Tímarit hjúkrunarfræðinga - 01.02.2001, Blaðsíða 47

staldra lengur við því auðvitað fór margt fram hjá okkur á
svo yfirgripsmiklu safni sem þetta er.
Vinnan, sem á bak við þetta safn býr, er ómæld því
bæði er söfnun gagna og sagan stórt og umfangsmikið
verkefni. Þegar við komum út úr aðalbyggingunni litum við
inn í lagerhús safnsins þar sem ósköpin öll hafa safnast
saman, bæði frá einstaklingum og stofnunum sem ekki er
hægt að stilla upp með öðrum sýningargripum eins og er.
Viðbrögð hafa víða verið mjög góð og safnið því uppskorið
ríkulega.
Það var sannarlega áhugavert að skoða þetta myndar-
lega framtak starfsfélaga okkar í Danmörku og vonandi
eigum við eftir að sjá sams konar safn verða að veruleika
hér heima.
Fundur með stjórn eftirlaunaþega danska hjúkrunar-
félagsins
í tengslum við þessa ferð kviknaði sú hugmynd að fróðlegt
væri að kynnast starfsemi eftirlaunaþega í Danmörku. Haft
var samband við formann þeirra með milligöngu danska
hjúkrunarfélagsins. Fjórir stjórnarmenn danskra eftirlauna-
þega hittu okkur íslensku þátttakendurna en Kristín
Óladóttir hjúkrunarfræðingur hafði slegist í för með okkur
og sat hún einnig fundinn. Fundurinn var haldinn á
Koldingfjord-hótelinu og voru þar rædd sameiginleg
áhugamál hópanna og dönsku félagarnir kynntu starfsemi
sína sem er með nokkuð öðru sniði en hjá okkur. Við
höfum áhuga á að gera því betri skil síðar.
Danskir eftirlaunaþegar eru meira en 7.000 talsins,
aðalstjórn er kosin frá öllum landshlutum á aðalfundi sem
haldinn er hvert ár, stjórnarmenn eru mest 7 og 3 vara-
menn, kosið er til tveggja ára.
Meðlimir í deildinni eru allir hjúkrunarfræðingar sem eru
félagar í danska hjúkrunarfélaginu og fá eftirlaun sam-
kvæmt lögum um eftirlaun fyrir hjúkrunarfræðinga. Ekki
þarf að sækja um aðild. Fjárhagur deildarinnar byggist á
fastri upphæð frá danska hjúkrunarfélaginu.
Danskir eftirlaunaþegar hafa verið mjög áhugasamir um
stofnun minjasafnsins og lagt þar drjúgan skerf af mörkum.
Stjórn eftirlaunaþega hefur náið samband við stjórn
danska hjúkrunarfélagsins og einnig við svæðisdeildir,
fulltrúar þeirra sitja í stjórnum svæðisdeilda út um landið.
Danskir kollegar okkar sýndu mikinn áhuga á okkar
högum og vilja gjarnan hitta okkur aftur og fræðast frekar
um hvernig við störfum. Það má segja að með þessum
fundi hafi verið brotið blað í sögu samtaka okkar því í lok
fundarins var eftirfarandi tillaga samþykkt: Danskir og
íslenskir eftirlaunaþegar ráðgera að taka upp formlegt
samband sem stuðla skal að nánu samstarfi og kynnum
þessara hópa til hagsbóta fyrir meðlimi þeirra og jafnframt
efla norrænt samstarf.
Að loknum fundi með fulltrúum frá stjórn danskra
eftirlaunaþega.
Markmiðið með þessari tillögu er að hún marki upphaf
samstarfs allra eftirlaunaþega á Norðurlöndum, en okkur
er ekki kunnugt um hvernig eftirlaunaþegar á hinum
Norðurlöndunum hafa skipulagt starfsemi sína, en það
munum við kynna okkur.
Að lokum viljum við lýsa ánægju okkar með að hafa
komist í þessa ferð sem gaf okkur tækifæri til að kynnast
starfsfélögum okkar í Danmörku og síðast en ekki síst að
sjá sögu hjúkrunar í máli og myndum .
Hvetjum við því alla hjúkrunarfræðinga, sem eiga þess
kost, að leggja leið sína til Kolding því að sjón er sögu
ríkari.
Til sölu á skrifstofunni!
Þessi úr eru nýkomin í sölu á skrifstofunni og henta
vel til tækifærisgjafa. Verðið er afar hagstætt, aðeins
650 krónur. Fylgstu með tímanum og fáðu þér nýtt
úr á nýrri öld!
Tímarit hjúkrunarfræðinga • 1. tbl. 77. árg. 2001
47