Morgunblaðið - 13.10.1987, Blaðsíða 4

4 B
3BorflunÞIaÍ>ii> /ÍÞRÓTTIR ÞRJÐJUDAGUR 13 OKTÓBER 1987
KNATTSPYRNA / AGAMÁL
Aganefnd UEFA sektar íslensk lið ífyrsta sinn:
Formaður aganefndar vildi
loka Laugardalsvellinum!
Valsmenn ósáttir við dóminn og ætla að fara fram á leiðréttingu
„VIÐ höfum ekki fengið þetta
mál í hendurnar og ég get því
ekki tekið afstöðu til þess að
svo stöddu, en engar dósir eru
seldar á Laugardalsvelli og
hvað þær varðar erum við ekki
ábyrgir. Hins vegar má vel vera
að ýmsu sé ábótavant varðandi
öryggismál vallarins og þau
atriði verða gaumgæfilega
skoðuð. Við höfum verið bless-
unarlega lausir við „vanda-
lisma", en þetta atvik kallar á
aðgerðir, sem ekki hefur áður
þurft að taka. Við höfum verið
með einn öruggasta völl í Evr-
ópu og viljum halda því áfram,
en ég á ekki von á að við verð-
um með lögreglu til að leita á
fólki á leikjum í framtíðinni,"
sagði Júlíus Hafstein, formaður
íþróttaráðs Reykjavíkur, í sam-
tali við Morgunblaðið í gær,
aðspurður um sekt þá er 1.
deildar lið Vals fékk á fundi
aganefndar Knattspyrnusam-
bands Evrópu um helgina.
Eins og fram kom í Morgun-
blaðinu á sunnudaginn sektaði
aganefnd UEFA Val fyrir ósæmi-
lega hegðun áhorfenda eftir seinni
leik liðsins gegn Wismut Aue frá
Austur-Þýskalandi. Áhorfendur
köstuðu dósum ofan úr stúku Laug-
ardalsvallar og lenti ein þeirra á
leikmanni Wismut Aue. Dómari
leiksins sá atvikið og gaf skýrslu
eins og vera ber til aganefndar
UEFA sem og eftirlitsmaður leiks-
ins. Fyrir þetta voru Valsmenn
sektaðir um fímm þúsund sviss-
neskra franka, en auk þess var
þeim gert að greiða tvö þúsund
svissneskra franka vegna fjögurra
gulra spjalda í fyrri leiknum. Sam-
tals var sektin því um 180 þúsund
íslenskra króna. ÍA fékk einnig tvö
þúsund franka sekt vegna fjögurra
gulra spjalda í fyrri leiknum gegn
Kalmar eða um fímmtíu og tvö
þúsund íslenskra króna.
Fyrsta sekt íslenskra llða
Aganefnd UEFA hefur aldrei fyrr
sektað íslensk lið. Á fyrmefndum
fundi nefndarinnar voru 26 mál
vegna leikja í 1. umferð Evrópu-
mótanna í knattspymu á dagskrá.
Ellert B. Schram, formaður KSÍ, á
sæti í nefndinni og sat fundinn. „Eg
átti engan þátt í ákvarðanatöku
varðandi íslensku liðin. í nefndinni
eru níu menn og þegar mál, sem
tengist þjóð viðkomandi nefndar-
manns, er tekið fyrir, víkur hann
af fundi og það gerði ég að sjálf-
sögðu í máli Vals. Hvað tvö þúsund
franka sekt Vals og ÍA varðar, þá
fá lið þá sekt sjálfkrafa vegna fjög-
urra gulra spjalda í leik,“ sagði
Ellert.
Vamarlauslr
„Við erum vamarlausir í sambandi
við þessar dósir en sektin er mjög
há og ein sú mesta miðað við áhorf-
endafjölda," sagði Eggert Magnús-
son, formaður knattspymudeildar
Vals. í þessu sambandi má nefna
að Napólí fékk tíu sinnum hærri
sekt eða 50 þúsund svissneskra
franka fyrir svipað atvik er gerðist
skömmu fyrir leikslok í leik liðsins
gegn Real Madríd, en áhorfendur
vom um 50 þúsund fleiri.
„Formaður nefndarinnar lagði til
vegna þessa máls að Laugardals-

