Morgunblaðið - 15.09.1959, Qupperneq 15

Þriðjudagur 15. sept. 1959
MORCUNBLAÐIÐ
15
ev* ■■■■ * w
ÞórSur Runólfsson 60 ára
ísl. tuwga og bókmenntir
kennd 16 norrœnum stúdenfum á nám-
skeiði Stúdentaráðs í Háskóla íslands
FIMMTÁN norrænir stúdentar
eru komnir hingað til lands, til
þess að taka þátt í námskeiði í
íslenzku máli og bókmenntum,
sem fram fer við Háskóla ís-
lands dagana 11. sept. til 5. nóv..
en alls verða þátttakendur
sextán.
Stúdentaráð Háskóla íslands
hefur í samráði við stúdentasam-
tökin á hirium Norðurlöndunum
haft forgöngu um að námskeiðið
yrði haldið hér, en samskonar
námskeið hafa undanfarin ár ver-
ið haldin í norsku, sænsku og
dönsku í viðkomandi löndum.
Ýmsir aðilar hafa veitt stúdenta-
ráði mikilsverðan stuðning í sam-
handi við námskeiðið, t.d. bæði
Alþingi og Háskóli íslands.
Námið og kennararnir
Á námskeiðinu verður leitazt
við að kenna hinum norrænu
stúdentum að tala íslenzku, svo
sem frdkast er unnt á þeim
tveggja mánaða tíma, sem nám-
skeiðið stendur. Mun próf.
Hreinn Benediktsson annast þann
hluta kennslunnar, og verður til
að byrja með lögð megináherzla
á tungumálsnámið. Þegar á líð-
ur mun svo þeir prófessorarnir
Einar Ól. Sveinsson og Steingrím
ur J. Þorsteinsson flytja fyrir-
lestra um bókmenntir íslendinga
að fornu og nýju, þ. á. m. Eddu-
kvæði, Njálu, þjóðkvæði og
dansa, rímur, Lærdómsöldina,
þjóðsögur, leikrita- og skáld-
sagnagerð, auk þess sem sérstak-
lega verður fjallað um verk nokk
urra höfuðskálda íslenzkra.
Auk tungumáls- og bókmennta
kennslunnar mun svo þátttak-
endum smám saman verða kynnt
ýmis önnur íslenzk efni með það
fyrir augum, að þeir megi öðl-
ast sem gleggsta mynd af landi
og þjóð. — í sambandi við nám-
skeiðið verður svo loks efnt tii
ferða á ýmsa merka sögustaði
hér sunnanlands.
Frá öllum Norðurlöndunum
Þátttakendurnir, sem hingað
koma nú, eru sem fyrr segir 15
að tölu, 1 Finni, 7 Svíar og 7
Danir, en auk þess mun einn
Norðmaður, sonur norska sendi-
herrans hér, taka þátt í nám-
skeiðinu, svo að alls verði þátt-
takendur sextán, frá öllum Norð-
urlöndunum. í hópnum eru 8
stúlkur og átta piltar, og búa þaa
víðsvegar í bænum.
Það gaf nokkra
skýringu
SELFOSSI, 14. sept. — Oft stöðva
lögreglumenn hér bíla, gera í
þeim leit að áfengi og fram
kvæma annað eftirlit. Mjög oft
kemur það fyrir, að verulegar
birgðir af áfengi finnist í bílun-
um. Farþegar segja vínið vera
sína eign. Eru það oft allmiklar
birgðir, sem menn hafa undir
höndum á slíkum ferðalögum.
1 dag var leitað til lögreglunn-
ar hér og hún spurð um ferðir
manna er farið höfðu í bíl austur
fyrir Fjall. Einn þeirra var ekki
kominn heim til sín frá því á
laugardaginn. Lögreglan hafði
þann dag stöðvað bíl, sem maður
þessi var í. Voru farþegarnir,
fimm að tölu, allir vel við skál.
Þeir höfðu haft meðferðis einn
12 flösku kassa af áfengi í nest-
ið. Var talið að þetta gæti gefið
nokkra skýringu á hvarfi manns-
ins! —.
íbúðir tU sölu
Til sölu eru mjög góðar 3ja og 4ra herbergja íbúðir
á hæðum í fjölbýlishúsi, sem er í smíðum við Stóra-
gerði í Háaleitishverfi. Hverri íbúð fylgir auk þess sér
herbergi í kjallara hússins auk venjulegrar sameignar
í kjallara. Ibúðirnar eru seldar fokheldar, með fullgerðri
miðstöð, húsið múrhúðað og málað að utan, öll sameign
inni í húsinu múrhúðuð allar útidyrahurðir fylgja. Bíl-
skúrsréttur fylgir. Mjög fagurt útsýni. Hagstætt verð
og greiðsluskilmálar.
