Morgunblaðið - 14.02.1964, Page 3

Föstudagur 14. febr. 1964
MORGUNBLAÐIÐ
FYRIR nokkrum dögum
komu til New York fjórir
piltungar, sem nefna sig „The
Beatles“, og frsegir eru orðn-
ir fyrir vein sín og gól í
London. Þegar þessir hávaða
seggir lentu á Kennedy Int-
ernational Airport í New
York tók á móti þeim fimm
þúsund æpandi aðdáendur. Á
einu spjaldi stóð: „Ég elska
þig, verið alltaf hér, Regína.“
Foringi þeirra, John Lenn-
on, sagði: „Þetta eru beztu
Fjórmenningarnir í New York
móttökur, sem við höfum
fengið.“
Einn þeirra 110 lögreglu-
þjóna, sem sendur voru á
vettvang vegna komu þeirra,
sagðist ekki hafa séð neitt
því um líkt síðan MacArthur
hershöfðingi kom á sínum
tíma.
„The Beatles“ brostu og
'grettu sig á víxl framan í að-
dáendur sína. Yfir 100 blaða-
menn og ljósmyndarar biðu
þeirra og spurðu þá, hver
væri leyndardómur vinsælda
þeirra. „Nýir umboSsmenn",
anzaði Ringo Starr.
Þeir sögðu allir að geðveikis
köst eins og þeir fengju væri
heilsusamleg, allir væru þeir
sköllóttir og notuðu þar af
leiðandi hárkollur, sem í senn
minntu á rollur og hunda.
Einn kvaðst vera bæði mál-
laus og heyrnarlaus.
Þeir héldu þrenna tónleika
í röð í Carnegie Hall og var
slegizt um miðana. Eitt laga
þeirra, „I want to Hold Your
Hand“, sem þeir léku inn á
plötu, er komið í fyrsta sæt-
ið á vinsældarlistanum þar
vestra.
Áhorfendur veinuðu og trylltust af hrifningu
SfríÖsglœpa-
mönnum fœkkar
Tveir hafa hengt. sig, sá jbr/ð/7
féll til bana út um glugga á
áttundu hæð
i, 13. febrúar.
— AP-NTB —
F I M M Vestur-Þjóðverjar
voru ákærðir fyrir fjölda-
morð á stríðsárunum, og eiga
réttarhöld í málum þeirra að
hefjast á þriðjudag. — Einn
hinna ákærðu, Ewald Peter,
fyrrum lífvörður dr. Erhards,
kanzlara, hengdi sig í fanga-
klefa sínum 2. febrúar sl.
Annar, dr. Friedrich Till-
mann, féll út um glugga á átt-
undu hæð í skrifstofuhúsi í
Köln í gær, og beið sam-
stundis bana. Þriðji maður-
inn, dr. Werner Heyde, hengdi
sig í fangaklefa sínum í Butz-
bach-fangelsinu í morgun. —
Fjórði, dr. Bernhard Bohne,
hvarf frá heimili sínu í Dússel
dorf í ágúst sl., og er talið að
hann hafi flúið land. Eru
því allar líkur fyrir því að
aðeins einn hinna ákærðu
mæti í réttarsalnum, þegar
málið verður tekið fyrir í
uæstu viltu. Er það dr. Hans
Hefelman, fyrrum ríkisstarfs-
maður.
Dr. Werner Heyde var 61 árs.
Hann var sérfræðingur í sálfræði
og taugalækningum, gekk í naz-
istaflokkinn 1933, árið sem Hitler
komst til valda, og var tekinn í
SS-sveitir Hitlers ári seinna.
Skömmu fyrir stríð var ákveð-
ið að hefja útrýmingu geðveikis-
sjúklinga og þeirra, sém haldnir
voru ólæknandi sjúkdómum. Var
þetta afsakað með því að hér
væri um „samúðardráp" að
ræða. Dr. Heyde var skipaður
yfirmaður stofnunarinnar, sem
annaðist þessi fjöldamorð, og
gegndi því embætti þar til stofn-
unin var lögð niður 1941 vegna
fjölda mótmæla.
Eftir stríð var Heyde handtek-
inn, en tókst að strjúka úr varð-
haldi. Settist hann að í Flensborg
undir fölsku nafni. Þar hafðist
upp á honum 1959, en þegar átti
að handtaka hann var hann flú-
inn. Viku seinna, í nóvember
1959, gaf hann sig fram í Frank-
furt, og hefur síðan setið í fang-
elsi.
í morgun kl. 9 heimsótti lækn-
ir dr. Heyde í fangaklefann, og
gaf honum einhver lyf, sem ekki
er vitað hver voru. Tíu mínútum
síðar var komið að Heyde. Hafði
nann þá hengt sig í belti sínu,
sem hann festi í hitaleiðslu í lofti
fangaklefans. Hann var enn með
lífsmarki, en lézt skömmu síðar
þrátt fyrir lífgunartilraunir. Hef-
ur líkrannsókn verið fyrirskipuð
til að ganga úr skugga um hvort
dr. Heyde hafi tekið inn eitur áð-
ur en hann hengdi sig.
Dr. Friedrich Tillman var skrif
stofustjóri hjá dr. Heyde í Berlín.
Hann var ekki hafður í haldi, en
var kvaddur til að mæta við
réttarhöldin á þriðjudag. í gær
heimsótti hann dóttur sina, sem
starfar í ríkisstjórnarskrifstofu í
Köln. Ekki er vitað hvað kom
fyrir, en á einhvern hátt féll dr.
Tillmann, eða stökk út • um
glugga á áttundu hæð skrifstofu-
hússins, þar sem dóttirin vinnur.
