Morgunblaðið - 09.05.1961, Blaðsíða 1

Morgunblaðið - 09.05.1961, Blaðsíða 1
24 síður &8. árgangur 102. tbl. — Þriðjudagur 9. maí 1961 Prentsmiója Morgunblaðsins Dean Rusk utanríkisráðlierra Bandaríkjanna : Brátt brotið blað i sögu NATO ÓSLÓ, 8. maí. (Reuter/NTB) — 1 dag hófst í Ósló ráðherrafund- ur Atlantshafsbandalagsins með almennum umræðum um ástand ið' í alþjóðamálum. Á fundinum í morgun töluðu þeir Dirk Stikker, hinn ný- kjörni framkvæmdastjóri banda- lagsins, og Dean Busk, utanríkis ráðherra Bandaríkjanna, sem nú situr ráðherrafund NATO í íyrsta skipti. í kvöld var það rætt í Osló að verulegrar svartsýni hefði gætt á fundum í dag. Telja menn margt benda til þess að sambúð Austurs og Vesturs fari sízt batn andi og séu margvíslegir erfið- leikar framundan í alþjóðamál- um. — Stikker framkvstj., lagði í ræðu sinni sérstaka áherzlu á þá hættu sem nú stafaði hvar- vetna af kommúnisma. — Sú hætta væri ekki lengur bundin við jörðina eina heldur næði hún einnig út í himingeiminn — hún væri ekki lengur aðeins hernaðarleg, heldur gripi hún inn á öll svið mannlífsins. Má ekki hallast á Dean Rusk ræddi vítt og breitt um stjórnmálaástandið í Kongó, Laos, Vietnam, Kúbu og Súður-Ameríku og varaði, eins og Stikker, við hættunni sem hinum frjálsa heimi stafaði af kommúnisma. Hann sagði, að Rússar reyndu nú að umlykja hinn frjálsa heim á alla vegu og menn skyldu ekki loka augun- um fyrir þeim möguleika a8 þeir kynnu að gera skyndilega hernaðarárás á miðju þess hrings, er þeir drægju. Hann sagði, að Sovétríkin væru öfl- ugt kjarnorkuveldi, en Banda- ríkjamenn stæðu þeim fyllilega á sporði í þeim efnum. Hins- vegar yrðu Vesturveldin að gæta þess, að ekki hallaðist á í búnaði venjulegra vopna, en á því sviði væru Rússar einnig geysiöflugir. Rusk fullvisaði fundamenn um að Bandaríkjamenn hefðu ekki í hyggju að fækka herliði sínu í Evrópu. f því sambandi ræddi liann Berlínarmálið Og sagði, að Bandaríkjamenn hygðust standa fast á rétti sínum í Berlín, þó svo Rússar gerðu sérstaka friðar- samninga við Austur-Þýzkaland, Teldu Bandaríkjamenn að slíkur friðarsamningur væri brot á samningi Rússa við Vesturveld- in. Héldu þeir hinsvegar slíku til streitu myndu Bandaríkja- menn halda fast á rétti sínum í Berlín og verja samgönguleiðir til borgarinnar. • Brotið blað Rusk sagði, að nú yrði brátt brotið blað í sögu Atlantshafs- bandalagsins — samtökin hefðu verið bundin einu takmarki á Framhald á bls. 23. Þ E G A R fyrsti bandaríski geimfarinn, Allan B. Shepard, hafði lent Mercury-geimskipi sínum á sjónum 486 kílómetr- um frá skotstað, opnaði hann lúgu í trjónu skipsins og beið þess aff þyrla kæmi aff sækja hann. ___^_^_ Mynd þessi er tekin úr Iþyrl unni, þegar veriff er að draga geimfarann upp úr sjónum. Utvarpsþáttur j um handritin S Einkaskeyti til M'bL frá Sigurði Líndal, Kaupmannahöfn, 8. mai , f KVot.l) fór fram i danska útvarpinu þáttur um islenzku handritin. Skáldið Hans Hartvig Seedorf annað- ist þennan þátt og var þar rætt við prófessor Wester- gaard, Nielsen, Sven Aakjær, ríkisskjalavörð og Prófessor Bröndum Nielsen, sém allir lögðust fast gegn afhendingu handritanna til íslands. Töidu þelr ógerlegt að skapa þá að- stöðu til rannsókna á íslandi, sem nú er í Kaupmannahöfn. Kom einnig fram hjá þeim, að fslendingar virtust líta á handritin sem saf ngripi og ætl uðu að ffcyma þau í Skálholti. Ennfremur var rætt við Johannes Terkelsen, lýðhá- skólastjóra, sem mælti ein- dregið með því, að handritin yrðu afhent. Shepard fagnað í Washington Washington, 8. maí. (Reuter/NTB) BANDARlSKI geimfarinn Alan Shepard, kom til Was- hington í dag, þar sem hann var mjög hylltur af forystu- mönnum þjóðarinnar og íbú- um borgarinnar. Var hann sæmdur sérstöku heiðurs- merki við stutta og látlausa athöfn á svölum Hvíta húss- ins, en síðdegis hélt hann fund með fréttamönnum. Shepard og hinir mennirnir sex, er þjálfaðir hafa verið til geimferða, héldu flugleiðis frá Bahamaeyjum í morgun til Andrews-herflugvallarins í Mary land. Þar var á annað þúsund manna til að taka á móti þeim, þar á meðal Louise, eiginkona Shepards, og fleiri