Morgunblaðið - 02.10.1986, Page 15

38tíl JiaaÖTMO .2 HUOAaUTMMia .OIOAjaHUOflOM
MORGUNBLAÐIÐ, FIMMTUDAGUR 2. OKTÓBER 1986 15

Norrænir tónlistardagar
Kammertónlist
Tónlist
Jón Ásgeirsson
Sjöundu tónleikar Norrænna
tónlistardaga voru haldnir í
Langholtskirkju og flutt fjögur
verk, Kvintett eftir Herbert H.
Ágústsson, Reflection eftir
Anders Nilsson, Piéces Fugi-
tives eftir Ame Mellnás og
Formant Mirrors eftir Jan
Sandström. Fyrsta verkið,
Kvintett • fyrir blásara, er í
þremur þáttum og byggja fyrsti
og síðasti þátturinn á formskip-
an sónötunnar en miðþátturinn
er ftjálsari í formi, líkast því
sem sé fluttur af „munni fram“.
Báðir jaðarþættimir eru mjög
samanreknir í formi og byggj-
ast á hröðu samspili, sem vegna
mikillar ómunar í kirkjunni var
erfítt að greina sem skyldi. í
hæga þættinum gafst hins veg-
ar betra tóm til að yfírvega
tónferlið og er sá þáttur einkar
fallegur í gerð. Blásarakvintett
Reykjavíkur skipa Bemharður
Wilkinson, Daði Kolbeinsson,
Hafsteinn Guðmundsson og
Joseph Ognibene. Leikur þeirra
var, svo sem greint verður við
þá enduróman kirkjunnar, mjög
góður. Reflections var annað
verkið en það verk var flutt af
Ilonu Maros sópransöngkonu
og með henni Maitial Nardeau,
Kjartan Óskarsson, Joseph
Williams, Trevor Booth, Jane
Tyler og Inga Rós Ingólfsdóttir,
undir stjóm Miklos Maros.
Forskrift sú sem gefín er upp
í efnisskrá vekur upp þá spum-
ingu hvort tiltekin hönnun sé
meginmarkmiðið við gerð tón-
verksins og að dagar „listrænna
þjáninga höfunda og tilfínn-
ingaþmnginnar túlkunar“ séu
taldir. „Söngvamir þrír,
Reflections, em byggðir á
tengslum söngraddar og hljóð-
færa, sem hljóðrænn sammni
texta og tóna, ekki eins og í
hefðbundinni skipan söngs og
undirleiks. Textinn varð einnig
til sem hluti af tónsmíðinni".
Má vera að sammni söngraddar
og hljóðfærahljóðanna hafí
byggst á því að nær ekkert
heyrðist til söngraddarinnar,
aðallega vegna þess hve lágt
sönghlutverkið var að mestu
ritað. Þriðja verkið, Piéces
Fugitives, eftir Ame Mellnás,
var flutt af Martial Nardeau,
Rut Ingólfsdóttur, Rúnari Vil-
bergssyni, Páli Eyjólfssyni og
Önnu Magnúsdóttur, sem lék á
sembal og er það í fyrsta sinn
sem hún kemur fram opinber-
lega á tónleikamarkaðinum, að
því að undirritaður telur. Verkið
er í fímm stuttum þáttum, sem
hver fyrir sig er tónmynd af
hreyfíngum fugla frá Gotlandi.
Líklegt er að svona tónlist gæti
átt vel við sem kvikmyndatón-
list um fuglalíf, en til hlustunar
hefur hún litla skírskotun til
fuglalífsins á Gotlandi. Hug-
myndin minnir á fugladekur
eldri tónhöfunda en þar er
fremstur í flokki Messiaen.
Síðasta verkið var Formant
Mirrors eftir Jan Sandström.
í því verki mátti heyra ýmis-
legt fallega gert og leikið með
ýmis vel gerð blæbrigði. Söng-
urinn í verkinu, sem fluttur var
af Uonu Maros, var eins og utan
við form verksins, eða eins og
sérstakur kafli. Það er því mið-
ur mjög sterkt einkennandi fyrir
mörg nútímaverk, að svonefnd
„timing" á milli þátta og ein-
stakra hluta verks virðist ekki
vera fyrir hendi og auk þess er
formskipan svo oft óljós, hvers
svo hún kann að vera sam-
kvæmt útskýringum í efnisskrá,
að hlustendur, þó af vilja séu
gerðir, skynja ekki einu sinni
hvenær niðurlag verksins er,
hvað þá annað er vera mætti
til viðmiðunar inni í verkinu.
Þessi vöntun á einhvers konar
heyranlegri formskipan verður
því skringilegri, sem forskriftir
í efnisskrá eru ýtarlegri um
markmiðið og gerð verksins.
Tónverk á að heyrast og vera
hlustandanum algjört í þeirri
mynd sem það berst honum, án
allra skýringa á byggingu og
duldum tækniatriðum. Þau
nútímaverk sem best hafa náð
til hlustenda þurfa ekki skýr-
inga við, þau eru aðeins tón-
verk. Margt af því sem hefur
borið fyrir eyru á þessum tón-
leikum Norrænu tónlistardag-
anna ber í sér sterka og einlæga
tónræna skírskotun en einnig
hefur mátt heyra eitthvað sem
í raun er tónræn hönnun, út-
spekúleruð í gerð en dauð list,
og koma þá ekki að gagni tor-
ráðnar útskýringar, því tón-
verk, eins og önnur listaverk,
verður að standa á eigin beinum
en ekki að styðja sig við ein-
hveijar hækjur í formi tækni-
legra útskýringa.
• •
ÞRÍR JAPANIR LÁTA VEL AÐ ÞREMUR FRÖKKUM
Japanir eru margrómaðir
hugvitsmenn á sviði bíla-
iðnaðar. Þess vegna spyrjum við
þá álits á frönsku huaviti sem
Axel er fulltrúi fyrir. Ástæðurnar
fyrir að þeir róma Axel eru m.a. :
/Axel er skemmtilega ódýr,
kostaraðeins249.000kr. og
þú borgar aðeins 30% út og
afganginn á allt að tveimur árum.
Innifalið í lága verðinu er
skráning, ryðvörn, hlífðar-
panna undir vél og auðvitað
stútfullur bensíntankur.
2Axel er sterkbyggður og
öruggur bíll og aksturs-
eiginleikar hans njóta sín vel við
akstur í snjó og á malarvegum.
Auk þéss er hann framhjóladrif-
inn og fjöðrunin til fyrirmyndar.
3Axel er líka stærri en þig
grunar. Það er því engin
tilviljun að Axel hefur verið kallað-
ur stóri smábíllinn. I Axel láta
farþegarnir fara vel um sig í
mjúkum og rúmgóðum sætun-
um og í skottinu rúmast farangur-
inn með góðu móti.
Axel ’87 er væntanlegur til
landsins i október.
AXEL - ÓDÝR, STERKUR OG STÓR
VERÐ: Axel '87 kr. 249.000,
30% út og afgangurinn á allt að
tveimur árum.
Umboðsmaður okkar á Akureyri
er Gunnar Jóhannsson, sími
96-25684.
Tryggðu þér Axel
- það borgar sig.
Globust
LAGMULA S
SÍMI 681555
CITROÉN