Morgunblaðið - 04.03.1984, Síða 1

Sunnudagur 4. mars
LÆRÐIÁ EINUM
DEGIHLUTVERK
GISELLU
Viötal Mbl. viö ballettdansarana Belindu Wright og Jelko Yurésha.
Eftir Elínu Pálmadóttur
Dansflokkur Þjóðleikhússins heldur þessa dagana upp á tíunda ár sitt. Ræðst ekki á garðinn þar
sem hann er lægstur. Ætlar að sýna Öskubusku í heilli tveggja tíma ballettsýningu, sem sett er
upp á þremur mánuðum. Það hlýtur að nálgast kraftaverk, ekki síst þegar í huga er haft að þetta
er nýsköpun á ballettinum um Óskubusku við tónlist Prokofieffs, sem fær frumsýningu í Reykja-
vík í þessari viku. Til þess að setja ballettinn upp og skapa hann eru hér enska ballettdansmærin
kunna Belinda Wright og maður hennar ballettdansarinn Jelko Yurésha. Það er hann sem er
höfundur uppsetningarinnar, semur dansinn, setur á svið og gerir búninga og leiktjöld. Báðir
bresku ballettdansararnir, Anton Dolin og John Gilpin, sem settu hér upp Gisellu fyrir tveimur
árum og höfðu áform um að vinna þetta verk, eru látnir. Hafði Sir Anton lagt að þeim að ganga í
verkið í sinn stað en hann lést á sl. hausti. Og nú hafa þau dvalist hér síðan í nóvember við
æfingar með ballettflokknum íslenzka og sköpun Öskubusku. Sagði Belinda Wright að hún væri
orðin svo heilluð af þessari nýju uppsetningu manns síns að hún óskaði þess eins að hún væri
yngri, svo að hún gæti fengið að dansa Öskubusku sjálf.
Svo merkilegt sem það er, þá
kvaðst Belinda Wright aldrei hafa
dansað þetta hlutverk á sínum
ferli. Hún dansaði þó öll þessi
frægu hlutverk klassíska balletts-
ins víða um heim, allt frá því hún
18 ára gömul sló í gegn með Gis-
ellu með Rambert-ballettinum og
þar til hún lauk dansferli sínum í
Tókýó og Ítalíu 1976 með þessari
sömu Gisellu, sem hún var svo
fræg fyrir í áratugi. — Mín fyrsta
Gisella varð til á dansferðalagi á
Nýja Sjálandi og ég varð að læra
hlutverkið á einum degi í lest milli
staða, því aðaldansmærin forfall-
aðist, rifjar Belinda Wright upp,
sem við erum sestar í búningsher-
bergi hennar í Þjóðleikhúsinu.
Þegar ég lít til baka, get ég ekki
skilið að ég skyldi láta mér detta í
hug að ganga fram á sviðið og
dansa Gisellu eftir þann litla und-
irbúning. En þegar maður er ung-
ur, þá gerir maður hiklaust það
sem þarf og manni er falið. Enda
fær ballettdansari þá þjálfun.
Þarf ómældan
sjálfsaga
Þetta dæmi leiðir hugann að því
hve erfitt það hlýtur að vera fyrir
SJÁ NÆSTU SÍÐU
Belinda Wríght varð ung prímadonna með frægum ballettflokkum,
Rabert-flokkum, Ballet de Paris, London Festival-ballettinum,
Grand Ballett du marquis de Quevas, Roja! Ballett o.fl. og dansaði
þar við góðan orðstír.