meðlimir fjölskyldu hans. Shepard flutti þarna stutt ávarp og þakkaði móttökurnar, en síðan stigu geimmennirnir og fjölskylda Shepards í þyrlu, sem flutti þá til Washington og lenti þar á grasvelli við Hvíta húsið. Þar biðu þeirra forsetahjónin og varaforsetinn ásamt öðrum for- ystumönnum. Var þeim Shepard og félögum hans ákaft fagnað af stjórnmálamöhnunum sem og áhorfendum, sem safnazt höfðu í næsta nágrenni. • Gleymdi að festa heiðursmerki Af grasflötinni var gengið upp á svalir Hvíta hússins. — Kennedy forseti flutti stutt ávarp og þakkaði Shepard ferð- ina. Hann sagði að þessi tilraun Bandarikjamanna hefði getað misheppnazt og skaðað þannig álit Bandaríkjanna út á við. Því teldi hann, að hin frjálsa þjóð, sem hefði hætt svo miklu, hefði unnið hinn mesta sigur með þessari fyrstu ferð Bandaríkja- manns út í geiminn. Kennedy sæmdi Shepard heið- ursmerki bandarísku geimrann- Frh. á bls. 2 Lítið nú upp - segir de Gaulle París, 8. maí (Reuter-NTB) í RÆÐU, sem de Gaulle hélt 1 kvöld og sjónvarpað og útvarp- að var um allt Frakkland Og Alsír næstum samtímis, beindi hann þeim tilmælum til alsírsku þjóðarinnar að gefa sér nú tíma til að líta upp úr gömlum helgi- sögum og kjánalegum áróðri og beita kröftum sínum og hæfi- leikum til þess að finna lausn á hinum miklu vandamálum, sem framundan eru fyrir þjóðinni, Er þetta í fyrsta sinn síðan í upphafi uppreisnar hershöfðingjanna á dögunum að de Gaulle ávarpar frönsku þjóðina. Hann fullvissaði þjóðirnar um, að hann myndi ræða framtíð Alsír við fulltrúa hinna serk- nesku uppreisnarmanna í Alsír. Kvaðst hann vona, að mögulegt yrði að finna grundvöll til sam- komulags um heppilegt sam- bandsform milli Frakklands og Alsír. De Gaulle kvaðst vöna að upp- reisn hinna öfgafullu hershöfð- ingja á dögunum hindraði ekki viðræður um lausn Alsírvand- ans, því hún yrði að finnast. — Alsírska þjóðin verður að taka málið í eigin hendur, sagði hunn. ?-----------------------? Tal vann 19. skák TUTTUGASTA skákin í einvígi þeirra Botvinniks og Tals, var tefld í gærkvöldi. Vegna slæmra hlustunarskilyrða náðist ekki ná- kvæm frásögn um skákina, en vitað var að hún fór í bið. Var helzt að heyra að Tal hefði betri stöðu. Staðan í einvíginu er nú sú að Botvinnik hefur 11% vinning á móti 7% hjá Tal, sem sigraði í 19. skákinni. Frá verkfaffinu í Grimsby: Tillögur togaraeigenda til sam- komuiags dregnar til baka Einkaskeyti til Míbl. frá Grimsby, 8. maí. NÚ ER svo komið, að togara- eigendur hafa dregið til baka allar tillögur sínar til samkomu- Iags í deilunni við yfirmenn og vélamenn á togurum. Ástæðan er sú að verkfallsmenn hafa neit að að taka aftur þátt í sjávarút- vegsráðinu, sem var hinn eini aðili, er stjórnað gat og haft milli göngu um sáttaviðræður. Enn- fremur neita verkfallsmenn nú að halda Parísarsamkomulagið í heiðri í framtíðinni. Þessi ákvörðun togaraeigenda fylgdi í kjölfar leynilegra við- ræðna þeirra og verkfallsmanna, sem gáfu byr undir vængi von- um um að til samkomulags drægi. Dennis Welch, formaður fé- lags yfirmanna, sagði togaraeig- endum að þeir verkfallsmenn féllust á, að taka þátt í fundum ráðsins, svo framarlega sem togaraeigendur styddu kröfur verkfallsmanna um sjálfstæð samtök til að útkljá slík deilu- mál. Ennfremur féllust þeir á að halda Parísarsamkomulagið, svo framarlega sem togaraeig- endur féllust á að koma á fót nefndum, sem hefðu umsjón með löndunum togara. Welch segir, að með þessum tilslökunum, hafi yfirmenn og vélamenn látið af mikilsverðum | grundvallarkröf um. Það sé »6 hinsvegar ljóst orðið, að togara- eigendur vilji ekki fallast á, að íslendingar verði að hlýða um- sjón löndunarumsjónarnefnda. Welch segir, að með slíkum nefndum væri það tryggt, að séx hver erlendur togari sem og brezkur togari, sem ekki væri skrásettur í Grimsby, yrði að sækja um leyfi til að mega landa í Grimsby. Mundu yfir- ráð nefndarinnar þá jafnt ná tii brezkra og erlendra togara án þess að ganga í berhögg við Parísarsamkomulagið — en sam kvæmt því hefðu Islendingar fallist á að hlýða þeim löndun- Frh. á bls. 2

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.