Morgunblaðið - 16.12.1977, Side 15
MORGUNBLAÐIÐ, FÖSTUDAGUR 16. DESEMBER 1977
15
Ráðherra
rekinn úr
starfi
Búkarest, 15. desember, AP.
NÁMU- og olíumálaráð-
herra Rúmeníu,
Constantin Babalau, hefur
verið rekinn úr starfi sam-
kvæmt skipun undirritaðri
af Ceausescu forseta lands-
ins, að því er málgagn
kommúnistaflokksins,
Scinteia, skýrði frá í dag.
Þó að engar skýringar
hafi verið gefnar á brott-
rekstri ráðherrans geta
menn sér til um að ástæðan
sé verkfall námuverka-
manna í Jiudalnum í ágúst
s.l., en í fréttum á Vestur-
löndum var skýrt frá því
þá, að 35 þúsund kolanáma-
menn hefðu farið í verk-
fall. Námuverkamennirnir
kröfðust betri vinnuað-
stöðu og betri lífskjara.
Þremur aðstoðarráðherr-
um í sama ráðuneyti var
vikið úr störfum á sama
hátt í október s.l.
Laun verkamannanna
voru eftir verkfallið hækk-
uð um 19%, og þeir fá nú
ókeypis heita máltíð einu
sinni á dag. Þeim var jafn-
framt lofað að áhöld þeirra
við vinnuna yrðu endur-
bætt.
Pieter Menten
Menten
áfrýjar
Haag. 15. des. AP.
PIETER Menten sem dæmdur
var í gær til 15 ára fangelsisvistar
vegna þátttöku sinnar í stríðs-
glæpum nazista hefur áfrýjað
dómnum samkvæmt uppiýsing-
um dómsmálaráðuneytisins hér.
Talsmaður í ráðuneytinu skýrði
frá þvf í dag, að áfrýjun Mentens
yrði líklega tekin fyrir í febrúar.
Hann skýrði og frá að líklega
mundi saksóknari Amsterdam
áfrýja dóminum einnig þar sem
Menten var einungis dæmdur til
15 ára fangelsisvistar í stað lífs-
tíðarfangelsis, eins og krafizt var
í upphafi.
Menten, sem er 78 ára að aldri,
var ákærður fyrir að hafa átt að-
ild að drápi 20—30 pólskra Gyð-
inga árið 1941, en þá var hann í
stormsveitum nazista. Hefur
Menten stöðugt neitað þátttöku
sinni í atburðunum í þropinu
Podgorotdtsy.
Slökkvilidsmenn
med sáttabod
London, 15. des. Reuter.
FORYSTUMENN brezkra
slökkviliðsmanna, sem eru 36
þúsund talsins og hafa verið í
verkfalli frá 14. nóvember,
ákváðu í dag að freista þess að
leysa launadeiluna með því að
óska viðræðna við yfirvöld. Ætla
þeir að leggja tillögur um þriggja
áfanga launahækkun fyrir yfir-
völd í þessu sambandi.
Slökkviliðsmennirnir ætla að
fara fram á 30% hækkun grunn-
launa sinna á samningstímanum,
en launin nema nú 65 sterlings-
pundum á viku. Tillögur slökkvi-
liðsmannanna kveða á um 10%
hækkun við undirritun samnings
og síðan 10% á næsta ári og 10%
á árinu 1979. Tillögur slökkviliðs-
mannanna falla að þessu leyti
innan þess ramma, sem launa-
stefna stjórnvalda kveður á um.
Þetta gerðist
Þettagerðist 16. desember.
1976 — Komizt var að sam-
komulagi um verð á olíu yfir
minnst 6 mánaða tímabil, þegar
samtök olíuútflutningslanda
samþykktu 5% hækkun á verði
olíu frá Saudi-Arabíu og
arabíska furstadæminu, og
10% hækkun á olíuverði innan
11 landanna, sem eru aðilar að
samtökunum.
1975 — Gerald Ford, forseti
Bandaríkjanna, útilokaði öll
hernaðarafskipti Bandaríkja-
manna af stríðinu í Angóla.
1972— Geimskiðið Apollo 17
sneri aftur til jarðar.
1971 — Indverskar hersveitir
hernámu Dacca og her
Pakistana í A-Pakistan gafst
upp. Indverjar lýstu yfir vopna-
hléi.
1970 — Sex manns létu lífið í
óeirðum végna verðhækkana í
Póllandi.
1967— 28 aðildarþjóðir að
Sameinuðu þjóðunum gerðu
sáttmála um björgunaraðgerðir
fyrir geimfara sem yrðu fyrir
óhöppum úti í geimnum.
1966 — Öryggisráð Samein-
uðu þjóðanna greiddi atkvæði
11—0 um að hefja efnahags-
legar refsiaðgerðir gegn stjórn
hvíta minni hlutans i Ródesíu.
1960 — Tvær flugvélar
rákust á yfir innsiglingunni í
New York borg og 131 maður
lét lífið.
1958 — Herráð Nato hafnaði
tillögum Rússa um yfirráð í
Berlín.
1946 — Leon Blum myndaði
stjórn sósíalista í Frakklandi.
1916 — Gregory Rasputin,
munkur, sem þótti hafa mikil
áhrif yfir rússneska zarnum,
var myrtur.
1809 — Napoleon Bonaparte
Frakklandskeisari fékk lög-
skilnað frá Jósefinu fyrri eigin-
konu sinni.
