Morgunblaðið - 17.02.1959, Blaðsíða 18

18
MORGV1SBL AfílÐ
Þriðjudagur 17. febr. 1959
— Þorkell máni
Framh. af bls. 1.
Ina og fékk mjög mikinn halla.
Um leið voru allir skipverjar
kallaðir út til að hefja klakabarn-
ing og litlu síðar var bakborðs-
bátnum sleppt. Annars er tíma-
skynjun manns ekki svo örugg á
slíkum stundum og þori ég ekki
að segja neitt ákveðið um, hve
lengi skipið lá á hliðinni, eða hve
langan tíma tók að losa björgun-
arbátana o. s.frv. Það sem mér
hefur e. t. v. fundizt 10—20 mín.,
hefur kannski ekki verið meira
en 1—2 mínútur. Þegar við höfð-
um sleppt bakborðsbátnum, rétti
skipið sig aftur um stund, en litlu
síðar virtist það leggjast til hinn.
ar hliðarinnar og slepptum við
þá líka stjórnborðsbátnum. Til að
losa bátana þurfti að leysa fest-
ingarnar og skera á talíurnar og
þá ultu þeir í sjóinn.
— Svo líður nóttin og skipverj-
ar berja klaka þrotlaust í reið-
anum, á stjórnpalli og hvalbak
og notuðu til þess öll tiltæk verk.
færi, spanna, járnbolta, sleggjur
o. fl., en ekki höfðum við neinar
axir, sem tvímælalaust eru bezt
til þess fallnar að berja klakann.
Þær verða áreiðanlega hafðar
með í næstu túrum. Skipshöfnin
sýndi mikla hörku og dugnað við
þetta starf, enda var hún sam-
valin, allt vanir sjómenn og þrek-
miklir. Þrátt fyrir klakabarning-
inn fékk skipið hvað eftir annað
hættulegan halla ýmist á bak eða
Skipstjórnn á Þorkeli mána,
Marteinn Jónasson.
stjórn og var þá horfið að því
ráði að logskera bátauglurnar
(eða davíðurnar) í sundur. Það
gerði fyrsti vélstjóri, Þórður Guð-
laugsson. Ekki var hann bundinn
við þetta starf, en þurfti að leita
lags, er hallinn var sem minnst-
So/ex-
blöndungur fyrir
Ford Prefect
Ford, 4 cyl., 1928—’Sl
S*koda
Tatra
Fiat 1400
Standard
Rover
og fleira.
P. Sfefánsson hf.
Hverfisgötu 108.
Hér sér í sárið eftir að davíður höfðu verið skornar með log-
skurðartæki, undir hinum erfiðustu kringumstæðum sem
hugsazt geta.
ur. Miðað við allar áðstæður gekk
þetta greiðlega.
— Til marks um það, hvað
klakinn getur verið mikill, hélt
Marteinn Jónasson skipstjóri,
áfram, var stagurinn á poka-
bómunni sem venjulega er eins
og fingur manns að gildleika,
orðinn eins og tunnubotn, enda
var hann ekki barinn. Þá var
spilið orðið að einni klakahellu,
sem náði upp undir brúarglugga
og ef skipið lá lengi niðri, mynd-
aðist klakabelti af lunningunni
og niður á gang. Við gátum hald-
ið klakanum niðri á vöntunum,
hvalbaknum og á brúnni, og þeg-
ar við gátum náð klakanum af
spilinu, munaði það mjög miklu.
Sannleikurinn er sá, að maður
finnur það ekki af hreyfingum
skipsins, þegar það byrjar að ísa.
Þegar ísingin er orðin svo
mikil, að þyngdarpunkturinn
er farinn að færast til, þá
munar um hvert kíló af ís,
sem á skipið hleðst. Svo1
svart var útlitið um eitt skeið,
að það kom til tals milli mín,
fyrsta vélstjóra og fyrsta
stýrimanns, að skera aftur-
mastrið úr, ef ástandið versn-
aði.
Þess má geta, að botnfrosið var
í öllum vatnskössum nema ein-
um og því lítið um vatn. Sjórinn
er nærri frostmarki á þessum
slóðum og segja má, að hver
sletta, sem fer á skipið, festist
við það og verði að ís.
Þá gat Marteinn Jónasson þess,
að hann hefði sagt loftskeyta-
manninum, að rétt væri, að láta
nálæg skip vita, að Þorkell máni
væri í nauðum staddur: — Júní
frá Hafnarfirði svaraði okkur
fyrst, síðan Bjarni riddari og
Marz og kváðust þeir mundu
freista þess að sigla nær okkur,
en það var miklum erfiðleikum
bundið, þar sem ekki var hægt
að miða vegna klaka á lofnetjum
og illmögulegt að ákveða afstöðu
og fjarlægð milli skipanna, þar
sem bylur var á. Svo var haldið
hvíldarlaust áfram klakabarn-
ingi og skipinu sló að upp í. Á
mánudagsmorgun sáum við ljós
og reyndist það vera á togaranum
Marz. sem lónaði með okkur þann
dag allan og þangað til lagt var
af stað heimleiðis um nóttina. Þá
hafði veðrið gengið mikið niður
og allar aðstæður batnað. Skip-
stjórinn tók fram, að ekki sé
hægt að lýsa, hve öryggistilfinn-
ing skipverja á Þorkeli mána
jókst við samflotið við Marz, en
skipin höfðu samflot heim. Fékk
skipshöfnin aukinn styrk við að
sjá togarann ekki langt frá, en
menn voru orðnir talsvert lerk-
aðir eftir þrotlausan ísbarning í
2Vz sólarhring.
