Morgunblaðið - 17.08.1950, Síða 8

8
MORGUNBLAÐIÐ
Fimtudagur 17. ágúst 1950.
JltgwgpsstKilgkM&
Útgi: H.f. Árvakur, Reykjavík.
Framkv.stj.: Sigfús Jónsson.
Ritstjóri: Valtýr Stefánsson (ábyrgðarm.)
Frjettaritstjóri: ívar Guðmundsson.
Auglýsingar: Árni Garðar Kristinsson.
Ristjórn, auglýsingar og afgreiðsla:
Austurstræti 8. — Sími 1600.
Lesbók: Árni Óla, sími 3045.
Áskriftargjald kr. 14.00 á mánuði, innanlands.
í lausasölu 60 aura eintakið. 85 aura með Lesbók.
Aðvaranir Churchills
fyrr og nu
ÞEGAR Adolf Hitler hafði komist til valda í Þýskalandi var
grundvöllurinn lagður að síðustu heimsstyrjöld. Heimurinn
áttaði sig ekki á því þá þegar. Ýmsir af leiðtogum lýðræðis-
þjóðanna hjeldu að hægt væri að semja við nazista og tryggja
þjóðunum frið og öryggi. En þar var einn stjórnmálaleiðtogi,
sem frá upphafi sá, hvað verða vildi. Það var Winston Churc-
hill. Hann skildi að tilgangurinn með hinum tryllta vígbún-
aði Þýskalands var enginn annar en árás á nágranna þess,
skefjalaus landvinningastefna, framkvæmd af samvisku-
lausum einræðis- og ofbeldissinnum.
Og Winston Churchill hóf upp raust sína. Hann aðvaraði
bresku þjóðina og nágranna Þýskalands. Hann hvatti til víg-
búnaðar lýðræðisþjóðanna og aukinna samtaka til eflingar
vörnum þeirra, sjálfstæði, friði og öryggi. En rödd hans var
um langt skeið rödd hrópandans. Þjóð hans trúði ekki varn-
aðarorðum hans og nazistar hömuðust gegn honum og köll-
uðu hann „stríðsæsingamann“ og „friðarspilli“. En fyrr en
varði rættist spá Winstons Churchills. Herir nazistanna voru
orðnir nógu öflugir til þess að flæða yfir hvert land Evrópu
á fætur öðru. Áður en Hitler hóf árás sína hafði hann látið
utanríkisráðherra sinn drekka sáttaskál við Stalin marskálk
t Moskvu. Hin ægilega heimsstyrjöld hófst þannig með vinar-
hótum nazista og kommúnista. Á þeirri stundu urðu þeir
Heródes og Pílatus vinir. En ægileg þjáning mannkynsins
sigldi í kjölfar vinmæla þeirra.
Nú er aftur hart í heimi. Enn á ný er friði og öryggi þjóð-
anna ógnað. Winston Churchill hefur á ný mælt sín varn-
aðarorð. Hann hefur hvatt þjóðir Evrópu til náinnar sam-
vinnu um varnir gegn þeirri hættu, sem nú steðjar að þeim.
Kommúnisminn hefur komið í stað nazismans. Aðeins
yfirburðir Bandaríkjanna í framleiðslu kjarnorkuvopna hafa
til þessa hindrað Rússa í að ráðast á þjóðir Vestur-Evrópu,
segir Churchill. Hann hefur jafnframt bent á, hversu gífur-
legur munur sje á vopnabúnaði kommúnista og lýðræðis-
þjóðanna í Evrópu. Rússar hafi undirbúið sig undir nýja
styrjöld allt frá lokum heimsstyrjaldarinnar, en lýðræðis-
þjóðirnar afvopnast.
Nú eins og fyrir árás Þýskalands á Evrópu er Winston
Churchill kallaður stríðsæsingamaður og friðarspillir. En nú
eru það kommúnistar, sem að þeirri nafngift standa.
