Morgunblaðið - 01.05.1985, Qupperneq 4

4
MORGUNBLAÐIÐ, MIÐVIKUDAGUR 1. MAt 1985
Sjálfstæðisflokkurinn:
Almennir
stjórnmála-
fundir um
allt land
Sjálfstæðisflokkurinn efnir til
almennra stjórnmálafunda um
allt land dagana 2. til 5. maí
næstkomandi. Fyrstu fundirnir
veróa haldnir fimmtudaginn 2.
maí klukkan 20.30, og veröa
sem hér segir:
Á Akranesi í Sjálfstæðishúsinu,
í ólafsvík í Mettubúð, Stykkis-
hólmi í Lionshúsinu, Borgarnesi í
Hótel Borgarnesi, Keflavík-Njarð-
vík í Karlakórshúsinu við Vestur-
braut í Keflavík, Hafnarfirði í
Sjálfstæðishúsinu, Kópavogi í
Sjálfstæðishúsinu við Hamraborg,
á Seltjarnarnesi í Sjálfstæðishús-
inu við Austurströnd, Selfossi í
Sjálfstæðishúsinu, Hvolsvelli í
Hvoli. í Vík í Mýrdal í Leikskálan-
um, Arnesi, Þorlákshöfn í Kiwan-
ishúsinu.
Útimark-
aður á
Lækjartorgi
KVENNADEILD Flug-
björgunarsveitarinnar í
Reykjavík verftur með köku-
sölu á Lækjartorgi Fóstudag-
inn 3. maí nk.
Kvennadeildin hefur starfað
með Flugbjörgunarsveitinni í
Reykjavík og aflað fjár til kaupa
á tækjum og ýmsum búnaði
fyrir störf hennar að björgun-
armálum.
Markús og Sigríður
á Borgareyrum 80 ára:
Taka á móti
gestum
í Njáls-
búð í dag
HJÓNIN Sigrfður Magnúsdóttir og
Markús Jónsson, söðlasmiður á
Borgareyrum, V-Kyjafjöllum, taka á
móti gestum í tilefni af 80 ára af-
mælum þeirra á árinu, í Njálsbúð í
Vestur-Landeyjum í dag, 1. maí, frá
kl. 14 til 19.
Sigríður varð 80 ára í gær, 30.
apríl, en Markús 6. mars sl. Þau
hjónin ætluðu að taka á móti gest-
um í félagsheimilinu Gunnars-
hólma, A-Landeyjum, en af óvið-
ráðanlegum orsökum verður mót-
takan í Njálsbúð í Vestur-Land-
eyjum, eins og að framan greinir.
Frá 24. ársfundi Seðlabanka íslands, sem haldinn var í gær. Morgunbimðií/Júiius
Jóhannes Nordal á aðalfundi Seðlabankans:
Verðbréfamarkaður tímabær,
auk þess skráning hlutabréfa
Innlán og peningamagn jukust um 34 %, eða nærri 13%
umfram verðbólgu
JÓHANNES Nordal seðlabankastjóri sagði m.a. í ræðu sinni á
24. ársfundi Seðlabanka íslands sem haldinn var í gær, að
aukning inn.ána og peningamagns í bönkunum gæfi ein sér til
kynna bata bankakerfisins eftir langt tímabil neikvæðra raun-
vaxta. Hann sagði ennfremur, að þessi mikla aukning innlána
nægði þó ekki til þess að innlánsstofnanir gætu bætt lausafjár-
stöðu sína, þar sem aukning útlána hefði reynst mun meiri.
Jóhannes gerði einnig vaxtamál að umræðuefni og sagði m.a., að
vaxtalækkanir virtust orðnar tímabærar. Þá telur seðla-
bankastjóri að stofnun skipulegs verðbréfamarkaðar sé langt á
veg komin, ennfremur að á síðara stigi verði að því stefnt að
koma á skráningu hlutabréfa.
Varðandi stöðu peningamála
sagði Jóhannes Nordal m.a. að
sl. ár hefði verið viðburðaríkt í
peningamálum. Með hjöðnun
verðbólgunnar haustið 1983
hefði komist á betra jafnvægi
milli vaxta og verðlagsþróunar.
Hækkun raunvaxta hefði haft
örvandi áhrif á þróun innlána og
í heild jukust innlán og pen-
ingamagn um 34% eða nærri
13% umfram verðbólgu. Leiddi
þetta til þess, að heildarinnlán
komust i árslok upp i 33,3% af
verðmæti þjóðarframleiðslu, en
það er hæsta hlutfall, síðan 1972.
