstólalög nr. 15/1998 og reglugerð nr. 693/1999 veita. Þessar verklags-
reglur eru sendar öllum umsækjendum til kynningar þegar í upphafi starfa nefndar-
innar í hvert skipti. Að öðru leyti mun ég ekki fjalla um grein Daggar.
Lára V. Júlíusdóttir hrl.