Hinar frelsisunnandi þjóðir Evrópu eiga nú aðeins um
tvennt að velja. Að trúa varnaðarorðum hins mikla breska
stjórnmálaskörungs og sameinast um varnir sínar eða að
glata frelsi sínu, mannrjettindum og persónulegri hamingju
i hræsvelg hins kommúnistiska ofbeldis.
Kommúnistar hafa sjálfir sannað rjettmæti þeirra um-
mæla Churchills að kjarnorkuvopn Bandaríkjanna sjeu nú
það eina, sem hindrar Rússa í að hefja árásarstyrjöld í Ev-
rópu eins og þeir hafa látið leppa sína gera í Norður-Kóreu.
Þeir hafa sannað það með hinum tryllta áróðri um bann við
notkim kjarnorkuvopna. Rússar vilja með öðrum orðum fá
ræði til þess að neyta yfiiburða sinna í vígbúnaði til þess
að ræna þjóðir Evrópu frelsi og lífshamingju. Þeir vilja fá
að drepa fólk með venjulegum vígvjelum, en losa sig við
þann geig, sem er í brjósti þeirra við kjarnorkuvopn hinna
vestrænu stórvelda. A þessu byggist „friðarsókn“ Rússa og
kommúnista um víða veröld.
Það er í fullkomnu samræmi við stefnu Sovjetstjórnarinn-
ar í Kreml, sem fimmtuherdeildir kommúnista í öllum lönd-
um hamast gegn öllum landvörnum. Hlutverk þeirra er að
hleypa lokum frá dyrum þegar frelsisræningjana ber að
garði, svíkja þjóð sína í hendur ofbeldisseggjanna. Það er al-
veg sama þó að Brynjólfur Bjarnason gefi yfirlýsingar um
það á Alþingi að landráðahyski hans muni mótmæla komu er-
lends herliðs til íslands, hvaðan sem það kemur. Hver einasti
cbrjálaður íslendingur veit að þessi sami Brynjólfur yrði
Kuusinen eða Quislingur númer éitt um leið og honum 'nefði
borist liðsauki úr þeirri átt, sem hann stöðugt mænir í og
tekur við fyrirskipunum frá.
Vjkmjiskritar. |'| R [)AGLEGA LÍFINU
ÁLIT ERIK GUSTAFFSONS
ERIK GUSTAFFSON hefir sagt sitt álit á
bresku þjóðinni í brjefi, sem hann ritaði rit-
stjóra stórblaðsins „The Daily Mail“ í London.
Hefir ritstjórinn vafalaust birt brjefið til gam-
ans, þar sem það eru sjóðbullandi skammir um
bresku þjóðina óg dónalegar aðdróttanir. En
Bretar eru einmitt þekktir fyrir það, að geta
tekið með jafnaðargeði gagnrýni, ef hún kemur
frá útlendingum, þótt þeir geti ekki fyrirgefið
samlöndum sínum samskonar gagnrýni.
•
GUSTAFFSON ÍSLENDINGUR?
NÚ HEFIR Erik Gustaffson án efa fullt leyfi
til að láta prenta sitt álit á mönnum, eða mál-
efnum, en það, sem verst er, Erik Gustaffsson
segist vera íslendingur og kemur þar með
dónaorði á íslendinga, sem ekki kunni að meta
gistivináttu erlendis, heldur þurfi að blaðra
eins og fífl.
•
BRJEF ERIK GUSTAFFSONS
NÚ ER^brjef Erik Gustaffsons ekki svo merki-
legt, að það sje hafandi eftir, en vegna þess
að málið hefir haft nokkur eftirköst og mála-
rekstur, er rjett að geta þess stuttlega:
Gustaffson segist vera í skemmtiferð frá ís-
landi og koma nú í annað sinn til. Bretlands
með 30 ára millibili. En mikil breyting sje
orðin á. Það verði varla sjeð, að Bretland sje
lengur lýðræðisland, eins og ,,góða gamla ís-
land“. „Vesaldarleg hlutdrægni og fáránlegt,
reimskulegt hatur virðist benda til að hjer
ríki raunverulega einræði“, segir þessi spek-
ingur.
