Morgunblaðið - 28.08.1983, Blaðsíða 31

MORGUNBLAÐIÐ, SUNNUDAGUR 28. ÁGÚST 1983
79
Harrison Ford sjúkdómslegur.
Harrison Ford
bakveikur
Hetja Star Wars-myndanna,
Kvintýramaðurinn úr Raiders of the
Lost Ark, Harrison Ford var lagður
inn á spítala fyrir skömmu. Honum
var flogið með leynd til Bretlands
(af hverju það var með leynd veit
guð einn almáttugur) þar sem hann
var lagður inn á spítala með sárs-
aukafullt bakmein. Þremur dögum
siðar flaug hann (ekki með leynd)
vestur um haf, til Los Angeles með
þá skipun í farteskinu að hann ætti
að „taka það rólega“ um stund.
Harrison Ford sem er 41 árs, er
vanur að gera áhættuatriðin í
myndum sínum sjálfur og það hef-
ur hann líka gert í metsölumynd-
um eins og The Empire Strikes
Back, Return of the Jedi og Blade-
runner. Hann meiddi sig alvarlega
í baki þegar hann var að vinna að
annarri Raiders-myndinni, Indi-
ana Jones and the Temple of
Doom.
„Hann er mjög harður af sér, en
svo miklar æfingar fylgja starfi
hans í kvikmyndunum, að hann
getur skaðað sig fyrir lífstíð ef
hann gætir sín ekki. Hann hefur
meitt sig aftur og aftur, en þegar
hann fór af spftalanum sagði hann
að sér liði ágætlega," sagði vinur
Fords í blaðaviðtali. Kona Fords,
Melissa Mathison — hún reit
handritið að E.T. — var i fylgd
með manni sínum til Bretlands og
sagðist hún vera mjög áhyggjufull
yfir líðan hans. En kvikmynda-
fyrirtækið sem Ford er að vinna
fyrir þessa stundina hefur mestar
áhyggjur af því að fólk haldi að
hann hafi slasast svona illa þegar
hann var að vinna fyrir það. Tals-
maður þess sagði: „Harrison hefur
átt við meiðsli að stríða í baki í
nokkurn tíma. Ég er ekki viss
hvernig þau hafi byrjað, en ég
held að það hafi ekki verið við
kvikmyndatökur hjá okkur."
Hungrið
— sagt frá
Tony Scott og
hrollvekju hans
Miriam og John eru mjög aðlaðandi og mjög ríkt
fólk í New York. Að auki eru þau nokkur hundruð ára
gömul, því þau eru nefnilega vampýrur eða blóðsugur,
og halda sér ungum og fallegum um eilífð með því að
nærast á blóði annarra.
Þetta er rauði þráðurinn í nýrri kvikmynd eftir
Bretann Tony Scott, The Hunger, eða Hungrið,
sem er hryllingsmynd, en hún vakti töluverða at-
hygli á kvikmyndahátíðinni á Cannes í vor sem
leið. Það vakti kannski ekki síst athygli að aðal-
leikararnir í myndinni eru þau David Bowie og
Catherine Deneuve. Fyrir Bowie kemur hinn
hörmulegasti atburður í myndinni, því hans eilífa
líf er ekkert svo eilíft þegar allt kemur til alls og
hann eldist á stuttum tíma um mörg, mörg ár.
Deneuve tekur aftur upp lesbískt samband við
konu sem leikin er af þeirri þekkilegu Susan Sar-
andon.
Af þessu sést að þetta er merkileg mynd í alla
staði og hún er sennilega merkilegust fyrir leik-
stjórann Tony Scott, af því þetta er fyrsta kvik-
myndin sem hann gerir á ferli sínum. í viðtali
hefur hann sagt: „Ég vildi fyrir alla muni leikstýra
The Hunger því hún segir öðruvísi sögu en fólk á
að venjast."
Tony Scott er bróðir kvikmyndaleikstjórans
Ridley Scotts, sem leikstýrt hefur myndum eins og
Alien og Blade Runner. Tony stundaði málaralist
við Konunglega listaskólann í London, þar sem
hann hreifst mjög að verkum Hieronymusar Bosch
og Francis Bacons. Eftir nám þar fór hann út í
gerð auglýsingamynda, en The Hunger hefur ein-
mitt helst verið gagnrýnd fyrir að bera svolitinn
svip slíkra mynda. En Tony segir:
„Það sem myndin fjallar um, blóðsugur, er gam-
alt og mikið notað efni í kvikmyndum, en ég hef
leitast við að skapa nýjan, frískan stíl, einskonar
„new wave“ kvikmyndanna, og ég hef alla tíð haft
meiri áhuga á sjálfu myndmálinu. Sjálfum finnst
mér myndin mín sverja sig í ætt við evrópskar
myndir þó hún gerist í New York — og mér finnst
það ekki vera neitt slæm gagnrýni þó sagt sé að
hún líkist auglýsingamynd. Og hvað segir það
manni svosem? Áð hún, eins og auglýsingamyndir,
er vel gerð og skemmtileg að horfa á.“
Tony Scott segir að næsta mynd hans verði ekki
hryllingsmynd, heldur ástríðuþrungin ástarsaga.
Það er nefnilega ekki efnið heldur gæði handrits-
ins, sem vekja fyrst og fremst áhuga hans. Hann
er heldur ekki neitt sérstaklega uppveðraður af
sérbresku efni af því að á grundvelli þess, eftir því
sem honum finnst, er engin leið að ná alþjóðaat-
hygli — þó mynd Hugh Hudsons, Chariots of Fire,
sé þar undantekning frá reglunni.
Það er einmitt Hugh Hudson ásamt Alan Parker
og Ridley Scott, sem hafa skapað nýjan stíl í
breskum kvikmyndum og Tony Scott, sem greini-
lega stendur ekki á sama um auglýsingaþáttinn í
gagnrýni á mynd sína, þreytist ekki á að greina frá
því að þessir þrír, rétt eins og hann, unnu við gerð
auglýsingakvikmynda í gamla daga. Og það kemur
honum ekkert á óvart þó gagnrýnendur þykist sjá
bregða fyrir sömu stílbrögðum í mynd hans og í
myndum Ridley bróður hans, því þeir ólust upp
saman á „því dimma norður-Englandi". —ai.
Catharine Deneuve og David Bowie í hlutverkum
sínum.
KAHARÁ <H,
HÁMtSNYRTiSTOFA
Laugavegi 28 ■
2. hæð
Simi26850
iucrka- nrijir- ou
1 KARAAKUrriXOAK
rrKHAxm • sTKÍri K
MAXSSKOT ■ UTAXIK
BÍLAPERUR
ÓDÝR CÆÐAVARA FRÁ f \\
MIKIÐ ÚRVAL |fW,gJ
ALLAR STÆRÐIR