Morgunblaðið - 12.04.1984, Side 33
MORGU^BLAÐIÐ, FIMMTUDAGUR 12. APRÍL 1984
33
Jón eiginmaður hennar hefur
misst mikið, því þau voru samhent
og virtu hvort annað. Börnum sín-
um voru þau það hald og traust
sem við öll þurfum með.
Þitt bros og blíðlyndi lifir
og bjarma á sporin slær,
það vermir kvöldgöngu veginn,
þú varst okkur stjarna skær.
Þitt hús var sem helgur staður,
hvar hamingjan vonir 61.
Þín ástúð til okkar streymdi
sem ylur frá bjartri sól.
Við þökkum þá ástúð alla,
sem okkur þú njóta lést,
í sorgum og sólarleysi
það sást jafnan allra best.
Þín milda og fagra minning
sem morgunbjart sólskin er.
Þá kallið til okkar kemur,
við komum á eftir þér.
(Síðustu sporin. F.A.)
Helga
Tengdamóðir mín, Sigríður
Oddleifsdóttir, Fellsmúla 5,
Reykjavík, verður jarðsett í dag,
frá Dómkirkjunni í Reykjavík.
Hún andaðist í Landspítalanum 4.
apríl, eftir skamma legu.
Hún var dóttir hjónanna
Oddleifs Jónssonar og Helgu
Skúladóttur, er bjuggu í Lang-
holtskoti í Hrunamannahreppi.
Þeirra börn urðu 7. Elst er Elín,
sem dvelur á Hrafnistu í Reykja-
vík, Gestur, sem dvelur á Hrafn-
istu í Hafnarfirði, Jón, sem er lát-
inn, Skúli búsettur í Keflavík,
Guðný, sem er látin, Sigríður og
yngst var Ástbjört, sem er látin.
Sigríður ólst upp í Langholts-
koti, þaðan fluttist hún til Reykja-
víkur, þar stundaði hún verslunar-
störf við góðan orðstír. Árið 1942
giftist hún Jóni Jónssyni verk-
stjóra, stofnuðu þau heimili, og
bjuggu í Reykjavfk alla tíð. Þau
eignuðust 3 börn, þau eru: Guðni
framkvæmdastjóri, maki Þórunn
Haraldsdóttir, Rútur fram-
kvæmdastjóri, maki Sólveig Theó-
dórsdóttir, og Bjarnheiður, maki
Þorgeir Bergsson véltæknifræð-
ingur. öll hafa börnin stofnað sín
heimili og eru barnabörnin sex.
Heimili hennar var miðpunktur
fjölskyldulífsins og sóttu þangað
ungir sem aldnir, þangað þótti öll-
um gott að koma.
Missir ömmubarnanna er mik-
ill, því amma Sigga var einn af
föstu punktunum í tilverunni hjá
börnunum, sem hún lét sér svo
annt um.
Umhyggja hennar fyrir fjöl-
skyldunni var einlæg og órofin,
henni helgaði hún líf sitt.
Missir afa Jóns er mestur, þar
vegur á móti minningin um þá
gersemi, sem Sigríður var.
Ég verð að eilífu þakklátur fyrir
að eignast svo góða tengda-
mömmu, og vera henni samferða
um stund, hún reyndist mér
frábærlega vel.
Far þú í friði,
friður Guðs þig blessi,
hafðu þökk fyrir allt og allt.
(V. Briem)
Tengdasonur
Eftir harðan vetur er dag tekur
að lengja og sólin hækkar á lofti
hefur skugga borið á tilveru
okkar. Það er vorilmur í lofti og
blóm eru þegar farin að stinga upp
kollinum. Samt erum við enn á ný
minnt á dauðann. Og þegar fyrir-
varinn er stuttur og óvæntur
stöndum við ætíð höggdofa.
í dag er jarðsett tengdamóðir
mín, en hún andaðist á Landspít-
alanum 4. þ.m. eftir stutta en erf-
iða sjúkdómslegu.
Frá okkar fyrstu kynnum fyrir
fjórtán árum, hef ég vitað að
Sigga var alveg sérstök mann-
eskja. Raunar var það með því
fyrsta sem maðurinn minn sagði
við fyrstu kynni okkar, að hann
ætti einstaka móður. Það segir
sína sögu. Hún varð strax ein
besta vinkona mín, ég gat alltaf
rætt við hana um allt milli himins
og jarðar, jafnt á gleði- og sorg-
arstundum.
Sigga var gædd miklum og góð-
um mannkostum og ekki síst var
rík í henni sú hjálpsemi og fórn-
fýsi sem hún alla tíð sýndi. Alltaf
hafði hún nægan tíma fyrir aðra.
Það var gott að tala við hana og
þiggja hjá henni góð ráð. Hún flík-
aði ekki tilfinningum sínum. Hún
kvartaði aldrei. Ekki er mér
grunlaust um að hún hafi vitað
um sjúkdóm þann sem varð henni
að aldurtila. Það var ekki eðli
Siggu að tala um slíkt. Mér er
minnisstætt er ég fyrir stuttu
hafði orð á því að hún væri ekki
eins frískleg og oft áður. Þá svar-
aði hún með sinni hógværð: „Það
er ekkert að mér. En hvernig hafa
börnin það?“ Þannig var Sigga.
Það umburðarlyndi og góðsemi
sem hún sýndi barnabörnum sín-
um var einstakt. Alltaf var hún
boðin og búin til að hafa þau hjá
sér hvernig sem stóð á hjá henni.
Nú verður ekki lengur farið í
Fellsmúlann til ömmu Siggu til að
spila og leika sér.
Sigga var trúuð kona en hún
flíkaði því ekki. Hún trúði að við
tæki betra og fegurra líf, og það
veit ég að góða endurkomu hefur
hún átt handan móðunnar miklu.
Er ég kveð tengdamóður mína
hér í dag, er mér efst í huga þakk-
læti og að hafa fengið að njóta
vináttu og trygglyndis hennar. Ég
bið henni Guðs blessunar.
Ég sendi tengdaföður mínum og
ættingjum öllum samúðarkveðjur
og bið góðan Guð að gefa þeim
styrk.
„Veistu, ef þú vin átt,
þann er þú vel trúir
og vilt þú af honum gott geta,
geði skaltu við hann blanda
og gjöfum skipta,
fara að finna oft.“
Úr Hávamálum.
Þórunn
Kalmar
eldh úsinnrétting
hefur það sem þarf
í nýja Kalmar-eldhúsinu sameinast nútímaþægindi, skemmtileg hönnun og
síðast en ekki síst hagstætt verð.
Við bendum húsbyggjendum og öðrum sem þurfa að endurnýja gamlar innrétt-
ingar á, að við getum nú vegna hagstæðari samninga boðið betra verð en áður
á nokkrum gerðum eldhúsinnréttinga og fataskápa.
Líttu við í sýningarsal okkar eða fáðu heimsendan BÆKLING
Kalmar
Skeifan 8 Reykjavík
Símí 82011
Flugleiðir fljúga
með farþega Atlantik
til London
Kynnið ykkur ferðatilboð Atlantik