FASTEIGNA & VERÐBKÉFASALAN,
(Lárus Jóhannesson, hrl.)
Suðurgötu 4, — Símar: 13294 og 14314.
Lugtœkur muður
óskast til iðnarstarfa nú þegar. Ennfremur vantar
unglingspilt. Uppl. í síma 17295 frá kl. 4r—6 í dag.
ÞÓRÐUR Runólfsson, öryggis-’
málastjóri er 60 ára í dag.
Þegar aldur leyfði, hóf hgnn
járnusmíðanám er lauk með
sveinsprófi, sveinsstykkið var
járnklippur. Að loknu jámsmíða
náminu hóf hann nám í Vélstjóra
skólanum í Reykjavík, en sá skóii
var þá fárra ára gamall, og laux
þaðan vélstjóraprófi.
Ekki lét Þórður hér staðar
numið á sinni menntabraut, held-
ur leitaði út fyrir landssteinana
til frekara náms og lauk verk-
fræðiprófi í Þýzkalandi. Þegar
hann kom heim að námi loknu,
hóf hann strax tæknistörf, nóg
voru verkefnin, þjóðin var nýlega
laus við erlenda áþján og var að
vakna til dáða á ný. Lágkúruskap
ur og fásinna voru ríkjandi hér
á landi um þetta leyti, sem von
var, og var það einna erfiðast
viðureignar fyrir hinn unga
mann við tæknistörfin.
Ekki er þessum línum ætlað
að vera æviminning Þórðar, þar
sem hann er síungur og í fullu
fjöri og á eflaust langan vinnu-
dag eftir, heldur aðeins að rifja
upp í tilefni þessa merkisdags
lífi hans, eitthvað af þvi, sem
hann hefur lagt gjörva hönd á.
Hann kenndi mótorfræði við nám
skeið Fiskifélags fslands v
skeið og samdi kennslubók í því
sambandi; sem lengi var notuð,
og eldri vélamenn muna.
Snemma byrjaði Þórður á véla
og verksmiðjueftirliti á vegum
ríkisins og stofnsetti Verksmiðiu
eftirlit ríkisins er seinna var
breytt í Öryggiseftirlit ríkisins og
hefur hann veitt því forstöðu alla
tíð. Þórður hefur haft mikil af-
skipti af síldar- og fiskiðnaði
landsmanna og teiknað margar
verksmiðjur. Hann átti sæti í
bygginganefnd síldarverksmiðja
ríkisins þegar nýsköpun þeirra
hófst á sínum • tíma og byggðar
voru hinar stóru og glæsilega
verksmiðjur norðanlands.
Þeg'ar hefja átti endurnýjun
togaraflotans tók hann þátt i
þeim undirbúningi og teiknaði
dieseltogara í samkeppni, er
haldin var í því sambandi og
hlaut verðlaun fyrir
Þórður er í hópi þeirra manna,
er hafa byggt upp það tækniþjóð-
félag, sem við lifum nú í og njót-
um.
Þórður hefur lengi verið stunda
kennari við Vélskólann í Reykja
vík, og ætla ég að það starf hafi
verið honum mjög hugfólgið,
hann er að allra dómi góður kenn
ari í orðsins beztu merkingu,
, enda mikilsvirtur af öllum sín-
(um nemendum og samkennurum.
í kennslustarfi Þórðar, komu
skýrlega fram mannkostir hans
og þekking á vélum og vélbúnaði.
Hann er kröfuharður kennari og
leggur mikið upp úr slikri snyrti
1 mennsku, því hann segir „góð-
ur vélstjóri er snyrtimenni". —
Þórður er snyrtimenni sjálfur svo
• af ber, enda er hann listamaður
• i eðli sínu. Hann málar mikið í
frístundum sínum.
1 Hann er prófdómari við vél-
stjórapróf Vélskólans í Reykja-
f vík. Þórður er mikill smekkmað-
ur á íslenjkt mál, hefur skrifað
og þýtt bækur og greinar um
(tækniefni á íslenzku og farist það
mjög vel úr hendi, en eins og
kunnugt er, er það ekki alltaf auð
velt að skrifa tæknimál á ís-
lenzku. Hann hefur með þessu átt
drjúgan þátt í myndun hins ís-
lenzka tæknimáls.
Það er ótrúlégt að Þórður skuli
vera orðinn 60 ára, svo ungur,
sem hann er í anda og veru, pað
er því ósk mín, að hann eigi eftir
að afreka margt ennþá í tækni-
málum íslands.
