Morgunblaðið - 01.08.1979, Page 16

16
MORGUNBLAÐIÐ, MIÐVIKUDAGUR 1. ÁGÚST 1979
fltegttitftfiifrifr
Útgefandi hf. Árvakur, Reykjavík.
Framkvæmdastjóri Haraldur Sveinsson.
Ritstjórar Matthías Johannessen,
Styrmir Gunnarsson.
Ritstjórnarfulltrúi Þorbjörn Guómundsson.
Fréttastjóri Björn Jóhannsson.
Auglýsingastjóri Baldvin Jónsson
Ritstjórn og skrifstofur Aöalstræti 6, sími 10100.
Auglýsingar Aöalstræti 6, sími 22480.
Afgreiösla Sími 83033
Áskriftargjald 3500.00 kr. á mánuöi innanlands.
í lausasölu 180 kr. eintakiö.
Tími skrumara
er liðinn
Síðustu misseri hafa hávaðasamir auglýsingamenn verið
umsvifamiklir í stjórnmálabaráttunni. Þeir hafa slegið
fram staðhæfingum, sem þeir hafa ekki þurft að rökstyðja,
þeir hafa boðað einfaldar lausnir, sem þeir hafa ekki þurft
að útskýra. Þeir unnu kosningarnar fyrir rúmu ári. Þeir
fengu tækifæri til að beita sínum aðferðum við lausn hinna
margvíslegu vandamála okkar. Nú er orðið tímabært að
meta, hvort þeir hafa náð árangri og þá hver hann sé.
Óþarft er að hafa mörg orð um það, að auglýsingamenn-
irnir hafa engum árangri náð við landsstjórnina, nema þeim
að sýna og sanna, að staðhæfingar þeirra standast ekki og
lausnir þeirra duga ekki. Þeir eru hins vegar komnir vel á
veg með að sannfæra almenning um, að skrumarar eru til
lítils nýtir. Með því hafa þeir unnið þarft verk og það ber að
meta við þá. Með verkum sínum og þó öllu heldur verkleysi
hafa þeir undirstrikað þá staðreynd, að þjóðin þarf fremur á
að halda ábyrgum stjórnmálamönnum en skrumurum.
Engum þarf að koma á óvart, þótt skrumarar hafi sett
mark sitt á stjórnmálabaráttuna undanfarin misseri.
Áttundi áratugurinn hefur ekki verið sá tími framfara og
uppbyggingar í þjóðlífi okkar sem vænta mátti. Hann hefur
fremur verið áratugur upplausnar og öngþveitis. Skrumarar
þrífast við slíkar aðstæður — en að jafnaði ekki lengi. Engir
eru færari um að afhjúpa þá en þeir sjálfir og það hafa þeir
gert hér síðustu 12 mánuðina. Væntanlega leiðir það til þess,
að á ný verði þáttaskil.
Tími upplausnar og skrumara hefur verið ábyrgum
stjórnmálamönnum í öllum flokkum erfiður en ekki sízt
forystu Sjálfstæðisflokksins, sem gerði tilraun til að leiða
þjóðina út úr upplausn og öngþveiti vinstri stjórnarinnar
fyrri og hafði náð þeim árangri vorið 1977, að verðbólgan
var komin niður í 26%. Forystu Sjálfstæðisflokksins hefur
verið legið á hálsi fyrir það að taka ekki þátt í
auglýsingakapphlaupi skrumara á upplausnartímum. For-
ystu Sjálfstæðisflokksins hefur verið legið á hálsi fyrir það
að ganga ekki lengra í að bjóða upp á einfaldar lausnir á
flóknum vandamálum eins og skrumararnir. Forysta
Sjálfstæðisflokksins hefur verið sökuð um það að einangra
sig frá fólkinu í landinu vegna þess, að hún hefur ekki verið
reiðubúin til að taka þátt í þeim kjaftavaðli, sem
skrumararnir hafa látið ganga yfir þjóðina í gegnum
fjölmiðlana.
Nú eru tímarnir að breytast á ný. Nú er fólk að gera sér
gleggri grein fyrir því en um skeið, að þjóðin hefur þörf fyrir
leiðsögn ábyrgra stjórnmálamanna, manna, sem slá ekki um
sig með ódýrum slagorðum og auglýsingaskrumi heldur
vinna af ábyrgð og festu að þeim störfum, sem þeir hafa
tekið sér fyrir hendur. Það mun faila í hlut slíkra manna í
öllum flokkum að leiða þjóðina út úr þeim ógöngum, sem
hún er komin í m.a. fyrir tilverknað skrumaranna, þótt rétt
sé, að þeir hafa fremur hagnýtt sér öngþveitið og þar með
einnig aukið á það og magnað það.
Mikilvægur þáttur í forystu í þjóðmálum er að halda uppi
stöðugu sambandi við fólkið í landinu, skoðanaskiptum og
umræðum. En hávaðinn í lýðskrumurum á ekkert skylt við
það að halda sambandi við fólkið.
Gott samband við fólkið í landinu er forsenda þess að
forystumönnum í stjórnmálum takist það verkefni, sem
framundan er við endurreisn efnahagslífsins, þegar núver-
andi stjórn hefur látið af völdum. Til þess að rækta það
samband eru margar leiðir.
En aðalatriðið er að þessum tengslum sé haldið uppi af
þeirri reisn og þeim heiðarleik og drengskap, sem sæmir
ábyrgum stjórnmálamönnum.
Ut af fyrir sig má segja, að þjóðin hafi haft gott af því að
kynnast tímabiii skrumara, auglýsingamennsku og ábyrgð-
arleysis. Hún er reynslunni ríkari.
