Skessuhorn - 10.06.1999, Blaðsíða 2

2
FIMMTUDAGUR 10. JÚNÍ 1999
SBEáSIÍHöBí
VIKUBLAÐ Á VESTURLANDI
Akranes: Suðurgötu 65, 2. hæð.
Sími: 431 4222. Fax: 431 2261. Netfang: skessa@aknet.is
Borgames: Borgarbraut 57, 2. hæð.
Sími: 437 2262. Fax: 437 2263. Netfang: skessuh@aknet.is
Skrifstofur blaðsins eru opnar kl. 10-12 og 13-16 alla virka daga.
Utgefandi: Skessuhorn ehf.
Ritstjóri og ábyrgðarmaður: Gísli Einarsson, sími 852 4098
Blaðamaður: Kristján Kristjánsson, sími 892 4098
Auglýsingar: Guðrún Björk Friðriksdóttir, Borgarnesi sími 437 2262
Silja Allansdóttir, Akranesi, sími 697 4495 & 431 4222.
Prófarkalestur: Ágústa Þorvaldsdóttir og fleiri.
Hönnun og umbrot: Frétta- og útgáfuþjónustan.
Prentun: ísafoldarprentsmiðja hf.
Skessuhorn kemur út alla fimmtudaga. Skilafrestur auglýsinga er kl. 16.00 á
mánudögum. Auglýsendum er bent á að panta auglýsingapláss tímanlega.
Blaðið er gefið út í 4.000 eintökum og selt til áskrifenda og í lausasölu.
Áskriftarverð er 800 krónur með vsk. á mánuði. Verð í lausasölu er 200 krónur
með vsk.
Áskriftar- og auglýsingasími er 437 2262.
Undanfarin misseri hef ég verið stöðugur og varla slagað svo
heitið geti nema ef vera skildi undir lok Þorrablóts. Eg hef ver-
ið laus við óstöðugar geðsveiflur og veðrabrigði. Ég hef sem sagt
lifað í stöðugri ró og búið við meiri öryggistilfinningu en nokk-
ur dömubindaffamleiðandi getur boðið upp á. Þetta er einfald-
lega vegna þess að hann Davíð er stöðugt að segja mér að hér á
landi ríki stöðugleiki.
Þrátt fyrir stöðugan sannfæringarkraft Davíðs verð ég að játa
að annað veifið læðist að mér sá grunur að stöðugleikinn gildi
ekki stöðugt. Ég þori auðvitað ekki að hafa hátt um þessar efa-
semdir heldur reyni að bæla niður allar vafasamar hugrenning-
ar. Samt veltir maður því fyrir sér hvort verðhækkanir á vegum
ríkisins séu settar fram til að varðveita stöðugleika í efnahagslíf-
inu. Vissulega bera þær vott um ákveðinn stöðugleika þar sem
þeim hefur verið dembt yfir neytendur alveg ótrúlega stöðugt að
undanförnu.
Ég verð nú reyndar að hæla mér af því að ég hef til að bera
heldur meira stöðuglyndi heldur en Davíð því ég kippi mér ekki
upp við það þótt tryggingaiðgjöldin hækki dulítið. Ég trúi því
náttúrulega og treysti að á meðan Davíð segir að það ríki stöð-
ugleiki þá sé mér óhætt og geti því verið ótryggður. Ég mögla
svo sem heldur ekki þótt bensínlekinn hækki um nokkra aura.
Það ríkir stöðugleiki þannig að ég treysti því að mín trausta og
trygga eðalbifreið minnki eyðsluna sem því nemur, enda um al-
veg ótrúlega stöðuga bifreið að ræða, jafhvel þótt konan sitji
undir stýri. Ég get líka sætt mig við það þótt rafmagnið hækki.
Það er auðvelt að gæta stöðugleika á þeim vettvangi og minnka
rafmagnseyðsluna og ljósanotkun með því að sofa örlítið lengur
frameftir, hægja á gangráðnum og henda sjónvarpinu. Það var
ekki fyrr en þeir hækkuðu bjórinn að ég fór að verða svolítið
óstöðugur í geði.
Sem atvinnurekandi hef ég reynt að sætta mig við allar hækk-
anir og forðast að láta þær bitna á mínum viðskiptavinum. I
nafni stöðugleika greiði ég hærri raforkukostnað, hærri trygg-
ingaiðgjöld, hærra verð fyrir bensínið, hærri laun til starfsfólks
og jafiivel ráðið hærra starfsfólk en gengur og gerist. Það er
hinsvegar deginum ljósara að verðhækkun á bjór er ekki sett
ffam í öðrum tilgangi en þeim að leggja stein í götu héraðs-
fféttablaða og annarra fjölmiðla og drepa niður alla frjóa hugs-
un í þessu landi.
Ég skal vissulega trúa hverju sem er og hvenær sem er, bara ef
Davíð segir það. Samt sem áður hlýtur það að orka tvímælis þeg-
ar ríkisvaldið ætlast til að allir trúi því að hér ríki stöðugleiki en
er á sama tíma ekki tilbúið til að taka þátt í þessum sama stöð-
ugleika. Þetta er kannski við hæfi á þúsund ára affnæli kristnitök-
unnar hér á landi, því ef ég man rétt þá voru þess dæmi að menn
trúðu á Guð almáttugan en þegar í harðbakkann sló kvöddu þeir
til Oðin og Þór.
Gísli Einarsson, stöðugur
Undirritun samnings Samvinnuháskólans á Bifröst og Manitobaháskóla. Ev. Timothy
Samson forseti Iceland-Canada Foundation, Jónas Guómundsson rektor Samvinnuhá-
skólatis, Svavar Gestsson aóalræóismaSur Islands í Kanada, Terrence Hogan, setturfor-
seti vióskiptadeildar Manitobaháskóla ogjames Gardner varaforseti Manitobaháskóla.