Eg óska svo honum og fjöl-
skyldu hans til hamingju með
afmælið og tala þar ábyggilega
fyrir stóran hóp vélskólamanna.
Andrés Guðjónsson.
ÞAÐ er ótrúlegt. Þessi maður
með svo léttan limaburð og
beinni líkamsvöxt en margur
fertugur. — Jú, það er satt. Hann
er sextugur í dag.
Það fer ekki hjá því, að dreng-
lund manna og gerð hugarfarsins
skapar yfirbragð þeirra. Þórður
er drengur góður og vinfastur en
lipurmenni í hvívetna. Hann er
hjálpsamur bæði skyldum og
vandalausum, þegar hann sér
ástæðu til aðstoðar, hefur glögga
réttlætiskennd og viðkvæmni
fyrir f>vi, sem bæta þarf með
mönnum og málefnum, þótt ekki
verði alltaf aðgert. Þórður er
hagur vel og listrænn. 1 allri
hans listhneigð kemur fram lip-
urðin, snyrtimennskan og prúð-
mennið Þórður Runólfsson. —
Einhver gæti nú haldið af lýs-
ingu þessari, að maðurinn muni
vera skaplaus og meinlaus um of.
Því er öðru vísi farið. Þórður er
hvatur og harðskeyttur, ef hon-
um finnst hlutur sinn eða skjól-
stæðinga sinna vera fyrir borð
borinn og mun því ekki heiglum
hent að hagnast af þeim við-
skiptum.
Hér verður ekki rakin ætt
Þórðar eða uppruni, heldur dreg-
xnn í dagsljósið starfsmaðurinn
og persónuleikinn Þórður Run-
ólfsson, eins og ég hef kynnzt
honum og þekkt hann.
Þórður hefur nú í full þrjátíu
ár starfað í þjónustu hins opin-
bera. Hann hefur verið sannkall-
aður brautryðjandi að öryggis-
málum ríkisins varðandi flest
störf iðnaðar- og verkamanna í
landinu og haslað þar völl, sem
var grýttur og ógreiðfær um
flesta hluti. Það er ekkert á-
hlaupaverk að kenna þjóð, sem
unnið hefur að daglegum störf-
um sínum og lífsvenjum í nokk-
urn veginn óháðu umhverfi án
tillits til bindinga eða skyldu
varðandi öryggismálin, að fara
nú að settum reglum í öllum at-
vinnuháttum. Það voru heldur
ekki allir, sem hlýddu þessum
skyldum við sjálfa sig og náung-
ann, umtölulaust og án athuga-
semda, þótt sumir gerðu það.
Þá þurfti á glöggskyggni Þórðar
og persónuleika hans að halda,
til að fá vandasömum málum
framgengt svo að réttum tilgangi
væri náð.
I seinni tíð hefur starfssvið
Öryggiseftirlits ríkisins, sem
Þórður veitir forstöðu, aukizt
svo, að hann hefur nú orðið að
fela öðrum flest raunhæf eftir-
litsstörf, því sjálfur hefur hann.
ærin verkefni við stjórn og upp-
byggingu stofnunarinnar. Sam-
starfið við hin Norðurlöndin um
öryggismál er gagnkvæmt og
krefst því einnig mikillar starfs-
orku Þórðar. l
Þórður hefur oft verið fulltrúi
íslands á ráðstefnum erlendis
varðandi öryggismál, skrifað og
þýtt bækur og bæklinga uxfx vél-'
ar og vélfræði, verið fulltrúi rík-
isins við byggingu verksmiðja,
teiknað og skipulagt fjölda véla
og tækja, enda ótvírætt einn fær-
asti maður, sem ísland á til slíkra
starfa.
Ég óska þér til hamingjy á
þessum merka afmælisdegi þín-
um, Þórður, og þakka þér hlýtt
viðmót og mikinn drengskap.
Hamingja fylgi þér og konu
þinni. Einnig óska ég syni ykk-
ar og dóttur ásamt fjölskyldum
þeirra til hamingju með þessi
merku tímamót æfi þinnar og bið
ykur öllum blessunar í hvívetna.
Lifðu heill, Þórður!
Friðgeir Grímsson.
Auglýsendur!
er
helmingi útbreiddara
en nokkurt annað
íslenzkt dagblað.
☆
Blaðið er nú sent
öllum þeim, er áður
fengu „ísafold og Vörðcí.
og er bví lesið á
flest öllum bæjum
dreifbýlisins.
☆
er blað alh-a landsmanna.