Morgunblaðið - 24.05.1970, Blaðsíða 11

MORGUNBŒjAÐIÐ, SUMNiUDAGUR 24, MAÍ 187«
11
Met kennslu-
tækin meira
en harðviðinn
Rætt við
Gunnlaug
Sigurðsson
skólastjóra
Gagnfræðaskóli Garðahrepps
tók til starfa fyrir fjórum ár-
um. Áður þurftu nemendur
gagufræðastigsins að leita í
skóla út fyrir sveitarfélagið,
en með mjög ört vaxandi nem-
endatölu á þessu stigi, skapað-
ist aukin þörf fyrir skóla.
Sveitarstjóm leigði þá húsnæði
fyrir skólann og hefur nú
hyggt við leiguhúsnæðið og var
sú viðbótarbygging tekin I
notkun í vetur. Hefur vakið at-
hygli hversu ódýr sú bygging
varð, en hún mun kosta 4,5
millj. kr., með öllu innbúi.
Stærð byggingarinnar er 2.376
rúmmetrar og kostnaður pr.
rúmmetra í byggingunni full-
búinni er því um 1750 kr. Sam-
kvæmt normum er ríkissjóður
hefur sett um slíkar skóla-
byggingar ætti Gagnfræða-
skólahúsið að kosta milli 10 og
13 millj. króna.
Skólastjóri Gagnfræðaskól-
ans er Gunnlaugur Sigurðason,
ungur og áhugasamur skóla-
maður, sem hefur bryddað upp
á ýmsum nýjungum í skólastarf
inu. Fengum við hann til þess
að svara niokkrum spurningum
um Gagnfræðaskólann:
— Um 240 nemendur voru í
skólanum í vetur, sagði Gunn-
laugur, — og skiptust þeir í 11
bekkjardeildir. Kennarar við
skólann eru 18, þar af 7 stunda-
kennarar.
Nemendaaukning við skól-
anm hefur verið mjög ör, sem
bezt má af því sjá, að þeg
ar skólinn hóf starf sitt fyrir
fjórum árum voru nemendur
115. Útlit er á áframhaldandi
aukningu á næstu árum og mun
láta nærri að þá verði um 100
nemendur í árgangi á móti um
60 núna. Hefur Garðahreppur
þá sérstöðu, að þar mun um
% hluti íbúanna stunda skyldu
nám.
— Hefur ykkur tekizt að hafa
einsett í skólanm?
— Með tilkomu viðbótarhús-
næðisins í vetur náðist það
mark, og mun skólinn einnig
verða einsetinn næsta vetur,
þótt þá verði að fjölga í deild-
unum, sem ég tel út af fyrir sig
óæskilegt. Þegar skólinn hóf
Gunnlaugur Sigurðsson
skólastjóri
starfsemi sína hafði hann að-
eins þremur kennslustofum yf-
ir að ráða, og þá voru bekkjar-
deildirnar sex. Nú höfum við
11 almennar kennslustofur auk
tveggja sérkennslustofa, þ.e.
eðlisfræðistofa, og teiknistofa,
en í henni fer einnig fram margs
konar föndurvinna. Auk þess
eru svo bókasafn, þar sem
vinnuaðstaða er fyrir kennara
og nemendur, rúmgóður salur
fyrir samkomur og félagsstarf-
semi, viðtalsherbergi, þar sem
kennarar geta í góðu næði rætt
við nemendur eða foreldra,
fundarherbergi fyrir nemend-
ur, herbergi fyrir lækni og
hjúkrunarkonu, fjölritunarher-
bergi, tækjageymslur. Þá hef-
ur kennarastofan verið stækk-
uð um helming og sköpuð góð
aðstaða fyrir skrifstofu skól-
ans. Þetta bættist allt við me@
tilkomu nýja húsnæðisins og
gefur auga leið, að þá varð
nánast bylting í húsnæðismál-
um skólans.
— Þú sagðir áðan, að ekki
væri æskilegt að fjölga mikið
nemendum í deildunum?
— Já, ég tel mjög mikilvægt,
að nemendatölu í hverri deild
sé haldið hæfilega í skorðum.
Það kemur vitanlega niður á
kennslunni þegar deildimar eru
mjög fjölmennar — kennararn-
Myndin var tekin sl. sumar, er framkvæmdum við sskólaby gginguna var elkki að fullu lokið.
ir fá ekki tækifæri til að sinna
hverjum og einum nemanda
sem skyldi. Yfirleitt miðar hið
opinbera við það að 30 nemend-
ur séu í deild, en mér finnst
það helzt til mikið. 22—24 er
hæfileg tala.
— Nú hefur það vakið at-
hygli hversu hús þetta var
ódýrt í byggingu. Fullnægir
það þeim kröfum sem gera verð
ur til skólahúsnæðis?
— Það fer eftir því hvað þær
kröfur eru settar hátt. Við höf-
um að vísu ekki harðvið í hólf
og gólf og húsið er allt mjög
einfalt og látlaust í gerð. Ég
hygg, að við teikningu þessa hafi
nokkuð önnur sjónarmið verið
höfð í huga en við teikningu
flestra annarra skólahúsa. Yf-
irleitt er málum þannig háttað,
að arkitektamir fara öllu sínu
fram við þær teikningar, en
skólastjóramir og þeir sem eiga
að starfa í húsinu eru sjaldn-
ast spurðir ráða. Vitanlega kem
ur margt til greina við bygg-
ingu skólahúss. Það er t.d. ekki
nóg að hafa harðviðarinnrétt-
ingar ef nauðsynleg kennslu-
tæki úantar. Ég met þau a.m.k.
meira.
— Er skólinn vel búinn
kennslutækjum?