Samvinnuháskólinn
semur við
Manitobaháskóla
Samvinnuháskólinn á Bifröst
hefur gert samstarfssamning við
Manitobaháskóla í Kanada. Var
samningurinn nýlega undirritaður í
Winnipeg, að viðstöddum fulltrúa
Vesturíslendinga og Svavari Gests-
syni, aðalræðismanni Islands í
Kanada. I samningnum er kveðið á
um skipti á nemendum og kennur-
um á milli skólanna. Gert er ráð
fyrir að allt að þrír nemendur fari
ffá hvorum skóla á hverju ári til
námsvalar í samstarfsskólanum í 3-
5 mánuði í senn. Nemendaskiptin
hefjast haustið 2000 og munu þau
njóta stuðnings íslenska samfélags-
ins í Kanada. Þetta er fyrsti sam-
ningurinn sem Samvinnuháskólinn
gerir við háskóla í Norður-Amer-
íku, en skólinn hefur verið í sam-
starfi við nokkra evrópska háskóla.
YS
Hulda Vilmundardóttir tekur við viðurkennijigu frá Siglingamálastoftun jyrir hötid út-
gerðar Sóleyjar. Mynd: Rósant Egilsson
Viðurkenning frá Siglingamálastofhun
Sóley til fyrirmyndar
Siglingamálastofiiun hefur und-
anfarin ár veitt viðurkenningar á
sjómannadaginn þeim skipum sem
skara fram úr varðandi öryggismál
og góða umgengni. Eitt skip af
Vesturlandi fékk slíka viðurkenn-
ingu að þessu sinni, Sóley SH 24
ffá Grundarfirði sem gerð er út af
Zoffaníasi Cesilssyni hf.
I fréttatilkynningu ffá Siglinga-
málastofhun segir að viðurkenn-
ingunni sé ætlað að vera hvaming
fyrir áhöfn og eigendur skipa til að
halda vöku sinni gagnvart öryggis-
málum og góðri umgengni.
G.E.
Hraði á Nesinu
Svo virðist sem margir ferða-
langar hafi verið óþreyjufullir að
komast á Snæfellsnesið um síðustu
helgi því lögreglan á Nesinu stöð-
vaði um fjörutíu ökumenn fyrir of
hraðann akstur frá föstudegi til
sunnudags.
Lögreglan hefur verið með
hraðamælingar á sunnanverðu nes-
inu um hverja helgi að undanförnu
og að sögn Adolfs Steinssonar lög-
reglumanns í Ólafsvík hefur
skammturinn verið milli tíu og
tuttugu bílar yfir helgina en um
síðustu helgi virðist mönnum hafa
legið óvenju mikið á. Sjálfsagt þyk-
ir Snæfellingum ekki skrýtið þótt
ökumenn geti ekki hamið sig á
leiðinni á Nesið.
G.E.
Ólafsvík
Datt á
vélhjóli
Ungur maður datt á vélhjóli
í Olafsvík aðfaranótf síðastlið-
ins sunnudags. Maðurinn slas-
aðist allmikið og liggur á
sjúkrahúsi. Meiðsiin vöru á
öxl og í andhti og einnig lék
grunur á innvortis meiðslum.
Að sögn lögreglunnar í
Ólafsvík leikur grunur á að
um ölvunarakstur hafi verið
að ræða.
G.E.
Sjávargarður-
Ínn í skoðun
Hugmyndir um sjávardýra-
garð á Akranesi eru enn uppi á
borðinu og nefnd undir for-
ystu Guðbjarts Hannessonar
hefur fjallað um möguleika á
stofnun þessa umfángsmikla
safiis. A síðasta fundi bæjar-
ráðs var samþykkt að óska eft-
ir fundi með ráðhérrum og
þingmönnum í haust og skoða
stöðu málsins að því loknu.
G.E.
Vatnaheiðin í
meira mat
Eins og sagt var frá í síðasta
tölublaði Skessuhorns hefur
fyrirhugaðri vegalagningu yfir
Vamaheiði á Snæfellsnesi ver-
ið mótmælt, Skipulagsstofnun
hefur nú úrskurðað að ráðist
skuli í frekara mat á umhverf-
isáhrifum vegna vegalagning-
arinnar.
G.E.
Veitingahús-
inu Langa-
sandi lokað
I síðustu viku var veitinga-
husinu Langasandi á Akranesi
lokað. Samkvæmt upplýsing-
um Skessuhóms hefur eigandi
veitingahússins óskað eftir
gjaldþrotaskiptum. Að jafhaði
hafa milli 6 og 8 manns verið í
föstu starfí hjá veitingahúsinu
og er þetta í annað sinn með
skömmu millibili sem hópur
fólks missir vinnuna á Akra-
nesi. Skemmst er að minnast
uppsagna hjá Sjóklæðagerð-
inni 66°N.
Húseignin þar: sem veit-
ingareksturinn var til húsa var
boðin upp í liðinni viku og í
kjölfarið var rekstrinum hætt.
Abyrgðasjóður launa sér til
þess að starfsmenn fái sín laun
þánn uppsagnarffest sem lög
segja til um.
K.K
ÓIi Jón í
Hólminn
Óli Jón Gunnarsson fyrr-
verandi bæjarstjóri í Borgar-
byggð hefur verið ráðinn til
hitaveitunnar í Stykkishólmi í
tímabundin verkefni. ÓIi Jón
hefur eftirlit með fram-
kvæmdum við hitaveimna og
annast m.a. upplýsingamiðlun
til íbúa.
G.E.