Morgunblaðið - 24.06.1982, Side 20

20
MORGUNBLAÐIÐ, FIMMTUDAGUR 24. JÚNÍ1982
Lesendaþjónusta Morgunblaðsins:
Spurt og svarað
um garðyrkju
Nafliði iónsson, garðyrkjustjóri Reykjavíkurborgar, befur tekið að
sér að svara spurningum lesenda Morgunblaðsins um garðyrkju. Þau
verða síðan birt eftir því sem spurningar berast. Lesendur geta lagt
spurningar fyrir Hafliða, jafnt um ræktun matjurta sem trjárækt og
blómarækt. Tekið er á móti spurningum lesenda á ritstjórn Morgun-
blaðsins í síma 10100 á milli kl. 11 og 12 árdegis, mánudaga til
fb.studaga. Hafliði Jónsson er landsþekktur garðyrkjufrömuður og
hefur haft yfinjmsjón með öllum ræktunarmálum borgarinnar í nær
þrjá áratugi.
Um túlípana, gróðursetningu
og ræktun trjáa í mýrlendi
Sigrún Gísladóttir, Fögrukinn 1,
Hafnarfiröi, spyr:
1. Mig langar til að fá upplýs-
ingar um dúnylli. A að
planta einni plöntu eða
fleiri saman til að þær
myndi kúlu? Hvar er heppi-
legast að planta honum í
garðinum?
2. Hvað er heppilegasti áburð-
urinn á gullregn? Á ég að
nota búfjáráburð eða ein-
hvern tilbúinn áburð?
Getur orðið fyrir-
ferðarmikill
Svar
1. .Dúnylli er eðlilegast að
planta með talsverðu milli-
bili og mætti gjarna vera
1—1,5 metri á milli
plantna, svo þær fái að
njóta sín verulega vel.
Dúnyllirinn getur orðið
allfyrirferðarmikill sé hon-
um gefið gott vaxtarrými
og nóg næring, einkum í
upphafi og eðlilegast er að
leyfa honum að vaxa
frjálsum. Klippa á vorin
aðeins kal og greinar, sem
orðið hafa fyrir hnjaski.
Best líður honum þar sem
hann nýtur vel sólar og
skjóls.
2. Gullregn gerir fremur litlar
kröfur til áburðar og best
hentar að bera að honum
gamlan, vel veðraðan hús-
dýraáburð, helst upprak af
túni. Mest er um vert að
Gullregnið njóti skjóls
fyrir vetrarvindum og það
sé í vari fyrir morgunsól
fyrst framan af vori meðan
hætta er á næturfrostum.
Góður vetrarumbúnaður
getur skipt mestu fyrir
vaxtarmöguleika Gull-
regnsins fyrstu 6—8 árin.
Stefanía Sigurðardóttir, Arnarnesi
spyr:
1. Eg er vandræðum með arfa.
Ég er með nýlegan garð,
sem ég hef lagt mikla vinnu
í að gera sem fegurstan og
hefur tekist ágætlega með
alla ræktun, en mér leiðist
að sjá hversu arfinn þrífst
bókstaflega um allt. Hvað
er til ráða til að útrýma
honum? Dugar skeljasand-
ur eitthvað?
2. .Ég er með valmúa sem ég
ætlaði mér að halda í skefj-
um. Það hefur hins vegar
ekki tekist og hann breiðir
nú úr sér um allt. Hvernig
get ég haldið honum í skefj-
um?
3. .Ég hef verið með ýmsar
plöntur hjá mér, m.a. Gull-
regn, Sírenur o.fl. plöntur,
sem hafa tekist vel í rækt-
un, en Úlfareynir, sem ég
hef nokkrum sinnum reynt
að planta — ég fékk meira
að segja einu sinni send-
ingu austan af Hallorms-
stað — deyr alltaf hjá mér.
Hvað getur valdið?
4. Við erum nýbúin að láta
eitra hjá okkur, en einn
nágranninn tjáði okkur að
óþarfi væri að gera slíkt.
Trén myndu sjálf vinna á
sínum skaðvöldum með tíð
og tíma. Er þetta rétt?
Hugsanlega of
djúpt gróðursett
Svar:
1. Skeljasandur gagnar lítið
gegn arfa. Hinsvegar ætti
að vera óhætt fyrir Stef-
aníu að nota væga upplausn
af arfaeyðingarefninu Afal-
on, t.d. 15—20 gr. í 10 lítra
af vatni, sem á að nægja sé
því úðað yfir með garð-
könnu á 150—200 fermetra
grasflöt. Úðinn má ekki
fara á laufblöð fjölærra
sumarblóma eða trjá-
kenndra plantna. Best er að
slá grasflötina (eða arfa-
flötina) áður en úðað er.
2. Ekki er hægt að benda á
annað hollara og hentugra
ráð, en að vaka yfir
blómskrúðinu og gæta þess
að klippa af alla stilka, sem
fellt hafa blóm, eða gæta
þess, að valmúinn fái ekki
frið til að þeyta fræum sín-
um út um hvippinn og
hvappinn. Að vorinu má
einnig uppræta valmúann
strax og hann kemur úr
mold. Það ætti að vera létt
verk t.d. með arfasköfu.
3. Það er einkum tvennt sem
hugsanlega getur valdið
mistökunum með Úlfareyn-
inn og það er þá að of djúpt
hafi verið gróðursett. Úlfa-
reynir þolir alls ekki að
gróðursetjast dýpra en
hann hefur vaxið á uppeld-
isbeði. Hitt er að hann hafi
fengið ófullnægjandi skjól,
en það er honum afar nauð-
synlegt á meðan hann er að
komast yfir bernskuárin og
reyndar þarf hann alla tíð
skjólsælli stað en t.d. okkar
gamli góði Ilmreynir.
