Fréttablaðið - 10.10.2017, Blaðsíða 50

AUKIN ÞJÓNUSTA
VIÐ EIGENDUR SKODA
• Bílson er sérhæft og vottað þjónustuverkstæði
sem uppfyllir allar ströngustu kröfur Skoda.
• Fullkomin forgreiningarstöð þar sem greina
má flest allt um ástand bílsins og gæði.
Við leitumst við að vera samstíga því besta í Evrópu.
Komið, sjáið og sannfærist.
Kletthálsi 9 • Sími 568 1090
- V E R K S T Æ Ð I Ð -
Kletthálsi 9 • 110 Reykjavík • Sími 568 1090 • bilson@bilson.is • bilson.is
LEIKHÚS
Kvenfólk 
★★★★★
Leikfélag Akureyrar
Höfundar og flytjendur: Eiríkur G.
Stephensen og Hjörleifur Hjartar-
son
Leikstjórn: Ágústa Skúladóttir
Tónlist: Eiríkur G. Stephensen og
Hjörleifur Hjartarson
Ljósahönnun: Lárus Heiðar Sveins-
son
Myndbandshönnun: Jón Páll
Eyjólfsson
Leikmynd, búningar og leikmunir:
Íris Eggertsdóttir
Hljóðhönnun: Gunnar Sigurbjörns-
son
Hljómsveit: Áslaug María Stephen-
sen, Gunnur Vignisdóttir, Una
Haraldsdóttir og Margrét Hildur
Egilsdóttir.
Íslenskar konur hafa það best í heim-
inum. Þessari staðreynd er slett á
blaðsíður dagblaðanna í hvert skipti
sem Ísland toppar einhvern listann
um stöðu kvenna á vinnumarkað-
inum eða réttindasamanburð við
önnur lönd. Óleiðréttur launa-
munur kynjanna hér á landi mæld-
ist um 17 prósent árið 2015, heilu
tónlistarhátíðirnar eru haldnar án
lágmarksþátttöku tónlistarkvenna,
dómskerfið tekur skammarlega illa
á ofbeldisverkum gegn konum og við
þurftum ekki að bíða nema til 2009
til að fá kvenkyns forsætisráðherra.
Mikið höfum við það nú gott.
Það var því ekki að ástæðulausu að
ákveðinn kvíði fylgdi því að sjá aug-
lýsta sýningu með nafninu Kvenfólk
samda af tveimur miðaldra hvítum
karlmönnum sem virtust hafa upp-
götvað allt í einu að hallað hefur
svolítið á kvenfólk í svolítið langan
tíma. Karlar eru nefnilega einstak-
lega duglegir að benda konum á hvað
betur má fara. Þeir félagar Eiríkur G.
Stephensen og Hjörleifur Hjartarson
virtust vera að daðra ansi djarft við
hrútskýringarveikina.
Dúettinn Hundur í óskilum er
löngu orðinn þjóðþekktur og höf-
undareinkenni hans birtist í frum-
sömdum sönglögum og pólitískri
satíru með góðum slurk af súrreal-
isma. En hæfni félaganna Eiríks og
Hjörleifs í að gera gott grín byggist
ekki á fíflalátum, af þeim er samt
auðvitað nóg, heldur hugviti. Þetta
hugvit gerir sýninguna ekki ein-
ungis framkvæmanlega heldur líka
virkilega skemmtilega og áleitna.
Formið er frjálslegt og ekki með
góðu móti hægt að skilgreina en
kabarett er kannski besta lýsingin.
Ágústa Skúladóttir heldur vel um
efnið og finnur frumlegar leiðir
til að skipta um gír á milli atriða.
Þeir kumpánar nálgast efnið sitt
af æðruleysi og afslöppun þar sem
hver sena flæðir inn í þá næstu með
hnökrum en slíkt skiptir ekki máli.
Hundavað er sérgrein félaganna
en saga femínismans er hér rakin
á ógnarhraða allt frá kvennalausu
útópíunni sem írsku munkarnir
stofnuðu hér fram til vorra flóknu
tíma. Sviðsetta útvarpsverkið Kona
í blokk og önnur í raðhúsi er einn
af hápunktum sýningarinnar þar
sem þeir fara yfir rauðsokkutíma-
bilið. Þeir hafa nefnilega rétt fyrir
sér þegar þeir segja að stórar konur
með stór gleraugu geti breytt heim-
inum. Slagarar á borð við Pamelu,
Áfram stelpur og Ekkert mál hljóma
en endurgerð þeirra á myndband-
inu við Babooshka eftir Kate Bush í
fullri lengd stendur þar upp úr.
Eiríkur og Hjörleifur hika ekki
við að blanda saman gríni og grafal-
vöru en óður Hjörleifs til ónefndrar
ömmu sinnar nístir inn að innstu
hjartarótum. Þöggun er nánast list-
form hér á landi. Stundum fara þeir
aðeins fram úr sér með fimmaura-
brandarana eins og að spila tónverk
eftir Bach á g-streng, bókstaflega.
Sumar senur eru of langar og her-
hópið heppnast ekki alltaf. Aftur á
móti er öll umgjörð sýningarinnar
virkilega góð, þá sérstaklega vinna
Írisar Eggertsdóttur við leikmynd,
búninga og leikmuni, henni tekst
að skapa skýra heima, stundum
með örfáum munum. Myndbands-
vinna Jón Páls Eyjólfssonar og ljósa-
hönnun Lárusar Heiðars Sveins-
sonar reka síðan laglegt smiðshögg
á umgjörðina.
