Morgunblaðið - 20.01.1984, Síða 23

MORGUNBLAÐIÐ, FÖSTUDAGUR 20. JANÚAR 1984
55
n w
VELVAKANDI
SVARAR í SÍMA
10100 KL. 11—12
FRÁ MÁNUDEGI
'cl TIL FÖSTUDAGS
I7 \P L Ll
Ekki kynnst öðru eins
Ásgeir Sigurjónsson og Bergþóra
Baldvinsdóttir skrifa:
„Okkur langar til að biðja Vel-
vakanda að birta eftirfarandi:
Okkur hjónin langar að vekja
athygli á þjónustu Útsýnar á
Costa del Sol, en við dvöldumst
þar frá 16. desember til 14. janúar
sl. og gistum 2 nætur á Cumber-
land Hotel í London á heimleið-
inni.
Reynsla okkar af þessari ferð er
svo frábær að við vildum óska að
sem flestir fengju tækifæri til að
njóta þess sama. Við höfðum áður
kynnt okkur, að þetta var lang-
ódýrasta ferðin á markaðnum. I
fyrravetur fórum við til Tenerife,
sem er falleg eyja, en samanburð-
urinn var Costa del Sol mjög í hag,
gisting miklu betri og langtum
fleira við að vera, einnig á þessum
árstíma, en hótel okkar, Timor
Sol, var sneisafullt allan tímann.
Fjölbreytt prógram var í gangi
gestum til upplyftingar bæði að
degi og á kvöldum, skemmtikraft-
ar, sjónvarpsþættir, svo að dvölin
var öll hinn ánægjulegasta. Við
fréttum um fólk, sem óttaðist veð-
urfarið og deyfð á staðnum vegna
fréttar í sjónvarpi, sem gaf það í
skyn. Undrumst við mjög slíkan
fréttaflutning, því að sólskin var
nærri hvern dag og hiti fór aldrei
niður fyrir 15°C að nóttu til, en
20—25° í skugga á daginn, en allt
að 40° móti sól. Fannst okkur
hjónunum þetta hin áskjósanleg-
ustu skilyrði og nutum ferðarinn-
ar í ríkum mæli.
Sérstök ástæða er til að þakka
einstaka þjónustu starfsfólks og
fararstjóra Útsýnar, sem leystu
starf sitt svo vel, að öðru eins höf-
um við ekki kynnzt nokkurs stað-
ar. Hafi þau margfalda þökk.“
Reykingamenn virð-
ast eiga allan rétt
Svava Jónasdóttir skrifar:
„Velvakandi.
Á Alþingi liggur fyrir frumvarp
til laga um varnir gegn tóbaks-
reykingum. Samkvæmt 1. grein
frumvarpsins er markmið laganna
að draga úr tóbaksneyslu og þar
með því heilsutjóni sem hún veld-
ur og vernda fólk fyrir áhrifum
tóbaksneyslu.
Lengi hefur verið talað um al-
varleg áhrif reykinga á heilsu
margra reykingamanna. Á síðari
árum hefur bæst við rökstuddur
grunur um skaðleg áhrif svo-
nefndra óbeinna reykinga, þ.e.a.s.
þeirra sem ekki reykja, en nú
neyðast til þess að anda að sér
útblæstri hinna. Má þá segja að
málið sé komið á alvarlegra stig
fyrir þá sem ekki kæra sig um
áhrifin en eiga ekki annarra kosta
völ. Hinir sem ekki geta látið af
vana sínum virðast eiga allan rétt.
I framhaldi af þessu vil ég koma
þeirri spurningu á framfæri til
læknanna á Klapparstíg 25—27,
hvort þeir sjái sér ekki fært að
banna reykingar á biðstofu sinni."
Óskum um fund
í verkalýðsfélaginu
ekki sinnt
Sigrún Pálsdóttir, Grindavík,
hringdi og hafði eftirfarandi að
segja: — Mér er kunnugt um að
það ríkir almenn óánægja með það
innan Verkalýðsfélags Grindavík-
ur, að ekki hefur verið haldinn fé-
lagsfundur í heilt ár, ekki einu
sinni kallaður saman stjórnar-
fundur. Þetta gerist þrátt fyrir að
í lögum félagsins sé kveðið á um
lágmarksfundahald á ári hverju.
Óskum um félagsfund hefur verið
komið á framfæri, en í engu verið
sinnt, og finnst mér slíkt ámælis-
vert.
Hvernig fór fólk að
því að komast af þá?
Aldamótamaður hringdi og hafði
eftirfarandi að segja: — Það sem
hlýtur að koma fólki sem fætt er
öðrum hvorum megin við aldamót-
in spánskt fyrir sjónir þetta sí-
fellda tal um atvinnuleysi og at-
vinnuleysingja. Ég kannast við
hvort tveggja frá því fyrir 70 ár-
um. Þá þekktist þetta. Það er ekk-
ert tískufyrirbæri. En á þeim tíma
þekktist hins vegar engin skrán-
ing. Og það vantaði líka hitt, sem
hefði vafalaust verið þægilegt að
hafa, atvinnuleysisstyrk. Hann
fékkst ekki. Nú er þetta sungið í
eyrun á manni dag eftir dag: At-
vinnuleysi og atvinnuleysingjar,
einkum á þessum tíma árs. Ég er
fæddur í þorpi úti á landi, þar sem
voru um 1000 íbúar og það þekkt-
ist aldrei, svo að ég muni, að það
væri nein uppgripaatvinna á þess-
um tíma árs. Það var helst, þegar
svo vildi til, að eitthvert skip kom
inn með eitthvað af vörum; þá
gátu þeir sem voru heppnir fengið
vinnu. Um annað var ekki að
ræða. Nú ætlar allt um koll að
keyra, ef það fellur svo mikið sem
dagur úr. Og þá er stokkið inn á
skrifstofu til að láta skrá sig at-
vinnulausan. Ég skal segja þér að
það voru þungar fjölskyldur þá
ekkert síður en nú. Hvernig fór
fólk að því að komast af á þessum
tíma ef það er erfitt í dag?
Æska og gleði
heita þær
Sigríður Sverrisdóttir, ísafirði,
hringdi og hafði eftirfarandi að
segja: — Mig langaði að vita hvort
lesendur þínir gætu liðsinnt mér
varðandi tvær gamlar vísur; það
vantar að fá upplýst hvort og þá
hvað vantar inn í þær ellegar aft-
an við, hver höfundurinn er og
e.t.v. fleira (tilefni).
Nálin mín, nálin mín,
nei, hvað þú ert sæt og fín.
Augað þitt, yndið mitt,
ekki get ég hitt.
Heill sé þér, því hjá oss gista
himinbornar systur tvær,
æska og gleði heita þær.
□ China Crisis —
Working With Fire
And Steel
Viö mínnum á allar vinsælu plöturnar og nýju litlu
og stóru plöturnar sem voru að berast okkur.
Plotuklubbur simi 11620
stoinarhf
'^KARNABÆR
□ TRACEY ULLMAN — Á nýju plötunni sinni
sameinar Tracey Ullman hressleika bítlatímans, eldfjör-
uga kabarettstemmningu og glimrandi tónlist. Þetta er
hrífandi plata sem höföar til fólks á öllum aldri.
□ Paul Young —
No Parlez
»*/»*»*»* nHb l ire ii >ut *•-
□ David Sanborn —
Backstreet