Morgunblaðið - 15.02.1966, Blaðsíða 4

4
MORGUNBLAÐIÐ
Þriðjudagur 15. febrúar 1966
1-0 SÍM'3-11-60
wmmm
Volkswagen 1965 og ’66.
RAUÐARÁRSTÍG 31
SÍMI 22022 »
BÍLALEIGAN
FERD
Daggjald kr. 300
— pr. km kr. 3.
;ím/ 34406
SENDUM
LITLA
bíloleigan
Ingólfsstræti 11.
Volkswagen 1200 og 1300.
Sími 14970
Nýkomið
Gervineglur til álímingar.
Gervineglur (model-nail)
í túbum.
Gerviaugnahár.
Póstsendum.
Austurstræti 17. Sími 11685.
Silla- og Valdahúsinu
Sparifjáreigendur
Avaxta sparifé á vinsælan Og
öruggan hátt. TJppl. kl. 11—12
i.h. og 8—9 e.h.
Margeir J. Magnússon
Miðstræti 3 A.
Sími 22714 og 15385.
MinningarspjÖld
Blindravinafélags íslands fást
á þessum stöðum: Garðs-
apotek, Hólmagarði 34, Körfu-
gerðinni, Ingólfsstræti 16,
Rammagerðinni, Hafnarstræti
17, Silkibúðinni, Laufásvegi 2,
og Trésmiðjunni Víði, Lauga-
vegi 166.
Húseigendafélag Reykjavíkur
Simi 15659. Opln kl. 5—7 alla
virka daga. nema laugardaga.
Höfum flutt verzlun vora og
verkstæffi að
LÁGMÚLA 9
Símar:
38820 (Kl. 9—17)
38821 (Verzlunin)
38822 (Verkstæðið)
38823 (Skrifstofan)
Bræðurnir flrmssonhf.
Vesturgötu 3, Lágmúla 9.
Sími 38820.
Ófögur lýsing
í fyrri viku var drepið
á það hér í dálkunum, að blöð
þau og tímarit, sem liggja á
biðstofum lækna, væru alger-
lega ósamboðin læknastofum:
Þau væru óhrein og e.t.v.
heilsuspillandi.
Kona, sem starfar á einni af
fjölsóttustu lækningastofum
borgarinnar, hringdi vegna
þessara skrifa — og sagðist
hafa ætlað að senda Velvak-
anda línu fyrir löngu, en nú
væri kærkomið tækifæri til að
koma því á framfæri, sem hún
hafði í huga. Og hún sagði:
„Umgengni fólks, sem sækir
þessa lækningastöfu er fyrir
neðan allar hellur. Ekki er
mjög langt síðan allt var hér
teppalagt, en þessi teppi eru nú
orðin ónýt vegna þess að fæst-
um dettur í hug að draga af
sér hlífðarskófatnað áður en
komið er inn. f vetur hefur ver
ið borið salt á götúrnar og
hingað ber fólkið saltið á skít-
ugum skónum.
í fyrstu lögðum við fram ný
vikublöð með stuttu millibili,
en sum voru eyðilögð sam-
dægurs — öðrum var hrein-
lega stolið. Fólkið hafði blöðin
heim með sér. Og nú um há-
degisbilið (þegar konan
hringdi) er búið að eyðileggja
og rífa helminginn af dagblöð-
unum, sem lögð voru fram á
biðstofuna fyrir tveimur tím-
um. Fullorðnir, sem koma hing
að með börn, láta það afskipta
laust þótt börnin rífi blöðin
og tæti — og oft taka þeir
fullorðnu líka þátt í þeirri
skemmdarstarfsemi, þótt und-
arlegt megi virðast.
Hér er salerni til afnota fyr-
ir þá, sem sitja í biðstofunni.
Skömmu eftir að lækningastof
an var opnuð var öskubakkan-
um stolið af salerninu. Hann
var í málmumgjörð, sem skrúf
uð er á vegginn. Umgjörðin
sat eftir — og situr enn. Fólk
ætti í rauninni að biðja um
skrúfjárn og taka það hrein-
lega, sem það telur sig þurfa
að hafa með sér af því, sem
hér er innanstokks."
Þetta sagði konan. Lýsingin
er ófögur — og læt ég lesend-
ur um frekari hugleiðingar.
Því miður mun þetta ekki eins
dæmi, síður en svo.
Nú geta allir
skrifað
Síðan dálkar Velvak-
anda fengu aukið rúm hér í
blaðinu hefur fjölgað ört þeim
bréfum, sem honum berast dag
lega. Áður bárust okkur jafn-
an fleiri en eitt bréf á dag, en
pósturinn hefur nú margfald-
azt. Vegna þess að við höfum
nú fengið aukið rúm fyrir
raddir lesenda. eruð þið ein-
dregið hvött til þess að senda
okkur línu um það, sem þið
gjarnan viljið að komist á fram
færi. Utanáskriftin er eins og
áður Velvakandi, Morgunblað-
inu, Reykjavík — en bréfrit-
ari verður að láta nafn og
heimilisfang fylgja, þó að hann
ætlist ekki til þess að það sé
birt. En hann tekur það líka
sérstaklega fram, ef hann vill
ekki láta nafnið fylgja bréfinu.