Lokakafli sýningarinnar stendur
algjörlega upp úr. Hann byrjar með
hljóðupptöku af Árna Johnsen
í pontu á Alþingi þar sem hann
ræðir nauðsyn þess að konur séu
til taks fyrir mjólkun, bókstaflega
eins og beljur. Orðum risaeðlunnar
er svarað með því að bjóða á svið
hljómsveit sem samanstendur af
fjórum unglingsstelpum sem heita
Áslaug María, Gunnur, Una og Mar-
grét Hildur. Þessar ungu stelpur eru
rödd framtíðarinnar og þvílík rödd.
Hispurslausir harðkjarnarokkarar
sem neita að láta þagga niður í sér
og eiga sig sjálfar. Eiríkur og Hjör-
leifur vita þetta og fagna því.
Femínismi er ekki feimnismál
heldur mannréttindamál. Kven-
réttindabarátta Íslands hefur átt
sér margar róttækar kvenhetjur og
mikið hefur breyst en fleiri kven-
hetjur eiga eftir að stíga fram því
fram undan er ótrúleg vinna. Kven-
fólk er hið fínasta innlegg sem bæði
fræðir og skemmtir. Útskýring Vís-
indavefs Háskóla Íslands á afstöðu
margra karlmanna til femínismans
er einföld: „Hræðsla karla við femín-
isma er að öllum líkindum óöryggi,
fordómar og vankunnátta …“ Dúett-
inn Hundur í óskilum gengur hér
til verks óhræddur, meðvitaður og
upplýstur. Uppskeran er eftir því.
Sigríður Jónsdóttir
NIÐURSTAÐA: Súrrealískur og stór-
skemmtilegur söngfyrirlestur með
hárbeittum skilaboðum.
Klár eru kvennaráð
Vefstóllinn er mitt verkfæri og með honum miðla ég því sem ég vil, þó hann geti verið tak-
markandi. Ég einskorða líka efnið
sem ég vinn úr við  tuskuræmur.
Tilgangurinn er tvíþættur, að göfga
ruslið með því að  vefa úr fötum
sem fólk er hætt að nota og tjá það
sem mig langar að segja frá. Núna
er það veðrið.“ Þetta segir Anna
María Lind Geirsdóttir um verk sitt
Veðurfregnir sem hún sýnir í gall-
eríinu Gátt í Hamraborg 3 A í Kópa-
vogi til 15. október. Hún kveðst hafa
fengið góð viðbrögð frá gestum sem
komið hafa á sýninguna. „Þeir túlka
verkið sem veðurbrigði og þannig
var það hugsað.“
En af hverju veðurfregnir? „Ég
er mikið úti bæði vegna starfs
míns sem leiðsögumaður og ferða
minna  innanbæjar á hjóli. Mér
finnst það forréttindi því veðrið
er svo síbreytilegt að alltaf  mætir
manni ný fegurð. Svo er ég heilluð
af veðurfregnum. Lesararnir eru
svo yfirvegaðir hvort sem þeir eru
að spá aftakaverðri eða bongóblíðu
og þannig hefur það alltaf verið.
Pabbi minn var flugmaður og það
var sussað á mig þegar ég var lítil, nú
þurfti að hlusta á veðrið af athygli og
ég lærði að taka eftir.“
Hvernig kynntist  þú vefnaði?
Mamma er finnsk og það voru alltaf
tuskumottur á heimilinu. Ég snerti
vefstól í fyrsta sinn þegar ég var átta
ára og ákvað þá strax að þetta væri
eitthvað fyrir mig. Ég lærði vefnað í
Finnlandi. Það er fiskibeinsmynstur
í þessu verki. Ég var dálítið búin að
hugsa hvaða vend ég ætti að nota
og finnst þessi passa best við mónó-
tóninn í veðurfregnunum.“ – gun
Nú verða fluttar
veðurfregnir
Anna María Lind er einn fárra veflista-
manna landsins. Verk hennar, Veður-
fregnir, er til sýnis í galleríinu Gátt í
Hamraborg 3 A – með tilheyrandi hljóði.  
Anna María við verk sitt sem er til sýnis í Gallerí Gátt en það er opið miðviku-
daga til sunnudaga frá klukkan 15 til 18. FRÉTTABLAÐIÐ/ANTON BRINK
“Hundur í óskilum gengur hér til verks óhræddur, meðvitaður og upplýstur,” segir í dómnum. MYND/AUÐUNN NÍELSSON
1 0 . O K T Ó B E R 2 0 1 7 Þ R I Ð J U D A G U R28 M E N N I N G ∙ F R É T T A B L A Ð I Ð
MENNING
1
0
-1
0
-2
0
1
7
0
5
:5
1
F
B
0
6
4
s
_
P
0
6
3
K
.p
1
.p
d
f
F
B
0
6
4
s
_
P
0
5
0
K
.p
1
.p
d
f
F
B
0
6
4
s
_
P
0
0
2
K
.p
1
.p
d
f
F
B
0
6
4
s
_
P
0
1
5
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
D
E
F
-0
8
A
4
1
D
E
F
-0
7
6
8
1
D
E
F
-0
6
2
C
1
D
E
F
-0
4
F
0
2
7
5
X
4
0
0
.0
0
1
1
B

F
B
0
6
4
s
_
9
_
1
0
_
2
0
1
7
C
M
Y
K