Morgunblaðið - 04.03.1960, Page 17

FöstucTagur 4. marr 19R0
M o n r. rnv n r 4 »10
17
UTGEFANDI: SAMBAND UNGRA SJÁLFSTÆÐISMANNA RITSTJÖRI: BJA RNI BEINTEINSSON
Nýft Verzlunarskólahús
mun rísa á þessu ári
Spjallað við fvo nemendur skólans
TÍÐINDAMAÐUR síðunnar
hitti þá Skúla Möller, nem-
anda í 6. bekk Verzlunarskól-
ans og Harald Gíslason, ný-
kjörinn formann Málfunda-
félags Verzlunarskólans á
förnum vegi og notaði tæki-
færið til að spyrja þá út úr
um hið helzta, sem gerzt hef-
ur í félagslífi nemendanna í
vetur.
— t>ú ert orðinn heimavanur
í Verzlunarskólanum, Skúli. -—
Geturðu ekki frætt okkur á því
helzta, sem gerzt hefur í félags-
lífinu undanfarið?
— Tja ég veit ekki. Eins og
þú veizt hefur skólinn búið við
þröngt húsnæði mörg undanfarin
ár og hefur það auðvitað verið
félagslífinu nokkur fjötur um
fót. Nú hefur hins vegar verið
hafizt handa við nýja skólabygg-
ingu á lóð skólans við Þingholts
stræti og sennilega verður fyrsta
hæðin langt komin að hausti. —
Skólabragurinn undanfarin ár
hefur borið talsvert mót af þeim
aðstæðum, sem félagsstarfsemi
nemenda býr við. En nú stendur
þetta allt til bóta.
— Er þá nokkuð félags-líf í
Verzlunarskólanum, nema kann-
ski helzt skemmtanalíf?
— Sussu, já, ég held nú það.
Félagslífið er að minstum hluta
fólgið í skemmtunum. Allskonar
nefndir og ráð eru starfandi, hver
á sínu sviði, blaðaútgáfa með
miklum blóma, málfundastarf-
semi og sitthvað fleira.
— Hvað getur þú, Haraldur
sagt okkur um þetta fjölbreytta
félágslíf?
— Málfundafélagið er án vafa
merkasta félag skólans. Þar
iðka menn orðsinS list. Margvís-
ieg umræðuefni eru tekin til með
ferðar: „Sömu laun fyrir sömu
vinnu“, „Leikfimisskylda í skól-
anum“ og sakar ekki að geta
þess að flestir nemendur virðast
vera á móti slíkri skyldu, „Kven
réttindi1* og ,Bindindismál“ og
auk þess er árlega haldin mælsku
keppni, þar sem allir helztu
mælskumenn skólans leiða sam-
an hesta sína. Málfundafélagið
gefur út „Viljann“ og er hann
langelzta akólablað á landinu,
nýlega orðinn fimmtugur. Fyrstu
árin var hann skrifaður og les-
inn upp á fundum nemenda, en
‘því miður virðist megnið af
fyrstu árgöngunum hafa glatazt,
en síðan 1930, eða þar um bil,
hefur hann ýmist verið fjölrit-
aður eða prentaður.
Svo er starfandi skemmtinefnd,
sem gegnir því göfuga hlutverki
að sjá um fótamennt nemenda.
Dansæfingar eru yfirleitt mjög
vel sóttar en allar meiri háttar
skemmtanir verður að halda
utan skólans vegna þrengsla. —
Árlega er efnt til kynningar-
kvölds og þangað boðið öllum
„busum“ og þeir kynntir fyrir
skólasystkinum sínum. Fullveld-
isfagnaður er haldinn 1. desem-
ber, árshátíð stendur venjulega
upp úr áramótum og auk þess
eru haldnar dansæfingar í skól-
anum öðru hvoru. í vetur var
fenginn danskennari til að leið-
beina nemendum á skemmtunum
og hefur það gefizt ágætlega.
— Eru fleiri skemmtinefndir
starfandi?
— Nemendamótsnefnd annast
undirbúning næstu skemmtunar
vetrarins, nemendamótsins, og
var það nýlega haldið í Sjálf-
stæðishúsinu. Þar voru leikþætt-
ir og söngur, jass og dramatísk
tónverk og auðvitað dans.
En það eru fleiri nefndir. í-
þróttanefnd starfar af kappi og
hefur á þessu skólaári gengizt
fyrir innanskólamótum í knatt-
spyrnu og körfuknattleik. Þá er
einnig frækið sundfólk í skólan-
um, þau Guðmundur Gíslason
og Hrafnhildur Guðmundsdóttir.
