Morgunblaðið - 24.05.1970, Blaðsíða 10

10
MORGUNBLAÐIÐ, SUNNUDAGUR 24. MAÍ 1970
stærsta
hreppsfélag
landsins
— mestu fram-
kvæmdir við skóla-
byggingar og
gatnagerð
Á myndinni sést hvernig gengið er frá götunum í Garðahreppi. (Ljósm. Mbl. Ólafur K.
Magnússon).
Yngsiu borgararnir ima sér vel leikvöllunum.
Garðahreppur er nú orðinn
stærsta hreppsfélag landsins.
Voru íbúar þar 1. des sl. 2.692
talsins, og hefur fjölgað um
meira en helming sl. áratug.
Aldursskipting íbúa Garða-
hrepps er dálítið sérstæð, þar
sem 1197 eða um 45% eru 16
ára og yngri.
Eftirspum eftir lóðum í
Garðahreppi hefur verið mjög
mikil, en sem kunnugt er, eru
byggðarhverfin þar skipulögð
fyrir einbýlislhús og raðhús.
Hefur á tiltölulega skömmum
tíma byggst upp stórt hverfi
milli Vífilstaðavegar sunnan-
verðs og Hraunsholtslækjar —
svokallaðar Flatir. Er það
svæði nú að mestu fullbyggt,
en framkvæmdir eru hafnar við
nýtt hverfi norðan Vífilstaða-
vegar, í Hofstaðalandi, og nefn
ist það hverfi Lundir.
S.l. tvö ár var nokkuð dræm-
ari eftirspurn eftir lóðum í
Garðahreppi en áður, og má
setja það í bein tengsl við hið
almenna efnahagsástand í land
inu. Nú hefur eftirspumin hins
vegar aukist til mikilla muna
aftur og í vor voru hafnar
framkvæmdir við tvær nýjar
götur í Lundahverfinu.
Mestar byggingarframkvæmd
ir á einu ári í Garðahreppi
voru árið 1966, en þá var byrj-
að á samtals 101 íbúð, 37 voru
fullgerðar og í smíðum um ára-
mót voru þá 186. 1969 var byrj-
að á 22 íbúðum, 38 íbúðir voru
fullgerðar á árinu og 172 voru
í smíðum um áramót. Meðalstærð
þeirra íbúða, sem hafin var
bygging á s.l. ár var 680 rúm-
metrar.
GATNAGERÐ
Það hefur vakið athygll
hversu vel hefur verið staðið
að gatnagerð í Garðahreppi.
Götur sem eru tiltölulega ný-
legar hafa verið lagðar varan.
legu slitlagi og gengið hefur
verið frá gangstéttum og lýs-
ingu við þær. Einnig hefur mik-
ið verið unnið að gatnagerðar-
framkvæmdum í eldri hverfun-
um. Hefur olíumöl verið lögð á
göturnar og hefur hún reynst
sérstaklega vel. Hefur við-
haldskostnaður á olíumalargöt-
unum nánast enginn verið
Garðahreppur hefur nú, í sam-
vinnu við önnur sveitarfélög i
Reykjaneskjördæmi, ráðist í að
kaupa fullkomin tæki til blönd
unar og lagningu olíumalar.
Á komandi sumri verður unn
ið áfram að gatnagerð í Garða-
hreppi og þá verður aðalverk-
efnið í Arnarnesi, en þar á að
leggja slitlag á götumar Máva-
nes, Blikanes, Æðarnes og
Hegranes. Einnig verður svo
lögð olíumöl á tvær götur í Silf
urtúnshverfinu, Faxatún og
Aratún, auk fleiri gatná í eldri
hverfum. Þá verður einnig unn
ið áfram að gatnagerð á Flöt-
unum, en ætlunin er að ljúka
frágangi gatna þar á næstu
2—3 árum.
í árslok 1969 höfðu 44.307
fermetrar gatna í Garðahreppi
verið lagðir olíumöl, og var
lengd þeirra tæpir 6 km., eða
um 40% af öllu gatnakerfi
hreppsins. Á sama tíma var bú-
ið að steypa 5,3 km. af gang-
stéttum eða 6.477 fermetra. Til
marks um framkvæmdahrað
ann má nefna, að á árinu 1969
voru lagðir 17.310 fermetrar af
olíumöl, eða 6,45 fermetrar pr.
íbúa.
f sumar á svo að leggja sam-
tals um 23 þúsund ferm., af
olíumöl og um 20 þús. ferm. af
malbiki og verða þá um 60%
af gatnakerfi sveitarfélagsins
komið með varanlegt slitlag.
