Morgunblaðið - 05.03.1986, Blaðsíða 51
MORGUNBLAÐIÐ, MIÐVIKUDAGUR 5. MARZ 1986
5*^
• Páll Ólafsson kom á ný íliðið í gærkvöldi, alskeggjaður og stóð sig mjög vel. Eftir leikinn sögðu Danir að þar hefði farið nýr og ferskur leikstjórnandi sem þeir hefðu alls
ekki átt von á í leiknum. Símamynd/Bjarni Eirfkason
— allir stóðu sig frábærlega en Einar þó manna best
í FYRSTA skipti í sögunni tókst íslendingum að vinna Dani á stórmóti
( handknattleik. Og þvíKkur sigur. Úrslitin 25:16 segja meira en mörg
orð. Stærsti sigur Islands á heimsmeistarakeppni til þessa. Danir áttu
aldrei möguleika og núna stefnir ísland á eitt af sex efstu sætunum
og þátttökurótt á OLympíuleikunum f Seoul. Á það að verða eitt af
sex beztu handknattleiksliðum í heimi. Ótrúleg barátta og kraftur
einkenndi leik íslenzka liðsins. Aldrei var gefið eftir um þumlung og
síðari hluti leiksins er örugglega það bezta sem íslenzkt landslið
hefur sýnt. Hver leikmaðurinn bætti annan upp og á bekknum stjórn-
aði Bogdan af skynsemi og ákveðni. Danirnir voru smátt og smátt
brotnir niður og áttu sér ekki viðreisnar von er leið á leikinn.
Allir skiluðu sínu, en enginn var
betri en Einar Þorvarðarson mark-
vörður. Hann var hinn óyfirstígan-
legi veggur með góða vörn fyrir
framan sig. Þar stjórnaði Þorbjörn
Jensson baráttunni svo slæmur í
hnjánum að hann gat vart gengið
til búningsklefa í leikhléi, en leikn-
um við Dani ætlaði hann ekki að
sleppa. í sókninni var þetta dagur
Atla Hilmarssonar, sem aldrei
hefur verið betri en í þessum
mikilvæga leik. Alltaf eygði hann
smugu fyrir skot sín eða skrokk
og skoraði alls átta mörk hjá
Dönunum. Páll Ólafsson hungrað-
ur í að sanna getu sína setti vörn
Dana hvað eftir annað út af laginu
með krafti sínum og ógnun. Þessir
þrír voru hetjur í sterku landsliði.
Þorgils Óttar loksins inni á lín-
unni í seinni hálfleiknum. Réttur
maður á róttum stað. Kristjáns
Arasonar var vandlega gætt enda
lykilmaður í vörn og sókn. Hann
skilaði þó sínu og rúmlega það.
Guðmundur Guðmundsson, með
bezta sóknarmann Dana á móti
sér í vörninni og vel gætt í sókn,
gerði margt laglegt, engar villur
og hélt Fenger alveg niðri. Bjarni
hinum megin, varkár en traustur.
Steinar og Þorbergur notaðir í
vörninni og að hluta í sókn. Þor-
bergur með tvö glæsimörk úr
hraðaupphlaupum. Sigurður iítið
með enda Páll frískur í hlutverki
leikstjórnanda.
Hörkulið sem menn geta verið
stoltir af.
Leikið var í „Festhalle" í Luzern,
en í íþróttahöllum með slíku nafni
verður leikið á fimmtudag gegn
Svíum í Bern. í „hátíðahöllinni" þar
hafa íslendingar unnið Rúmena og
Tókka. Næst eru það Svíar.
Barátta í fyrri hálfleik
Gífurleg keyrsla var á báðum
liðum í fyrri hálfleik. Danirnir léku
vörnina mjög framarlega, voru
hreyfanlegir og lögðu áherzlu á að
stoppa Kristján Arason og koma í
veg fyrir leikfléttur út frá Guðmundi
í vinstra horninu. í sókninni reyndu
þeir að koma skoti strax á markið
og setja íslendinga út af laginu
áður en þeir gátu stillt upp í vörn.
Landinn hafði á brattann að
sækja. Danir voru alltaf fyrri til að
skora, tölur eins og 0:2, 3:3, 5:5,
7:7, 7:9, 9:9 og 10:10 í leikhlói lýsa
fyrri hálfleiknum. Jafnræði með
Agústlngi
Jónsson
sfcrifar
fróSVISS
OHM86
25.2.-8.3.
liðunum, en Danir virtust keyra sig
út.
Það var síðan í seinni hálfieikn-
um sem íslenzka liðið stakk það
danska einfaldega af. Óttar kom
nú inn á og Steinar fór í hægra
hornið fyrir Bjarna. Gífurlegur
kraftur var í Atla Hilmarssyni og
einnig Páli. ísland skoraði 2 fyrstu
mörkin og komst í 12:10. Eftir
glæsilegan leikkafla var staðan
orðin 15:12 og Danir virtust vera
að brotna. Tölur eins og 17:12,
18:15, 21:15 og 25:16 sáust á
töflunni. Þeir fóru að leika alls
konar brot fyrir dómarana, sem
létu blekkjast. Þeir mótmæltu
dómum og höguðu sór einfaldlega
kjánalega, hugsuðu um allt annað
en að taka á andstæðingnum.