Þá sagði Marteinn Jónasson að
lokum, að lítil hætta hefði verið
á ferðum í slíku veðri í hlýrri
sjó eins og hér við land. Hann
bætti því einnig við, að hann
hefði verið þeirrar skoðunar, að
versti illviðratíminn væri nú lið-
inn hjá á Nýfundnalandsmiðum,
en því miður hefur sú spá ekki
rætzt, sagði hann. í næstu túrum
á undan hefur skipið lítið sem
ekkert ísað og í næst síðasta túr
var veðrið svo gott alla leiðina,
að engu var líkara en við værum
á síld fyrir Norðurlandi. Þarna
er mokfiskirí og aldrei eins mik-
ið og síðustu túrana. Loks má svo
geta þess, að við urðum ekki var-
ir við neinn rekís á miðunum.
Um borð í Þorkeli mána voru 32
menn, sá yngsti 18 ára. Einn skip-
verja, Sigurður Kolbeinsson, 2.
stýrimaður, slasaðist á baki, þeg-
ar hann var að berja klaka á
sunnudagsmorgun. Hann var uppi
á hvalbaknum við fimmta mann.
Þá reið sjór á skipið svo Sigurður
stýrimaður féll og slasaðist.
Þorsteinn Arnalds var að því
spurður, hvenær næsti togari
bæjarútgerðarinnar færi á Ný-
fundnalandsmið og sagði hann,
að það væri ekki ákveðið ennþá:
— En mér þykir ekki ósennilegt,
að einhver togari sæki þangað i
lok marzmánaðar, bætti hann
við.
VARSJÁ, 16 febr. — Sendinefnd
Pólverja er sat 21. flokksþing
rússneska kommúnistaflokksins,
er komin heim til Póllands. Þó
vantar enn formann nefndarinn-
ar, Gomulka forsætisráðherra.
Engin opinber skýring hefur enn
verið gefin á því, að hann skulni
dveljast lengur í Rússlandi, en
orðrómur hermir, að hann liggi
á sjúkrahúsi í Moskvu, — hafi
hann fengið inflúenzu.
*¥
♦ *
♦ *
ítalir heimsmeistarar í
3# Ær mm Jbt
. sinn i roo
NlUNDU heimsmeistarakeppn-
inni í bridge lauk sl. sunnudag.
Sigurvegarar urðu ítölsku kepp-
endurnir, í þriðja sinn í röð, en
í liðinu eru eftirtaldir menn:
Walter Avarelli, Giorgi Bella-
donna, Eugenio Chiaradia, Mas-
simo D’Alelio, Pietro Forquet og
Guglielmo Siniscalco. — Þátttak-
endur voru þrír, eins og áður
hefur verið skýrt frá, og voru
spiluð 156 spil milli sveita.
Um lokastöðuna höfðu í gær-
kvöldi ekki borizt áreiðanlegar
fréttir.
stæður til að fylgjast með keppn
inni mjög góðar, og margir vel
þekktir bandarískir spilarar
skýrðu út spilin og sýndu, jafn-
óðum og þau voru spiluð. Jafn-
fram var keppninni sjónvarpað,
og tókst það einnig mjög vel.
★
Hér kemur spil frá leik Banda-
ríkjamanna við ítali í nýafstað-
inni heimsmeistarakeppni.
Á öðru borðinu, þar sem
Bandaríkjamenn voru N-S opn-
aði norður á einu hjarta, sem
varð lokasögnin og fékk norður
aðeins 6 slagi, einn niður.
Keppnin var afar hörð og
spennandi, sérstaklega milli
Bandaríkjamanna og ítala. Eftir
48 spil var staðan jöfn, eða 70:69
fyrir Bandaríkjamenn. X næstu
20 spilum tókst Bandaríkja-
mönnum að komast 22 stigum
yfir ítalina (103:81), en ítalir
tóku forystuna í næstu 16 spil-
um, og var staðan þá orðin 122:
110 ítölum í vil. Bandaríkja-
menn unnu 8 stig á í næstu 20
spilum, svo staðan að loknum
104 spilum var 147:143 ítölum í
vil. Eftir það var mikil barátta
og jöfn, en Italir tryggði sér síð-
an sigurinn, eins og fyrr segir.