ÍT Á hægri brún
Hér kemur þá bréf —
enn um vinstri og hægrihand-
arakstur:
„Vegna framkominnar van-
þekkingar og misskilnings í
umræðum um breytingu í
hægri akstur, finnst mér rétt
að minna á eftirfarandi atriði:
Nær allir þeir fólksbílar sem
keyptir hafa verið til landsins
á seinni árum eru gerðir fyrir
hægri akstur að því er varðar
stýris og hjólabúnað. Bæði
það, að stýri er vinstra megin,
sem er óumdeilanlega heppi-
legra fyrir hægri akstur, og
svo hitt, sem er jafnvel öllu
þyngra á metunum, að halli
framhjóla er í flestöllum til-
fellum þannig að bíllinn þarf
að vera á hægra vegarhelm-
ingi. Margir ökumenn hafa
sjálfsagt veitt því athygli að
hjólbarðar hafa slitnað bæði
misjafnt og illa og ending
orðið langtum minni en eðli-
legt gat talist. Einnig að bíll-
inn hefur viljað leita undan
hallanum út í vinstri vegar-
brún. (Hér eru að sjálfsögðu
ekki teknir með gamlir bílar
sem orðnir eru skakkir og
skældir). Að vísu er hægt að
stilla framhjól allmargra bíla-
tegunda fyrir vinstri akstur,
það kostar bæði fé og fyrir-
höfn. Þó er hitt öllu lakara, að
fjöldi Evrópubíla er smíðaður
með stillanlegan hjólahalla og
verða þeir bílar ætíð öfugu
megin á veginum með áður-
nefndum afleiðingum.
Þá er einnig óheppilegt, auk
lakara útsýnis við framúrakst-
ur, að ökumaður sé nær vegar-
brún, því menn aka eins og
kunnugt er oft langtímum sam
an einir. Við það leggst bíllinn
of mikið í vinstri hlið, fjaðrir
linast, bíllinn fær slagsíðu og
staða framhjóla ruglast, einnig
verður lýsing aðalljóskera óeðli
leg vegna hæðarmunar. Þetta
ættu leigubilstjórar manna
bezt að kannast við þar sem
þeir taka einn farþega lang-
oftast vinstra megin inn í aftur
sæti, sem er eðlileg afleiðing
þess að vinstri hlið snýr að
gangstétt. Sé hinsvegar um
fleiri farþega að ræða, þurfa
þeir að fara út á akbrautina til
þess að komast að hægri hlið
bílsins og skapa sér og öðrum
óþægindi og jafnvel hættu um
leið.
Um hina stærri fólksflutn-
ingavagna er það að segja, að
eftir því sem tímar líða og
þeim þjóðum fækkar sem hafa
vinstri akstur, verður sífellt
erfiðara og jafnvel ógerlegt að
fá almenningsvagna fyrir
vinstri umferð nema með stór-
felldum aukakostnaði og löng-
um afgreiðslufresti. En einmitt
þetta atriði hafa þeir menn
sem vel til þekkja rætt um
áður.
Auk þeirra annmarka sem
nú hafa verið taldir á því að
viðhalda vinstri akstri, gilda
ekki sömu aðalljós bíla fyrir
vinstri og hægri akstur, nema
í örfáum tilfellum. Slíkt getur
einnig orðið vandamál í fram-
tíðinni þegar þær þjóðir sem
enn búa við vinstri umferð,
breyta í hægri, því svo gæti
farið að erfitt reyndist þá að
útvega ljósabúnað fyrir vinstri
umferð. Sömuleiðis er auka-
kostnaður og fyrirhöfn við að
skipta um ljósker þegar bílar
eru fluttir milli landa, eins og
gerist um þá bíla sem fluttir
eru hingað notaðir.
Þegar þessi mál eru athuguð
raunhæft, virðist óþarft að
deila um það hvort við eigum
að breyta í hægri akstur, held-
ur hvenær, og þá er að sjálf-
sögðu fyrsti mögulegi tíminn
beztur, en betra seint en
aldrei.
Björn Indriðason."
★ Ætti að sendast
Hér kemur bréf frá
Keflavík:
„Heill og sæll, Velvakandj
góður, og hafðu þökk fyrir
þina ágætu pistla.