•
STÓÐ EKKI Á SVARINU
ÞAÐ stóð ekki á svari við þessu fávísa brjefi
Gustaffsons, því tveimur dögum síðar birtir
Daily Mail brjef frá Lester nokkrum, sem segir,
að íslendingar þurfi ekki mikið að státa af lýð-
ræðinu. Lester segist hafa verið á íslandi í
hálft annað ár í styrjöldinni og aldrei hefði
einn einasti fslendingur sýnt sjer gestrisni, nje
vináttubragð og sje það lýðræði, „þá skuli hann
jeta hattinn sinn“.
•
SENDIRÁÐIÐ SKERST í
LEIKINN
SENDIHERRA íslands í London grunaði, að
eitthvað væri bogið við þjóðerni þessa Eriks
Gustaffson og skrifar blaðinu Daily Mail
brjef, þar sem hann segir meðal annars:
„Sem íslendingur vildi jeg benda yður á, að
nafnið og hvernig það er stafað, bendir til þess
að hann (Gustaffson) sje ekki barnfæddur ís-
lendingur og skoðanir hans á Bretum eru á-
byggilega ekki þær sömu og meirihluti sam-
landa minna hafa á bresku þjóðinni“.
•
VEIGAMIKLU ATRIÐI SLEPPT
EN NÚ bregður svo við, að ritstjóri „Daily
Mail“ sleppir ur brjefi sendiherrans þeirri
skýringu, að maður þessi muni ekki vera ís-
lendingur. Hefir sendiráðið í London enn einu
sinni skrifað Dailv Mail og farið fram á, að sú
skýring yrði birt og er enn ekki vitað, hvernig
því máli lyktar:
•
HVER ER GUSTAFFSON?
FRÓÐLEGT. væri nú að vita, hvort Gustaffson
er íslendingur eða ekki.
Ótrúlegt er, að menn eyði sumarfríi sínu í
Bretlandi til þess að bögla saman kjánalegum
skömmum um bresku þjóðina og senda blöð-
unum til birtingar. Þó gæti þetta verið.
En ef Gustaffson er alls ekki íslendingur,
ætti að ganga að því með oddi og egg, að fá
það leiðrjett i blaðinu. Það ætti ekki að vera
neinn vandi, að komast að því svo óvenjulegt
sem nafnið er hjer á landi.
En ferðafólki, sem fer til útlanda skal í vin-
semd bent á, að það hefir ekki mikið upp á sig,
að gera sig breiðan og merkilegan erlendis. —
Yfirleitt er mönnum sama hvað Gustaffsonarnir
hugsa og segja, en það getur skaðað lönd og
þjóðir að hlaupa með fleipur á opinberan
vettvang.
•
KÆRASTINN í KOREU
FYRIR nokkru birti Morgunblaðið ljósmynd af
þreyttum hermönnum úr herliði Sameinuðu
þjóðanna á Koreu. Þeir höfðu hvíldartíma milli
bardaga og voru að borða. — Nokkrum dögum
síðar kom ung stúlka og spurði hvaðan við
hefðum fengið þessa mynd. Er hún var ínnt
eftir því, hversvegna hún hefði áhuga fyrir að
vita heimildir fyrir myndinni, sagði stúlkan:
„Vegna þess að jeg þekki kærastann minn á
myndinni. Jeg er búin að leita að honum í
mörg ár og svo er hann þarna í Koreu“.
•
FORVITNI
AF einskærri forvitni langar mig til að hafa
tal af þessari stúlku, þar sem jeg hitti hana
ekki er hún kom til blaðsins. Það gæti hugsast
að mjer tækist að hjálpa henni að komast í
samband við kæra^tan, ef jeg fæ nafn hans og
fyrra heimilisfang. Er kærasta hermannsins því
beðin að hafa samband við Víkverja einhvern
næstu daga.
