Fréttablaðið - 25.01.2004, Blaðsíða 42

■ ■ KVIKMYNDIR

13.00 Rínargullið, ópera Richards
Wagner, verður sýnd á DVD í Norræna
húsinu á vegum Richard Wagner-félags-
ins á Íslandi. Næstu vikur verður svo
framhaldið af Niflungahringnum sýnt
annan hvern sunnudag. Sýndar verða
upptökur af hinni margrómuðu upp-
setningu franska leikstjórans Patrice
Chéreau frá árinu 1980.

15.00 Hin fræga kvikmynd jap-
anska leikstjórans Akira Kurosawa frá
1975, „Dersú Úzala“, verður sýnd í bíó-
sal MÍR, Vatnsstíg 10. Mynd þessa vann
Kurosawa í Sovétríkjunum í samvinnu
við þarlenda og byggði á frásögnum
rússneska rithöfundarins V. Arsenjevs af
rannsóknarferðum sínum um austustu
héruð Rússlands á árunum 1902-1929
og kynnum af Dersú Úzala, veiðimanni
af kynþætti Golda. Enskur texti er með
myndinni.

15.00 Safnarabíó verður í Gerðu-
bergi, þar sem nú stendur yfir sýningin
Stefnumót við safnara. Frumsýnd verður
heimildarmyndin „Grúskari af guðs náð“
eftir Kára G. Schram um Jónas Hall-
dórsson í Antikbúðinni. Í kjölfarið verður
myndin um Valda koppasala sýnd. Að-
gangur er ókeypis.

21.00 Nýr dagskrárliður á Bar 11
ber titilinn „Ellefubíó“. Um er að ræða
vikuleg bíókvöld þar sem sýndar eru
gamlar og klassískar tónlistar- og cult-
myndir.
Leikurinn hefst á einni fyndnustu mynd
rokksögunnar, „Spinal Tap“, og svo
horror-klassíkinni „Evil Dead“.
■ ■ TÓNLEIKAR

✓ 20.00 Kammersveitin Camer-
arctica flytur strengjakvartett eftir
Sjostakovitsj og tríó fyrir píanó, fiðlu og
selló á tónleikum Kammersmúsík-
klúbbsins í Bústaðakirkju.

20.00 Kammersveit Tónlistar-
skóla Hafnarfjarðar og nemendur úr
söngdeild skólans halda tónleika í Há-
sölum. Að þessu sinni eru öll verkin á
tónleikunum eftir Mozart. Stjórnandi er
Óliver Kentish. Aðgangur er ókeypis og
öllum heimill.

20.00 Nýárstónleikar Tríós Reykja-
víkur í Hafnarborg með Sigrúnu
Hjálmtýsdóttur og Bergþóri Pálssyni.
Boðið verður upp á vínartónlist,
sígaunatónlist og tónlist úr þekktum
söngleikjum, bæði evrópskum og amer-
ískum, og má þar nefna syrpu úr Carou-
sel eftir R. Rogers. Mozart mun bregða
fyrir og hinir sívinsælu Strauss, Lehar og
Kálmán verða að sjálfsögðu á sínum
stað.
■ ■ LEIKLIST

14.00 Borgarleikhúsið sýnir Línu
Langsokk eftir Astrid Lindgren á Stóra
sviðinu.

16.00 Borgarleikhúsið sýnir barna-
leikritið Rauðu Skórnir eftir H.C. Ander-
sen.

17.00 Þjóðleikhúsið sýnir Dýrin í
Hálsaskógi eftir Thorbjörn Egner.

20.00 Borgarleikhúsið sýnir Spor-
vagninn Girnd eftir Tennessee Willi-
ams.

20.00 Borgarleikhúsið sýnir söng-
leikinn Chicago eftir J. Kander og F.
Ebb á Stóra sviðinu.

20.00 Þjóðleikhúsið sýnir á Litla
sviðinu leikritið Græna landið eftir
Ólaf Hauk Símonarson.