Aukning útlána reyndist þó mun
meiri eða nálægt 46%, sem
leiddi til frekari rýrnunar á
lausafjárstöðu innlánsstofnana
gagnvart Seðlabankanum og
skuldasöfnunar viðskiptabank-
anna erlendis. Útlánaaukningin
átti þannig drjúgan þátt í þvi að
auka peningaþenslu í landinu og
veikja stöðu þjóðarbúsins út á
við.
Seðlabankastjóri gerði síðan
vaxtamál að umræðuefni og
sagði m.a. að ekki hefði fengist
reynsla af áhrifum vaxtabreyt-
inga á síðasta ári, áður en kaup-
hækkanir hefðu haft í för með
sér verulega aukningu verðbólgu
og óvissa um gengisþróun hefði
leitt til tímabundinnar spákaup-
mennsku og mikils óróa á fjár-
magnsmarkaði. Hann rakti sið-
an þróun vaxtamála á árinu og
sagði að i dag væri útlit fyrir að
verðbólguhraðinn yrði ekki
nema 20 til 22% að meðaltali
næstu þrjá til fjóra mánuði.
Vaxtalækkanir virtust því orðn-
ar tímabærar, enda hefðu inn-
lánsstofdnair þegar ákveðið
nokkrar vaxtalækkanir. Þegar
hefðu verið ákveðnar vaxtalækk-
anir af hálfu Seðlabanka en
framhald vaxtaþróunar næstu
mánuði færi að sjálfsögðu eftir
verðlagsþróun.
Þá ræddi Jóhannes annan þátt
peningamála og sagði langt á
veg komið að stofna til skipulegs
verðbréfamarkaðar þar sem
skráð væru reglulega bæði
ríkisskuldabréf og verðbréf
fyrirtækja og opinberra stofn-
ana sem uppfylla tilteknar lág-
markskröfur. Hann sagði að
unnið hefði verið að því af kappi
á vegum Seðlabankans síðustu
mánuði að stofna slíkan verð-
bréfamarkað og sagðist hann
þeirrar skoðunar að skilyrðu séu
nú fyrir hendi til þess að slik
viðskipti geti farið ört vaxandi
og brátt orðið mikiivægur þáttur
í fjármögnun atvinnurekstrar.
Jónas Rafnar formaður bankaráðs Seðlabankans:
Tekjuafgangur 111 millj.
kr. á rekstrarreikningi
Á fyrra ári varð rekstrarhalli upp á 95 millj. kr.
ÞAÐ KOM fram í ræðu Jónasar Rafnars formanns bankaráðs
Seðlabanka fslands í setningarræðu hans á 24. ársfundi bankans,
sem haldinn var í gær, að samkvæmt rekstrarreikningi fyrir árið
1984 hafi orðið tekjuafgangur upp á 111 millj. kr., en á fyrra ári
varð halli á rekstrarreikningi upp á 95 millj. kr. Þá kom og fram,
að reiknað er með að Reiknistofa bankanna geti flutt f nýju
Seðlabankabygginguna við Kalkofnsveg í mars eða aprfl á næsta
ári og Seðlabankinn sína starfsemi fyrir lok ársins. Stöðugildi við
Seðlabankann voru alls 126 í árslok 1984 og hafði fækkað um
fjögur á árinu.
Jónas Rafnar setti ársfundinn
og bauð gesti velkomna fyrir
hönd bankastjórnar og banka-
ráðs. Hann gerði síðan grein
fyrir stjórnun bankans og þakk-
aði starfsfólki og fráfarandi
bankaráðsmönnum góð störf og
ræddi síðan nokkuð húsnæðis-
mál bankans. Hann sagði m.a.:
„Byggingamál Seðlabankans
eiga sér langan aðdraganda.
Fljótt eftir að bankinn tók til
starfa varð ljóst, að hann gæti
ekki til frambúðar verið i sam-
býli með öðrum. Síðla sumars
1961 samþykkti bankaráð að
festa kaup á lóð fyrir byggingu.
Frá því hefur verið unnið að hús-
næðismálum bankans. Innan
bankastjórnar og bankaráðs hef-
ur aldrei risið upp ágreiningur
um nauðsyn þess að koma upp
viðhlítandi húsnæði fyrir starf-
semina og mér er ekki kunnugt
um, að nokkur viðskiptaráðherra
hafi lagzt gegn byggingaráform-
um.“
í ræðu Jónasar komu enn-
fremur fram eftirtalin atriði úr
rekstrarreikningi sl. árs: Vaxta-
tekjur umfram vaxtagjöld námu
1.087 millj. kr., sem er tvöfalt
meira en á fyrra ári. Kostnaður
bankans, án byggingarkostnað-
ar, hækkað úr 108 millj. í 145
millj. kr., eða um 34%. Gjald-
færður kostnaður vegna nýbygg-
ingar var um 109 millj. kr. Sam-
tals hefur byggingin kostað um
194 millj. kr. á verðlagi hvers
árs. Miðað við gengi dollars hafa
erlendar eignir að frádregnum
skuldum til skamms tima lækk-
að um 38 millj. dollara. Skuldir
innlánsstofnana i árslok 1984
voru um 2.800 milj. kr. hærri en
inneignir þeirra f bankanum.
