Morgunblaðið - 16.09.1986, Blaðsíða 5

MORGUNBLAÐIÐ, ÞRIÐJUDAGUR 16. SEPTEMBER 1986
Víðir sótti
en Eyjamenn
sigruðu samt
GARÐSVÖLLUR, 1. deild:
Víðir-ÍBV 1:2 (1:1)
Mark Víðis: Guöjón Guðmundsson á 37. mín.
Mörk ÍBV: Ómar Jóhannsson á 26. og 88. mín.
Gul spjöld: Ólafur Amarson, ÍBV
Dómari: óli Ólsen og dæmdi hann mjög vel.
Áhorfendur: 330
EINKUNNAGJÖFIN:
VÍÐIR: Gísli Heiðarsson 2, Klemens Sæ-
mundsson 3, Björn Vilhelmsson 2, Ólafur
Róbertsson 2, Guðjón Guömundsson 3, Vil-
berg Þorvaldsson 2, Hlíðar Sæmundsson (vm.
á 86. mín.) lék of stutt, Grótar Einarsson 3,
Mark Duffield 3, Gísli Eyjólfsson 3, Þorvaröur
Þorkelsson 1, Guömundur Jens Knútsson 2,
Svanur Þorsteinsson (vm. á 74. mín.)2.
Samtals: 26
ÍBV: Þorsteinn Gunnarsson 3, Viðar Elíasson
3, Elías Friðriksson 2, Lúðvík Bergvinsson 3,
Jóhann Georgsson 2, Ómar Jóhannsson 3,
Heimir Hallgrímsson 2, Leifur Hafsteinsson
2, Jón Atli Gunnarsson 2, Friörik Sæbjörnsson
(vm. á 77.) lék of stutt, Bergur Ágústsson 3,
Ólafur Arnarson 2, Tómas I. Tómasson (vm.
á 67. mín.) 2.
Samtals: 27.
Víðir lék undan strekkingsvindi í
fyrri álfeik og sótti stanslaust til
að byrja með og skall oft hurð
nærri hælum við Vestmannaeyja-
markið, mikil pressa en eins og
enginn Víðismanna þyrði að
skjóta.
Er líða tók á leikinn áttu Eyja-
menn eitt og eitt skyndiupphlaup
og á 10. mínútu átti Jóhann hörku-
skot af vítateigslínu en rétt yfir.
Ómar skoraði síðan á 26. mínútu
með hörkuskalla eftir góða fyrirgjöf
frá Berg.
Eftir markið sóttu heimamenn
mjög stíft og á 31. mínútu átti
Gretar Einarsson fast skot frá víta-
teigshorninu en Þorsteinn varði vel
í horn. Guðjón fyrirliði Guðmunds-
son skoraði fyrir heimamenn.
Hann fékk sendingu inn í miðjan
vítateig, snéri sér við og skaut við-
stöðulaust alveg út við markstöng.
Vel að verki verið hjá honum því
hann var aðþrengdur af varnar-
mönnum ÍBV á meðan hann gerði
þetta laglega mark.
Sókn Víðis hélt áfram, Guðjón
skallaði en Þorsteinn varði í horn.
Klemens skallaði rétt yfir eftir
aukaspyrnu og Guðmundur komst
einn innfyrir vörn ÍBV en Þorsteinn
bjargaði með úthlaupi.
Heimamenn sóttu meira til að
byrja með í síðari hálfleiknum og
Viðar bjargaði á marklínu eftir að
Þorsteinn hafði misst af knettinum
í úthlaupi. Klemens skaut góðu
skoti af vítateig en rétt framhjá.
Leikurinn jafnaðist síðan og liðin
skiptust á um að sækja. Ómar ein-
lék skemmtileg upp undir enda-
mörk á 85. mínútu en skaut yfir
úr þröngu færi. Þremur mínútum
síðar skoraði hann síðan beint úr
hornspyrnu. Guðjón kom að vísu
aðeins við knöttinn með kollinum
en það virtist ekki gera gæfumun-
inn því boltinn hefði trúlega farið
í netið hvort eð var.