SKÓLAMÁL
Fyrsti áfangi barnaskóla
Garðahrepps var tekinn ínotk
un árið 1958, en þá voru 137
nemendur í skólanum. Síðan
hafa verið byggðir tveir áfang-
ar við skólann og var þriðji
áfanginn tekinn í notkun árið
1968. Nemendatala skólans er
nú um 560, auk 6 ára barna,
sem hafa kennsluaðstöðu í skól
anum. Gólfflötur skólabygging-
arinnar er um 1500 fermetrar.
í henni eru 12 almennar
kennslustofur, 3 sérkennslustof
ur, leikfimisalur og ýmislegt
fylgirými. Um tíma var þrísett
í skólann, en eftir að þriðja
áfanga byggingarinnár lauk
hefur einungis verið tvísett í
hann. Barnaskólahúsið kost-
aði um 20 millj. kr., með öllum
búnaði, en skólinn er sérstak-
lega vel búinn af kennslutækj-
um.
í barnaskólanum er starf-
rækt bókasafn Garðahrepps.
Er það ung stofnun, en sveitar-
stjórnin hefur lagt mikla
áherzlu á að efla hana, svo og
skólabókasafnið.
Gagnfræðaskóli var fyrst
starfræktur í Garðahreppi fyr-
ir fjórum árum og eru nemend-
ur þar nú um 240. Var í fyrsta
skipti í vetur kennt undir
landspróf í skólanum. Um starf
skólans vísast til viðtals við
Gunnlaug Sigurðsson skóla-
stjóra er birtist hér í opnunni.
í Garðahreppi er einnig starf
andi tónliistarskóli á vegum
Tónlistartfélags Garðahrepps
Hefur skólinn fengið húsnæði i
nýju félagsheimili skáta í
Garðahreppi, Vífidsvelli. Nem-
endur skólans eru nú um 70 og
hefur farið stöðugt fjölgandi.
Næsti áfangi í skólabygging
um í Garðahreppi verður svo
bygging íþróttahúss, en í sum-
ar verður endanlega tekm
ákvörðun um gerð þess ogstað
setningu og er við það miðað
að unnt verði að hefja fram-
kvæmdir á næsta ári.
Fyrir tæp<u ári var tekin í
notkun sundlaug við barnaskól
ann. Var sundlaugin mjög vel
sótt í fyrrasumar og komu
þangað 17.837 laugargestir
á aðeins 2 mánuðum. Nú hefur
sundlaugin nýlega verið opnuð
aftur og sundnámskeið hafin.
ATVINNUMAL
Allmörg atvinnufyrirtæki eru
í Garðahreppi og hefur þeim
farið fjölgandi, enda stefna
sveitarstjórnarinnar að reyna
að laða sem flest iðnfyrirtæki
ti'l sveitarfélagsins. Stærstu fyr
irtækin eru Sápugerðin Frigg,
Skipasmíðastöðin Stálvík og
Vélsmiðjan Héðinn, sem hefur
hluta af sinni starfsemi í Garða
hreppi. í framtíðinni mun svo
verða skipulagt nýtt iðnaðar
hverfi í hrauninu austan Engi
dals og verður það sérstaklega
vel staðsett með tilliti til um-
ferðar um Hafnarfjarðarveg.
FÉLAGSMÁL
Allvíðtæk félagsstarfsemi er í
Garðahreppi og standa sum fé-
laganna á gömlum merg. Nefna
má þar Kvenfélag Garðahrepps,
sem m.a. hefur haft forgöngu
um stækkun samkomuhúss
hreppsins að Garðaholti og um
endurreisn Garðakirkju, en
kirkjan var endurvígð sumarið
1967. Skátafélagið Vífill hefur
haldið uppi mjög þróttmiklu
starfi og hefur nú nýlega ráð-
ist í það stórvirki að kaupa hús
fyrir starfsemi sína að Hraun-
hólum 12. Naut félagið við þau
kaup öflugs stuðnings frá
sveitarstjórn. Er ætlunin að
önnur æskulýðsfélög fái einnig
aðstöðu í húsinu, og í sumar
verður þar rekið gistihús.