20.30 Kómedíuleikhúsið sýnir
leikritið Steinn Steinarr í Borgarleik-
húsinu.
■ ■ SKEMMTANIR

20.00 Caprí-tríó leikur fyrir dansi í
Ásgarði, Glæsibæ.
■ ■ ÚTIVIST

10.30 Skíðaganga á vegum Ferða-
félags Íslands. Mæting í Mörkinni 6,
sameinast í bíla og ákveðið hvert skal
halda. Umsjón með ferðinni hefur Eirík-
ur Þormóðsson.

11.00 Dagsferð í Herdísarvík á
vegum Ferðafélags Íslands. Páll Sig-
urðsson prófessor rifjar upp sögu stað-
arins, segir frá lífi Einars Benediktssonar
skálds í víkinni og leiðir ferðalanga um
friðlýstar sjóbúðaminjar í nágrenninu.
Brottför er frá Mörkinni 6. Heimkoma
um kl. 16.30. Allir velkomnir.
■ ■ FUNDIR

20.00 Hjördís Hilmarsdóttir,
göngusérfræðingur ÍT-ferða, kynnir
spennandi gönguferðir bæði erlendis
og innanlands, sem boðið verður upp á
á fundi í Félagshúsi Þróttar við gervi-
grasvellinum í Laugardalnum.
■ ■ SAMKOMUR

✓ 13.00 Nýr Toyota Avensis verður
kynntur í höfuðstöðvum Toyota við Ný-
býlaveginn í Kópavogi. Boðið verður
upp á reynsluakstur. Herlegheitin standa
til klukkan fjögur.

15.00 Einstaklingar í trúfélögum
bahá’ía, soka Gakkai búddista, gyð-
inga, kristinna og múslima bjóða til
samveru í safnaðarheimili Háteigs-
kirkju. Flutt verða lög og trúartextar og
bænir lesnar. Boðið verður upp á kaffi-
sopa í lok athafnar. Samveran er haldin
til að árétta mikilvægi gagnkvæmrar
virðingar og stuðla að friði í upphafi nýs
árs.

15.00 Sunnudagar eru barnadagar
í aðalsafni Borgarbókasafns, Tryggva-
götu 15. Í dag aðstoðar Kristín Arn-
grímsdóttir myndlistamaður börn við
listsköpun í barnadeildinni á annarri
hæð.

16.00 Mikil barna- og fjölskyldu-
hátíð verður haldin í Íþróttahúsi Hauka
að Ásvöllum á vegum Ásvallasóknar,
Fríkirkjunnar, Hafnarfjarðarkirkju og Víði-
staðakirkju. Allir leiðtogar og prestar
safnaðanna taka þátt. Biskup Íslands, hr.
Karl Sigurbjörnsson, flytur hugvekju,
hljómsveit leiðtoganna leiðir söng, Jó-
hanna Guðrún syngur, trúður kemur í
heimsókn og farið verður í leiki svo fátt
eitt sé talið. Kynnir á hátíðinni er Adda
Steina Björnsdóttir. Eftir hátíðina er öll-
um boðuð upp á góðgæti í boði safnað-
anna.
■ ■ SÝNINGAR

13.00 Ólafur Elíasson sýnir
Frost Activity í Listasafni Reykjavík-
ur.

15.00 Myndlistarsýning Jóns Gnarr,
INRI, stendur yfir í Fríkirkjunni í Reykja-
vík. Sýningin er opin sunnudaga frá 15-
19 og stendur til 20. febrúar. Aðgangur
er ókeypis. Allir hjartanlega velkomnir.

Norska listakonan Siri Gjesdal
opnaði í gær sýningu á verkum sínum
í sýningarsölum Norræna hússins.
Yfirskrift sýningarinnar er Bátur og haf
en sýnd verða textílverk unnin úr vef
og gömlum segldúk, kola-, krítar- og
tússteikningar.