Litlu munaði aö Eyjamenn
bættu þriðja markinu viö á síðustu
mínútu leiksins. Lúðvík lék þá á
þrjá heimamenn og komst í gegn-
um vörnina en Gísli bjargaöi með
úthlaupi. Þannig lauk veru Eyja-
manna í 1. deildinni í ár og það
má með sanni segja að þeir hafi
kvatt hana með sæmd.
• Jón Grétar Jónsson skorar hér annað mark Vals eftir að Guðna Bergssyni hafði mistekist að koma
knettinum yfir marklínuna. Skagamennirnir horfa angistaraugum á markið því staðan var þar með orðin
2:1 fyrir Val.
Fyrsti sigur Vals á
Skaganum í fimm ár
— Nægði samt ekki til að halda titlinum
AKRANESVÖLLUR, 1. deild:
ÍA-VALUR 2:3 (0:1)
Mörk ÍA: Guöbjörn Tryggvason á 47. minútu
og Guöjón Þóröarson á 82. mínútu.
Mörk Vals: Sigurjón Kristjánsson á 6. rnínútu,
Jón Grótar Jónsson á 79. mínútu og GuÖni
Bergsson á 90. mínútu.
Dómari: Kjartan Ólafsson dæmdi ágætlega,
en var stundum of fljótur á sér.
Áhorfendur: 953.
Jafntefli í Hafnar-
firði og Blikar eru
fallnir í 2. deild
KAPLAKRIKAVöLLUR 1. deild:
FH-UBK 2:2 (2:1)
Mörk FH: Pálmi Jónsson á 24. mín. og Magn-
ús Pálsson á 33. mín.
Mörk UBK: Magnús Magnússon á 4. mín. og
Guðmundur Guðmundsson á 68. mín.
Gul spjöld: Halldór Halldórsson, Ólafur H.
Kristjánsson og GuÖmundur Hilmarsson úr
FH og þeir Ólafur Björnsson og Hákon Gunn-
arsson úr UBK
Dómari: Ólafur Lárusson og haföi hann ekki
góö tök á leiknum.
Áhorfendur: Um 850
EINKUNNAGJÖFIN:
FH: Halldór Halldórsson 2, Ólafur H. Kristjáns-
son 2, Leifur Garðarsson 2, Ólafur Jóhannes-
son 2, Ólafur Hafsteinsson 2, Hörður
Magnússon (vm. á 73. mín.) lók of stutt, GuÖ-
mundur Hilmarsson 2, Ingi Björn Albertsson
3, Ólafur Danívalsson 2, Kristján Gíslason 2,
Hlynur Eiríksson (vm. á 46. mín.) 2, Magnús
Pálsson 2, Pálmi Jónsson 3.
Samtals 24
UBK: Örn Bjarnason 2, Siguröur Víöisson 1,
Þorsteinn Geirsson (vm.á 68. mín.) 2, Ingvald-
ur Gústafsson 2, Magnús Magnússon 3,
Ólafur Björnsson 2, Vignir Baldursson 2, Há-
kon Gunnarsson 2, Guömundur Guðmunds-
son 3, Guömundur Valur Sigurðsson 2, Jón
Þórir Jónsson 2, Steindór Elíasson (vm. á 46.
mín.) 2, Rögnvaldur Rögnvaldsson 3.
Samtals 24
Breiðablik varð að bíta í það
súra epli að falla í 2. deild ásamt
Vestmanneyingum með því að
gera jafntefli, 2:2, í síðasta leik
sínum við FH á laugardaginn. Dvöl
Breiðabliks og ÍBV í 1. deild var
þvf skammvinn að þessu sinni.
