Fréttablaðið - 10.10.2017, Blaðsíða 6
HEYRNARSTÖ‹INKringlunni • Sími 568 7777 • heyra.is
Við hjálpum þér
að bæta lífsgæðin
Rexton™ heyrnartækin opna nýjar leiðir í samskiptum
og auka lífsgæðin. Komdu í ókeypis heyrnarmælingu
og fáðu heyrnartæki lánuð til reynslu.
FJALLABYGGÐ Sýni af drykkjarvatni
úr Ólafsfirði, sem tekið var af Heil-
brigðiseftirliti Norðurlands vestra,
innihélt E. coli gerla og er því íbúum
ráðlagt að sjóða allt drykkjarvatn.
Umhverfis- og tæknideild Fjalla-
byggðar hefur verið upplýst um
málið og er vinna hafin við að koma
í veg fyrir þessa saurgerlamengun.
Vatnsveita Ólafsfjarðar fær
vatn úr tveimur mismunandi
vatnsbólum. Annað vatnsbólið
er í Múlanum norðan við bæinn
og hitt vatnsbólið er í Brimnesdal
ofan Ólafsfjarðar. Niðurstaða sýna-
töku gefur til kynna að vatnsbólið
sem þjónar nyrðri hluta bæjar-
ins, þar á meðal fiskvinnslunum
á Ólafsfirði, sé í lagi. Vandinn sé
hins vegar bundinn við vatnsbólið
í Brimnesdal. – sa
Saurgerlar í
vatni í Ólafsfirði
LÖGREGLUMÁL Lögreglan á Suður-
landi elti uppi og stöðvaði för rútu
með ferðamönnum í austan við Sel-
foss í gærmorgun. Bílstjóri rútunnar
var grunaður um ölvunarakstur.
Eftir athugun lögreglu var bílstjór-
inn kyrrsettur en yfirlögregluþjónn
mátti bregða sér í hlutverk rútubíl-
stjóra og keyra ferðamennina sem
leið lá til Hvolsvallar þar sem annar
rútubílstjóri tók við.
„Það mældist í honum en undir
kærumörkum þannig að við stöðv-
uðum aksturinn og aðstoðuðum far-
þegana við að komast sinnar leiðar
svo þeir sætu nú ekki fastir úti á
gatnamótum,“ segir Sveinn Kristján
Rúnarsson, yfirlögregluþjónn hjá
lögreglunni á Suðurlandi. Það kom
í hans hlut að taka við stjórn rút-
unnar og skila ferðamönnunum til
Hvolsvallar þar sem annar rútubíl-
stjóri frá viðkomandi hópferðabíla-
fyrirtæki tók við. Sveinn Kristján
segir það gerast reglulega að stöðva
þurfi bílstjóra hópferðabíla vegna
gruns um ölvunarakstur. Þessi til-
tekni bílstjóri hafi þó sloppið með
skrekkinn að þessu sinni og hans
bíði ekki frekari aðgerðir af hálfu
lögreglu. Sveinn segist hafa skilað
ferðamönnunum skælbrosandi á
leiðarenda.
Í ágúst síðastliðnum var rútubíl-
stjóri tekinn fyrir ölvun við akstur
við Jökulsárlón og sviptur ökurétt-
indum til bráðabirgða. Hafði hann
verið með hóp erlendra ferðamanna
í för um verslunarmannahelgina.
Sá bílstjóri var rekinn frá Kynnis-
ferðum þar sem hann starfaði þegar
málið kom upp. – smj
Yfirlögregluþjónn ók rútu eftir að bílstjórinn var kyrrsettur
Sveinn Kristján
Rúnarsson,
yfirlögreglu-
þjónn hjá
lögreglunni á
Suðurlandi.
UMHVERFISMÁL Oddviti hrepps-
nefndar Ásahrepps telur kosninga-
fnyk af snöggri friðun Þjórsárvera.
Forstjóri Landsvirkjunar segir að
tekið hafi verið tillit til athuga-
semda fyrirtækisins við friðunina.
Björt Ólafsdóttir, umhverfis- og
auðlindaráðherra, stækkaði frið-
landið í Þjórsárverum í gær með því
að rita undir auglýsingu þess efnis.
Auglýsingin felur í sér að friðlandið
verður 1.563 ferkílómetrar að flatar-
máli í stað um 350 áður.
Hið nýja friðland er nánast hið
sama og stóð til að Svandís Svavars-
dóttir myndi friða áður en kosið
var árið 2013. Það náðist hins vegar
ekki. Þegar Sigurður Ingi Jóhanns-
son, eftirmaður Svandísar í emb-
ætti, tók við ætlaði hann einnig að
rita undir auglýsinguna. Við það
var snögglega hætt eftir að Lands-
virkjun hótaði lögsókn vegna máls-
ins. Landsvirkjun hefur ekkert út á
málið að setja nú.