— Sveitarstjómin hefur sýnt
þeim málum mikinn skilning og
fáum við árlega háa fjárvéit-
ingu til kennslutækjakaupa,
t.d. nú í ár 200 þúsund krónur.
Þetta kemur sér mjög vel hér í
þessum skóla, þar sem kennar-
amir eru mjög áhugasamir um
störf sín og notfæra sér þessi
tæki óspart. Sveifarstjómin
hefur einnig sýnt því mikinn
skilning, að nauðsynlegt er að
kennarar fái tækifæri til við-
haldsmenntunar og hefur ár-
lega verið veitt allhá upphæð
til þess að styrkja kennara til
slíks náms. Hafa kennarar m.a.
farið til útlanda til þess að
kynna sér kennslu í einstökum
greinum þar og hefur það bor-
ið mjög mikinm og jákvæðan
árangur fyrir skólann.
— Margir halda því fram, að
almenningur hafi of lítil af-
skipti af menntamálum og að
tengsl foreldra við skólana séu
næsta lítil?
— Þetta er alveg rétt. Al-
menningi hefur enn ekki skilizt
að skóla- og menmtamálin eru
mál málanna, sem allt annað
grundvallast á. Ég hygg þó, að
á þessu sé nú að verða nokkur
breyting til batnaðar. Það er
líka rétt, að samstarf foreldra
og skóla hefur verið of lítið. f
þessum skóla höfum við lagt
ríka áherzlu á að efla þessi
tengsl. f haust héldum við t.d.
foreldrafrmdi með foreldrum
hvers árgangs fyrir sig, þar
sem starf skólans var kynnt og
einndg kosið foreldraráð. Ráð-
ið hélt svo fundi af og til í vet-
ur og var þar rætt um starf
skólan's. Einnig hafa foreldrar
verið boðaðir skipulega til við-
tals við kennara, og hefur hver
kennari viðtalstíma einu sinni í
viku.
— En kennslan sjálf? Fer
hún ekki fram eftir hefðbundn-
um leiðum?
— Að vissu marki gerir hún
það eðlilega. Hins vegar höf-
um við skipt vetrinum niður í
þrjár annir og reynt að láta sem
minnstan tíma fara í prófin
sjálf. Þetta þýðir þó alls ekki
það, að við höfum fellt niður
kannanir eða próf, heldur frem
ur leitast við að fella þau eðli-
lega inn í kennslustarfið. Nokk
ur unglingaprófin eru sam-
ræmd fyrir allt landið. Hef-
ur nú fengizt leyfi til þess að
láta taka þau í apríl og höf-
um við hugsað okkur að notfæra
okkur það leyfi. Þá getum við
kennt í 3—4 vikur í friði á
eftir. Það tel ég strax til bóta.
— Hvað um félagsstarfsemi
nemenda?
— Félagsstarfsemin er marg-
vísleg og í öllum aðalatriðum
eins og gerist í öðrum skólum.
Hins vegar höfum við reynt að
gera ýmislegt til þess að gera
skólann meira aðlaðandi fyrir
nemendur. Þannig hafa gang-
arnir og skólastofurnar verið
myndskreyttar af nemendun-
um sjálfum, og þau hafa jafn-
vel fengið leyfi til þess að
mála kennslustofurnar eftir eig
in höfði. Niðri höfum við svo
setustofu, þar sem bækur, blöð,
spil og töfl liggja frammi og
þar geta unglingarnir verið í
frímínútum og frítímum sínum.
Þá hefur einnig verið sett á
stofn nemendaráð innan skól-
ans, sem á að vera ráðgefandi
um ýmis þau mál er snerta hags
muni nemenda. Aðaltilgangur-
inn með slíku nemendaráði er
að vekja ábyrgðarkennd nem-
endanna og umhugsun um
hvers virði skólagangan er í
raun og veru fyrir þau. Við
viljum gjarnan reyna að taka
eins mikið tillit til unga fólks-
ins og við getum —rökræða við
það og reyna að beina því inn á
jákvæðar leiðir.
— Og að lokum Gunnlaugur.
Hvaða framkvæmdir eru næst-
ar á döfinni hjá ykkur?
— Það næsta sem gert verð-
ur hér við skólann er það, að
gengið verður frá skólalóðinni
í sumar, komið slitlagi á hana
og útbúnir boltaleikvellir, ýmis
konar tré og runnar gróður-
settir og fl. Næsta stórátak er
hins vegar bygging íþróttahúss
og nú þegar er byrjað að hugsa
fyrir nýrri gagnfræðaskóla-
byggingu. Slík bygging þarf
mikinn undirbúning og því rétt
að hugsa fyrir. því í tíma. Hins
vegar kemur varla til bygging-
ar þess fyrr en eftir 4—6 ár.
Guðrún Erlendsdóttir
Jónas Hallgrímsson
Gunnar Sigurðsson
Ólafur G. Einarsson
N.k. mánudagskvöld verður
haldinn almennur framboðs-
fundur í Garðahreppi, og
standa að honum allir þeir
flokkar er bjóða þar fram
við sveitarstjórnarkosningam-
ar. Verður fundurinn haldinn
í samkomusal Gagnfræðaskóla
Garðahrepps og hefst kl. 20.30.
Verða þrjár umræður, 15 mín.,
10 mín., og 10 mín. Þeir fram-
bjóðendur Sjálfstæðisflokksins
sem taka þátt í umræðunum
verða frú Guðrún Erlendsdótt-
ir, Jónas Hallgrimsson, læknir,
dr. Gunnar Sigurðsson og Ól-
afur G. Einarsson sveitarstjóri.
Fundarstjórar verða Guðmann
Magnússon, Jónas A. Aðal-
steinsson og Kristleifur Jóns-
son.