Breiðabliksmenn fengu óska-
byrjun er þeir skoruöu eftir aðeins
4 minútur á Kaplakrikanum og fór
þá um marga Hafnfirðinga sem
höfðu fjölmennt á leikinn. En
Breiöablik varð að vinna FH með
þriggja marka mun til að halda
sæti sínu í 1. deild. Markið gerði
miðvörðurinn sterki, Magnús
Magnússon, með skalla eftir auka-
spyrnu. Þremur mínútum síðar
fékk Jón Þórir tilvalið tækifæri til
að bæta öðru markinu við er hann
komst einn innfyrir vörn FH. Hann
lét hins vegar Halldór Halldórsson,
markvörð, verja frá sér. Fyrsta
stundarfjórðunginn var vörn FH
mjög mistæk
FH-ingar komu síðan meira inn
í leikinn eftir að taugatitringurinn
var farinn úr þeim. Pálmi jafnaði
fyrir FH á 24. mín. er hann skoraði
af stuttu færi eftir góða sókn FH.
Áður hafði Pálmi átt skalla rétt
framhjá eftir aukaspyrnu. Magnús
Pálsson kom síðan FH yfir er hann
skoraði með skalla eftir horn-
spyrhli Guðmundar Hilmarssonar,
sem Ólafur Danívalsson hafði
framlengt. Vel að þessu marki
staðið þar sem Breiðabliksmenn
voru illa á verði.
Seinni hálfleikur var frekar
tíðindalítill, þar var harkan í fyrir-
rúmi enda fengu fimm leikmenn
að sjá gula spjaldið hjá Ólafi dóm-
ara. Tvö umtalsverð marktækifæri
litu dagsins Ijós í hálfleiknum og
komu þau bæði í hlut Breiðabliks
og tókst þeim að skora úr því
síðara. Steindór Elíasson átti fyrst
skalla rétt yfir eftir hornspyrnu og
síðan skoraði Guðmundur Guð-
mundsson, besti leikmaður
Breiðabliks, með föstu skoti frá
vítateig sem fór undir Halldór
markvörð.
Leikurinn bar þess merki að
vera mikilvægur báðum liðum.
Blikar lögðu allt í sölurnar fyrstu
mínúturnar en náðu ekki að halda
það út. FH-ingar voru fastir fyrir
og gáfust aldrei upp og verða úr-
slit leiksins að teljast sanngjörn.
Ingi Björn lék sem aftasti maður i
vörninni og stóð vel fyrir sínu.
Ungur leikmaður, Hlynur Eiríks-
son, vakti athygli fyrir góða bar-
áttu. Blikar eru með lið sem getur
náð langt en vantar stöðugleika.
Rögnvaldur Rögnvaldsson og Guð-
mundarnir á miðjunni voru áber-
andi bestir og gerðu fá mistök.
EINKUNNAGJÖFIN:
Lið ÍA: Birkir Kristinsson 2, Heimir Guðmunds-
son 2, Guöjón Þóröarson 2, Siguröur B.
Jónsson 2, SigurÖur Lárusson 3, Sveinbjörn
Hákonarson 3, Guöbjöm Tryggvason 4, Júlíus
Ingólfsson 2, Hafliöi Guöjónsson vm. á 60.
mínútu 1, Ólafur Þórðarson 2, Valgeir Baröa-
son 2, Pótur Pótursson 2.
Samtals: 26.
Liö Vals: Guömundur Hreiðarsson 3, Ársæll
Kristjánsson 2, Guðni Bergsson 3, Þorgrímur
Þráinsson 2, Valur Valsson 2, Óttar Sveinsson
vm. á 77. mínútu lók of stutt, Ingvar Guö-
mundsson 3, Hilmar Sighvatsson 2, Magni
B. Pétursson 2, Ámundi Sigmundsson 3, Sig-
urjón Kristjánsson 3, Jón Grétar Jónsson 2.
Samtals: 27.
„Ég óska Fram til hamingju með
titilinn. Framarar hafa sýnt jöfn-
ustu leikina, en við töpuðum
tveimur fyrstu og því fór sem fór.