Á Kjarvalsstöðum lýkur í dag sýn-
ingunni Ferðafuðu, sem er sýning á
míníatúrum eftir fjölmarga íslenska lista-
menn. Þar lýkur einnig í dag sýningunni
„Myndlistarhúsið á Miklatúni – Kjarvals-
staðir í 30 ár“.

Bjarni Sigurbjörnsson og Svava
Björnsdóttir eru með samsýningu á
verkum sínum í Listasafninu á Akureyri.

Sýningin Stefnumót við safnara
hefur verið opnuð í Gerðubergi, menn-
ingarmiðstöðinni í Breiðholti. Þar sýna
ellefu safnarar á öllum aldri brot af ger-
semum sínum.

Reykvísku myndlistamennirnir Helga
Óskarsdóttir, Guðrún Vera Hjartardótt-
ir og Ingibjörg Magnadóttir opnuðu í
gær sýninguna „Ávöxtur myrkursins“ í
Skaftfelli, menningarmiðstöð á Seyðis-
firði. Sýningin er opin á opnunartíma
hússins og stendur til 6. febrúar.

Þrjár sýningar standa yfir í Listasafni
ASÍ. Í Ásmundarsal sýnir Rósa Gísla-
dóttir „Kyrralífsmyndir frá plastöld“, í
Gryfju sýnir Margrét M. Norðdahl „Ann-
arra manna Staðaldur“ og í Arinstofu er
sýning á nokkrum portrettmyndum úr
gifsi eftir Kristin Pétursson úr eigu
Listasafns ASÍ.

Gauthier Hubert og Guðný Rósa
Ingimarsdóttir eru með sýningu í Ný-
listasafninu. Hún stendur til 17. febrúar.

Sýning á nýjum verkum eftir Jón
Sæmund Auðarson og Særúnu Stef-
ánsdóttur stendur yfir í Safni, Laugavegi
37. Þau sýna hvort um sig ný verk sem
eru sérstaklega unnin fyrir sýningarrým-
ið. Auk verka úr safneigninni standa
einnig yfir þrjár aðrar sérsýningar í Safni:
Nýjar teiknimyndir eftir Lawrence Wein-
er, Litir eftir Adam Barker-Mill og kynn-
ing á verkum frá ferli listamannsins
Hreins Friðfinnssonar.