Þá eru venjulega skákmót í skól-
anum á hverjum vetri.
— Ekki vænti ég að bindind-
isfélag sé í skólanum?
— Jú, reyndar og hefur starf-
að mikið og vel og er víst nokk-
uð fjölmennt. Það berst fyrir
reglusemi nemenda og öllum
andlegum þroska og er virkur
þátttakandi í Sambandi bind-
indisfélaga í skólum. Einnig má
geta 4-bekkjarráðs, sem skipu-
leggur starf 4. bekkjar og aflar
fjár til ferðalags að loknu burt-
fararprófi.
— Geturðu sagt okkur fleira
um félagslíf nemenda almennt?
— Það er af mörgu að taka.
Ég gleymdi víst að minnasit á
Verzlunarskólablaðið, sem kem-
ur út árlega á nemendamóts-
daginn og hefur komið út síðan
1933 að tveim árum undanskild-
um. Þá er einnig kosin fegurð-
ardrottning skólans á hverju
skólaári. Bókasafn Verzlunar-
skólans var endurvakið fyrir
nokkrum árum og fékk til um-
ráða ágætar vistarverur, en ég
held að nemendur notfæri sér
það ekki sem skyldi. Þar er margt
góðra bóka, bæði sem gamlir
nemendur hafa gefið skólanum
og einstakir bókaútgefendur.
Bókavörður er úr 6. bekk. Síð-
astliðið ár var lögð niður nefnd,
sem lengi hefur verið deiluefni
nemenda og komið af stað mörg-
um rimmum á málfundum. Það
var selsnefndin svokallaða. Hún
var stofnuð fyrir alllöngu og
markmiðið hefur áreiðanlega
verið göfugt í upphafi, en sjóðir
selsnefndar höfðu aldrei náð að
gildna svo, að hægt væri að hugsa
til framkvæmda í náinni fram-
tíð. Því var hún lögð niður á síð-
astliðnu ári og fjárráð hennar
lögð undir Málfundafélagið. Ég
held, að þegar á allt er litið, hafi
þetta verið farsælustu málalok-
— Þú ert í 6. bekk Skúli. —
Hvað geturðu sagt okkur um fé-
lagslíf lærdómsdeildarinnar?
— Það er nú harla fáskrúðugt.
Fimmti og sjötti bekkur eru
svoddan hraðsuða, að nemendur
hafa lítinn sem engan tíma til
að sinna öðru en náminu. Sér-
staklega á þetta við um 5. bekk,
því þar er byrjað bæði á latínu
og frönsku, auk náttúrufræðinn-
ar. Við höfum því lítinn tíma
til hugðariðkana. í 6. bekk
léttir hins vegar ofurlítið á og
Fegurðardrottning Verzlunar-
skólans, Ragnhildur Alfreðs-
dóttir.
rekur sá bekkur skólabúðina,
þar sem nemendur kaupa brauð
og gosdrykki í frímínútum. Auk
þess fjölritar bekkurinn glósur
fyrir neðri bekkina og selur til
ágóða fyrir utanfararsjóð sinn.
Þá hafa undanfarin ár verið
gefin út blöð í 6. bekk og kver
með fjölprentuðum myndum
nemenda og kennara kom fyrst
út í hitteðfyrra.
★
Verzlunarskóli fslands var
stofnaður fyrir meira en 50 ár-
umaf nokkrum kaupsýslu- og
verzlunarmönnum í Reykjavík,
sem sáu þess brýna þörf að efla
mentun stéttar sinnar. Allt til
þessa dags hefur það verið aðal
markmið skólans að mennta fólk
‘til verzlunarstarfa. Ekki ein-
göngu í verzlunum, heldur miklu
fremur til hinna ábyrgðarmeiri
starfa við verzlun landsmanna.
Auk þess starfar lærdómsdeild
og brautskrárir árlega um og
yfir 20 stúdenta. Margir þeirra
nema stafróf viðskiptafræðinn-
ar og reynast síðar nýtir menn
hver á sínu sviði.
Nemendur koma ungir í skól-
ann og dveljast þar flest þau
ár, sem eru sérhverjum unglingi
erfiðust reynsluár. Þeir nema
þann lærdóm, sem reynast mun
hverjum og einum gott veganesti
og öðlast þau réttindi sem skól-
inn lætur í té. Um leið ganga
þeir undir aga skólans og reglur
og skólinn mótar því að miklu
lífsviðhorf nemendanna og því
er nauðsynlegt að heilbrigt
skemmtanalíf og hollur félags-
andi fái að njóta sín.
B. K.
Svipmynd frá málfundi í Verzlunarskólanum.