4. Nágranninn, sem trúir í
blindni á náttúrulögmálið
hefur ekki allskostar rétt
fyrir sér, ef trúa má reynsl-
unni. En hinsvegar er ég
sama sinnis og hann, að
hófsamlega þarf að herja á
skordýr með eiturefnum.
Við megum ekki ganga of
langt í því að rugla náttúru-
öflin með þeim „kjarnorku-
vopnum", sem við höfum
Hestamót Harðar:
Lélegir gædingar - Þokka-
legir tímar á kappreiðum
Garðar Hreinsson Mant knapaverðiaun MÓtaini Hér sHar kaaa hestinn Ljúf
en þeir urðu í öðru sæti í B-flokki gæðinga.
Ljimmjmá*-. Vitdímar KrMimnwn.
Geir í Gufunesi mætti gahaskur til leiks í 150 metra skeiði.
Það mun teljast til tíðinda þegai
félagar í hcstamannafélaginu Herði
halda kappreiðar sínar í logni, en
það gerðist nú á laugardaginn.
Kappreiðarnar voru haldnar að
venju á Arnarhamri á Kjalarnesi, en
þar mun vera mjög vindasamt. Gæð-
ingar voru dæmdir fyrir hádegi en
eftir hádegi fór fram unglingakeppni
og keppni unghrossa í tamningu.
Siðast á dagskránni voru svo kapp-
reiðar.
Heldur voru gæðingarnir í lak-
ari lagi að frátöldum þrem hestum
og verður það að teljast furðulegt
þar sem Hörður er eitt af fjöl-
mennari hestamannafélögunum.
Aðeins þrír hestar náðu einkunn
yfir átta.
Efstur í A-flokki varð Glaumur
Þrastar Karlssonar með einkunn
8,31, knapi var Aðalsteinn Aðal-
steinsson. Annar varð Blakkur
Lilju Pálmadóttur með 7,68, knapi
á honum var Páll Kristjánsson. Og
í þriðja sæti varð svo Gyðja sem
Einar Ellertsson á og sat. Hún
hlaut 7,66 í einkunn.
í B-flokki sigraði Svarti-Safír
eign Hildar Einarsdóttur, en
knapi var Aðalsteinn Aðalsteins-
son. Svarti-Safír hlaut einkunnina
8,24. Annar varð Ljúfur sem Garð-
ar Hreinsson á og sat. Hann hlaut
í einkunn 8,14. í þriðja sæti varð
svo Blesa Þórhildar Bjarnadóttur,
með 7,69. Knapi á Blesu var Bjarni
Bjarnason. Áf unghrossum í
tamningu varð hlutskarpastur
Sindri, sex vetra. Eigandi hans er
Georg Magnússon, en knapi var
Einar Ellertsson. I öðru sæti varð
Hrafn, fimm vetra, eigandi og
knapi Valdimar Kristinsson. Og í
þriðja sæti varð svo Rósa, fimm
vetra, eigandi og knapi Sigurþór
Gíslason.
í unglinga-keppni 13—15 ára
sigraði Sigurbjörn Eiríksson á
hestinum Blossa. I öðru sæti varð
Guðmundur Sverrisson á Golu og í
þriðja sæti varð svo Jóhanna
Hreinsdóttir á Sindra. í yngri
flokki unglinga sigraði María
Magnúsdóttir á Tígli, annar varð
Guðjón Mathiesen á Baldri og í
þriðja sæti varð svo Högni Fróða-
son á Rindli. Ekki er þeim Harð-
arfélögum sómi að því hvernig
þeir standa að unglingakeppninni.
Á þeim Harðarkappreiðum sem
undirritaður hefur verið viðstadd-
ur hafa unglingarnir aldrei fengið
að keppa eftir þeim reglum sem í
gildi eru hjá LH. Heldur er þeim
öllum smalað inn á völlinn í einu
og látin ríða í belg og biðu og síðan
stendur vallarstjóri við eitt vall-
arhornið og kallar til þeirra hvaða
gangtegund skuli ríða.
Þokkalegir tímar náðust á
kappreiðunum enda hafa ávallt
náðst nokkuð góðir tímar á Arn-
arhamri. 1150 metra skeiði sigraði
Freisting Kristbjargar Eyvinds-
dóttur á 15,9 sek. Knapi var Gunn-
ar Arnarsson. I öðru sæti á sama
tíma varð Fjölnir sem Tómas
Ragnarsson á og sat. í þriðja sæti
varð svo Torfi Harðar G. Al-
bertssonar á 16,0 sek. Knapi á
Torfa var Sigurbjörn Bárðarson. I
250 metra skeiði sigraði Villingur
með nokkrum yfirburðum. Tími
hans var 22,6 sek. og virðist hann
vera í nokkrum sérflokki í ár. Eig-
andi Villings er Hörður G. Al-
bertsson. en knapi var Aðalsteinn
Aðalsteinsson. í öðru sæti varð
Börkur Ragnars Tómassonar á
23,5 sek. Knapi á honum var Tóm-
as Ragnarsson. í þriðja sæti varð
svo Þór Þorgeirs í Gufunesi á 23,7
sek., knapi á honum var Sigurður
Sæmundsson. Ekki voru allir á
eitt sáttir með að hafa Þór í þriðja
sæti því hann mætti ekki í fyrri
sprettinum. í tíundu grein laga
um kappreiðar segir m.a.: „Knap-
ar, eigendur eða umráðamenn

Af A-flokks hestum stóð efstur Glaumur, keppti hann einnig i skeiði i
kappreiðunum og er myndin tekin í fyrri spretti. Knapi er Aðalsteinn Aðal-
steinsson.