Morgunblaðið - 18.11.1959, Síða 13

Miðvikudagur 18. nóv. 1959
MOTtCTiynr 4 fílÐ
13
Ingimundur CuBmunds■
son Litlabœ, áttrœður
INGIMUNDUR Guðmundsson,
Litlabæ á Vatnsleysuströnd, er
80 ára í dag. Hann er fæddur á
Bakka í Kálfatjarnarhverfi 18.
nóv. 1879. Foreldrar hans voru
Guðbjörg Egilsdóttir og Guð-
mundur Ingimundarson, bæði
ættuð úr Árnessýslu og komin
af miklu dugnaðarfólki í ættir
fram, enda voru þau bæði mjög
dugleg, vel gefin og greind. Söng
maður var Guðmundur ágætur
og vegna hans góðu sönghæfi-
leika mun séra Stefán Thoraren-
sen á Kálfatjörn, sem var mikill
söngmaður og efldi mjög söng í
sóknum sínum, hafa fengið Guð-
mund til að flytja búferlum úr
Grindavík að Bakka. Einnig var
Guðmundur smiður góður. Guð-
mundur og Guðbjörg eignuðust
10 börn og komust fimm þeirra
til fullorðinsára; var Ingimundur
yngstur og er nú einn eftir. Öll
voru þessi systkini mjög vel gef-
in, fróðleiksfús og söngelsk og til
allrar vinnu svo dugleg að orð
fór af.
Ingimundur er nú áttræður,
unglegur og léttur í spori og
vinnur svo að segja öll algeng
störf. Hann er skipasmiður og
hefur smíðað fjölda báta og gert
við og stækkað fleytur, allt frá
tveggja manna förum upp í átt-
ræðinga og flest hafa þetta verið
fleytur undir vélar, traust og vel
smíðuð, og það er óhætt að full-
yrða, að fleytur þær sem Ingi-
mundur hefur smíðað, eru góð
sjóskip. Róið hefur Ingimundur
til fiskjar frá æsku og verið for-
maður um áratugi, og stundað
sjó fram að þessu og mun það
fágætt. Litlibær á uppsátur í
Bakkavík, þar er ein versta
lending á Vatnsleysuströnd. Sé
eitthvað í sjóinn er brim í Bakka
vör. Sundið er slæmt og verður
að fara svo að segja utan í
Fjósaboða en það hefur aldrei
orðið neitt að hjá Munda. Hann
er aðgætinn og öruggur, en kom-
ið hefur fyrir að hann hefur orð-
ið frá að hverfa og lenda annars
staðar. Ingimundur er einn af
eldri kynslóðinni er sótti sjóinn
af Vatnsleysuströnd á skipi með
árar og segl og krúsaði land-
synninginn, sjómennskan á þeim
skipum var list, sem nú er liðin
undir lok. Þegar farið var að
setja vélar í opin skip var Ingi-
mundur einn hinn fyrsti hér að
setja vél í skipið sitt og mátti
segja að hann væri fljótur að
átta sig á véltækninni og taka
hana í þjónustu sína, bæði til
sjós og lands og svo var sem
hann kynni strax að fara með
allar vélar og með góðum ár-
angri.
Ingimundur hefur alla tíð haft
talsvert landbú og var með þeim
fyrstu að fá sér dráttarvél með
tilheyrandi vélum og vinnur með
þeim enn í dag sem nýjar væru.
Á yngri árum hafði Ingimund-
ur smiðju, smíðaði skrúfur og
sitthvað úr járni er sveitungana
vanhagaði um og svo var um
margt fleira til húsa og annars
er laga þurfti, að leitað var til
Ingimundur og bóngóður er hann
og duglegur við verk sín svo af
ber og ódýr á verk sín. Ingi-
mundur er mikill búskaparmaður
á gamla vísu, sláttumaður mikill,
um mörg sumur fór hann norður
í land í kaupavinnu á ygnri ár-
! um. —•
Ingimundur er kvæntur góðri
og mikilhæfri konu, Abilgail Hall
dórsdóttur, ættaðri úr Önundar-
firði, og hafa þau átt þrjú börn,
dó eitt í æsku, hin eru Stefán,
kaupmaður í Hábæ í Vogum, og
Guðrún, ekkja Samúels Eyjólfs-
sonar bónda á Þórustöðum.
Ég óska þér til hamingju með
áttræðisafmælið, með þakklæti
fyrir liðin ár og bið þér og konu
þinni allrar blessunar.
Erlendur Magnússon,
Kálfatjörn.
★
ÞENNAN dag 18. nóv. 1879, var
sveinn í heiminn borinn að
Bakka á Vatnsleysuströnd. Sá
var vatni ausinn og Ingimundur
nefndur.
