Morgunblaðið - 03.03.1988, Page 16
FIMMTUDAGUR 3. MARZ 1988
Skrifstofan ’88
- fyrsta skrifstofusýningin í Laugardalshöll
ÞAÐ þótti hér í eina tíð hálf-vafasamur heiður
að vera talinn til kontórista og kaupmanna, enda
skoðanir manna þá skiptar um hugtök á borð
við verslun og viðskipti. Ástæðan var líka ein-
föld og fordómamir skiljanlegir, svo ekki sé nú
meira sagt. í gegn um tíðina hafði þjóðin mátt
þola óprúttna viðskiptahætti af hálfii danskra
kaupmanna, sem litu svo á að þeir væru að
gera þjóðinni greiða með því að selja þeim rán-
dýra og oft gallaða vöru. Vingjamlegheit flokk-
uðust ekki undir þjónustu þeirra.
En síðan hefur mikið vatn til sjávar runnið
og fordómamir í garð verslunarstéttarinnar
fengu að fljóta með. í dag er öldin sem sagt
önnur - við dáumst oftar en ekki að dugnaði
þeirra, sem sjá um að útvega okkur vaming að
: utan eða skapa verðmæti með sölu á okkar fram-
leiðslu um víða veröld. Verslun og viðskipti eru
þáttur af okkar daglega lífí og stór hluti lands-
manna, sem leggur fram starfskrafta sína á
sknfstofum landsins.
í Laugardalshöllinni hófst í gær sýningin
„SKRIFSTOFAN ’88“, sem Kaupstefnan
UNDIRBÚNINGUR — Mikil vinna getur verið hjá fyrirtækj-
um og stofnunin við undirbúning sýningar. Myndin var tekin í vikunni
þegar starfsmenn Pósts og síma voru að koma sér fyrir í Laugardalshöll.
Reykjavík hf stendur fyrir. Sýningin stendur til
sunnudagsins 6. mars og er opin frá 13 til 20
daglega. í tengslum við sýninguna gengst Kaup-
stefnan hf fyrir ráðstefnu tengdri skrifstofuhaldi.
Skrifstofan ’88_ er fyrsta sýningin sinnar teg-
undar hérlendis. Á henni markaðssetja fyrirtæki
og stofnanir vörur sem tengjast skrifstofuhaldi
og -rekstri. Þetta er fagsýning þar sem ekki er
höfðað beint til hins almenna neytenda heldur
stjómenda fyrirtækja og stofnana og skrifstofu-
fólks.
Morgunblaðsmenn fóru á stúfana og tóku tali
forsvarsmenn nokkurra fyrirtækja, sem þarna
kynna vöru og þjónustu. Viðtölin fara hér á eftir
í sérstökum blaðhluta sem helgaður er sýning-
unni.
Texti:
Inger Anna Aikman
Ljósmyndir:
Þorkell Þorkelsson
og Sverrir Vilhelmsson
„Farfax er
trúlega
framtíðin“
- segir starfsfólk Hljómbæjar
ÞAÐ var sólbrúnn og sæilegur
hópur starfsmanna, sem tók á
móti okkur, er við litum inn hjá
Hljómbæ sf - og er við spurðum
þau hvað þau ætluðu að sýna í
Laugardalshöllinni svöruðu þau
því sem næst í einum kór „ljósrit-
unarvélar, að sjálfsögðu." „Nei,
svona í alvöru, þá verðum við
með sitthvað fleira en ijósritun-
arvéiar", sagði Óskar Tómasson,
framkvæmdastjóri Skrifbæjar,
skrifstofudeildar Hljómbæjar.
„Ástæðan fyrir því hversu hug-
leiknar þær vélar eru okkur er ein-
faldlega sú, að við erum nýkomin
aila leið frá Mauritiuseyjum, þar
sem okkur var veitt viðurkenning
frá SHARP fyrir góðan árangur við
sölu á ljósritunarvélum“, útskýrði
hann. „Við vorum söluhæst allra
umboðsaðila SHARP í Evrópu",
. bætti hann við. „Þetta eru líka frá-
bærar vélar", skaut sölustjórinn
Helgi Kristjánsson inn í, „og þess
vegna auðveld söluvara. - En árang-
urinn er engu að síður ævintýraleg-
ur.“
„Ifyrst við erum á annað borð
farin að tala um ljósritunarvélar“,
sagði Óskar, „er ekki úr vegi að
geta þess að við erum komnir með
vél, sem ljósritar í lit - og það sem
meira er - litgæðin eru hreint út
sagt stórkostleg. Sú vél hefur notið
mikilla vinsælda úti um allan heim,
en svo virðist sem íslendingar hafi
enn ekki tekið við sér. En það stend-
ur nú allt til bóta, ekki satt?“ Sam-
starfsmennimir kinkuðu kolli.
„Nú, það má eiginlega segja að
við kynnum ákveðna byltingu í pen-
ingakössum á þessari sýningu“,
upplýsti Helgi. „Þetta nýja kassa-
kerfí er hannað með rekstur stærri
hótela í huga, en ætti engu að síður
að henta almennum verslunum.
Galdurinn við þann grip er sá, að
hann auðveldar til muna allt bók-
hald og reikningsgerð. Ef við tökum
hótel sem dæmi getur þjónninn í
veitingasal sett máltiðina beint á
reikning viðkomandi hótelgests með
þar til gerðri fjarstýringu. Allir
starfsmenn gera síðan slíkt hið
sama - barþjónar, þvottahús, sund-
laugarvörður o.s.ftv. Þannig að í
stað þess að leggja þurfi alla smá-
reikningana saman er nóg að ýta
á einn takka til að fá heildarupp-
hæðina. Þessi kassi er sá alfull-
komnasti á markaðnum í dag“,
sagði Helgi.
En á bás Hljómbæjar verður
fleira að fínna. „Já, telefax-tækin
verða vitanlega á sínum stað, enda
orðin ómissandi partur af skrif-
STOLTIÐ — Starfsfólk Hjómbæjar nýkomið frá Mauritiuseyjum með bikar og skjal sem þau fengu
frá Sharp fyrir að vera duglegust allra umboða í Evrópu við sölu á Sharp-ljósritunarvélum - og stoltið þeirra
er fyrir framan. Þau eru f.v.: Hallfríður Bjamadóttir, Oskar Tómasson, Helgi Kristjánsson, Þórey Bjamadótt-
ir og Þorvaldur Sigurðsson.
stofuhaldi almennt", fullyrti Óskar.
„Telefax-tækin okkar koma frá
SHARP og það eitt er nægur gæð-
astimpill. Neytendablaðið breska,
„What to Buy For Business", sagði
bestu kaupin í þeim tækjum, ekki
alls fyrir löngu. Það nýjasta í þess-
um málum eru hinsvegar telefax-
tækin, sem hægt er að tengja við
farsíma", sagði Óskar.
„Já - það er næsta skrefíð",
bætti hann við, “það er ekkert lát
á tækninýjungum. Þetta er heldur
alls ekki svo galið. Tökum skipaflot-
ann hér á landi sem dæmi. í dag
eru um 400 farsímar í flotanum og
ef við þá yrðu tengd telefax-tæki,
gætu skipstjórar sent aflaskýrslur
sínar með hraði og farskipin fengið
tollskýrslur og önnur gögn án nokk-
urra vandræða, hvar svo sem þau
væru stödd í heiminum. Það tekur
í dag ekki nema tuttugu sekúndur
að senda bréf til Japans í gegn um
telefax. Dálítill tímaspamaður -
ekki satt?“ spurði Óskar - og víst
urðum við að fallast á það.