ÍÞRÓTTZR
Garðar S. Gíslason kosinn formaður F.R.Í
Ársþing Frjálsíþrótasambands
íslands fór fram sömu daga og
aðalhluti meistaramótsins. Á
þinginu var mættur 21 fulltrúi
frá sambandsfjelögum víðsveg-
ar af landinu. Forsetar þingsins
voru kjörnir Jens Guðbjörnsson
og Guðmundur Sigurjónsson, en
ritarar Bragi Friðriksson og
Jón M. Guðmundsson.
Þýska liðið kemur
á sunnudaginn
VEGNA ófyrirsjáanlegra tafa
heimafyfir, gat þýska knatt-
spyrnuliðið frá Rínarhjeruðum,
ekki komið með millilandaflug-
vjelinni Geysir í gær, eins og
áformað hafði verið. Mun liðið
vera væntanlegt á sunnudag-
inn kemur, með millilandaflug-
vjelinni Gullfaxa, sem tekur
knattspyrnuliðið í Hamborg.
Á mánudagskvöld leikur
Fram við úrvalslið þetta, þar
næsta leik leikur Víkingur, þá
sameiginlegt lið Valsmanna og
KR-inga óg fjórði leikurinn
verður við úrval' knattspyrnu-
{manna úr Reykjávíkurfjelög-
unum.
A þinginu voru rædd mörg
áhugamál frjálsíþróttamanna
og margar tillögur samþyktar.
Garðar S. Gíslason í Hafnar-
firði var kosinn formaður FRÍ
í stað Lárusar Halldórssonar, er
baðst undan endurkosningu
sem formaður. Meðstjórnendur
voru kosnir: Lárus Halldórsson,
Oliver Steinn, Jóhann Bern-
hard og Ingólfur Steinsson. — í
varstjórn voru kosnir: Þor-
björn Guðmundsson, Árni Kjart
ansson og Jón M. Guðmundsson.
Fráfarandi stjórn var á þing-
inu þakkað mikið og fórnfúst
starf. _______________
48,96 og 47,44 í
kringlukasti
Á INNANFJELAGSMÓTI h]á
ÍR og KR í gærkvöldi kastaði
Þorsteinn Löve kringlunni
48,96 m., sem er mjög góður ár-
angur, og gefur 999 stig. Frið-
rik Guðmundsson náði einnig
ágætum árangri, 47,44 m. Hafa
þeir báðir með þessu bætt fyrri
árangur sinn mjög.
Gunnar Sigurðsson kastaði
43.84 m. Er það einnig persónu-
legt met hjá honum.
Stðari falufi Reykja-
víkurmótsins hefst
í kvöld
Þá keppa Valur og Fram
SÍÐARI hluti Reykjavíkurmóts
ins í knattspyrnu hefst á í-
þróttavellinum í kvöld kl. 8 e.
h. Fer þá fram leikur milli Vals
og Fram, en á laugardaginn
heldur mótið áfram og keppa
þá KR og Víkingur.
Staðan eftir fyrri hluta móts-
ins, sem fram fór í vor, var sem
hjer segir:
Fram . 9:2 6
KR . 10:3 4
Valur . 1:5 2
Víkingur . 2:12 0
í íslandsmótinu, sem var
eftir fyrri hluta Reykjavíkur-
mótsins, kom greinilega í ljós
að styrkleiki fjelaganna hafði
mjög jafnast. KR varð t.d. ís-
landsmeistari. Það getur því
,,allt“ skeð í leikjum síðari
hluta Reykjavikurmótsins.
KAUPMANNAHÖFN. — Nýlega
er lokið í Kaupmannahöfn heimg
meistarakeppni í bogaskoti. Sig-
urvegari varð Hans Ventgen, Sví-
þjóð, í karlaflokki, og Jean Lee,
Bandaríkjunum, í kvennaflokki.