Ungur missti hann föður sinn,
en ólst upp og bjó, fram um þrí-
tugsaldur með móður sinni,
ásamt fleiri systkinum sínum. En
Til leigu
Mjög skemmtileg hæð um 140 ferm. á bezta stað
í austurbænum, með öllum nýtízku þægindum, er til
leigu nú þegar. Einhver fyrirframgreiðsla. Tilboð
sendist afgr. Mbl. merkt: „Leiga — 4387“.
Geymsluhúsnœði
Gott húsnæði 30—60 ferm. sem næst Hlemmtorgi,
sem nota má sem geymslu á vefnarðarvöru, óskast
strax. Tilboð ásamt uppl. um stærð, sendist afgr.
Mbl. merkt: „Geymsluhúsnæði — 8430“.
íbúð óskast
Góð tveggja herbergja íbúð í Vesturbænum óskast
til leigu nú þegar. Uppl. í síma 19422.
Sindri hf.
5 herb. íbúð
Er með 5 herb. ibúð í smíðum og langt kominn.
Vil skipta á íbúðinni og einbýlishúsi, má vera lítið,
en ekki mjög gamallt, annað hvort í Reykjavík eða
Kópavogi. Til greina kemur einnig sala. Tilboð send-
ist afgr. Mbl. merkt,, Skipti—Sala — 8428“, fyrir
21. nóv.
Hjónin að Litlabæ
hann var þeirra yngstur, og nú,
af þeim einn eftir á lífi.
Segja má að alla æfina hafi
Ingimundur átt sitt heima „á
sömu þúfu“. Svo nálægt stóðu
bæirnir Bakki. Bjarg og Litlibær
hver öðrum, en á þeim öllum —
og í þeirri röð sem taldir eru —
hefir hann átt sitt heimili, og
gjarnan kenndur við hvern
þeirra sem er.
Að Litlabæ, þar sem Ingimund-
ur og kona hans, Abígael Hall-
dórsdóttir, hafa búið nær 30 ár,
byggðu þau frá grunni stein-
steypt íbúðarhús, fjós, hlöðu,
smíðahús og aðrar byggingar. Á
þessu býli, þar sem fram yfir
síðustu aldamót var engin kýr-
nyt, hafa í búi Ingimundar verið
5—6 kýr í fjósi. Annars hafa störf
Ingimundar verið margþætt og
vinnudagur oft langur. Máske um
óttuskeið hóf hann dagsverk
sitt með því að „kalla“ háseta
sína í róður.
Einn sá yngsti var þá stund-
um heldur syfjaður og langaði
til að lúra lengur. En ekki dugði
annað en gegna kalli og sízt
þurfti að kvíða deginum í sam-
verunni og undir stjórn hins
gætna og glaða formanns. Stæði
sjóferð ei dag allan, voru verk-
efni Ingimundar enn ærin nóg.
Stundum . varð viðfangsefnið
báturinn sem á stokkum stóð í
smíðum. Stundum farið í smiðj-
una og járnið glóandi lagt á
steðjann og lagað undir hamrin-
um, þar til fullsmíðaður hlutur
var kældur í vatnskerinu. Stund
um var byssan tekin og farið í
veiðiferð „inn með sjó“ eða upp
til heiða og ótal mörg fleiri voru
verkefnin.
Líka, ef það óhapp hafði ein-
hvern hent að laska skip sitt I
lendingu, eða þótt eitthvað
minna hefði að orðið, þótti flest-
um hreppsbúum sjálfsagt að
leita til „Munda á Bakka“ og
mun vart nokkur hafa farið þar
bónleiður til búðar.
Kæra afmælisbarn. Fátækleg
þakkarorð er lítil umbun fyrir
alla þína greiðasemi á langri æfi
þinni. En það vil ég segja, að ætti
ég þess kost að lifa upp að nýju
æsku mína og uppvaxtarár, þá
vildi ég sízt vera án þín, sem
hins glaðlynda, góða og sí-hjálp-
fúsa nágranna.
Að síðustu bið ég þér alls hins
bezta um ókomin æfiár, og hygg
að margir vilji undir það taka,
með innilegri þökk fyrir öll hin
góðu kynni.
Guð' blessi þig, konu þína og
börn, hús þitt og heimili.
J. H-
Til sölu tveggja dyra
Ford 1958
sem nýr.
BIFREIÐAR og LANDBÚNAÐARVÉLAR H.F.
Brautarholti 20
_
3jo herb. íbúð
er til sölu strax af sérstökum ástæðum í nýbygglngu
við Sólheima 23. Uppl. á skrifstofu okkar að Haga-
mel 18 kl. 5—7.
Byggingarsamvínnufélag prentara