Morgunblaðið - 23.02.1983, Side 5

MORGUNBLAÐIÐ, MIÐVIKUDAGUR 23. FEBRÚAR 1983
37
Máni í Nesjum sýnir
Deleríum búbónis
Leikarar og aðstandendur sjónleiks-
ins Deleríum búbónis, sem Ung-
mennafélagið Máni í Nesjum tekur
til sýninga á fimmtudag.
Ungmennafélagið Máni í Nesj-
um, Hornafirði, varð 75 ára á síð-
astliðnu ári. Þegar á fyrstu árum
félagsins voru leiksýningar árviss
viðburður og áhugi á leiklist alltaf
mikill í sveitinni og sjaldan liðið
svo ár fram yfir 1960 að ekki væri
einhver leiksýning.
Undanfarin 20 ár hafa leiksýn-
ingar í sýslunni einkum verið á
vegum Leikfélags Hornafjarðar,
en ungmennafélögin í sveitunum
látið minna til sín taka. Á þessu
afmælisári Mána er gerð tilraun
til þess að endurvekja áhuga á
leikstarfsemi í Nesjum og var í því
skyni stofnaður Leikhópur Mána.
NÝSTOFNAÐUR leikhópur UMF
Mána í Nesjum, Hornafirði, frum-
sýnir Deleríum búbónis eftir Jónas
og Jón Múla Árnasyni i Mánagarði
nk. firamtudag, 24. febrúar, kl. 21.
Leikstjóri er Ingunn Jensdóttir.
Deleríum búbónis er fyrsta
verkefni leikhóps Mána og jafn-
framt tilraun til að endurvekja
leiklistarstarf í Nesjum sem hefur
að mestu leyti legið niðri um
skeið.
Undirleik annast Sigjón Bjama-
son og Einar Sigjónsson. Leikend-
ur eru Hreinn Eiríksson, Eiríkur
Sigurðsson, Arnbjörg Sveinsdótt-
ir, Ragnheiður Halldórsdóttir,
Halldór Tjörvi Einarsson, Ás-
mundur Gíslason, Þorleifur
Hjaltason, Jón Valdimarsson og
Guðlaug Guðmundsdóttir.
Sviðsmynd úr Deleríum búbónis f uppfærslu leikhóps Ungmennafélagsins
Mána.
Eftirtektarverð hljómsveit
Hljóm
nriTTm
Finnbogi Marinósson
Motels
All four one
('apitol/Pálkinn
Safnplötur hafa um langt
skeið verið þyrnir í augum
margra. Þeir, sem hvað mest eru
á móti slíkum plötum, skilja
fæstir hvers vegna verið er a
gefa þær út. Safnplötur gegna
vissu hlutverki. Með útgáfu
þeirra er verið að gefa sem flest-
um kost á að eignast ákveðinn
fjölda mjög vinsælla laga á sem
ódýrastan hátt. Kannski ekki
mikil kjarabót fyrir viðkomandi
hljómlistarmenn og þó. Hinu
verður aldrei neitað, að með
þessum plötum er margfalt
stærri hópi en ella gefinn kostur
á að nálgast umrædd lög á „eðli-
legan hátt“. (Þ.e. ekki með því að
taka þau upp á segulband úr út-
varpi, eða hjá kunningjum.)
Þetta var annars útúdúr. Það
var reyndar safnplata á vegum
Fálkans, Við suðumark, sem
kom mér á bragðið með Motels.
Lag þeirrar sveitar „Only the
lonely" vakti óskipta athygli
mína og ekki síður fyrir þá sök,
að höfundur lagsins var skráður
Martha Davis. Eg hafði einhvers
staðar heyrt í Motels, líklegast í
herstöðvarútvarpinu, en það var
líka allt og sumt. Forvitin kall-
aði á frekari kynni.
Motels er ein þeirra fjölmörgu
afbragðsveita, sem enginn virð-
ist þekkja hér á landí. Ef marka
má þessa plötu, sem hér um ræð-
ir, „All four one“, er þetta hörku-
góð hljómsveit og Martha Davis
sýnir með lögunum á henni, að
hún er afbragðs lagasmiður. Lög
hennar eru hvert öðru betra þótt
stundum minni hún ögn á Patti
Smith. Það er kannski bara
röddin.
Motels er fimm manna flokk-
ur. Martha Davis virðist vera
allt í öllu. Hún semur lögin,
syngur og leikur auk þess á git-
ar. Með henni eru fjórir liprir
karlmenn; Marty Jourard á
hljómborð og saxófón, Michael
Goodroe á bassa, Brian Glascock
á trommur og Guy Perry á gítar.
Þetta eru engir snillingar á sínu
sviði, en skapa saman mjög ör-
ugga og sannfærandi heild undir
forystu Davis.
Óhætt er að segja, að „All four
one“ sé sú plata, sem hvað mest
hefur komið mér á óvart i háa
herrans tíð. Á plötunni eru 10
lög, hvert öðru betra. Eitt þeirra,
„Change my mind“, finnst mér
hins vegar dulítið á skjön á þess-
ari stórgóðu plötu. Þetta er blús-
ari „a la 1940“, í ögrunartón.
Lagið sjálft er afbragðsgott sem
slíkt og söngur Davis góður, sem
í öðrum lögum, en þessi smíð er
á röngum stað.
Fyrri hlið „All four one“ er
geysilega sterk heild, að blúslag-
inu undanskildu. Hvert lag hefur
sinn blæ og Motels eru blessun-
arlega lausir við þá endurtekn-
ingu og einhæfni, sem einkennir
meirihluta bandaríska popp-
sveita. Síðari hliðin er keimlík
þeirri fyrri hvað fjölbreytnina
snertir, en lögin eru ekki jafn-
góð. „So L.A.“ er mjög gott svo
og „He hit me“, en hin þrjú ekki
eins sterk, án þess þó að nokkurt
þeirra geti talist slakt.
Enn eitt hefur Motels fram yf-
ir marga kollega sína í Banda-
ríkjunum, en það eru oft á tíðum
beinskeyttir textar. Stuttar
setningar, sem segja kannski
ekki mikið við fyrstu sýn/ heyrn,
en hafa að geyma vísdóm, sem
oft á tíðum er nokkuð kaldhæðn-
islegur.
„All four one“ er plata, sem ég
held að hljóti að höfða til afar
breiðs hóps hlustenda. Oft er það
svo, að fólk er ekki reiðubúið að
gefa nöfnum, sem hljóma ný og
framandi í huga þess, tækifæri,
en ég skora á alla þá, sem ekki
hafa heyrt í Motels að gefa þess-
ari plötu þeirra gaum. „All four
one“ er bráðum orðin 9 mánaða
gömul og ég bíð spenntur eftir
næsta framlagi þessara fimm-
menninga.
ÖDÝFI
HREINOL
DEOPINN!
í 9. verðlagskynningu Verðlagsstofnunar -
Innlcaupalcörfuimi - kom fram að græni
Hreinol uppþvottalögurinn er sá ódýrasti á
markaðnum.
Grænt Hreinol er ekki einungis ódýrt það er
líka óvenju drjúgt og áhrifaríkt. Þar að auki
fer það vel með iiendurnar. Bættu Hreinoli
í innkaupakörfuna þína.
Veljið ódýrt - veljið íslenskt.
Veljið Hreinol.
Hreinol fæst í 0,51,21, og 3,81 pakkningum.
HREINN
Hreinn hf, Barónsstíg 2-4, sími: 28400