X öðru sæti urðu Bandaríkja-
menn og Argentínumenn í því
þriðja. Bæði Bandaríkjamenn og
ítalir tóku strax í byrjun keppn-
innar forystuna yfir Argentínu-
mönnum, og bættu báðar þjóðir
yfirleitt við forskotið, en þó tókst
Argentínumönnum stundum vel
upp, eins og t. d. í 5. umferð,
þegar þeir vöktu athygli fyrir
að minnka forskotið gegn báðum
þjóðunum.
Keppni þessi fór vel fram og
var mjög vel sótt, enda voru að-
* Á G 10 8
¥ K 8 7 6 2
* Á K D 5
* —
* K D 7
¥ Á 10 9
* 942
* 10 7 3
N y D G 5 3
V A ♦ G 10 6
S * Á K 9 4
* 9 5 4 2
¥ —
* 873
* D G 8 6 5 2
Á hinu borðinu sátu Italirnir
Avarelli og Belladonna, N-S, og
þar gengu sagnir þannig:
A s V N
pass pass pass 2 ♦
pass 2 * pass 4 *
Opnunin á 2 tiglum hjá norð-
ur þýðir, að skiptingin sé 5-4-4-0.
Þegar svo suður segir frá spað-
anum stekkur norður í 4 spaða,
sem unnust auðveldlega og Ital-
irnir græddu 500 á spilinu eða
6 stig.
Ný lögreglustöÖ brýn
nauösyn
AÐALFUNDUR Lögreglufélags
Reykjavíkur var haldinn sunnu-
daginn 25. jan. sl. Meðal annars
voru eftirfarandi áskoranir sam-
þykktar:
Aðalfundur Lögreglufélags
Reykjavíkur, haldinn sunnudag-
inn 25. jan. 1959, ítrekar fyrri
áskorun til hæstvirtrar ríkis-
stjórnar, um að þegar verði haf-
izt handa um byggingu nýrrar
lögreglustöðvar í Reykjavík, fyr-
ir allar starfsgreinar lögreglunn-
ar í bænum. Telur fundurinn nú-
verandi húsakost óviðunandi og
mjög til hindrunar eðlilegri þro-
un löggæzlunnar í bænum.
Með ári hverju verður þörfin
fyrir úrbætur brýnni vegna stækk
unar bæjarins, aukinnar íbúátölu
og aukningar lögregluliðsins.
Fundurinn telur einnig, að
bygging nýrrar fangageymslu
þoli eigi neina bið.
Fundurinn bendir ennfremur á,
að Alþingi hefir sýnt ákveðinn
vilja í framangreindum efnum
með fjárveitingum til bygging-
ar nýrrar lögreglustöðvar, og
treystir fundurinn því, að hæst-
virt rikisstjórn sjái sér fært að
hefja framkvæmdir í þessu mikla
nauðsynjamáli þegar á þessu ári.
Aðalfundur Lögreglufélags
Reykjavíkur, haldinn sunnudag-
inn 25. jan. 1959, skorar á Inn-
flutningsskrifstofuna að veita
fjárfestingarleyfi til byggingar
nýrrar lögreglustöðvar í Reykja-
vík, svo að hægt verði að hefja
verkið á þessu ári. Húsnæði það,
sem lögreglan á nú við að búa,
er með öllu ófullnægjandi og
óforsvaranlegt. Þolir því enga
bið, að framkvæmdir til úrbóta
verði hafnar. Ennfremur skorar
fundurinn á innflutningsyfirvöld
að veita greiðlega umbeðin leyfi
fyrir þeim tækjum, sem lögregl-
unni eru nauðsynleg til þess að
halda uppi öruggri löggæzlu.
Á framhaldsaðalfundi hinn 8.
þ.m. fór fram stjórnarkjör og eft-
irtaldir menn kjörnir í aðal-
stjórn:
Erlingur Pálsson, formaður;
Bogi Jóhann Bjarnason; Óskar
Ólason; Guðmundur Sigurgeirs-
son og Þórður Kárason.
Norðlenzkir
barnakennarar
mótmæla
BLAÐINU hefir bori»t eftirfar-
andi frá Sambandi norðlenzkra
barnakennara:
„Vegna framkomins frumvarps
alþingismannanna Karls Krist-
jánssonar og Björns Jónssonar um
full kennararéttindi þeim til
handa, er starfað hafa við barna-
kennslu réttindalausir 10 ár eða
lengur, vill stjórn Sambands
norðlenzkra barnakennara taka
fram eftirfarandi:
Verði frumvarp það, er hér
um ræðir að lögum, telur stjórn-
in, að með því væri freklega
gengið á rétt kennarastéttarinn-
ar.
Auk þess myndi það reynast
hættulegt Kennaraskóla fsiands
og kennaramenntun yfirleitt.
Stjórn Sambands norðlenzkra
barnakennara leyfir sér því að
mótmæla eindregið framkomnu
frumvarpi og skorar á hið háa
Alþingi að fella það.
Með virðingu
Þórarinn Guðmundsson, form.,
Svava Skaftadóttir, ritari.
Theódór Daníelsson, gjaldkeri".