Morgunblaðið - 17.04.1983, Qupperneq 10

58
MORGUNBLAÐIÐ, SUNNUDAGUR 17. APRÍL 1983
Jakob Magnússon hefur að undanförnu unnið að gerð
kvikmyndar í Bandarfkjunum og ber myndin heitið „Nickel
Mountain“, eða Nikkelfjalliö, eins og það heitir í lauslegri
snörun á íslensku. Jakob er framleiðandi myndarinnar, en
leikarar eru flestir bandarískir svo og leikstjórinn Drew
Denbaum. En J»að eru ekki eingöngu Ameríkanar sem að-
stoða Jakob við gerð þessarar myndar, heldur hefur einnig
hópur íslendinga starfað við gerð myndarinnar og er það að
mestu fólk sem vann við töku Stuðmannamyndarinnar „Með
allt á hreinu“. I>essar upplýsingar hafa reyndar allar komið
fram í fréttum Morgunblaðsins, en fyrir áhugamenn um
kvikmyndir má bæta ýmsu við og meðal annars má finna
grein um töku þessarar myndar í blaðinu „Telegram Tri-
bune“, en greinin birtist í blaðinu í marsmánuði sl. í eftirfar-
andi samantekt er að mestu byggt á áðurnefndri grein í hinu
bandaríska blaði auk þess sem fléttað er inn í öðrum upplýs-
ingum sem við höfum undir höndum.
Listaráðunauturinn Nancy Nickelberry festir hér rós í hnappagat leikarans Yfirkvikmyndatökumaður í „Nikkelfjallinu“ er David Bridges, sem tók
Brians Kerwin. Stuðmannamyndina „Með allt á hreinu".
Frásögn af gerð
kvikmyndar Jakobs
Magnússonar,
Nikkelfjallið,
í bænum Shandon
í Kaliforníu
Kvikmyndin „Nikkelfjallið" er að
mestu tekin í bænum Shandon f
Kaliforníu og er hún byggð á
skáldsögu John Gardner um unga
stúlku, Callie, sem giftist mun eldri
manni, Henry, en Callie hefur orðið
ófrísk eftir kærasta sinn, sem yfir-
gefur hana. Ástæðan fyrir því að
Jakob hefur kosið að gera þessa
mynd í Bandaríkjunum og með
bandarískum leikurum er m.a. sú
að umgjörð sögunnar er amerísk en
auk þess er hér um að ræða fyrsta
skrefið í átt til aukinnar samvinnu
íslenskra og bandarískra kvik-
myndagerðarmanna. Jakob kveðst
hafa tröllatrú á framtíð íslenskrar
kvikmyndagerðar og einnig því að
samvinna við bandaríska aðila á
þessu sviði getið orðið henni mjög
til framdráttar.
fslendingarnir sem unnið hafa að
gerð „Nikkelfjallsins" með Jakobi
unnu flestir við gerð myndarinnar
„Með allt á hreinu" eins og áður
segir, auk tveggja starfsmanna
sjónvarpsins, en þetta fólk er:
Björn Emilsson, hljóðmaður,
Ragna Fossberg, förðunarstúlka,
Vilborg Aradóttir og Edda Sverr-
isdóttir, sem störfuðu við leik-
mynd, Ólafur Rögnvaldsson og
Guðmundur Kristinsson, ljósa-
menn, en hinn síðastnefndi starf-
aði sem yfirljósameistari í „Með
allt á hreinu" og hann mun verða
aðstoðarkvikmyndatökumaður í
næstu mynd Jakobs sem hann
hyggst géra hér á landi í sumar, en
sú mynd ber vinnuheitið „Öskudag-
ur“, eins og fram hefur komið í
Morgunblaðinu. Auk þessa fólks,
kemur Anna Björnsdóttir fram í
„Nikkelfjallinu" og Grýlunum
bregður þar fyrir í gervum vestur-
heimskra alþýðukvenna, og í því
sama atriði sést Hallur Helgason,
sem lék Andra í „Punktur, punktur,
komma, strik“, en sú mynd er nú
sýnd á Filmex-kvikmyndahátíðinni
í Los Angeles. Þá má einnig geta
þess, að yfirumsjón með kvik-
myndatökunni hefur Englending-
urinn David Bridges, en hann var
einmitt maðurinn á bak við kvik-
myndavélarnar í „Með allt á
hreinu“. /
í áðurnefndri grein í „Telegram
Tribune", sem ber yfirskriftina
„Shandon goes Hollywood", sem út-
leggst eitthvað á þessa leið „Shand-
on breytist í Hollywood", er fjallað
um töku myndarinnar í bænum og
skal nú gripið niður í greinina í
lauslegri þýðingu:
„Hollywood er nú komin til
Shandon og hefur sett þar upp úti-
bú um stundarsakir. Kvikmynda-
tökufólk breytti hinni hvítu timb-
urkirkju bæjarins í kvikmyndaver
og var hún notuð til að kvikmynda
brúðkaupsatriði í kvikmynd sem
tekin er í Panavision. Nokkrir bæj-
arbúar brugðu sér í hlutverk
kirkjugesta og presturinn, séra
Frank Knouse, fór með hlutverk
prestsins og framkvæmdi hjóna-
vígsluna, hlutverk sem hann er
ekki með öllu ókunnur.