Ég er ánægður með sigurinn gegn
ÍA, en auðvitað eru viss vonbrigði
að tapa íslandsmeistaratitlinum á
markahlutfalli," sagði lan Ross,
þjálfari Vals, í samtali við Morgun-
blaðið eftir leikinn.
Mikil barátta var í leik ÍA og
Vals á Akranesi á laugardaginn,
en mikinn hluta leiksins voru
Skagamenn mun ákveðnari og virt-
ist sem þeir væru að berjast um
titilinn, en ekki Valsmenn. Vals-
menn tryggðu sér sigur á síðustu
mínútu leiksins, en misstu íslands-
meistaratitilinn í hendur Framara
á lakara markahlutfalli.
Sigurjón Kristjánsson skoraði
fyrsta mark leiksins á 6. mínútu
Ingvar Guðmundsson sendi inn
teig Skagamanna og þar var Sigur
jón á réttum stað og skoraði
örugglega af stuttu færi.
Skagamenn náðu yfirhendinni
eftir markið og Guðbjörn Tryggva-
son, besti maður leiksins, fékk tvö
marktækifæri á næstu 20 mínút-
um, en Guðmundur Hreiðarsson,
markvörður Vals, var vel á verði í
bæði skiptin.
Valsmenn fengu gott tækifæri
til að auka muninn á 29. mínútu,
þegar Sigurjón gaf góða stungu-
sendingu á Jón Grétar Jónsson,
en skot Jóns fór í varnarmann og
í horn.
Að öðru leyti fór fyrri hálfleikur
að mestu fram á milli vítateiganna,
án þess að leikmenn næðu að
skapa sér verulega góð færi.
Seinni hálfleikur var öllu fjörugri
og Skaoamenn’jöfnuðu leikinn á
47. mínútu. Guðbjörn fékk knöttinn
á eigin vallarhelmingi, brunaði upp
hægri kantinn og eftir gott þríhyrn-
ingsspil við Valgeir Barðason og
Sveinbjörn Hákonarson endaði
samleikurinn með sendingu Svein-
bjarnar fyrir Valsmarkið, þar sem
Guðbjörn var kominn og skallaði í
markið. Mjög vel að verki staðið
hjá Guðbirni í alla staði.
Valsmenn sneru vörn í sókn og
tveimur mínútum síðar var Jón
Grétar í dauöafæri, en Birkir Krist-
insson, markvörður ÍA, bjargaði
með úthlaupi. Jón Grétar var aftur
á ferðinni á 65. mínútu, en Skaga-
menn náðu af honum knettinum
inni í vítateig og vildu Valsmenn
fá vítaspyrnu, en dómarinn var
ekki á sama máli.
Fjórtán mínútum fyrir leikslok
fékk Sveinbjörn knöttinn eftir
aukaspyrnu, en Guðmundur Vals-
markvörður varði glæsilega fast
skot í horn.
Síðustu 11 mínúturnar voru
skoruð þrjú mörk. Jón Grétar kom
Val yfir á 79. mínútu, þegar hann
skoraði af stuttu færi eftir horn-
spyrnu, en Guðjón Þórðarson
jafnaði úr vítaspyrnu þremur
mínútum síðar. Á síðustu mínútu
leiksins innsiglaði Guðni Bergsson
sigur Vals með góðu marki. Ár-
sæll Kristjánsson sendi langa
sendingu fram völlinn, Guðni hafði
betur í einvígi við Guðjón og skor-
aði af öryggi framhjá Birki, sem
hreinlega „fraus" í markinu.
Valsmenn unnu því leikinn, en
urðu að sætta sig við 2. sætið í
deildinni að þessu sinni. Liðið lék
ágætlega á köflum, en sýndi samt
enga meistaratakta.
Skagamenn börðust vel með
Guðbjörn Tryggvason sem besta
mann. Varnarmennirnir gerðu
samt slæm mistök, sem kostuðu
mörk og auk þess var greinilegt,
að landsleikurinn á dögunum sat
enn í Pétri Péturssyni, sem kom
óneitanlega niður á sóknarleikn-
um.