„Eins og hefur áður komið fram
þá höfum við stutt stækkun frið-
landsins. Árið 2013 var hins vegar
ekki viðhaft lögmælt samráð við
okkur við ákvörðunina,“ segir
Hörður Arnarson, forstjóri Lands-
virkjunar.
Málið þá hafi snúist um tvennt. Í
fyrsta lagi náði friðlandið yfir svæði
sem fyrirtækið hafði hugsað undir
Norðlingaölduveitu. Í öðru lagi
hefðu mannvirki Landsvirkjunar í
austanverðu friðlandinu lent innan
þess. Fyrirtækið vildi koma sínum
athugasemdum að líkt og náttúru-
verndarlög kveða á um.
„Í friðunarferlinu nú náðum við að
Björt tók tillit til sjónarmiða
Landsvirkjunar við friðunina
Hið nýja friðland Þjórsárvera er eilítið minna en fyrirhugað var fyrir fjórum árum. Mannvirki Landsvirkj-
unar í austurhluta þess eru nú fyrir utan svæðið og Landsvirkjun hefur ekkert út á friðunina að setja. Oddviti
Ásahrepps segir hins vegar undarlegt hve snögglega var gengið til verks. Segir kosningafnyk af öllu saman.
Þjórsárver hafa verið þrætuepli í hátt í hálfa öld. FRÉTTABLAÐIÐ/VILHELM
Egill Sigurðsson,
oddviti
Ásahrepps
koma okkar athugasemdum að og
voru þær teknar til greina að hluta
til. Það er, mannvirkin okkar standa
nú utan friðlandsins,“ segir Hörður.
Friðunin hefur hins vegar ekki
verið algerlega athugasemdalaus.
Hluti sveitarfélaga í nágrenninu
hafði ekki skilað umsögn um málið.
„Þegar drög að auglýsingunni
voru kynnt til umsagnar óskuðum
við eftir fundi í ráðuneytinu til að
fara yfir málið. Hann dróst fram
undir síðustu mánaðamót,“ segir
Egill Sigurðsson, oddviti hrepps-
nefndar Ásahrepps.
Eftir það var stefnt að því að taka
málið fyrir á fundi hreppsnefndar
en hann er áætlaður á morgun. Nú
liggur fyrir að það verður óþarfi.
„Það lágu einhver ósköp á. Þetta er
mál sem hefur verið í vinnslu í fleiri
ár og það liggur ljóst fyrir að náttúran
er ekki í neinni hættu á næstu vikum.
Mér þykir miður að mönnum hafi
ekki verið gefinn frestur til að veita
umsögn um efnið,“ segir Egill.
Þrátt fyrir að það sé óþarft mun
hreppsnefndin taka málið fyrir á
fundi sínum og skila inn umsögn þó
hún sé í raun markleysa. Hann segir
að nokkur sveitarfélög í grenndinni
hafi náð að skila inn umsögn en
önnur eigi það eftir.
„Það sjá það allir sem það vilja
að það er kosningafnykur af þessu,“
segir Egill að lokum.
johannoli@frettabladid.is
SAMFÉLAG Fæðingarorlofssjóður
synjaði föður andvana fædds barns
um greiðslur úr sjóðnum. Úrskurð-
arnefnd velferðarmála (ÚNV) felldi
synjunina úr gildi og vísaði málinu
til sjóðsins á ný.
Unnusta mannsins fæddi á upp-
hafsmánuðum ársins andvana barn
eftir 39 vikna meðgöngu. Þar sem
þau voru ekki skráð í sambúð við
fæðingu barnsins taldi sjóðurinn að
maðurinn hefði verið forsjárlaus. Á
þeim grundvelli var manninum
synjað um greiðslur.
ÚNV benti á að reglan um fæðing-
arorlof við andvana fæðingu miðaði
að því að gefa foreldrum svigrúm
til að jafna sig eftir áfallið. Þar sem
barnið fæddist andvana ættu reglur
um forsjá ekki við. Taldi nefndin því
að faðirinn ætti sjálfstæðan rétt til
fæðingarorlofs. – jóe
Neituðu föður
andvana barns
um orlofið
1 0 . O K T Ó B E R 2 0 1 7 Þ R I Ð J U D A G U R4 F R É T T I R ∙ F R É T T A B L A Ð I Ð
1
0
-1
0
-2
0
1
7
0
5
:5
1
F
B
0
6
4
s
_
P
0
5
9
K
.p
1
.p
d
f
F
B
0
6
4
s
_
P
0
5
4
K
.p
1
.p
d
f
F
B
0
6
4
s
_
P
0
0
6
K
.p
1
.p
d
f
F
B
0
6
4
s
_
P
0
1
1
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
D
E
F
-3
0
2
4
1
D
E
F
-2
E
E
8
1
D
E
F
-2
D
A
C
1
D
E
F
-2
C
7
0
2
7
5
X
4
0
0
.0
0
1
5
B
F
B
0
6
4
s
_
9
_
1
0
_
2
0
1
7
C
M
Y
K