Þeir voru búnir. Staðan varð 17:12
og 15 mínútur eftir. Mikið mátti út
af bregða til að ísland ynni ekki.
Þorgils skoraði sitt fyrsta mark
í þessari úrslitakeppni á 51. mínútu
leiksins, Þorbergur bætti við úr
hraðaupphlaupi; 20:15. Dæmt var
vítakast á ísland og Erik Veje
Rasmussen skaut beint í andlit
Einars Þorvarðarsonar. Viljandi.
Varla, en ógeðfellt var það. Danir
reyndu alit, byrjuðu að leika maður
á mann þegar fjórar mínútur voru
eftir. Gagnslaust og þeir hættu
því, enda hafði munurinn bara
aukist og enn hélt biiið áfram að
breikka. Kristján skoraði um leið
og klukkan gall. Úrslitin 25:16. Einn
stærsti sigur þessarar heims-
meistarakeppni, jafn stór og ósig-
urinn bitri hjá íslandi fyrir Kóreu.
Og það gegn Dönum, sem á tveim-
ur síðustu heimsmeistaramótum
hafa orðið í 4. sæti og einnig á
Ólympíuleikunum fyrir tveimur
árum.
Góð nýting
Nýting íslenzka liðsins var mjög
góð í sókninni í þessum leik, eink-
anlega í seinni hálfleik. Vörnin var
þá frábær, lék mjög framarlega og
kom skyttum Dananna úr jafnvægi.
Þeir fengu aldrei svæði til að at-
hafna sig og skjóta. í markinu stóð
Einar Þorvarðarson, aidrei betri en
í seinni hálfleiknum og örugglega
einn af beztu markvörðum í heimi.
Einar varði alls 15 skot, þar af 2
vítaköst. í seinni hálfleiknum varði
hann 9 skot. Kristján Sigmundsson
kom aðeins einu sinni inn á til að
reyna við vítakast.
Atli Hilmarsson átti 11 skot í
leiknum og skoraði átta mörk, frá-
bær árangur. Hann skaut einu
sinni í stöng og tvívegis var varið
frá honum.
Kristján Arason átti 11 skot og
skoraði 6 mörk, þar af eitt vítakast.
Fimm sinnum var varið frá honum,
eitt vítakast. Sigurður Gunnarsson
átti eitt skot og skoraði. Guðmund-
ur skaut tvívegis og skoraði í
annað skiptið. Páll Ólafsson átti 7
skot og 4 mörk, tvívegis var varið
frá honum. Bjarni átti þrjú skot
skoraði 2 mörk og eitt skot fór í
stöng. Þorgils Óttar skaut einu
sinni og skoraði. Þorbergur Aðal-
steinsson komst tvívegis í hraða-
upphlaup og skoraði í bæði skiptin.
Steinar átti eitt skot, sem var varið.
Sóknir íslenzka liösins voru 44
og mörkin 25, sem telja verður
mjög gott.
Brottvísanir voru átta mínútur á
Danmörku, en sex mínútur á ís-
land. Þeim Þorbirni, Þorbergi og
Kristjáni var vikið af velli í 2 mínút-
ur hverjum.
Dómarar voru frá Sovétríkjunum
og voru þeir aldrei í takt við leikinn.
Danskir blaðamenn, leikmenn og
stjórnendur töluöu um það eftiíp—.
leikinn að íslenzka iiðið hefði leikið
gróft og tvívegis hefði Kristján
Arason slegið gæzlumann sinn. í
bæði skiptin var um það að ræða
að Kristján reyndi að losa sig við
mann sem hékk aftan í honum.
Voru þetta í bæði skiptin leikatriði
Danans, en ekki brot Kristjáns.
Yfirleitt áttuðu dómararnir sig ekki
á leikaraskap Dananna. Hins vegar
voru dómararnir ekki á móti ís-
lenzka liðinu, sem spilaði fast, en
ekki gróft. Það var líkamlega sterk-
ara en hið danska.
Mörfc fslands: Atli Hilmarsson 8, Kristjó.v
Arason 6, Páll Ólafsson 4, Þorbergur Aftal-
steinsson 2, Bjami Guðmundsson 2, Siguröur
Gunnarsson 1, Guðmundur Guðmundsson 1,
Þorgils Óttar Mathiesen 1.
Mörk Dana: Michael Fenger 4, Lars Gjöls-
Andersen 3, Morten Stig Chrístensen 3, Kjeld
Nielsen 2, Jörgen Gluver 1, Jens Erik Roeps-
dörf 1, Klaus Sletting Jensen 1, Erik Veje
Rasmussen 1.