Hér áttu að hafa orðið breytingar á jarðhitasvæðinu við Svartsengi. Engar slíkar breytingar sáust
þarna, — einungis sölnað gras. í baksýn sést orkuverið í Svartsengi.
Engar breytingar í Svartsengi
— en hver vaknaði í Krýsuvík
„ÞARNA hefur verið jarðhiti
allt frá því ég fór fyrst að
athuga þetta svæði, og það eru
líklega 15—20 ár sfðan. Þar
hefur ekki orðið nein breyting á
hvorki hvað varðar staðsetn-
ingu né magn jarðvarmans,“
sagði Jón Jónsson jarðfræðing-
ur hjá Orkustofnun þegar
Morgunblaðið leitaði álits hans
á fréttum um helgina um breyt-
ingar á jarðhitasvæðinu við
Svartsengi.
Svæði það sem hér um ræðir
er um 6—700 metra norðaustan
við orkuverið í Svartsengi, hand-
an við veginn. Þegar blaðamaður
og ljósmyndari litu á svæðið
albúnir náttúruhamförum af
óþekktri stærðargráðu mætti
þeim sölnað gras .. ,og ekkert
nema sölnað gras.
Bragi Eyjólfsson, yfirvélstjóri,
sem þarna hefur unnið um 3ja
ára skeið, sagði að svæðið væri
nú í engu frábrugðið því sem það
hefur verið undanfarin ár. Hann
sagði að allan þann tíma hefði
verið þarna hiti í jörðu sem hefði
mátt merkja af því að þarna var
auð jörð þegar snjó festi í ná-
grenninu. Hann sagði að í vor
hefði þetta svæði komið grænt
undan snjó. En hann kvað af og
frá að þarna hefði orðið nokkur
breyting á frá því sem áður var.
Jón Jónsson jarðfræðingur
sagðist hafa verið á þessum stað
í gær og ekki getað greint neina
tilfærslu jarðhita eða aukningu
jarðhita á þessu svæði. Hins
vegar sagði hann að tilfærsla
jarðhita milli svæða á háhita-
svæðum væri ekki fátíð, meðal
annars í Krísuvík, þar sem hver
hefði „sofnað" í 3—4 ár en væri
nú „vaknaður" á ný.
Hjörleifur Guttormsson
orkumálaráðherra, um setlögin:
Bezt að flýta
sér ekki um of
„ÉG VIL alveg sérstaklega
vara við verulegri bjartsýni á
að þarna geti verið að finna
olíu í vinnanlegu magni,“
sagði Hjörleifur Guttormsson
iðnaðarráðherra um setlögin,
sem Western Geophisical hef-
ur fundið norðaustur af
íslandi. Hann kvað hér
spurningu um tæknimögu-
leika á vinnslu, jafnvel þó að
frekari rannsóknir leiddu í
Ijós líkur á því. „Ég hygg að
það dýpi, sem hér um ræðir,
allt að 200 til 400 metrar, séu
utan við þau mörk, sem menn
ráða við með núverandi
tæknibúnaði. Er þá orðið
spurning um vinnslu á
sjávarbotni en ekki ofan-
sjávarborpalla, sem einnig
eru að því er mér sýnist
tvísýn tæki á svæðum, sem
vænta má hafíss árlega.“
Hjörleifur kvað einnig
koma inn í þetta þýðingar-
mikla atriði eins og um-
hverfisáhrif, menn væru
minntir á það þessa daga,
hvað gerzt getur í sambandi
við olíuvinnslu á hafi úti, þar
sem olíugosbrunnurinn á land-
grunni Mexikó, sem ekki hefur
tekizt að stöðva enn sem
komið er. „I þessu er eðlilegt
að flýta sér ekki um of og vera
ekki með spár fyrr en málin
hafa skýrst. Hef ég áhuga á að
almennt verði mörkuð stefna
um landgrunnsrannsóknir
okkar og kemur þar fleira til
en hugsanleg olía eða setlög,
sem geymt geta olíu. Það
hefur fræðilegt gildi, en auk
þess er um að ræða annars
konar auðæfi sem farið er að
líta til á hafsbotni, svo sem
eins og málma og þess háttar,"
sagði Hjörleifur Guttormsson.
Iðnaðarráðherra kvað nauð-
syn á næstunni að kanna þessi
mál vel, og setja síðan reglu-
gerðir um þessi efni á grund-
velli landhelgislaganna.
Meiningarlaust væri að út-
hluta leyfum og slíku án þess
að stjórnvöld litu á málin í
heild og áttuðu sig á hvað væri
á ferðinni. Er það hliðstæð
stefna og grannþjóðir okkar
hafa haft áður en erlendir
aðilar fá leyfi til rannsókna,
sem geta haft verulegt hag-
nýtt gildi.
Rauði tveggja hæða strætis-
vagninn, sem Mbl. skýrði frá á
dögunum að væntanlegur væri
til landsins. er nú kominn og
var honum á mánudagsmorgun
skipað upp úr Skaftá. Bjarni
Ólafsson framkvæmdastjóri
Kaupstefnunnar sagði að bflinn
ætti að nota f fólksflutninga úr
miðborg Reykjavíkur inn í
Laugardal þar sem opnuð verð-
ur Alþjóðleg vörusýning 26.
ágúst. Næstu daga verður bfln-
um komið á götuna, þ.e. skoðað-
ur og nauðsynlegra leyfa aflað.
L)Ó8m. ÓI.K.M.