Mismunurinn í fyrra var 1.200
millj. kr. Staða ríkissjóðs og rík-
isstofnana versnaði gagnvart
bankanum um 307 millj. kr. á
árinu, en staða á aðalviðskipta-
reikningi ríkissjóðs batnaði um
1.200 millj. kr. Staðan gagnvart
Alþjóðagjaldeyrissjóðnum var
óbreytt á árinu, en nettóskuld
bankans við sjóðinn í árslok var
um 34 milljónir SDR.
í kjölfar kjaradóms
í málum BHMR:
6SRB óskar
viðræðna
um breyttan
launastiga
— vegna verulegs
misræmis í launa-
kjörum ríkis-
starfsmanna
MORGUNBLAÐINU hefur borist
eftirfarandi frétt frá BSRB:
„Verulegt misræmi hefur skapast
í launakjörum starfsmanna hjá rik-
inu eftir dóm kjaradóms um röðun
ríkisstarfsmanna innan BHM í þann
launastiga, sem dómurinn hafði áður
ákveðið þeim til handa.
BSRB hefur af því tilefni, svo og
vegna almennrar þróunar í launa-
málum, óskað eftir viðræðum
strax um breytingar á launastiga
bandalagsins, sem samkvæmt
samningi er uppsegjanlegur frá 1.
september nk. ósk þessi var sett
fram af fulltrúum BSRB í sér-
stakri nefnd, sem fjalla skal um
endurskoðun launakerfis fyrir
næstu samninga.
Komi til þess, að launakjörum
ríkisstarfsmanna innan BSRB
yrði þannig breytt, þá væri það
verkefni aðal samninganefndar
bandalagsins og einstakra banda-
lagsfélaga, sem hafa hvert um sig
gert sérkjarasamninga við launa-
deild fjármálaráðuneytisins.
Um viðhorf stjórnvalda til þessa
erindis verður væntanlega nánar
vitað um eða eftir helgina.
Stjórn BSRB vinnur nú að und-
irbúningi bandalagsþings sem
haldið verður 4. til 8. júní nk. Slíkt
þing er haldið þriðja hvert ár og
þingfulltrúar verða nú um 215.
Mörg mál munu koma til kasta
þingsins og er líklegt að verkfall
bandalagsins verði þar til umfjöll-
unar og þá m.a. fjármögnun verk-
fallssjóðs og atkvæðagreiðsla um
kjarasamninga í lok verkfalls.“
Leiðrétting frá
Hagstofunni:
175 Mitsu-
bishi-bflar
í MORGUNBLAÐINU í gær var
sagt frá því, að skv. skýrslu Hag-
stofu íslands hefðu í heild verið
Duttar inn jafnmargar bifreiðir frá
Toyota og Mitsubishi fyrstu þrjá
mánuði írsins, 147 frá hvorri verk-
smiðju. Morgunblaðinu barst í gær
eftirfarandi leiðrétting frá Hagstofu
íslands.
„Vegna fréttar í Morgunblaðinu
30. apríl vill Hagstofa íslands
• taka fram, að sú villa var f skýrslu
um tollafgreiddar bifreiðar í
janúar-mars 1985, að
MMC-(Mitsubishi)-bifreiðar voru
vantaldar um 28 nýjar fólksbif-
reiðar af gerðinni Galant. Alls
voru 175 MMC-bifreiðar tollaf-
greiddar á ársfjórðungnum, þar af
- 154 nýjar fólksbifreiftar.
Virðingarfyllst,
Ásmundur Sigurjónsson
deildmrstjóri.**
7.000 mokka-
flíkur til
Sovétríkjanna
TEKIST hafa samningar um sölu á
7.000 mokkaflíkum frá íslandi til
Sovétrfkjanna.
Kaupandi er sovézka samvinnu-
sambandið. Afgreiðsla mun eiga
sér stað á þessu ári og fyrsta
ársfjórðungi næsta árs. Heild-
arverðmæti samningsins er um 47
milljónir króna.