Tvær einkasýningar standa yfir í
Gallerí Skugga, Hverfisgötu 39. Á jarð-
hæð gallerísins sýnir Sólveig Birna Stef-
ánsdóttir níu málverk og ber sýningin
yfirskriftina „Reiðtúr á nykri“ og vísar til
huglægs ferðalags um lendur málverks-
ins. Í kjallara gallerísins er Hulda Vil-
hjálmsdóttir, Húdda, með sýninguna
„Þegar ég gef þér ritið, tek ég mynd af
því með glermyndavélinni“. Um er að
ræða málverk, skúlptúr og innsetningu.
42 25. janúar 2004 SUNNUDAGUR
hvað?hvar?hvenær?
22 23 24 25 26 27 28
JANÚAR
Sunnudagur
Brúðuleiksýningin Rauðuskórnir var frumsýnd á nýja
sviði Borgarleikhússins um síð-
ustu helgi. Hún hefur komið þeim
sem séð hafa töluvert á óvart,
enda eiga flestir von á barnasýn-
ingu þegar um brúðuleikhús er
annars vegar. Þessi sýning er hins
vegar frekar ætluð fullorðnum,
þótt börnin megi vissulega koma
með.
„Þetta er byggt á gamalli
munnmælasögu sem varð reynd-
ar þekktust í höndunum á H.C.
Andersen. Við styðjumst við hans
útgáfu að nokkru leyti, en þó
meira við eldra afbrigði sem kem-
ur frá Ungverjalandi,“ segir Hall-
veig Thorlacius, sem er einn af
höfundum og leikurum í sýning-
unni.
Flestir kannast við ævintýrið
um munaðarlausu stúlkuna sem
þráði svo heitt að eignast rauða
skó. Þegar draumurinn rættist
tóku skórnir hins vegar gjörsam-
lega af henni völdin. Hún gat ekki
hætt að dansa fyrr en hún greip til
örþrifaráða og lét höggva af sér
fæturna með skónum á.
„Sýningin er unnin í samein-
ingu af leikhópnum og leikstjór-
anum, og Ingvar Sigurðsson á líka
stóran þátt í henni þótt hann hafi
ekki getað verið með okkur vegna
anna við annað. En hann var með
okkur í upphafi og á mikið í
þessu.“
Benedikt Erlingsson leikstýrir,
en auk Hallveigar leika þau Helga
Arnalds og Jón Páll Eyjólfsson í
sýningunni. Leikmynd og brúður
eru eftir Petr Matásek, en Ragn-
hildur Gísladóttir semur tónlist-
ina.
Hallveig segir bæði leikmynd-
ina og tónlistina eiga stóran þátt í
sýningunni.
„Það er ekki sagt eitt einasta
orð í sýningunni, heldur er það
tónlistin sem heldur henni uppi.
Tónlistin og sýningin eru því al-
veg óaðskiljanleg þannig að hvor-
ugt getur án hins verið. Leik-
myndin er heldur ekki bara um-
gjörð utan um brúðuna heldur er
brúðan eiginlega föst í þessari
leikmynd alveg eins og við mann-
fólkið erum föst í einhverjum
veruleika sem við höldum að við
komumst ekki út úr.“ ■
■ LEIKSÝNING
BRÚÐAN SEM FÉLL FYRIR SKÓNUM
Þrjár sýningar eru eftir á Rauðu skónum í Borgarleikhúsinu. Þessi brúðuleiksýning hefur
komið mörgum áhorfendum á óvart.
Fíkn í rauða skó
■ SÝNING
Það hefur verið stöðugurstraumur í safnið frá for-
opnuninni á föstudaginn í síðustu
viku,“ segir Soffía Karlsdóttir,
kynningarstjóri Listasafns
Reykjavíkur, um Frost Activity,
sýningu Ólafs Elíassonar í Hafn-
arhúsinu. „Við merkjum þetta líka
á því að það er meira að gera í
bóksölunni og kaffiteríunni. Það
er mikið af nýjum andlitum hérna
og fullt af fólki sem við sjáum
ekki hérna alla jafna. Þetta er
afar ánægjulegt og sýnir að Ólaf-
ur höfðar greinilega sterkt til
margra.“
Um síðustu helgi komu á fjórða
þúsund manns í húsið en fram til
dagsins í dag hafa á sjötta þúsund
manns heimsótt safnið og skoðað
sýningu Ólafs. Þá hefur aðsókn í
leiðsagnir ýmissa hópa, skólahópa
og vinnustaðahópa sjaldan eða
aldrei verið meiri. Ef fram fer
sem horfir sér Listasafn Reykja-
víkur fram á að nýtt aðsóknarmet
verði slegið með sýningunni Frost
Activty, en Soffía gerir ekki ráð
fyrir að það muni draga úr að-
sókninni. „Það er afar ólíklegt
enda vilja flestir sem voru hérna
um opnunarhelgina koma aftur og
njóta þess að skoða verkið í meira
næði. Þetta er þannig verk.“ ■
Ólafur stefnir í metaðsókn
ÓLAFUR ELÍASSON
Gerir stormandi lukku hvar sem hann kemur og allt útlit er fyrir að sýning hans, Frost Acti-
vity, muni setja nýtt aðsóknarmet hjá Listasafni Reykjavíkur.
FR
ÉT
TA
B
LA
Ð
IÐ
/R
Ó
B
ER
T