;:' fBjBgSL -

L
i. * ~ Í ; -fmm Wk '^«01
Morgunblaðiö/Bjarni Eiríksson
Dýrt dósakast
Það reyndist dýrt kast, er einn áhorfenda á Laugardalsvelli kastaði dós í höfuð eins austur-þýska leikmannsins. Hann gengur hér til búningsklefa síns eftir atvikið.
ÞaA hefur komið fyrir að hættuleg-
um hlutum hafí verið kastað inn á
völl hér á landi þó ekki hafi hlotið
meiðsli af því ennþá. Hér er Sveinn
Sveinsson, línuvörður, með flösku sem
kastað var inn á Akureyrarvöll fyrir
nokkrum árum í leik Þórs og Vals.
Flaskan sú lenti mjög nálægt Sveini,
sem var þó heppinn í það sinn. Von-
andi gerast slík atvik ekki aftur, menn
hljóta að skilja hve alvarlegt þetta er,
eftir að Valur var dæmdur til að
greiða sekt.
vellinum yrði lokað. Það sýnir að
mjög hart getur verið tekið á brot-
um hjá aganefnd UEFA. Mörg lið
fengu háar sektir, en þetta sýnir
að við verðum að vera betur á
verði. Valsmenn lentu í þessu núna,
en hvaða lið hefði getað lent í svona
máli hvenær sem er,“ sagði Ellert.
En Valsmenn eru einnig ósáttir út
í gulu spjöldin, sem þeir fengu úti
og voru sektaðir fyrir. „Það er al-
veg út í hött að hafa eftirlitsmann
frá sama landi og leikið er í. Eg
er ekki að ásaka eftirlitsmann KSI,
er gerði það óaðfinnanlega, sem
honum bar skylda til, en við fundum
fyrir öðru úti. Við fórum í þessa
keppni með því hugarfari að kom-
ast áfram, en Austur-þjóðveijamir,
sem voru með sinn eftirlitsmann,
ætluðu sér það einnig og beittu ólík-
legustu brögðum. Þeir færðu
sovéska dómaratríóinu gjafír fyrir
leikinn svo dæmi sé nefnt og greini-
legt var að þær höfðu tilætluð
áhrif. Gulu spjöldin voru flest út í
hött og þó við höfum mótmælt
ýmsu fyrir leik, hlustaði eftirlits-
maðurinn ekki á það. Svona er
Evrópuboltinn og við höfum lært
mikið, en við ætlum að taka málið
saman, senda UEFA skýrslu og
fara fram á leiðréttingu," sagði
Eggert.
Að sögn Ellerts hefur KSÍ oft þurft
að tilnefna eftirlitsmenn og aldrei
hafí orðið nein vandamál þess
vegna. „Eftirlitsmaður verður að
gefa skýrslu um það sem gerist og
greinir hlutlaust frá því. En Vals-
menn geta áfrýjað til æðra dðms-
stigs UEFA og farið fram á lækkun
sektarinnar," sagði Ellert.
KNATTSPYRNA / UEFA—SEKTIRNAR
Eftirtöld félög voru á laugardaginn dæmd til að greiða sektir, eða
refsað á annan hátt, eftir fyrstu umferð Evrópukeppninnar í knatt-
spymu:
OFI Krít, Grikklandi var gert að leika heimaleik sinn í næstu
umferð, gegn Ataianta frá Ítalíu, minnst 300 km. frá heimavellinum
vegna óláta áhangenda á Krít í viðureigninni við Vitocha frá Búlg-
aríu. Þá var ýmsum hlutum hent inn á völlinn og lenti flaska í höfði
annars línuvarðarins. OFI tekur þátt í keppni bikarhafa.
Grasshopppers, Sviss var gert að leika næsta heimaleik sinn í
Evrópukeppninni í minnst 150 km. ijarlægð frá heimavelli sínum.
Á leiknum gegn Dynamó frá Moskvu í fyrstu umferðinni var alls
kyns drasli hent inn á völlinn, aðsúgur gerður að dómaranum og
hrækt var á hann í leikhléi. Grasshoppers tapaði samanlagt 5:0.
Þessi tvö félög voru þau einu sem fá ekki að leika næsta leik á
heimavellj, en eftirtalin lið þurfa að greiða sektir:
Napóli, Ítalíu tæplega 1,3 milljón ísl. króna fyrir slæma hegðun
áhorfenda á leiknum gegn Real Madrid.
Barcelona, Spáni rúmlega 600.000 þúsund krónur fyrir slæma
hegðum leikmanna gegn Belenenses frá Portúgal.
Espanol, Spáni 260.000 krónur fyrir ólæti áhorfenda á leiknum
gegn Borussa Mönchengladbach.
Real Sociedad, Spáni 210.000 krónur vegna þess að áhorfendur
hentu ýmis konar hlutum inn á völlinn gegn Slask Wroclaw frá
PóllandL
Valur, íslandi 180.000 krónur fyrir fjögur gul spjöld og slæma
hegðan eftir leikinn á Laugardalsvelli.
Panathinaikos, Grikklandi 130.000 krónur vegna þess að reyk-
sprengjum var kastað inn á völlinn gegn Auxerre.
Dinamo Búkarest, Rúmeniu rúmar 80.000 krónur vegna þess að
tveir fulltrúar liðsins af varamannbekk komu inn á völlinn í leyfís-
leysi í leiknum gegn Mechelen.
Hajduk Split, Jugóslavíu rúmar 80.000 krónur fyrir slælega fram-
kvæmd við leikinn gegn Álaborg.
Katowice, Póllandi rúmar 80.000 krónur fyrir slælega framkvæmd
við leik gegn Sportul Búkarest.
Anderlect, Belgiu var einnig sektað.í leiðinni um260.000 krónur
þar sem forráðamenn félagsins gáfu ekki Adri van Tiggelen lausan
til að leika með landsliði Hollands gegn Grikklandi í Evrópukeppn-
inni í mars síðastliðnum.