Tilefni þess að ég skrifa þér
er það, að ég kom á skattstofu
Reykjavíkur en þangað átti ég
erindi. Maður sá, er þar var
fyrir svörum, hefði gjarnan
mátt koma betur fram en hann
gjörði. Hann verður að athuga
það, að hann er í vinnu hjá
borgurunum, en borgararnir
ekki hjá honum. Það væri
hollt fyrir hann að standa upp
af stólnum og fara til sjós eitt
ár. Hann var að öfunda sjó-
mennina af því hvað þeir
fengju mikinn frádrátt á skött
um. En þá verður hann að
athuga það, að hann verður
að vinna meira en 7 klukku-
tíma á sólarhring.
Annars er hún orðin eitt-
hvað skrýtin þessi skattheimta.
Mönnum er hengt fyrir að
sýna dugnað, semanber okkar
mestu aflamenn. Eina viður-
kenningin sem þeir fá fyrir
sinn dugnað, er að þeir eru rún
ir að skyrtunni af ríki og bæj-
um, til þess að geta alið allslags
auðnuleysingj a. Ég treysti
Magnúsi Jónssyni til að laga
þetta eitthvað, hann fer vel af
stað.
Sigurður Hallsson."
Þolinmæði
á þiotum
Loks er hér bréf úr
Hvassaleiti:
„Kæri Velvakandi.
Hvassaleitishverfið er eitt af
gömlu „nýju“ hverfunum í
þessari borg. Þannig hagar til
þar, að ein bogadregin gata
nokkur hundruð metrar á
lengd .gengur í gegnum hveríið
og liggja báðir endar hennar
að Háalejtisbraut. Neðan við
þessa . götú standa fjðgurra
hæða fjölbýlishús og einnig
svo kölluð tvíbýlishús. Að
ofan ganga út frá götunni
margar smágötur vítt og
breytt um hæðina. Við þær göt
ur standa raðhús. Þarna er
mikil raðhúsaþyrping og
mynda þau aðal kjarna hverfis
ins. Þessar götur sem raðhús-
in standa við, urðu raðhúsa-
eigendur að leggja á eigin
kostnað og sömuleiðis standa
straum af viðhaldi þeirra.
Þetta skipulag felur í sér mik-
inn sparnað í gatnagerð fyrir
bæjarfélagið, sem sést bezt á
því að þessi litla gata (Hvassa
leitið) er með fjölbýlustu göt-
um Reykjavíkur. Gatnagerða-
gjalds var fyrst krafizt 1
Reykjavík við lóðaúthlutun i
þessu íbúðahverfi. Okkur sem
þarna búum finnst það óskilj-
anlegt, hvort heldur það er af-
leiðing þessa skipulags eða
önnur orsök sem því veldur, að
við fáum ekki götuljós í hverf-
ið. Það er sem sé myrkvað, að-
eins aðalgatan upplýst. Ber
ekki bæjarfélaginu skylda til
að lýsa upp þetta hverfi eins
og önnur íbúðahverfi borgar-
innar?
Langt er síðan að Hvassa-
leitisbúar fóru að mála hús
sín, girða og standsetja lóðir.
Meðal raðhúsaeigenda er mik-
ill áhugi að malbika göturnar
meðfram húsunum, en það er
ekki hægt fyrr en aðalgatan
hefur verið malbikuð. Vegna
þess rykmakkar sem frá aðal-
götunni þyrlast er öll ræktun
vonlaus, og getum ekki opnað
glugga á góðviðrisdegi. Við
höfum verið þolinmóð og án
þess að kvarta búið við frum-
býlishátt um árabil, vonað að
þetta lagaðist með heita vatn-
inu. Það kom í haust, vonandi
kemur malbikið í vor.
í verzlunarmálum hefur
þolinmæði okkar samt verið
tröllriðið svo að upp úr er
að sjóða. Fyrir tæpum áratug
var verzlunarfyrirtæki úthhlut
að glæsilegri lóð þarna og
liggur hún við eina aðal um-
ferðaræð Reykjavíkur Háa-
leitisbraut. Þar skyldu byggð
verzlunarhús fyrir Hvassaleit-
is- og Háaleitishverfin sem
samanlagt hafa nokkur þúsund
íbúa. Þeir staðsettu þar skúr
og við það situr. Þegar við
Hvassaleitisbúar höfum fengið
ljós í hverfið okkar .malbik á
götuna ásamt viðunandi verzl-
un, verður þar gott að búa og
þá mun ekki standa á okkur
að gera þetta vel staðsetta
hverfi, snyrtilegt og fallegt,
borginni okkar til sóma.
Virðingarfyllst,
Hvassaleitisbúi."
Orðsending frá
Stjörnulfósmyndum
Eins og að undanförnu önnumst við allar mynda-
tökur á stofu og í heimahúsum.
Passar, barna, fjölskyldu og brúðarmyndatökur.
Förum í verksmiðjur og heimahús með stuttum
fyrirvara.
Kirkjubrúðkaup og veizlur um helgar ef þess er
óskað. — Nú er rétti tíminn fyrir skólaspjöldin-
Pantið með fyrirvara sími 23414.
Stofan opin allan daginn að Flókagötu 45.
STJÖRNULJÓSMYNDIR.