Mál stríðsglæpamannanna hef-
ur vakið mikla athygli í Vestur-
Þýzkalandi. Eiga um 300 vitni að
koma fram við réttarhöldin. —
Fyrir nokkru átti dr. Heyde við-
tal við fréttamann, og sagði þá
að þegar hann hefði skýrt frá
öllu losnuðú mörg prófessorsemb
ætti í læknisfræði við þýzka há-
skóla.
Þrír af kunnustu knattspyrnu
stjörnum Brasilíu hafa í huga
að senda Brasilíuforseta persónu
lega ósk úm skattalækkun. Þetta
ei-u bræðurnir Nilton og Cos
Santos og Mario Zagello. Þeir
skulda samtals um 1.2 milj. kr.
í skatta fyrir 7 s. 1. ár. Garrin
eha- hefur og sagt að hann geti
hreinlega ekki greitt skatta
sína. Ef ekki verði fallið frá
kröfunum verði hann að fara í
skuldafangelsi.

1 /” NA /5 hnútar 1 a/ SV5ðhr.úhr X Snjikoma \7 Skúrir Z Þrumur 13 -X KutíaskH ^ HifsskSt H Hm» t
í GÆR var hlýtt og gott veður
um allt land, hiti víða 6-8 stig og
úrkomulaust að mestu. Svipað
veður var á Bretlandi og Frakk-
i landi, en frost í Þýzkalandi.
Alldjúp lægð skammt suðvestan
að írlandi olli hvassviðri og
rigningu á Biscayaflóa og ír-
landshafi.
Dagblaðið „Vísir“ segir m. a.
í gær:
„Það ætti að veita Tímanum
orðu fyrir hugvit.
í gær fann hann það út að það
væri ríkisstjórnin, sem bæri
ábyrgð á þeim fjársvikamálum,
sem nú eru rannsökuð í land-
inu!
Mun margan góðan leSandami
hafa rekið í rogastanz yfir
þessum upplýsingum og jafnvel
hörðustu Framsóknarmenn
hrokkið við þegar þeir sá.a
þessar merku upplýsingar.
Tekur þetta langt fram hæsta-
réttardómunum í olíumálinu, en
nokkrir forkólfar Framsóknar
voru dæmdir í háar sektir — því
vitanlega er sönnunargildi dóma
Tíir.ans engu minna en Hæsta-
réttar. Það er fróðlegt að at-
huga, hvernig Tíminn kemst að
þessari skarpvitru niðurstöðu.
Jú. Verðbólgan er orsök fjár-
svikanrálanna. Og ríkisstjórnin
ber ábyrgð á verðbólgunni. Ergo:
Hún er höfuðpaurinn í fjársvika-
málunum. Punktum og basta.
Þetta kallar maður nú snjalla
blaðamennsku.
Roði Eysteins
Einn er sá maður reykvískur,
sem líklega hefir roðnað ofur-
lítið á vangann, þegar hann las
þennan leiðara Tímans í gær.
Hann heitir Eysteinn. Eysteinn
hefir nefnilega örugglega minnzt
þess, að hann hefir verið fjár-
málavitringur landsins i tuttugu
ár — einmitt þau árin, sem verð-
bólgan hefir grasserað og dillað
sér sem mest í þjóðfélaginu".
Við völd eða utan valda
Forystugrein í „fslendingi“ 7.
febrúar síðastliðLnn ber ofan-
greint nafn. Þar segir:
„Forystumenn Framsóknar-
flokksins eiga í fórum sínum
tvær stefnur í efnahagsmálum:
sparistefnu, þegar þeir sitja í
ríkisstjóm og hversdagsstefnu,
þegar þeir eru í stjórnarand-
stöðu. Hversdagsstefnuna hafa
þeir haft á lofti nú undanfarið,
þ.e. að unnt sé að hækka kaup-
gjald um 30-40%, án þess að það
þurfi nokkursstaðar að sjást í
hækkuðu vöruverði eða hækkuð-.
um álögum. Þó ættu þeir að
skilja og skynja sambandið milli
kaupgjalds og búvöruverðs af
gamalli reynslu.
Fyrir 9 árum var efnt til víð-
tækra verkfalla, er enduðu með
16% launahækkun. Fjármálaráð-
herra var Eysteinn Jónsson, og
mælti hann þá svona á Alþingi
um stefnu þá, er hann taldi eiga
að gilda í kjarabaráttu:
„f framkvæm.d verður stefnan
þannig, að forráðamenn verka-
lýðsins reyna að gera sér grein
fyrir því, hvað hægt sé að hækka
kaupið mikið, svo að hækkunin
verði hreinn ávinningur en kast-
ist ekki aftur í höfnð mönnum
án tafar. Það gefur dálitla bend-
ingu um, hvernig á þessum mál-
um er haldið á Norðurlöndum
t.d.,að síðastaalmenna kauphækk
un í Noregi var um 4%, og síðast,
þegar samið var í Svíþjóð, fengu
flestir 3,6 %' hækkun“.
Hér hafa orðið á árinu 1963
30% almennar kauphækkanir og
hærri hjá opinberum starfsmönn
um, og hefur flokkur Eysteins
Jónssonar dyggilega að þeim
„kjarabótum“ staðið. Þó heldur
hann því fram, að ekkert af þeim
hækkunum þurfi að neinum
hluta að „kastast aftur í höfuð
mönnum". Slíkt sé bara illvilji
ríkisstjórnarinnar og hefndarað-
gerðir, og þá líklega hækkunin
á landbúnaðarafurðunum, sem
ætíð hafa mest að segja, þegar
kjarabótapostularnir ná beztum
árangri.
Er æskilegt að hleypa slikum
tvíhyggjumönnuin í stjórn lands-
ins?“ -----