1773 — Landnemar í Ame-
ríku, klæddir eins og Indíánar,
köstuðu 342 teböllum fyrir borð
úr brezkum kaupskipum í höfn-
inni í Boston.
Afmæli: John Selden, enskur
lögfræðingur (1584—1654),
Jane Austen, brezkur skáld-
sagnahöfundur (1775—1817),
Mary Russel Mitford, brezkur
rithöfundur (1787—1855),
Noel Coward, brezkur leikrita-
höfundur (1899—1973).
Setning dagsins: „Gleðin er
mjög sjaldan þar sem hennar er
leitað.“ Samuel Johnson, ensk-
ur menntamaður (1709—1784).
MiUjarða gróði hjá SAS
Stokkhólmi, 15. des. AP.
GRÓÐI SAS-flugfélagsins
fyrir síðasta reikningsár
sem lauk 30. september,
áður en arður og skattar
eru reiknaðir, nemur 107,4
milljónum sænskra króna,
eða rúmlega 5 milljörðum
íslenzkra króna. Er þetta
talsverð aukning frá
síðasta reikningsári, en þá
nam hagnaðurinn 48,4
milljónum sænskra króna.
Hefur fyrirtækið nú sýnt
rekstrarhagnað 15 ár í röð.
Tekjur SAS á síðasta
reikningsári nema 5,505
milljónjim sænskra króna,
en árið áður var upphæð sú
4,883 milljónir krjna.
Rekstrarkostnaður, áður
en afskriftir eru teknar
með í reikninginn, nam á
reikningsárinu 5,055
milljónum króna, en var
4,501 milljón árið áður.
Gróði SAS er mestur í
áætlunarflugi, þaðan
kemur 71 milljón króna af
107, afgangurinn er af
eignasölu og ýmsu öðru.
Vöruflutningaflugfélagið
sem er i eigu SAS, sýndi
einnig gróða, átti 7,1
milljónir sænskra króna í
rekstrarafgang. Var það
aukning frá fyrra ári, því
þá var hagnaðurinn 2,5
milljónir. Talsmenn SAS
hafa lýst sig nokkuð
ánægða með afkomu flug-
félagsins á rekstrarárinu.
Ferðaaukning félagsins
var um 7% á árinu og far-
þegafjöldi jókst um 5%.
Tongsun Park fús
tilað snúa aftur
til Bandaríkjanna
Seoul, Suður-Kóreu, 15. des. Reuter.
TONGSUN Park, maóurinn sem
stóó á bak við tilraunir Suóur-
Kóreumanna til aó múta banda-
rískum þingmönnum, er fús til aó
snúa aftur til Bandaríkjanna og
bera vitni 1 mútumálinu.
Suður-Kóreumenn hafa þó sett
þau skilyrði fyrir ferð Parks, að
hans verði gætt i Bandarfkjunum
og að honum verði leyft að snúa
aftur til Suður-Kóreu eftir að
hafa borið vitni.
Park, sem er hrísgrjónaauðjöfu-
ur og bjó áður i Washington, var
ákærður af hæstarétti fyrir mútu-
starfsemi.
Mál annarra þeirra sem flæktir
eru í málið hafa verið látin bíða
þangað til Park hefur borið vitni,
því hann er mikilvægasta vitni
málsins.
Bandarísk sendinefnd er nú í
Seoul til að yfirheyra önnur
suður-kóreönsk vitni.
Með gervihjarta í 48 stundir
ZUrlch, Sviss, 15. des. AP.
HÓPUR skurólækna skýrði frá
því í gær, að þeir hefðu bjargað
lífi konu, eftir að hjarta hennar
bilaði við misheppnaða hjartaað-
gerð, með því að tengja við hana
gervihjarta í 48 klukkustundir.
Þetta er lengsti tíminn sem
gervihjarta hefur verið notað til
að halda sjúklingi lifandi, en
tveir sjúklingar hafa látizt við
llkar aðstæður.
Hópurinn sem gerði aðgerðina í
síðasta mánuði starfar við Ziirich-
háskóla, og vann undir stjórn Ake
Senning prófessors við skólann og
Marvo Turina, sem er júgóslavn-
eskur prófessor. Konan hefur ver-
ið útskrifuð af spítalanum.
Einn læknanna sagði, að hjarta-
lungna vél, sem heldur blóðrás
sjúklinga gangandi við hjartaað-
gerðir, hefði ekki getað bjargað
konunni í svo langan tima. Að
sögn Turina sem framkvæmdi
skurðaðgerðina var þetta tilvik
svo alvarlegt að engin önnur ráð
voru möguleg. En það var ekki
fyrr en það var ljóst, að þeir tóku
þá ákvörðun að reyna gervihjart-
að, sem visindamenn hafa verið
að endurbæta frá því árið 1971 í
Zurich. Hjarta konunnar var al-
gerlega óstarfshæft allan þennan
tíma. Gervihjartað var sett við
brjóst hennar og tengt með pipum
við hjartað. Eftir 24 klukkustund-
ir sýndi hjartað merki um bataog
eftir 48 klukkustundir var gervi-
hjartað fjarlægt. En áður hafði
hjartslátturinn verið svo veikur
að blóðrásin var hætt.
Ekki var annað sagt um aldur
konunnar, en að hún væri á
aldursbilinu 30—40 ára.
Gervihjartað, sem notað var, er
hannað af ítölskum lífefnaverk-
fræðingi, Roberto Bosio.
Holkirmúki 2
Leynist listamaóur
í þinni fjölskyldu?
Finndu hann um jólin
og geföu honum
myndlistarvörur
frá Pennanum.