Morgunblaðið - 04.06.1976, Síða 3

MORGUNBLAÐIÐ, FÖSTUDAGUR 4. JUNI 1976
„I vasa mínum
og kistli flyt ég
vinnustofuna ”
Hundertwasser við eitt Hkana sinna f Listasafni Islands en hann er
kunnur arkitekt og hefur komið fram með margar nýstárlegar
hugmyndir sem eru m.a. sýndar á sýningunni f Listasafninu ásamt
örðum verkum hans. Ljðsmynd Mbl. Ól.K.M.
— rabbað við
austurríska
listamanninn
Hundertwasser
ISeglskúta listamannsins sem
bfður nú eftir honum f Nýja
Sjálandi.
AUSTURRÍSKI listamaðurinn
Hundertwasser, fyrirbrigði
sem er sjaldséð f gestum á ís-
landi, hann er f senn eldfjall og
ævintýri, eins og eldspúandi
kraftur f dugnaði sfnum og af-
köstum, ævintýri f hugmyndum
og athöfnum, arkitekt, listmál-
ari, vefari, sjómaður, garð-
yrkjumaður, hnattferðamaður.
Salir Listasafns tslands hýsa
nú á annað hundrað verka
hans.
„Við sém slitum barnsskón-
um f afskekktri sveit munum
tilhlökkun og hugþekka dul,
sem rikti þegar von var á gesti
langt að reknum, kannski hand-
an um höf,“ segir Vilhjálmur
Hjálmarsson menntamálaráð-
herra í spjalli í skemmtilegri
sýningarskrá Listasafnsins og
vitnar síðan i meistara Þór-
berg: „Það var nýstárlegt á
Virðingarbala þegar Öræfingar
áðu þar á lestarferðum sínum,“
og Vilhjálmur heldur siðan
áfram: „Nú hefir óvænta gesti
borið að garði. tsland varð án-
ingarstaður Hundertwassers —
málverkanna hans — á leið um-
hverfis jörðina. Það verður ný-
stárlegt i Listasafni íslands á
meðan Hundertwasser áir þar.“
I spjalli okkar Hundertwass-
ers í gær, stundu eftir komu
hans til landsins, kom fram að
hann þekkti nokkuð til ís-
lenzkra listamanna, m.a. kvaðst
hann hafa þekkt Gerði Helga-
dóttur, Ninu Tryggvadóttur og
Erró. Listamaðurinn kemur
hingað frá Feneyjum, Varsjá og
París, en í þessum löndum hef-
ur hann verið síðustu tvær vik-
urnar, er á leið til Nýja Sjá-
lands þar sem seglskip hans
bíður eftir honum, skip sem er
17 metra langt og 5 metra
breitt, en skipið endurbyggði
hann á árunum 1968 til 1972 og
býr síðan að mestu í því. Regen-
tag heitir skútan. Hann kvaðst
ætla að sigla til Thaiti og dvelja
þar um tíma, m.a. halda sýn-
ingu þar, en aðspurður svaraði
hann því að liklega væru einar
10 sýningar á verkum hans
uppi um þessar mundir í ýms-
um löndum m.a. í London, tvær
í Bandaríkjunum, í Sviss, Ósló
og París auk Islands.
Margar vinnustofur? spurði
ég.
Ég vinn á mörgum stöðum,
svaraði hann, hef enga sérstaka
vinnustofu eins og aðrir málar-
ar, mín vinnustofa er í ferða-
kistlinum minum, í vasa min-
um, því með mér hef ég liti,
pensla og annan mat til verka
og ég vinn hér og þar, oft i skipi
minu, en mér líkar að vinna
þannig og þeysast um. Á þess-
ari vel skipulögðu sýningu hér
eru t.d. myndir sem ég gerði i
siðasta mánuði.
Staldra, ég veit það ekki,
nokkra daga, ég veit það betur
á morgun, en ég er tímabund-
inn því á landi mínu í Nýja
Sjálandi biða min 3000 tré sem
ég á eftir að gróðursetja og það
verður að gera á réttum tíma.
Ég þarf að ljúka því áður en
ég sigli til Thaiti, en ég fer
héðan beint til Nýja Sjálands,
frá nyrstu höfuðborg i heimi til
þeirrar syðstu.
Við gengum saman um
sýningarsali Listasafnsins og
stundum rásaði hann að
ákveðnum verkum og heilsaði
þeim eins og gömlum
kunningjum, enda ekki að
furða. — Þessi er góð — átti
hann til að segja þegar honum
likaði sérlega vel við einhverja
og svo sýndi hann mér
myndirnar sem hann málaði á
Nýja Sjálandi, litadýrð í form-
um þar sem mannsaugað gægist
víðast einhvers staðar í gegn og
það var auðséð að hann hafði
orðið fyrir áhrifum af lit-
menningu hinna suðlægu ibúa,
en fyrst og. fremst var Hundert-
wasser undir áhrifum af einni
tegund, Hundertwasser. — á.j.
Sýning á verkum málarans
Hundertwasser verður opnuð í
dag í Listasafni Islands og
verður sýningin opin til 12. júní
n.k. Daglegur opnunartími
sýningarinnar er frá kl. 13.30
til kl. 22. Á sýningunni gefur aó
lita um 120 verk Hundertwass-
ers, sem unnin eu á mismun-
andi vegu. Auk málverka, sem
Framhald á bls. 22