Ekki fór hjá þvi að umsvif kvik-
myndatökufólksins drægi að sér
áhorfendur ú hópi bæjarbúa, en að
öðru leyti gekk lífið sinn vanagang
í Shandon. En þeir sem horfðu á
kvikmyndatökuna hafa eflaust séð
einhverjum vina sinna bregða fyrir
meðal kvikmyndafólksins í auka-
hlutverkum. Ef til vill hafa þeir
einnig kannast við Michael Cole,
sem í mörg ár kom fram í „Mod
Squad“ sjónvarpsþáttunum eða þá
Brian Kerwin, úr sjónvarpsþáttun-
um „Sheriff Lobo“ og „The Blue
and the Gray“. Ekki má heldur
gleyma Patrick Cassidy, yngsta
syni Shirley Jones og Jack heitins
Cassidy og bróðir Shawn og David
Cassidy. Þá má vera að áhorfendur
hafi einnig komið auga á Heather
Langenkamp, sem leikur í mynd
Francis Ford Coppola, „Rumble
Fish“, sem frumsýnd verður bráð-
lega, eða þá Grace Zabriskie, sem
lék móðurina í myndinni „Officer
and a Gentleman", móður Jodie
Foster í „Carny" og eiginkonu ölv-
aðs ökumanns í sjónvarpsmyndinni
„Mothers Against Drunken Driv-
ing“. Viðstaddir hafa kannski einn-
ig tekið eftir mismunandi fram-
burði í máli kvikmyndatökufólks-
ins, breskum framburði, skandin-
avískum framburði og dæmigerð-
um amerískum framburði.
Inni í kirkjunni beið séra Knouse
eftir þeim Cole og Langenkamp,
sem áttu að ganga inn kirkjugólfið
í hlutverkum Henry og Callie. Allt
í kring var kvikmyndatökufólkið á
þönum með ljósin, hljóðnemana,
kvikmyndatökuvélarnar og annað
tilheyrandi. Framleiðandi myndar-
innar, Jakob Magnússon, er þeirrar
skoðunar að Shandon og umhverfi
hans sé tilvalið umhverfi í „Nickel
Mountain". Ein af ástæðunum fyrir
því að þetta landsvæði vakti at-
hygli hans er að listráðunautur
myndarinnar, Nancy Mickelberry,
er frá nágrannabænum Parkfield.
Kvikmyndatökufólkið hefur verið
þarna að störfum í um það bil mán-
aðartíma og er gert ráð fyrir hálf-
um mánuði í viðbót þar til töku
lýkur. Að sögn Magnússonar er
áætlaður kostnaður við gerð mynd-
arinnar um þrjár milljónir dollara.
En kvikmyndatakan hefur ekki
eingöngu farið fram á Shandon-
svæðinu. Til dæmis fór kvikmynda-
tökufólkið til Atascadero á
fimmtudaginn var, til að taka
nokkur atriði á Charlton hótelinu.
Leikstjórinn, Drew Denbaum, er
sjálfur leikari auk þess sem hann
hefur skrifað mörg kvikmynda-
handrit, og hann er höfundur
kvikmyndahandritsins í „Nickel
Mountain". Hinar miklu rigningar
að undanförnu hafa tafið kvik-
myndatökuna svolítið og einnig
valdið öðrum smávægilegum
vandamálum. Má þar nefna að einn
kvikmyndatökumannanna var að
aka bifreið, sem nota átti í mynd-
inni, til Parkfield, þar sem hann
ætlaði að dvelja um nóttina. Þetta
var seint um kvöld i miklu slagviðri
og þar sem hann ók eftir veginum
vissi hann ekki fyrr en bíllinn fór á
flot í miklum vatnsstraumi sem
hafði myndast þarna á veginum.
Manninn sakaði ekki, en talsverður
tími fór í að hreinsa og þurrka bíl-
inn áður en hægt var að nota hann
í kvikmyndatökunni daginn eftir.“
Svo mörg voru þau orð hins
bandaríska blaðamanns, Phil
Dirkx, en hann tók einnig með-
fylgjandi myndir, og birtust þær
með grein hans í „Telegram Tri-
bune“. Þess ber að geta að greinin
er hér ekki þýdd frá orði til orðs
heldur er hún örlítið stytt, en við
þetta er raunar litlu að bæta. Und-
irbúningur við þessa kvikmynd
hófst í nóvember sl., kvikmynda-
takan hófst í febrúar og lauk nú
fyrir skömmu. Að sögn Jakobs
Magnússonar er gert ráð fyrir að
myndin verði frumsýnd nú í haust.
Samantekt: Sv.G.
Hér er leikstjórinn Drew Denbaum að gefa góð ráð í hjónavígsluatriðinu í kirkjunni í Shandon. Á myndinni sést í nokkra íslendinga úr hópi kvikmyndatöku
fólks, — Edda Sverrisdóttir er lengst til vinstri, auk þess sem sjá má Ólaf Rögnvaldsson og Björn Emiisson.
Upphaf samvinnu bandarískra
og íslenskra kvikmyndar-
gerðarmanna