Fyrir 10 árum var stofn-
að ungmennafélag í Garða-
hreppi og nefnist það
Stjarnan. Hafa forystumenn
þess félags verið mjög
áhugasamir og gert stórátak til
eflingar íþróttalífi í sveitar-
félaginu. Búið er að koma upp
knattspyrnuvelli á svæðinu fyr
ir neðan barnaskólann, og er
hann óspart notaður af ungu
kynslóðinni. Þá er ennfremur
starfandi Hjálparsjóður Garða
sóknar, sem hefur það hlutverk
að hjálpa og styrkja þar sem
slíks er þörf. Hefur sjóðurinn
m.a. veitt þeim Garðhrepping-
um, sem þurft hafa að leita
lækninga erlendis ómetanlega
hjálp. Rótarýkúlbburinn Görð-
um hefur ennfremur látið til
sín taka ýmis mál er snerta
sveitarfélagið og hafa t.d. ár-
lega veitt verðlaun fyrir fal-
legasta garðinn og snyrtilega
umgengni. Nokkur önnur félög
eru og starfandi í Garðahreppi
og má þar nefna Bræðrafélag
Garðakirkju og Hestamannafé-
lagið Andvara.
LEIKVELLIR
Fjórir leikvellir eru starfrækt
ír í Garðahreppi, þar af þrir
gæzluvellir. Er einn í Silfur-
túúni, einn á Fitjum og einn á
Flötum og ennfremur er opinn
völlur í Setbergshverfinu. Er
ætlun sveitarstjórnarinnar að
koma upp fleiri slíkum barna-
leiikvöllum í náinni framtíð.
VATNSVEITA
Framkvæmdir við vatnsveitu
Garðahrepps hófust árið 1962
og á næstu fjórum árum voru
lagðar vatnsæðar um allan
hreppinn. Nú eru á döfinni
áframhaldandi framkvæmdir
við vatnsveituna, bygging miðl
unargeymis og virkjun borholu
við Vífilsstaðavatnsbotna.
TRAUST FORYSTA
SJÁLFSTÆÐISMANNA
Við síðustu sveitarstjyi^ar-
kosningar 1966, fór í fyrsta
sinn fram pólitísk listakosning
í Garðahreppi. Voru þá fjórir
listar í kjöri og hlaut Sjálfstæð
isflokkurinn hreinan meirihluta
þrjá fulltrúa kjörna, Framsókn
arflokkurinn fékk einn fulltrúa,
Alþýðuflokkurinn einn og Al-
þýðubandalagið engan. Bjóða
allir þessir flokkar fram við
sveitarstjórnarkosningarnar 31.
maí n.k.
Hin trausta forysta Sjálfstæð
ismanna stjórn hreppsins hefur
komið öllum hreppsbúum til
góða. Hefur fjármagn nýtzt sér
staklega vel, svo sem hinar
miklu framlkvæmdir bera raun
ar gleggst vitni um.
Sveitarstjórinn, Ólafur G.
Einarsson, sem nú skipar efsta
sæti framboðslísta Sjálfstæðis-
flokksins, hefur notið óvenju-
legra vinsælda í starfi sínu.
Munu Garðhreppingar standa
fast saman í komandi kosning-
um og tryggja áframhaldandi
meirihluta Sjálfstæðismanna í
sveitarstjórn og þar með
tryggja áframhaldndi starf
sveitarstjórans.
Við ákvörðun um framboð
flokksins í vor, fór fram próf
kjör í hreppnum, sem mjög mik
il þátttaka var í. Reyndust úr-
slit prófkjörsins bindandi um
skipan fimm efstu sæta listans
og við röðun í 6.—10. sæti var
tekið tillit til úrslita prófkjörs
ins. Þátttakan í þrófkjörinu
bendir til þess að Sjálfstæðis-
flokkurinn ætti að eiga mögu-
leika á fjórum kjörnum fulltrú
um í sveitarstjórn, en fjórða
sæti listans sikipar ung mennta
kona, Guðrún Erlendsdóttir
Væri það mikill fengur fyrir
sveitarfélagið að fá hana til
starfa.
Framboðslisti Sjálfstæðis-
flokksins við kosningarnar er
þannig skipaður: 1. Ólafur G.
Einarsson, sveitartstjóri, 2. Ein-
ar Halldórsson, bóndi, 3. dr.
Gunnar Sigurðsson, 4. frú Guð
rún Erlendsdóttir, 5. JónasHall
grímsson, læknir, 6. Ágú®t Þor
steinsson, verkistjóri, 7. frú Guð
finna Snæbjörnsdóttir, 8. Jón
Sveinsson, forstjóri, 9. Ingi-
björg Eyjólfsdóttir, kennari 10.
Sveinn Ólafsson, fuliltrúi.