Morgunblaðið - 13.10.1987, Blaðsíða 6
6 B
HtorflimMaMb /ÍÞRÓTTIR ÞRIÐJUDAGUR 13. OKTÓBER 1987
HANDKNATTLEIKUR / VESTUR—ÞÝSKALAND
Enn stóðu íslensku leikmennirnir sig mjög vel:
Kristján siglir hraðbyri að
meistaratign með liði sínu
Alfreð Gíslason frábær og skoraði öll mörk Essen fyrstu 42 mínúturnar, níu talsins!
ENN einu sinni stóðu íslend-
ingarnir í vestur þýska hand-
boltanum sig mjög vel. Um
helgina skoraði Alfreð Gísla-
son 9 mörk fyrir Essen, Sigurð-
ur Sveinsson 8 fyrir Lemgo,
Kristján Arason 6 fyrir Gum-
mersbach og Páll Olafsson 2
fyrir Dtisseldorf. Páll lék ekki
mikið með vegna meiðsla, stóð
sig þó vel þann tíma sem hann
var inni á og skoraði m.a. jöfn-
unarmark liðs síns í lokin er
það mætti Sigurði Sveinssyni
og félögum í Lemgo á útivelli.
íslensku strákarnir skoruðu því
samtals 26 mörk í leikjum helg-
arinnar.
Frá
Jóhannilnga
Gunnarssyni
ÍÞýskalandi
Essen laut í lægra haldi fyrir
Dormagen á útivelli. Leikurinn
var mjög framan af, en lokatölur
urðu 18:16. Þetta var mikill bar-
áttuleikur. Staðan
var 6:6 um tíma í
fyrri hálfleik en
Dormagen gerði
þijú síðustu mörkin
og leiddi 9:6 í hálfleik. Leikurinn
var svo jafn í lokin, tölur eins og
15:15, 16:15, 16:16 og 17:16. Þá
reyndi Essen að leika maður gegn
manni, en boltinn náðist ekki og
Dormagen skoraði sitt 18. mark á
síðustu sekúndunni. Hjá þeim var
Vukoje markahæstur með 8/5
mörk.
Alfreð skorað öll mörk Essen
fyrstu 42 mínútumarl
Eini leikmaður Essen sem lék vel í
sókninni var Alfreð Gíslason. Hann
skoraði öll mörkin sex í fyrri hálf-
leik — og gerði reyndar öll mörk
Essen-liðsins í leiknum fyrstu 42
mínútumar. Þá hafði hann skoraði
þau níu mörk sem hann gerði í
leiknum. Þrátt fyrir að Alfreðs
væri gætt vel lék hann stórkost-
lega, skoraði glæsileg mörk með
uppstökkum eða af gólfinu, átti
fallegar línusendingar og var einnig
eins og klettur í vöminni að venju.
Þetta er sennilega einn besti leikur
Alfreð með Essen-liðinu frá upp-
hafí. Hann gerði þijú markanna úr
vítakasti.
Slgurður Svelnsson var bestur í
liði Lemgo eins og venjulega.
í ham
fslensku strákamir í vestur-þýsku 1. deildinni í handknattleik
hafa allir staðið sig mjög vel það sem af er hausti. Kristján
Arason á myndinni að ofan stefnir hraðbyri að meistaratign
með Gummersbach, Alfreð Gfslason fer á kostum í hveijum
leiknum á fætur öðrum með Essen og þrátt fyrir meiðsli
hefur Páll Ólafsson leikið vel með Dusseldorf.
Kristján góður
Gummersbach vann sannfærandi
gegn Göppingen, 24:18 (10:7).
Þetta var sjötti sigur liðsins í jafn
mörgum leikjum og siglir það nú
hraðbyri að meistaratign. í byijun
seinni hálfleiks gerði Gummersbach
út um leikinn, náði þá sjö marka
forskoti. Krokowski var marka-
hæstur með 7, en ekki síðri voru
Rudiger Neitzel og Kristján Arason,
en þeir skoruðu báðir 6 mörk.
Landsliðsmarkvörðurinn Thiel var
frábær hjá Gummersbach, varði 20
skot.
Lemgo tapaðl fyrsta stiginu á
heimavelli
Gömlu félagamir úr Þrótti, Sigurð-
ur Sveinsson og Páll Ólafsson,
mættust er Lemgo og Diisseldorf
léku á heimavelli þeirra fyrmefndu.
Leiknum lauk með jafntefli, 17:17,
og var þetta fyrsta stigið sem
Lemgo tapar heima. Staðan var
10:10 í hálfleik. Ratka var marka-
hæstur hjá Dusseldorf með 9 mörk.
Liðið leiddi lengi vel, en jafnteflið
var ekki ósanngjamt. Siggi var að
venju bestur í sínu liði og skoraði
8 mörk. Páll skoraði 2 sem fyrr
segir.
Af öðrum leikjum ná nefna að
Grosswalstadt sigraði Schwabing
26:23 og Hofweier lagði Wallau
Massenheim 22:18.